ਵੈੱਬ ਡੈਸਕ - ਅਕਸਰ ਮਰਦ ਇਸ ਉਲਝਣ 'ਚ ਰਹਿੰਦੇ ਹਨ ਕਿ ਉਹ ਆਪਣੀ ਲਵ ਲਾਈਫ ਨੂੰ ਕਿਵੇਂ ਬਿਹਤਰ ਬਣਾਉਣ ਤਾਂ ਜੋ ਦੋਵੇਂ ਸਾਥੀ ਖੁਸ਼ ਰਹਿ ਸਕਣ। ਇਸ ਸਬੰਧ 'ਚ ਮਸ਼ਹੂਰ ਰਿਲੇਸ਼ਨਸ਼ਿਪ ਕੋਚ ਅਤੇ ਲੇਖਕ ਸੀਮਾ ਆਨੰਦ ਨੇ ਰਣਵੀਰ ਇਲਾਹਾਬਾਦੀਆ ਦੇ ਪੋਡਕਾਸਟ 'ਚ ਮਰਦਾਂ ਨੂੰ ਆਪਣੇ ਸਾਥੀ ਨਾਲ ਰਿਸ਼ਤਾ ਮਜ਼ਬੂਤ ਕਰਨ ਲਈ 5 ਅਹਿਮ ਮੰਤਰ ਦਿੱਤੇ ਹਨ। ਸਰੋਤਾਂ ਅਨੁਸਾਰ, ਰਿਸ਼ਤੇ 'ਚ ਛੋਟੀਆਂ-ਛੋਟੀਆਂ ਗੱਲਾਂ ਦਾ ਧਿਆਨ ਰੱਖ ਕੇ ਅਤੇ ਨਜ਼ਰੀਆ ਬਦਲ ਕੇ ਕਿਸੇ ਵੀ ਰਿਸ਼ਤੇ ਨੂੰ ਖੂਬਸੂਰਤ ਬਣਾਇਆ ਜਾ ਸਕਦਾ ਹੈ।
ਸਾਥੀ ਦੇ ਵੱਖਰੇ ਹੋਣ ਨੂੰ ਸਵੀਕਾਰ ਕਰੋ
- ਸਭ ਤੋਂ ਅਹਿਮ ਸਲਾਹ ਇਹ ਹੈ ਕਿ ਮਰਦ ਇਸ ਗੱਲ ਨੂੰ ਪ੍ਰਵਾਨ ਕਰਨ ਕਿ ਉਨ੍ਹਾਂ ਦਾ ਪਾਰਟਨਰ ਉਨ੍ਹਾਂ ਤੋਂ ਵੱਖਰਾ ਹੈ। ਹਰ ਵਿਅਕਤੀ ਦੇ ਸੋਚਣ ਅਤੇ ਰਹਿਣ ਦਾ ਤਰੀਕਾ ਵੱਖਰਾ ਹੁੰਦਾ ਹੈ, ਇਸ ਲਈ ਆਪਣੇ ਸਾਥੀ ਨੂੰ ਆਪਣੇ ਵਰਗਾ ਬਣਾਉਣ ਦੀ ਕੋਸ਼ਿਸ਼ ਕਰਨ ਦੀ ਬਜਾਏ ਉਨ੍ਹਾਂ ਦੇ ਵੱਖਰੇਪਣ ਨੂੰ ਸਮਝਣ 'ਚ ਸਮਾਂ ਲਗਾਓ।
ਝੁਕਣਾ ਕਮਜ਼ੋਰੀ ਨਹੀਂ, ਫਾਇਦਾ ਹੈ
- ਬਹੁਤ ਸਾਰੇ ਨੌਜਵਾਨਾਂ ਨੂੰ ਲੱਗਦਾ ਹੈ ਕਿ ਸਾਥੀ ਦੀ ਗੱਲ ਮੰਨਣਾ ਜਾਂ ਰਿਸ਼ਤੇ ਲਈ ਝੁਕਣਾ ਉਨ੍ਹਾਂ ਦੀ ਕਮਜ਼ੋਰੀ ਹੈ। ਇਸ ਸੋਚ ਤੋਂ ਬਾਹਰ ਨਿਕਲਣਾ ਜ਼ਰੂਰੀ ਹੈ। ਰਿਸ਼ਤੇ 'ਚ ਸੁਧਾਰ ਕਰਨਾ ਤੁਹਾਡਾ ਆਪਣਾ ਫਾਇਦਾ ਹੈ, ਕਿਉਂਕਿ ਇਕ ਵਧੀਆ ਰਿਸ਼ਤਾ ਤੁਹਾਡੀ ਜ਼ਿੰਦਗੀ 'ਚ ਖੁਸ਼ੀਆਂ ਲਿਆਉਂਦਾ ਹੈ।
ਮੈਸੇਜ ਦੀ ਤਾਕਤ ਨੂੰ ਸਮਝੋ
- ਔਰਤਾਂ ਗੱਲਬਾਤ 'ਚ ਵੇਰਵੇ ਪਸੰਦ ਕਰਦੀਆਂ ਹਨ। ਜਿਹੜੇ ਮਰਦ ਆਮ੍ਹਣੇ-ਸਾਹਮਣੇ ਗੱਲ ਕਰਨ 'ਚ ਝਿਜਕਦੇ ਹਨ, ਉਨ੍ਹਾਂ ਲਈ ਵਟਸਐਪ ਜਾਂ ਟੈਕਸਟ ਮੈਸੇਜ ਇਕ ਵਰਦਾਨ ਹਨ। ਮੈਸੇਜ ਰਾਹੀਂ ਆਪਣੇ ਸਾਥੀ ਨਾਲ ਫਲਰਟ ਕਰੋ ਅਤੇ ਆਪਣੀਆਂ ਭਾਵਨਾਵਾਂ ਨੂੰ ਸਾਂਝਾ ਕਰੋ।
ਗੱਲਬਾਤ 'ਚ ਦਿਲਚਸਪੀ ਪੈਦਾ ਕਰੋ
- ਰਿਸ਼ਤੇ ਨੂੰ ਬੋਰਿੰਗ ਹੋਣ ਤੋਂ ਬਚਾਉਣ ਲਈ ਨਵੀਆਂ ਚੀਜ਼ਾਂ ਸਿੱਖੋ ਅਤੇ ਵੱਖ-ਵੱਖ ਵਿਸ਼ਿਆਂ 'ਚ ਦਿਲਚਸਪੀ ਰੱਖੋ। ਜਦੋਂ ਤੁਹਾਡੇ ਕੋਲ ਸਾਥੀ ਨਾਲ ਸਾਂਝਾ ਕਰਨ ਲਈ ਕੁਝ ਖਾਸ ਹੋਵੇਗਾ, ਤਾਂ ਰਿਸ਼ਤਾ ਹਮੇਸ਼ਾ ਤਾਜ਼ਾ ਰਹੇਗਾ।
ਅੰਦਾਜ਼ਾ ਨਾ ਲਗਾਓ, ਸਿੱਧਾ ਸਵਾਲ ਪੁੱਛੋ
- ਰਿਸ਼ਤਿਆਂ 'ਚ ਸਭ ਤੋਂ ਵੱਡੀ ਸਮੱਸਿਆ 'ਅੰਦਾਜ਼ੇ' ਲਗਾਉਣ ਨਾਲ ਹੁੰਦੀ ਹੈ। ਜੇਕਰ ਕੋਈ ਸਮੱਸਿਆ ਹੈ, ਤਾਂ ਅੰਦਾਜ਼ਾ ਲਗਾਉਣ ਦੀ ਬਜਾਏ ਖੁੱਲ੍ਹ ਕੇ ਗੱਲਬਾਤ ਕਰੋ। ਸੀਮਾ ਆਨੰਦ ਦਾ ਕਹਿਣਾ ਹੈ ਕਿ ਰਿਸ਼ਤੇ ਦੇ ਉਤਾਰ-ਚੜ੍ਹਾਅ ਨੂੰ ਹਮੇਸ਼ਾ ਸਬਰ ਅਤੇ ਸ਼ਾਂਤੀ ਨਾਲ ਸੰਭਾਲਣਾ ਚਾਹੀਦਾ ਹੈ।
ਮੁਟਿਆਰਾਂ ਦੀ ਰਾਇਲ ਲੁਕ ਦਾ ਰਾਜ਼ ਵੈਲਵੇਟ ਗਾਊਨ
NEXT STORY 
