ਨਵੀਂਂ ਦਿੱਲੀ- ਗਰਮੀਆਂ ਦੀ ਮੌਸਮ ਆਉਣ ਵਾਲਾ ਹੈ, ਗਰਮੀ ਵਿਚ ਧੁੱਪ ਕਰਕੇ ਕਿੱਲ, ਮੁਹਾਂਸੇ, ਛਾਈਆਂ, ਰੁੱਖੀ ਬੇਜਾਨ ਚਮਡ਼ੀ ਦੀ ਸਮੱਸਿਆ ਆਮ ਦੇਖਣ ਨੂੰ ਮਿਲਦੀ ਹੈ। ਧੁੱਪ ਕਰਕੇ ਕਈ ਵਾਰ ਚਿਹਰੇ ਦੀ ਚਮਡ਼ੀ ਤੇ ਜਲਨ ਅਤੇ ਖਾਰਸ਼ ਵੀ ਹੋਣ ਲੱਗਦੀ ਹੈ। ਇਸ ਤੋਂ ਰਾਹਤ ਪਾਉਣ ਲਈ ਬਹੁਤ ਸਾਰੇ ਲੋਕ ਮਹਿੰਗੀਆਂ ਕਰੀਮਾਂ ਦਾ ਸਹਾਰਾ ਲੈਂਦੇ ਹਨ ਪਰ ਕਈ ਘਰੇਲੂ ਨੁਸਖ਼ਿਆਂ ਨੂੰ ਅਪਣਾ ਕੇ ਚਮੜੀ ਦੀਆਂ ਸਮੱਸਿਆਵਾਂ ਨੂੰ ਦੂਰ ਕੀਤਾ ਜਾ ਸਕਦਾ ਹੈ।
ਅੱਜ ਅਸੀਂ ਤੁਹਾਨੂੰ ਦੱਸਾਂਗੇ ਇਸ ਤਰ੍ਹਾਂ ਦੇ ਘਰੇਲੂ ਫੇਸਪੈਕ ਜਿਨ੍ਹਾਂ ਨਾਲ ਚਮੜੀ ਦੀ ਜਲਣ ਤੋਂ ਆਰਾਮ ਮਿਲੇਗਾ ਅਤੇ ਇਹ ਫੇਸਪੈਕ ਸੂਰਜ ਦੀਆਂ ਹਾਨੀਕਾਰਕ ਕਿਰਨਾਂ ਤੋਂ ਵੀ ਬਚਾਉਣਗੇ।
ਘਰੇਲੂ ਫੇਸਪੈਕ
ਦਹੀਂ ਅਤੇ ਐਲੋਵੇਰਾ ਫੇਸਪੈਕ
ਇਕ ਚਮਚਾ ਦਹੀਂ ਅਤੇ 4 ਚਮਚਾ ਐਲੋਵੀਰਾ ਜੈੱਲ ਨੂੰ ਚੰਗੀ ਤਰ੍ਹਾਂ ਮਿਲਾ ਕੇ 15 ਮਿੰਟ ਚਿਹਰੇ ਤੇ ਲਗਾਓ। ਫਿਰ ਤਾਜ਼ੇ ਪਾਣੀ ਨਾਲ ਚਿਹਰਾ ਧੋ ਕੇ ਮਾਇਸਚੁਰਾਈਜ਼ਰ ਲਗਾਓ। ਚਿਹਰੇ ਦੀ ਜਲਣ ਅਤੇ ਮੁਹਾਸੇ ਵਰਗੀਆਂ ਸਮੱਸਿਆਵਾਂ ਦੂਰ ਹੋ ਜਾਣਗੀਆਂ।
ਇਹ ਵੀ ਪੜ੍ਹੋ:ਅੱਖਾਂ ਦੀ ਰੌਸ਼ਨੀ ਬਰਕਰਾਰ ਰੱਖਣ ਲਈ ਜ਼ਰੂਰ ਖਾਓ ਚੀਕੂ, ਜਾਣੋ ਹੋਰ ਵੀ ਬੇਮਿਸਾਲ ਫ਼ਾਇਦੇ
ਟਮਾਟਰ ਅਤੇ ਸ਼ਹਿਦ ਨਾਲ ਬਣਿਆ ਫੇਸਪੈਕ
ਟਮਾਟਰ ਦੇ ਰਸ ਵਿਚ ਇਕ ਚਮਚਾ ਸ਼ਹਿਦ ਮਿਲਾ ਕੇ ਚਿਹਰੇ ਤੇ 20 ਮਿੰਟ ਤੱਕ ਲਗਾ ਕੇ ਰੱਖ। ਫਿਰ ਤਾਜ਼ੇ ਪਾਣੀ ਨਾਲ ਚਿਹਰਾ ਧੋ ਲਓ। ਇਸ ਫੇਸਪੈਕ ਨੂੰ ਹਫ਼ਤੇ ਵਿਚ 2-3 ਵਾਰ ਲਗਾਓ । ਚਮੜੀ ਦੀ ਜਲਣ , ਖਾਰਸ਼ , ਮੁਹਾਸੇ ਜਿਹੀਆਂ ਸਮੱਸਿਆਵਾਂ ਦੂਰ ਹੋ ਜਾਣਗੀਆਂ।
ਵੇਸਣ , ਦੁੱਧ ਅਤੇ ਸ਼ਹਿਦ ਨਾਲ ਬਣਿਆ ਫੇਸਪੈਕ
ਚਮਡ਼ੀ ਤੇ ਹੋਣ ਵਾਲੀ ਜਲਣ ਤੋਂ ਰਾਹਤ ਪਾਉਣ ਲਈ ਵੇਸਣ ਨਾਲ ਬਣਿਆ ਫੇਸਪੈਕ ਲਗਾ ਸਕਦੇ ਹੋ। ਇਸ ਲਈ 4 ਚਮਚੇ ਵੇਸਣ, ਇਕ ਚਮਚਾ ਦੁੱਧ, ਅੱਧਾ ਚਮਚਾ ਸ਼ਹਿਦ ਅਤੇ ਅੱਧਾ ਚਮਚਾ ਪਾਣੀ ਮਿਲਾ ਕੇ ਚੰਗੀ ਤਰ੍ਹਾਂ ਫੇਸਪੈਕ ਬਣਾਓ। ਇਸ ਫੇਸਪੈਕ ਨੂੰ ਦੱਸ ਮਿੰਟ ਚਿਹਰੇ ਤੇ ਲਗਾਓ ਫਿਰ ਤਾਜ਼ੇ ਪਾਣੀ ਨਾਲ ਚਿਹਰਾ ਧੋ ਲਓ। ਇਸ ਫੇਸਪੈਕ ਨੂੰ ਹਫ਼ਤੇ ਵਿਚ 2-3 ਵਾਰ ਲਗਾਓ।
ਮੁਲਤਾਨੀ ਮਿੱਟੀ ਅਤੇ ਦਹੀਂ ਨਾਲ ਬਣਿਆ ਫੇਸਪੈਕ
ਇਕ ਚਮਚਾ ਮੁਲਤਾਨੀ ਮਿੱਟੀ, ਇਕ ਚਮਚਾ ਦਹੀਂ ਅਤੇ ਇਕ ਚਮਚਾ ਐਲੋਵੇਰਾ ਜੈੱਲ ਮਿਲਾ ਕੇ ਚਿਹਰੇ ਤੇ 10-15 ਮਿੰਟ ਤੱਕ ਲਗਾਓ। ਇਸ ਫੇਸਪੈਕ ਨੂੰ ਹਫ਼ਤੇ ਵਿਚ ਇਕ ਵਾਰ ਜ਼ਰੂਰ ਲਗਾਓ। ਇਸ ਵਿਚ ਮੌਜੂਦ ਐਂਟੀ-ਬੈਕਟੀਰੀਅਲ ਗੁਣ ਚਿਹਰੇ ਤੇ ਦਾਗ ਧੱਬੇ ਦੂਰ ਕਰਨਗੇ ਅਤੇ ਚਮਡ਼ੀ ਨੂੰ ਠੰਡਕ ਵੀ ਦੇਵੇਗਾ।
ਇਹ ਵੀ ਪੜ੍ਹੋ:Cooking Tips : ਮਹਿਮਾਨਾਂ ਨੂੰ ਬਣਾ ਕੇ ਖਵਾਓ ਕਸ਼ਮੀਰੀ ਪੁਲਾਓ
ਚੰਦਨ ਫੇਸਪੈਕ
ਇਹ ਫੇਸਪੈਕ ਚਮਡ਼ੀ ਨੂੰ ਅੰਦਰੋ ਠੰਡਕ ਦੇ ਕੇ ਰੈਸ਼ੇਜ਼ ਅਤੇ ਜਲਨ ਘੱਟ ਕਰੇਗਾ। ਦੋ ਚਮਚੇ ਚੰਦਨ ਪਾਊਡਰ, ਇਕ ਚਮਚਾ ਕੱਚਾ ਦੁੱਧ ਅਤੇ ਚੁਟਕੀ ਭਰ ਕੇਸਰ ਮਿਲਾ ਕੇ ਚਿਹਰੇ ਤੇ 10 ਮਿੰਟ ਲਗਾਓ। ਫਿਰ ਤਾਜ਼ੇ ਪਾਣੀ ਨਾਲ ਸਾਫ ਕਰ ਲਓ। ਇਸ ਫੇਸਪੈਕ ਨਾਲ ਚਿਹਰੇ ਤੇ ਨਿਖਾਰ ਆਵੇਗਾ ।
ਖੀਰੇ ਨਾਲ ਬਣਿਆ ਫੇਸਪੈਕ
ਗਰਮੀਆਂ ਵਿਚ ਚਿਹਰੇ ਤੇ ਚਮਕ ਅਤੇ ਨਿਖਾਰ ਲਿਆਉਣ ਲਈ ਖੀਰੇ ਦੇ ਸਲਾਈਸ ਕੱਟ ਕੇ ਇਨ੍ਹਾਂ ਤੇ ਖੰਡ ਲਗਾ ਕੇ 10-15 ਮਿੰਟ ਫਰਿੱਜ ਵਿਚ ਰੱਖੋ। ਫਿਰ ਇਹ ਸਲਾਈਸ ਆਪਣੇ ਚਿਹਰੇ ਤੇ 20 ਮਿੰਟ ਲਈ ਲਗਾ ਕੇ ਰੱਖੋ। ਚਿਹਰੇ ਦੀ ਜਲਣ ਦੂਰ ਹੋ ਕੇ ਅਤੇ ਚਿਹਰੇ ਤੇ ਚਮਕ ਆ ਜਾਵੇਗੀ।
ਨੋਟ: ਇਸ ਖ਼ਬਰ ਸਬੰਧੀ ਆਪਣੀ ਰਾਏ ਕੁਮੈਂਟ ਕਰਕੇ ਦੱਸੋ।
ਖੁਰਾਕ ’ਚ ਜ਼ਰੂਰ ਸ਼ਾਮਲ ਕਰੋ ਵਿਟਾਮਿਨ ਏ ਨਾਲ ਭਰਪੂਰ ਵਸਤੂਆਂ, ਅੱਖਾਂ ਦੀ ਰੌਸ਼ਨੀ ਸਣੇ ਹੋਣਗੇ ਕਈ ਫ਼ਾਇਦੇ
NEXT STORY