ਵੈੱਬ ਡੈਸਕ - ਗਰਮੀਆਂ ਦੇ ਮੌਸਮ 'ਚ ਜੇਕਰ ਦੁਪਹਿਰ ਦੇ ਖਾਣੇ ਨਾਲ ਠੰਢੇ-ਠੰਢੇ ਅਤੇ ਚਟਪਟੇ ਦਹੀਂ ਭੱਲੇ ਮਿਲ ਜਾਣ, ਤਾਂ ਖਾਣੇ ਦਾ ਸਵਾਦ ਦੁੱਗਣਾ ਹੋ ਜਾਂਦਾ ਹੈ ਪਰ ਅਕਸਰ ਘਰਾਂ 'ਚ ਸ਼ਿਕਾਇਤ ਰਹਿੰਦੀ ਹੈ ਕਿ ਭੱਲੇ ਬਾਜ਼ਾਰ ਵਾਂਗ ਨਰਮ ਅਤੇ ਸਪੰਜੀ ਨਹੀਂ ਬਣਦੇ। ਜੇਕਰ ਤੁਹਾਡੇ ਨਾਲ ਵੀ ਅਜਿਹਾ ਹੁੰਦਾ ਹੈ, ਤਾਂ ਇਹ ਖ਼ਾਸ ਖ਼ਬਰ ਤੁਹਾਡੇ ਲਈ ਹੈ। ਅੱਜ ਅਸੀਂ ਤੁਹਾਡੇ ਨਾਲ ਸਾਂਝਾ ਕਰ ਰਹੇ ਹਾਂ ਉਹ 'ਸੀਕ੍ਰੇਟ ਤਰੀਕਾ' ਜੋ ਤੁਹਾਡੇ ਹੱਥਾਂ ਦੇ ਬਣੇ ਦਹੀਂ ਭੱਲਿਆਂ ਨੂੰ ਬਾਜ਼ਾਰ ਨਾਲੋਂ ਵੀ ਬਿਹਤਰ ਬਣਾ ਦੇਵੇਗਾ।
ਭੱਲੇ ਨਰਮ ਬਣਾਉਣ ਦਾ 'ਮਾਸਟਰ ਫਾਰਮੂਲਾ'
ਦਾਲ ਦਾ ਸਹੀ ਸੁਮੇਲ
- ਸਿਰਫ਼ ਮਾਂਹ ਦੀ ਦਾਲ ਦੀ ਬਜਾਏ, ਉਸ 'ਚ ਥੋੜ੍ਹੀ ਜਿਹੀ ਮੂੰਗੀ ਦੀ ਦਾਲ ਜ਼ਰੂਰ ਮਿਲਾਓ। ਇਹ ਭੱਲਿਆਂ ਨੂੰ ਹਲਕਾ ਅਤੇ ਸੁਆਦੀ ਬਣਾਉਂਦੀ ਹੈ।
ਫੇਂਟਣ ਦੀ ਕਲਾ
- ਸਭ ਤੋਂ ਅਹਿਮ ਗੱਲ ਇਹ ਹੈ ਕਿ ਦਾਲ ਨੂੰ ਪੀਸਣ ਤੋਂ ਬਾਅਦ ਇਸ ਨੂੰ ਘੱਟੋ-ਘੱਟ 10 ਮਿੰਟ ਤੱਕ ਇਕੋ ਦਿਸ਼ਾ 'ਚ ਫੇਂਟੋ। ਇਸ ਨਾਲ ਬੈਟਰ 'ਚ ਹਵਾ ਭਰ ਜਾਂਦੀ ਹੈ, ਜਿਸ ਨਾਲ ਭੱਲੇ ਅੰਦਰੋਂ ਸਖ਼ਤ ਨਹੀਂ ਹੁੰਦੇ।
ਪਾਣੀ ਦਾ ਟੈਸਟ
- ਇਕ ਕੋਲੀ ਪਾਣੀ 'ਚ ਥੋੜ੍ਹਾ ਜਿਹਾ ਬੈਟਰ ਪਾ ਕੇ ਦੇਖੋ। ਜੇਕਰ ਬੈਟਰ ਉੱਪਰ ਤੈਰਨ ਲੱਗ ਜਾਵੇ, ਤਾਂ ਸਮਝੋ ਤੁਹਾਡੇ ਭੱਲੇ ਸੁਪਰ ਸਪੰਜੀ ਬਣਨਗੇ।
ਬਣਾਉਣ ਦੀ ਵਿਧੀ :-
ਪੀਸਣਾ
- ਭਿੱਜੀ ਹੋਈ ਦਾਲ ਨੂੰ ਮਿਕਸੀ ਵਿੱਚ ਬਹੁਤ ਘੱਟ ਪਾਣੀ ਪਾ ਕੇ ਪੀਸ ਲਓ।
ਤਲਣਾ
- ਮੱਧਮ ਅੱਗ 'ਤੇ ਸੁਨਹਿਰੀ ਹੋਣ ਤੱਕ ਭੱਲਿਆਂ ਨੂੰ ਤਲੋ। ਤੇਜ਼ ਅੱਗ 'ਤੇ ਤਲਣ ਨਾਲ ਭੱਲੇ ਅੰਦਰੋਂ ਕੱਚੇ ਰਹਿ ਸਕਦੇ ਹਨ।
ਹਿੰਗ-ਨਮਕ ਦਾ ਪਾਣੀ
- ਤਲਣ ਤੋਂ ਬਾਅਦ ਭੱਲਿਆਂ ਨੂੰ ਕੋਸੇ ਪਾਣੀ 'ਚ 20-30 ਮਿੰਟ ਲਈ ਪਾ ਦਿਓ। ਪਾਣੀ 'ਚ ਥੋੜ੍ਹੀ ਜਿਹੀ ਹਿੰਗ ਅਤੇ ਨਮਕ ਜ਼ਰੂਰ ਪਾਓ, ਇਸ ਨਾਲ ਪਾਚਨ ਵੀ ਠੀਕ ਰਹਿੰਦਾ ਹੈ ਅਤੇ ਸਵਾਦ ਵੀ ਵਧਦਾ ਹੈ।
ਪਰੋਸਣ ਦਾ ਸ਼ਾਹੀ ਅੰਦਾਜ਼
- ਭੱਲਿਆਂ ਨੂੰ ਪਾਣੀ 'ਚੋਂ ਹੌਲੀ ਜਿਹੇ ਨਿਚੋੜੋ। ਉੱਪਰੋਂ ਫੇਂਟਿਆ ਹੋਇਆ ਸੰਘਣਾ ਦਹੀਂ, ਇਮਲੀ ਦੀ ਲਾਲ ਚਟਨੀ, ਪੁਦੀਨੇ ਦੀ ਹਰੀ ਚਟਨੀ, ਭੁੰਨਿਆ ਹੋਇਆ ਜੀਰਾ ਅਤੇ ਹਲਕਾ ਜਿਹਾ ਚਾਟ ਮਸਾਲਾ ਛਿੜਕੋ। ਤੁਹਾਡੇ ਲਾਜਵਾਬ ਦਹੀਂ ਭੱਲੇ ਤਿਆਰ ਹਨ!
ਮੁਟਿਆਰਾਂ ’ਚ ਵਧਿਆ ਗੋਲਡਨ ਵਰਕ ਵਾਲੇ ਲਹਿੰਗਾ-ਚੋਲੀ ਦਾ ਕ੍ਰੇਜ਼
NEXT STORY 
