ਵੈੱਬ ਡੈਸਕ- ਭਾਰਤੀ ਰਿਵਾਇਤੀ ਪਹਿਰਾਵਿਆਂ ’ਚ ਲਹਿੰਗਾ-ਚੋਲੀ ਦਾ ਸਥਾਨ ਹਮੇਸ਼ਾ ਤੋਂ ਵਿਸ਼ੇਸ਼ ਰਿਹਾ ਹੈ। ਬਾਜ਼ਾਰ ’ਚ ਬਹੁਤ ਸਾਰੇ ਡਿਜ਼ਾਈਨਰ ਗਾਊਨ, ਇੰਡੋ-ਵੈਸਟਰਨ ਅਤੇ ਫਿਊਜ਼ਨ ਡਰੈੱਸ ਆਉਣ ਦੇ ਬਾਵਜੂਦ ਲਹਿੰਗਾ-ਚੋਲੀ ਦਾ ਕ੍ਰੇਜ਼ ਕਦੇ ਘੱਟ ਨਹੀਂ ਹੋਇਆ। ਖਾਸ ਮੌਕਿਆਂ ਜਿਵੇਂ ਵਿਆਹ, ਮੰਗਣੀ, ਮਹਿੰਦੀ, ਗਰਬਾ, ਦੀਵਾਲੀ ਜਾਂ ਕਿਸੇ ਵੀ ਫੈਸਟੀਵਲ ’ਤੇ ਮੁਟਿਆਰਾਂ ਅਤੇ ਔਰਤਾਂ ਲਹਿੰਗਾ-ਚੋਲੀ ’ਚ ਹੀ ਸਭ ਤੋਂ ਜ਼ਿਆਦਾ ਨਜ਼ਰ ਆਉਂਦੀਆਂ ਹਨ। ਸਮੇਂ ਦੇ ਨਾਲ ਇਹ ਪਹਿਰਾਵਾ ਨਵੇਂ-ਨਵੇਂ ਡਿਜ਼ਾਈਨ, ਪੈਟਰਨ, ਰੰਗਾਂ ਅਤੇ ਕਢਾਈ ਦੇ ਨਾਲ ਹੋਰ ਵੀ ਆਕਰਸ਼ਕ ਹੋ ਗਿਆ ਹੈ।
ਇਨ੍ਹਾਂ ’ਚ ਸਭ ਤੋਂ ਜ਼ਿਆਦਾ ਟ੍ਰੈਂਡ ਮਿਰਰ ਵਰਕ ਲਹਿੰਗਾ-ਚੋਲੀ ਦਾ ਦੇਖਿਆ ਜਾ ਸਕਦਾ ਹੈ, ਜੋ ਪਹਿਨਣ ਵਾਲੀਆਂ ਮੁਟਿਆਰਾਂ ਨੂੰ ਰਾਇਲ ਲੁਕ ਦਿੰਦਾ ਹੈ। ਮਿਰਰ ਵਰਕ ਵੱਖ-ਵੱਖ ਪੈਟਰਨਾਂ ’ਚ ਕੀਤਾ ਜਾਂਦਾ ਹੈ। ਕਦੇ ਪੂਰੀ ਚੋਲੀ ’ਤੇ ਫੁੱਲ ਮਿਰਰ ਵਰਕ ’ਚ, ਕਦੇ ਲਹਿੰਗੇ ਦੇ ਘੇਰੇ ’ਤੇ ਬਾਰਡਰ ’ਚ, ਕਦੇ ਲਾਈਨਾਂ ’ਚ, ਤਾਂ ਕਦੇ ਜ਼ਿਗ-ਜ਼ੈਗ ਪੈਟਰਨ ’ਚ। ਮਿਰਰ ਵੀ ਵੱਖ-ਵੱਖ ਸਾਈਜ਼ ਦੇ ਹੁੰਦੇ ਹਨ। ਸਰਕੁਲਰ ਮਿਰਰ, ਸਕੇਅਰ, ਛੋਟੇ-ਛੋਟੇ ਟੁਕੜੇ ਜਾਂ ਵੱਡੇ ਸਾਈਜ਼ ਦੇ ਮਿਰਰ ਵੀ ਦੇਖੇ ਜਾ ਸਕਦੇ ਹਨ। ਕੁਝ ਡਿਜ਼ਾਈਨਾਂ ’ਚ ਫੁੱਲਾਂ ਦੀ ਸ਼ੇਪ ’ਚ ਮਿਰਰ ਲਗਾਏ ਜਾਂਦੇ ਹਨ, ਜੋ ਬੇਹੱਦ ਖੂਬਸੂਰਤ ਅਤੇ ਰਾਇਲ ਲੱਗਦੇ ਹਨ।
ਰੰਗਾਂ ਦੀ ਗੱਲ ਕਰੀਏ ਤਾਂ ਮਿਰਰ ਵਰਕ ਲਹਿੰਗਾ-ਚੋਲੀ ਹਰ ਸ਼ੇਡ ’ਚ ਉਪਲਬਧ ਹੈ। ਡਰਾਮੈਟਿਕ ਲੁਕ ਲਈ ਡਾਰਕ ਕਲਰਜ਼ ਜਿਵੇਂ ਡੀਪ ਰੈੱਡ, ਮੈਰੂਨ, ਬਲੈਕ, ਚਾਕਲੇਟ ਬ੍ਰਾਊਨ, ਆਰੇਂਜ ਅਤੇ ਡਾਰਕ ਬਲਿਊ ਸਭ ਤੋਂ ਪਾਪੂਲਰ ਹਨ। ਇਹ ਕਲਰਜ਼ ਮਿਰਰ ਦੀ ਚਮਕ ਦੇ ਨਾਲ ਮਿਲ ਕੇ ਹੈਵੀ ਅਤੇ ਲਗਜ਼ਰੀ ਲੁਕ ਦਿੰਦੇ ਹਨ। ਉੱਥੇ ਹੀ, ਸਾਫਟ ਅਤੇ ਐਲੀਗੈਂਟ ਲੁਕ ਲਈ ਲਾਈਟ ਸ਼ੇਡ ਜਿਵੇਂ ਵ੍ਹਾਈਟ, ਪੀਚ, ਕ੍ਰੀਮ, ਯੈਲੋ, ਲਾਈਟ ਪਿੰਕ ਅਤੇ ਬੇਬੀ ਪਿੰਕ ’ਚ ਵੀ ਖੂਬਸੂਰਤ ਆਪਸ਼ਨ ਮਿਲਦੇ ਹਨ। ਲਾਈਟ ਕਲਰਜ਼ ’ਚ ਮਿਰਰ ਵਰਕ ਹੋਰ ਵੀ ਜ਼ਿਆਦਾ ਹਾਈਲਾਈਟ ਹੁੰਦਾ ਹੈ, ਜੋ ਪਾਰਟੀ ਲਈ ਪਰਫੈਕਟ ਰਹਿੰਦਾ ਹੈ।
ਇਸ ਲਹਿੰਗੇ ਦੀ ਸਭ ਤੋਂ ਵੱਡੀ ਖੂਬਸੂਰਤੀ ਇਹ ਹੈ ਕਿ ਇਸ ਦੇ ਨਾਲ ਹਰ ਤਰ੍ਹਾਂ ਦੀ ਜਿਊਲਰੀ ਸੂਟ ਹੋ ਜਾਂਦੀ ਹੈ। ਡਾਇਮੰਡ, ਪੋਲਕੀ, ਗੋਲਡ, ਸਿਲਵਰ ਜਾਂ ਲਹਿੰਗੇ ਨਾਲ ਮੈਚਿੰਗ ਕਲਰ ਦੀ ਜਿਊਲਰੀ ਵੀ ਸ਼ਾਨਦਾਰ ਲੱਗਦੀ ਹੈ। ਮੁਟਿਆਰਾਂ ਅਕਸਰ ਗੋਲਡਨ ਜਾਂ ਸਿਲਵਰ ਕਲੱਚ ਪਰਸ ਦੇ ਨਾਲ ਲੁਕ ਨੂੰ ਕੰਪਲੀਟ ਕਰਦੀਆਂ ਹਨ। ਮੇਕਅੱਪ ’ਚ ਐੱਚ. ਡੀ. ਬੇਸ, ਸਮੋਕੀ ਆਈਜ਼ ਅਤੇ ਡਾਰਕ ਰੈੱਡ ਜਾਂ ਮੈਰੂਨ ਲਿਪਸਟਿਕ ਸਭ ਤੋਂ ਜ਼ਿਆਦਾ ਪਸੰਦ ਕੀਤੀ ਜਾਂਦੀ ਹੈ। ਹੇਅਰ ਸਟਾਈਲ ’ਚ ਓਪਨ ਹੇਅਰ, ਫਿਸ਼ਟੇਲ ਬ੍ਰੇਡ, ਹਾਈ ਬਨ, ਗੁੱਤ ਜਾਂ ਸਾਈਡ ਬਨ ਸਟਾਈਲ ਟਰਾਈ ਕੀਤਾ ਜਾਂਦਾ ਹੈ। ਫੁੱਟਵੀਅਰ ’ਚ ਹਾਈ ਹੀਲਜ਼, ਵੈੱਜ ਹੀਲਜ਼ ਜਾਂ ਐਥਨਿਕ ਜੁੱਤੀਆਂ ਲੁਕ ਨੂੰ ਪਰਫੈਕਟ ਬਣਾਉਂਦੀਆਂ ਹਨ। ਮਿਰਰ ਵਰਕ ਲਹਿੰਗਾ-ਚੋਲੀ ਨਾ ਸਿਰਫ਼ ਟ੍ਰੈਂਡੀ ਹੈ, ਸਗੋਂ ਇਹ ਆਤਮ-ਵਿਸ਼ਵਾਸ ਅਤੇ ਗ੍ਰੇਸ ਵੀ ਵਧਾਉਂਦਾ ਹੈ। ਭਾਵੇਂ ਬ੍ਰਾਈਡਲ ਲੁਕ ਹੋਵੇ ਜਾਂ ਫੈਸਟਿਵ ਪਾਰਟੀ, ਮਿਰਰ ਵਰਕ ਲਹਿੰਗਾ-ਚੋਲੀ ਹਰ ਮੌਕੇ ’ਤੇ ਮੁਟਿਆਰਾਂ ਦੀ ਲੁਕ ’ਚ ਚਾਰ ਚੰਨ ਲਾਉਂਦਾ ਹੈ।
Cafe ਜਾਣਾ ਭੁੱਲ ਜਾਓਗੇ! ਹੁਣ ਘਰ 'ਚ ਹੀ ਮਿੰਟਾਂ 'ਚ ਤਿਆਰ ਕਰੋ ਰੈਸਟੋਰੈਂਟ ਵਰਗੀ 'Cold coffee'
NEXT STORY 
