ਵੈੱਬ ਡੈਸਕ- ਅੱਜ ਦੀ ਫੈਸ਼ਨੇਬਲ ਦੁਨੀਆ ’ਚ ਔਰਤਾਂ ਆਪਣੀ ਖੂਬਸੂਰਤੀ ਨੂੰ ਹੋਰ ਨਿਖਾਰਨ ਲਈ ਵੱਖ-ਵੱਖ ਕਿਸਮਾਂ ਦੇ ਡਿਜ਼ਾਈਨ, ਪੈਟਰਨ ਅਤੇ ਰੰਗਾਂ ਵਾਲੇ ਕੱਪੜੇ ਚੁਣਦੀਆਂ ਹਨ। ਇਨ੍ਹਾਂ ’ਚ ਸੂਟ, ਲਹਿੰਗਾ-ਚੋਲੀ, ਸਾੜ੍ਹੀ, ਜੀਨਸ-ਟਾਪ, ਵਨ-ਪੀਸ ਡਰੈੱਸ, ਲਾਂਗ ਸ਼ਰਟ, ਕੁੜਤੀ ਅਤੇ ਕਈ ਹੋਰ ਸਟਾਈਲ ਸ਼ਾਮਲ ਹਨ। ਇਨ੍ਹਾਂ ਸਭ ’ਚ ਵੱਖ-ਵੱਖ ਨੈੱਕਲਾਈਨ, ਸਲੀਵਜ਼ ਅਤੇ ਸਿਲੂਏਟ ਵਾਲੀਆਂ ਡਰੈੱਸਾਂ ਔਰਤਾਂ ਨੂੰ ਆਪਣੀ ਪਰਸਨੈਲਿਟੀ ਅਨੁਸਾਰ ਸਟਾਈਲ ਕਰਨ ਦਾ ਮੌਕਾ ਦਿੰਦੀਆਂ ਹਨ। ਰੰਗਾਂ ’ਚ ਬਲੈਕ, ਬਲਿਊ, ਵ੍ਹਾਈਟ ਅਤੇ ਰੈੱਡ ਕਲਰ ਦੀਆਂ ਡਰੈੱਸਾਂ ਮੁਟਿਆਰਾਂ ਅਤੇ ਔਰਤਾਂ ਨੂੰ ਕਾਫੀ ਪਸੰਦ ਆ ਰਹੀਆਂ ਹਨ। ਰੈੱਡ ਡਰੈੱਸ ਪਹਿਨਣ ਵਾਲੀਆਂ ਮੁਟਿਆਰਾਂ ਅਤੇ ਔਰਤਾਂ ਨਾ ਸਿਰਫ਼ ਆਕਰਸ਼ਕ ਲੱਗਦੀਆਂ ਹਨ, ਸਗੋਂ ਉਨ੍ਹਾਂ ’ਚ ਇਕ ਰਾਇਲ ਅਤੇ ਕਲਾਸੀ ਅੰਦਾਜ਼ ਵੀ ਝਲਕਦਾ ਹੈ। ਖਾਸ ਮੌਕਿਆਂ ’ਤੇ ਰੈੱਡ ਡਰੈੱਸ ਪਹਿਨਣ ਨਾਲ ਔਰਤਾਂ ’ਚ ਆਤਮ-ਵਿਸ਼ਵਾਸ ਅਤੇ ਸੁੰਦਰਤਾ ਦੋਵੇਂ ਵਧ ਜਾਂਦੀਆਂ ਹਨ। ਪਾਰਟੀ ਵੀਅਰ ਅਤੇ ਕੈਜ਼ੂਅਲ ਲੁਕ ’ਚ ਵੀ ਰੈੱਡ ਕਲਰ ਦਾ ਕ੍ਰੇਜ਼ ਘੱਟ ਨਹੀਂ ਹੈ। ਰੈੱਡ ਗਾਊਨ, ਲਾਂਗ ਫਰਾਕ, ਮਿੱਡੀ ਡਰੈੱਸ ਜਾਂ ਰੈੱਡ ਕਲਰ ਦੀ ਵਨ-ਪੀਸ ਡਰੈੱਸ ਪਹਿਨ ਕੇ ਮੁਟਿਆਰਾਂ ਪਾਰਟੀ ’ਚ ਸਭ ਦਾ ਧਿਆਨ ਖਿੱਚਦੀਆਂ ਹਨ।
ਇਨ੍ਹਾਂ ’ਚੋਂ ਕਈ ਡਰੈੱਸਾਂ ’ਚ ਆਫ-ਸ਼ੋਲਡਰ, ਡੀਪ ਨੈੱਕ ਜਾਂ ਬੈਕਲੈੱਸ ਡਿਜ਼ਾਈਨ ਹੁੰਦੇ ਹਨ ਜੋ ਆਧੁਨਿਕ ਟੱਚ ਦਿੰਦੇ ਹਨ। ਇਸ ਤੋਂ ਇਲਾਵਾ, ਕੈਜ਼ੂਅਲ ਵੀਅਰ ’ਚ ਰੈੱਡ ਟਾਪ, ਟੀ-ਸ਼ਰਟ, ਸਵੈਟਰ ਜਾਂ ਕੁੜਤੀ ਬਹੁਤ ਲੋਕਪ੍ਰਿਯ ਹਨ। ਇਨ੍ਹਾਂ ਦੀ ਖ਼ਾਸੀਅਤ ਇਹ ਹੈ ਕਿ ਇਹ ਕਿਸੇ ਵੀ ਰੰਗ ਦੇ ਬਾਟਮ ਨਾਲ ਆਸਾਨੀ ਨਾਲ ਮੈਚ ਹੋ ਜਾਂਦੇ ਹਨ। ਜਿਵੇਂ ਰੈੱਡ ਟਾਪ ਨੂੰ ਬਲਿਊ ਜੀਨਸ, ਬਲੈਕ ਲੈਗਿੰਗਸ, ਵ੍ਹਾਈਟ ਪੈਂਟਸ ਜਾਂ ਹੋਰ ਬਾਟਮ ਦੇ ਨਾਲ ਸਟਾਈਲ ਕੀਤਾ ਜਾ ਸਕਦਾ ਹੈ। ਇਸ ਨਾਲ ਲੁਕ ਸਿੰਪਲ ਪਰ ਸਟਾਈਲਿਸ਼ ਬਣ ਜਾਂਦੀ ਹੈ। ਰੈੱਡ ਕਲਰ ਦਾ ਜਾਦੂ ਇੰਨਾ ਪ੍ਰਭਾਵਸ਼ਾਲੀ ਹੈ ਕਿ ਕਈ ਮੁਟਿਆਰਾਂ ਆਪਣੇ ਪੂਰੇ ਆਊਟਫਿਟ ’ਚ ਇਸ ਨੂੰ ਜ਼ਰੂਰ ਸ਼ਾਮਲ ਕਰਦੀਆਂ ਹਨ। ਜੇ ਸੂਟ ਵ੍ਹਾਈਟ ਜਾਂ ਬਲੈਕ ਹੈ, ਤਾਂ ਰੈੱਡ ਚੁੰਨੀ ਜਾਂ ਦੁਪੱਟਾ ਜ਼ਰੂਰ ਜੋੜਿਆ ਜਾਂਦਾ ਹੈ। ਇਸੇ ਤਰ੍ਹਾਂ ਰੈੱਡ ਕੁੜਤੀ ਨੂੰ ਵੱਖ-ਵੱਖ ਬਾਟਮਜ਼ ਨਾਲ ਪੇਅਰ ਕੀਤਾ ਜਾਂਦਾ ਹੈ।
ਇੱਥੋਂ ਤੱਕ ਕਿ ਰੈੱਡ ਟਾਪ ਜਾਂ ਸ਼ਰਟ ਨੂੰ ਭੀੜ ਤੋਂ ਵੱਖ ਦਿਖਾਉਣ ਲਈ ਚੁਣਿਆ ਜਾਂਦਾ ਹੈ। ਰੈੱਡ ਕਲਰ ਦੀ ਥੋੜ੍ਹੀ ਜਿਹੀ ਵੀ ਵਰਤੋਂ ਪੂਰੀ ਲੁਕ ਨੂੰ ਰਾਇਲ ਅਤੇ ਵੱਖ ਬਣਾਉਂਦਾ ਹੈ, ਜਿਸ ਨਾਲ ਪਹਿਨਣ ਵਾਲੀ ਔਰਤ ਆਤਮ-ਵਿਸ਼ਵਾਸ ਨਾਲ ਭਰੀ ਨਜ਼ਰ ਆਉਂਦੀ ਹੈ। ਮੇਕਅਪ ’ਚ ਐੱਚ. ਡੀ. ਬੇਸ ਦੇ ਨਾਲ ਰੈੱਡ ਲਿਪਸਟਿਕ ਲਾਉਣਾ ਸਭ ਤੋਂ ਪਸੰਦੀਦਾ ਹੁੰਦਾ ਹੈ, ਜੋ ਚਿਹਰੇ ’ਤੇ ਗਲੈਮਰਸ ਟੱਚ ਦਿੰਦਾ ਹੈ। ਹੇਅਰਸਟਾਈਲ ’ਚ ਓਪਨ ਵੇਵਸ, ਬਨ ਜਾਂ ਸਲੀਕ ਪੋਨੀਟੇਲ ਵਰਗੀਆਂ ਸਟਾਈਲ ਰੈੱਡ ਡਰੈੱਸ ਦੇ ਨਾਲ ਪਰਫੈਕਟ ਮੈਚ ਕਰਦੀਆਂ ਹਨ। ਕੁੱਲ ਮਿਲਾ ਕੇ, ਰੈੱਡ ਕਲਰ ਦੀ ਡਰੈੱਸ ਮੁਟਿਆਰਾਂ ਲਈ ਸਿਰਫ਼ ਕੱਪੜੇ ਨਹੀਂ, ਸਗੋਂ ਇਕ ਸਟੇਟਮੈਂਟ ਹਨ। ਇਹ ਰੰਗ ਆਤਮ-ਵਿਸ਼ਵਾਸ, ਸੁੰਦਰਤਾ ਅਤੇ ਰਾਇਲਟੀ ਦਾ ਪ੍ਰਤੀਕ ਹੈ। ਭਾਵੇਂ ਟ੍ਰੈਡੀਸ਼ਨਲ ਲੁਕ ਹੋਵੇ ਜਾਂ ਮਾਡਰਨ, ਰੈੱਡ ਡਰੈੱਸ ਹਰ ਮੌਕੇ ’ਤੇ ਔਰਤਾਂ ਨੂੰ ਸਭ ਤੋਂ ਖੂਬਸੂਰਤ ਅਤੇ ਆਕਰਸ਼ਕ ਬਣਾਉਂਦੀ ਹੈ। ਰੈੱਡ ਦਾ ਜਾਦੂ ਕਦੇ ਫਿੱਕਾ ਨਹੀਂ ਪੈਂਦਾ, ਇਹੀ ਕਾਰਨ ਹੈ ਕਿ ਇਹ ਹਮੇਸ਼ਾ ਮੁਟਿਆਰਾਂ ਅਤੇ ਔਰਤਾਂ ਦੀ ਪਹਿਲੀ ਪਸੰਦ ਬਣਿਆ ਰਹਿੰਦਾ ਹੈ।
ਪ੍ਰੀਖਿਆ ਨੇੜੇ ਆਉਂਦੇ ਹੀ ਵਿਦਿਆਰਥੀ ਮਹਿਸੂਸ ਕਰਦੇ ਹਨ ਇਕ ਅਜੀਬ ਬੇਚੈਨੀ, ਇਸ ਤਰ੍ਹਾਂ ਤਣਾਅ ਕਰੋ ਦੂਰ
NEXT STORY 
