ਲੁਧਿਆਣਾ (ਜੋਸ਼ੀ)-ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਵੱਲੋਂ ਅੱਜ ਪੇਸ਼ ਕੀਤੇ ਗਏ ਬਜਟ ’ਤੇ ਉਦਯੋਗਪਤੀਆਂ ਨੇ ਮਿਲੀ-ਜੁਲੀ ਪ੍ਰਤੀਕਿਰਿਆ ਦਿੱਤੀ ਹੈ। ਹਾਲਾਂਕਿ ਜ਼ਿਆਦਾਤਰ ਨੇ ਬਜਟ ਦੀ ਸ਼ਲਾਘਾ ਕੀਤੀ ਹੈ ਅਤੇ ਇਸ ਨੂੰ ਦੇਸ਼ ਦੀ ਆਰਥਿਕਤਾ ਆਮ ਜਨਤਾ ਅਤੇ ਉਦਯੋਗਿਕ-ਧੰਦਿਆਂ ਲਈ ਇਕ ਚੰਗਾ ਬਜਟ ਕਰਾਰ ਦਿੱਤਾ ਹੈ। ਫਿਰ ਵੀ ਕੁਝ ਨੇ ਕਿਹਾ ਕਿ ਬਜਟ ’ਚ ਅਜੇ ਵੀ ਕਾਫੀ ਕੁਝ ਕੀਤਾ ਜਾ ਸਕਦਾ ਸੀ, ਜਿਵੇਂ ਟੈਕਸਟਾਈਲ ਸੈਕਟਰ ਲਈ ਕੋਈ ਐਲਾਨ ਨਹੀਂ ਕੀਤਾ ਗਿਆ।
ਬਜਟ ਅਗਲੇ 25 ਸਾਲਾਂ ਦੇ ਭਵਿੱਖ ਨੂੰ ਸਾਹਮਣੇ ਰੱਖ ਕੇ ਬਣਾਇਆ ਗਿਆ ਹੈ ਤਾਂ ਕਿ ਨਿਸ਼ਾਨੇ ਪੂਰੇ ਕੀਤੇ ਜਾ ਸਕਣ, ਜਿਸ ’ਚ ਆਰਥਿਕ ਵਿਕਾਸ ਨੂੰ ਹੱਲਾਸ਼ੇਰੀ ਦੇਣਾ ਹੈ। ਬਜਟ ਖੇਤੀ, ਡਿਜੀਟਲੀਕਰਨ, ਹਰਿਤ ਊਰਜਾ ਸਮੇਤ ਸਾਰੇ ਆਰਥਿਕ ਵਰਗਾਂ ਨਾਲ ਜੁੜੇ ਵਰਗਾਂ ਨੂੰ ਧਿਆਨ ’ਚ ਰੱਖਦੇ ਹੋਏ ਬਣਾਇਆ ਗਿਆ ਹੈ, ਜਿਸ ਦਾ ਮਕਸਦ ਬੁਨਿਆਦੀ ਢਾਂਚੇ ਦੇ ਵਿਕਾਸ ’ਤੇ ਧਿਆਨ ਕੇਂਦਰਿਤ ਕਰਨਾ ਹੈ, ਜਿਸ ਵਿਚ 50 ਨਵੇਂ ਹਵਾਈ ਅੱਡੇ, ਹੈਲੀਪੈਡ ਸਰਕਾਰ ਦੀ ਪਹਿਲਕਦਮੀ ਹੈ। ਇਹ ਬਜਟ ਮਹੱਤਵਪੂਰਨ ਹੈ ਕਿਉਂਕਿ ਦੇਸ਼ ਵਿਚ ਅਪ੍ਰੈਲ-ਮਈ 2024 ਵਿਚ ਅਗਲੀਆਂ ਲੋਕ ਸਭਾ ਚੋਣਾਂ ਹੋਣੀਆਂ ਹਨ। ਆਮਦਨ ਟੈਕਸ ਛੋਟ ਕਰਦਾਤਿਆਂ ਲਈ ਚੰਗੀ ਖ਼ਬਰ ਹੈ, ਜਿਸ ਨਾਲ ਕਾਰੋਬਾਰ ਵਧਾਉਣ ਦੀਆਂ ਸੰਭਾਵਨਾਵਾਂ ਪੈਦਾ ਹੋਈਆਂ ਹਨ।
ਇਹ ਖ਼ਬਰ ਵੀ ਪੜ੍ਹੋ : ਵੱਡੀ ਖ਼ਬਰ : ਪੰਜਾਬੀ ਗਾਇਕ ਸ਼੍ਰੀ ਬਰਾੜ ਨੂੰ ਜਾਨੋਂ ਮਾਰਨ ਦੀਆਂ ਮਿਲ ਰਹੀਆਂ ਧਮਕੀਆਂ (ਵੀਡੀਓ)
ਬਜਟ ’ਚ ਅੰਮ੍ਰਿਤ ਕਾਲ ਦੇ ਜ਼ਰੀਏ 7 ਪਹਿਲਕਦਮੀਆਂ ਦਾ ਵਰਣਨ ਕੀਤਾ ਗਿਆ ਹੈ, ਜੋ ਸਵਾਗਤਯੋਗ ਹੈ। ਅਸੀਂ ਭਾਰਤ ਨੂੰ ਨਾ ਸਿਰਫ ਬਾਕੀ ਅਰਥਵਿਵਸਥਾਵਾਂ ਲਈ ਸਗੋਂ ਐੱਫ. ਪੀ. ਆਈ. ਲਈ ਵੀ ਇਕ ਵਪਾਰ ਕੇਂਦਰ ਅਤੇ ਆਕਰਸ਼ਣ ਦਾ ਕੇਂਦਰ ਬਣਾਉਣ ਦੀ ਦਿਸ਼ਾ ਵਿਚ ਇਕ ਕਦਮ ਅੱਗੇ ਹਾਂ।
-ਹੇਮੰਤ ਸੂਦ, ਐੱਮ. ਡੀ., ਫਿੰਡੋਕ ਫਾਈਨੈਂਸ਼ੀਅਲ ਸਰਵਿਸਿਜ਼ ਗਰੁੱਪ
ਇਹ ਬਜਟ ਦੇਸ਼ ਨੂੰ ਤਰੱਕੀ ਦੇ ਰਾਹ ’ਤੇ ਲਿਜਾਣ ਵਾਲਾ ਹੈ। ਇਸ ਬਜਟ ਨਾਲ ਨਾ ਸਿਰਫ ਆਮ ਜਨਤਾ ਨੂੰ ਲਾਭ ਮਿਲੇਗਾ, ਸਗੋਂ ਹਰ ਵਰਗ ਪ੍ਰਭਾਵਿਤ ਹੋਣ ਵਾਲਾ ਹੈ। ਇਸ ਦੀ ਰੂਪ-ਰੇਖਾ ਕੁਝ ਇਸ ਤਰ੍ਹਾਂ ਤਿਆਰ ਕੀਤੀ ਗਈ ਹੈ ਕਿ ਇਸ ਨਾਲ ਦੇਸ਼ ਦੀ ਆਰਥਿਕਤਾ ਨੂੰ ਇਕ ਨਵਾਂ ਆਯਾਮ ਮਿਲੇਗਾ। ਇਹ ਚੰਗੀ ਗੱਲ ਹੈ ਕਿ ਬਜਟ ਵਿਚ ਇਨਫ੍ਰਾਸਟਰੱਕਚਰ ’ਤੇ ਜ਼ਿਆਦਾ ਜ਼ੋਰ ਦਿੱਤਾ ਗਿਆ ਹੈ। ਇਸ ਬਜਟ ’ਚ ਰੇਲਵੇ ਲਈ ਹੁਣ ਤੱਕ ਦੀ ਸਭ ਤੋਂ ਵੱਡੀ ਅਲਾਟਮੈਂਟ ਕੀਤੀ ਗਈ ਹੈ। ਇਹ 2013-14 ਵਿਚ ਕੀਤੀ ਅਲਾਟਮੈਂਟ ਤੋਂ 9 ਗੁਣਾ ਜ਼ਿਆਦਾ ਹੈ, ਜੋ ਬੇਹੱਦ ਪ੍ਰਸ਼ੰਸਾਯੋਗ ਹੈ।
ਇਹ ਖ਼ਬਰ ਵੀ ਪੜ੍ਹੋ : ਬਜਟ ਨੂੰ ਲੈ ਕੇ ਬੋਲੇ ਸੁਖਬੀਰ ਬਾਦਲ, ਕਿਹਾ-ਕਿਸਾਨਾਂ, ਗ਼ਰੀਬਾਂ ਅਤੇ ਨੌਜਵਾਨਾਂ ਲਈ ਹੈ ਨਿਰਾਸ਼ਾਜਨਕ
-ਜਵਾਹਰ ਲਾਲ ਓਸਵਾਲ, ਸੀ. ਐੱਮ. ਡੀ. ਨਾਹਰ ਗਰੁੱਪ
ਬਜਟ ਵਿਚ ਹਰ ਵਰਗ ਨੂੰ ਧਿਆਨ ਵਿਚ ਰੱਖਿਆ ਗਿਆ ਹੈ, ਜਿਨ੍ਹਾਂ ਵਿਚ ਮੱਧਵਰਗ ਤੋਂ ਲੈ ਕੇ ਉਦਯੋਗ ਸ਼ਾਮਲ ਹਨ। ਆਮ ਜਨਤਾ ਦਾ ਵੀ ਪੂਰਾ ਧਿਆਨ ਰੱਖਿਆ ਗਿਆ ਹੈ। ਸੀਨੀਅਰ ਸਿਟੀਜ਼ਨਜ਼ ਦੀ ਸੇਵਿੰਗ ਲਿਮਿਟ ਦੁੱਗਣੀ ਕਰਨ ਤੋਂ ਇਲਾਵਾ ਔਰਤਾਂ ਲਈ ਸਨਮਾਨ ਬੱਚਤ ਪੱਤਰ ਸ਼ੁਰੂ ਕਰਨ ਦਾ ਐਲਾਨ ਕੀਤਾ ਗਿਆ ਹੈ। ਘਾਟੇ ਨਾਲ ਜੂਝਦੇ ਐੱਮ. ਐੱਸ. ਐੱਮ. ਈ. ਲਈ ਸਰਕਾਰੀ ਮਦਦ ਦੀ ਵਿਵਸਥਾ ਕੀਤੀ ਗਈ ਹੈ। ਹਵਾਈ ਸਫ਼ਰ ਸਸਤਾ ਕੀਤਾ ਗਿਆ ਹੈ ਅਤੇ ਟੂਰਿਜ਼ਮ ਵਧਾਉਣ ਦਾ ਪੂਰਾ ਯਤਨ ਕੀਤਾ ਗਿਆ ਹੈ। ਇਲੈਕਟ੍ਰਾਨਿਕਸ ’ਤੇ ਕਸਟਮ ਡਿਊਟੀ ਘਟਾਈ ਗਈ ਹੈ ਅਤੇ ਘਰੇਲੂ ਉਤਪਾਦਨ ’ਤੇ ਜ਼ੋਰ ਦਿੱਤਾ ਗਿਆ ਹੈ। ਇਨਫ੍ਰਾਸਟਰੱਕਚਰ ਨੂੰ ਕੇਂਦਰ ਵਿਚ ਰੱਖ ਕੇ ਬਜਟ ਤਿਆਰ ਕੀਤਾ ਗਿਆ ਹੈ, ਜਿਸ ਨਾਲ ਉਦਯੋਗ ਧੰਦੇ ਪ੍ਰਫੁੱਲਿਤ ਹੋਣਗੇ।
-ਰਜਿੰਦਰ ਗੁਪਤਾ, ਚੇਅਰਮੈਨ ਟ੍ਰਾਈਡੈਂਟ ਗਰੁੱਪ
ਇਸ ਵਿਕਾਸ ਸਨਮੁਖ ਬਜਟ ’ਚ ਬੁਨਿਆਦੀ ਢਾਂਚੇ ਅਤੇ ਨਿਵੇਸ਼ ’ਤੇ ਜ਼ਿਆਦਾ ਜ਼ੋਰ ਦਿੱਤਾ ਗਿਆ ਹੈ। ਐੱਮ. ਐੱਸ. ਐੱਮ. ਈ. ਖੇਤਰ ਨੂੰ ਹੱਲਾਸ਼ੇਰੀ ਦੇਣ ਲਈ ਚੰਗੇ ਕਦਮ ਚੁੱਕੇ ਗਏ ਹਨ। ਕੋੋਰੋਨਾ ਤੋਂ ਪ੍ਰਭਾਵਿਤ ਹੋਏ ਛੋਟੇ ਅਤੇ ਮੱਧ ਉਦਯੋਗਾਂ ਨੂੰ ਸਰਕਾਰ ਆਰਥਿਕ ਰਾਹਤ ਦੇਵੇਗੀ। ਨਾਲ ਹੀ ਇਨ੍ਹਾਂ ਨਾਲ ਜੁੜੇ ਵਿਵਾਦਾਂ ਦੇ ਨਿਪਟਾਰੇ ਲਈ ਸਵੈਇੱਛਕ ਹੱਲ ਯੋਜਨਾ ਨਾਂ ਦੀ ਨਵੀਂ ਸਕੀਮ ਲਿਆਂਦੀ ਜਾਵੇਗੀ।
ਘਰੇਲੂ ਪਡ੍ਰੋਕਸ਼ਨ ਕਰਨ ਵਾਲੇ ਯੂਨਿਟਾਂ ਨੂੰ ਪੀ. ਐੱਲ. ਆਈ. ਸਕੀਮ ਤਹਿਤ ਜ਼ਿਆਦਾ ਰਕਮ ਦੀ ਅਲਾਟਮੈਂਟ ਸਵਾਗਤਯੋਗ ਹੈ। ਨਾਲ ਹੀ ਉਨ੍ਹਾਂ ਕਿਹਾ ਕਿ ਇੰਸ਼ੋਰੈਂਸ ਪਾਲਿਸੀਜ਼ ’ਤੇ ਜੋ ਟੈਕਸ ਲਗਾਇਆ ਗਿਆ ਹੈ, ਉਹ ਇੰਸ਼ੋਰੈਂਸ ਸੈਕਟਰ ਲਈ ਚੰਗਾ ਕਦਮ ਨਹੀਂ ਹੈ। ਇਸ ਨਾਲ ਇੰਸ਼ੋਰੈਂਸ ਸੈਕਟਰ ਦੀ ਮਾਰਕੀਟ ਨੂੰ 8 ਤੋਂ 10 ਫੀਸਦੀ ਤੱਕ ਦਾ ਨੁਕਸਾਨ ਹੋ ਸਕਦਾ ਹੈ।
-ਅਮਿਤ ਥਾਪਰ, ਚੇਅਰਮੈਨ ਸੀ. ਆਈ. ਆਈ. ਪੰਜਾਬ
ਇਨਕਮ ਟੈਕਸ ਸਲੈਬ ’ਚ ਬਦਲਾਅ ਨਾਲ ਮਿਡਲ ਅਤੇ ਸੈਲਰੀਡ ਕਲਾਸ ਨੂੰ ਲਾਭ ਪੁੱਜੇਗਾ। ਇਹ ਚੰਗੀ ਗੱਲ ਹੈ ਕਿ ਢਾਂਚੇ ਨੂੰ ਮਜ਼ਬੂਤ ਬਣਾਉਣ ਲਈ ਬਜਟ ’ਚ ਕਾਫੀ ਵਿਵਸਥਾ ਕੀਤੀ ਗਈ ਹੈ। ਬਜਟ ਦੀਆਂ ਸਭ ਤੋਂ ਵੱਡੇ ਐਲਾਨਾਂ ਮੁਤਾਬਕ ਟੈਕਸ ਸਲੈਬ ਵਿਚ ਵੱਡਾ ਬਦਲਾਅ ਕੀਤਾ ਗਿਆ ਹੈ ਕਿ 7 ਲੱਖ ਰੁਪਏ ਤੱਕ ਦੀ ਆਮਦਨ ’ਤੇ ਕੋਈ ਟੈਕਸ ਨਹੀਂ ਦੇਣਾ ਪਵੇਗਾ। ਇਸ ਨਾਲ ਦੇਸ਼ ਦੀ ਇਕਾਨਮੀ ਮਜ਼ਬੂਤ ਹੋਵੇਗੀ ਅਤੇ ਲੋਕਾਂ ਦੀ ਖਰੀਦ ਸ਼ਕਤੀ ਵਧੇਗੀ। ਰਾਜ ਦੇ ਖਜ਼ਾਨੇ ਦਾ ਘਾਟਾ ਦੂਰ ਕਰਨ ਲਈ ਵੀ ਬਜਟ ’ਚ ਚੁੱਕੇ ਗਏ ਠੋਸ ਕਦਮ ਸਵਾਗਤਯੋਗ ਹਨ।
-ਸੰਦੀਪ ਜੈਨ, ਕਾਰਜਕਾਰੀ ਡਾਇਰੈਕਟਰ, ਮੋਂਟੇ ਕਾਰਲੋ
ਪੂੰਜੀਗਤ ਖਰਚ ਨੂੰ ਉਤਸ਼ਾਹ ਅਤੇ ਟੈਕਸ ਸਲੈਬ ’ਚ ਬਦਲਾਅ ਨਾਲ ਦੇਸ਼ ਦੀ ਆਰਥਿਕਤਾ ਹੋਰ ਮਜ਼ਬੂਤ ਹੋਵੇਗੀ। ਹਾਲਾਂਕਿ ਉਨ੍ਹਾਂ ਕਿਹਾ ਕਿ ਬਜਟ ਵਿਚ ਟੈਕਸਟਾਈਲ ਸੈਕਟਰ ਲਈ ਕੋਈ ਐਲਾਨ ਨਹੀਂ ਕੀਤਾ ਗਿਆ, ਜੋ ਨਿਰਾਸ਼ਾਜਨਕ ਹੈ। ਇਸ ਤਰ੍ਹਾਂ ਬਜਟ ’ਚ ਟੈਕਸਟਾਈਲ ਸੈਕਟਰ ਨੂੰ ਬਜਟ ਵਿਚ ਪੂਰੀ ਤਰ੍ਹਾਂ ਨਜ਼ਰਅੰਦਾਜ਼ ਕੀਤਾ ਗਿਆ ਹੈ, ਜਦਕਿ ਟੈਕਸਟਾਈਲ ਸੈਕਟਰ ਉਦਯੋਗਿਕ ਖੇਤਰ ’ਚ ਇਕ ਵੱਡਾ ਸੈਕਟਰ ਹੈ।
-ਸੰਜੀਵ ਗਰਗ, ਐੱਮ. ਡੀ., ਗਰਗ ਅਕ੍ਰੈਲਿਕ ਲਿਮਟਿਡ
ਬਜਟ ਉਦਯੋਗਾਂ ਅਤੇ ਲੋਕਾਂ ਮੁਤਾਬਕ ਹਰ ਵਰਗ ਨੂੰ ਧਿਆਨ ’ਚ ਰੱਖ ਕੇ ਤਿਆਰ ਕੀਤਾ ਗਿਆ ਹੈ। ਇਸ ਬਜਟ ਨਾਲ ਦੇਸ਼ ਦੀ ਆਰਥਿਕਤਾ ਹੋਰ ਮਜ਼ਬੂਤ ਹੋਵੇਗੀ। ਲੋਕਾਂ ’ਚ ਜ਼ਿਆਦਾ ਖੁਸ਼ਹਾਲੀ ਆਵੇਗੀ ਅਤੇ ਰੋਜ਼ਗਾਰ ਦੇ ਨਵੇਂ ਮੌਕੇ ਪੈਦਾ ਹੋਣਗੇ। ਵਿੱਤ ਮੰਤਰੀ ਨੇ ਇਨਫ੍ਰਾਸਟਰੱਕਚਰ ’ਤੇ ਜ਼ੋਰ ਦਿੱਤਾ ਹੈ।
-ਅਨੂਪ ਬੈਕਟਰ, ਐੱਮ. ਡੀ. ਮਿਸਿਜ਼ ਬੈਕਟਰ ਫੂਡਸ
ਬਜਟ ’ਚ ਇਨਫ੍ਰਾਸਟਰੱਕਚਰ ਵਧਾਉਣ ’ਤੇ ਐਡਹਾਕ ’ਤੇ ਜ਼ੋਰ ਦਿੱਤਾ ਗਿਆ ਹੈ, ਇਸ ਨਾਲ ਹਰੇਕ ਸੈਕਟਰ ਦਾ ਉੱਥਾਨ ਹੋਵੇਗਾ, ਜਿਸ ਨਾਲ ਰੋਜ਼ਗਾਰ ਦੇ ਨਵੇਂ ਮੌਕੇ ਪੈਦਾ ਹੋਣਗੇ ਅਤੇ ਲੋਕਾਂ ਦੀ ਪ੍ਰਚੇਜ਼ਿੰਗ ਪਾਵਰ ਵਧੇਗੀ। ਸਰਕਾਰ ਨੂੰ ਹੈਲਥ ਸੈਕਟਰ ਨੂੰ ਵੀ ਧਿਆਨ ’ਚ ਰੱਖਣਾ ਚਾਹੀਦਾ ਸੀ। ਆਸ ਸੀ ਕਿ ਹੈਲਥ ਸੈਕਟਰ ਨੂੰ ਜੀ. ਐੱਸ. ਟੀ. ਤੋਂ ਬਾਹਰ ਰੱਖਿਆ ਜਾਵੇਗਾ ਪਰ ਇਸ ਤਰ੍ਹਾਂ ਨਹੀਂ ਕੀਤਾ ਗਿਆ। ਕੁੱਲ ਮਿਲਾ ਕੇ ਬਜਟ ਨਾਲ ਦੇਸ਼ ਦੀ ਜੀ. ਡੀ. ਪੀ. ਵਧਣ ਦੀ ਪੂਰੀ ਸੰਭਾਵਨਾ ਹੈ।
-ਪ੍ਰੇਮ ਗੁਪਤਾ, ਜਨਰਲ ਸੈਕਟਰੀ, ਡੀ. ਐੱਮ. ਸੀ. ਮੈਨੇਜਿੰਗ ਕਮੇਟੀ
ਇਨਕਮ ਟੈਕਸ ਤੋਂ ਰਾਹਤ ਦੇਣ ਨਾਲ ਮਿਡਲ ਕਲਾਸ ਨੂੰ ਲਾਭ ਹੋਵੇਗਾ। ਸਕ੍ਰੈਪ ਪਾਲਿਸੀ ਦੇ ਐਲਾਨ ਨਾਲ ਦੇਸ਼ ਦੇ ਆਟੋ ਮੋਬਾਇਲ ਸੈਕਟਰ ਨੂੰ ਬਹੁਤ ਬਲ ਮਿਲੇਗਾ। ਜ਼ਿਆਦਾ ਲੋਕਾਂ ਲਈ ਰੋਜ਼ਗਾਰ ਦੇ ਨਵੇਂ ਮੌਕੇ ਪੈਦਾ ਹੋਣਗੇ। ਇਨਫ੍ਰਾਸਟਰੱਕਚਰ ਵਧਣ ਨਾਲ ਦੇਸ਼ ਦੀ ਆਰਥਿਕਤਾ ਹੋਰ ਮਜ਼ਬੂਤ ਹੋਵੇਗੀ। ਹਰ ਗੱਲ ਨੂੰ ਧਿਆਨ ਵਿਚ ਰੱਖ ਕੇ ਬਜਟ ਤਿਆਰ ਕੀਤਾ ਗਿਆ ਹੈ।
-ਓਂਕਾਰ ਸਿੰਘ ਪਾਹਵਾ, ਐੱਮ. ਡੀ. ਏਵਨ ਸਾਈਕਲ ਲਿਮ.
ਇਹ ਇਕ ਵਿਕਾਸਮੁਖੀ ਬਜਟ ਹੈ, ਜੋ ਸਾਡੇ ਦੇਸ਼ ਵਿਚ 5 ਟ੍ਰਿਲੀਅਨ ਅਰਥ ਵਿਵਸਥਾ ਦਾ ਉਦੇਸ਼ ਪ੍ਰਾਪਤ ਕਰਨ ਦਾ ਰਾਹ ਪੱਧਰਾ ਕਰੇਗਾ। ਸਟਾਰਟਅਪ ਅਤੇ ਐੱਮ. ਐੱਸ. ਐੱਮ. ਈ. ਖੇਤਰ ਨੂੰ ਬੜਾਵਾ ਦੇਵੇਗਾ। ਪੈਨ ਲਿੰਕਡ ਆਧਾਰ ’ਤੇ ਫਰਜ਼ੀ ਬਿਲਿੰਗ ’ਤੇ ਰੋਕ ਲਗਾਉਣ ਵਿਚ ਮਦਦ ਮਿਲੇਗੀ। ਇਸ ਦੇ ਸਮੇਂ ਬੋਗਸ ਬਿਲਿੰਗ ਨਾਲ ਉਦਯੋਗ ਦਾ ਸਚਾਰੂ ਕੰਮ-ਕਾਜ ਬਰਬਾਦ ਹੋ ਰਿਹਾ ਹੈ। ਐੱਮ. ਐੱਸ. ਐੱਮ. ਈ. ਲਈ ਨਵੀਂ ਕ੍ਰੈਡਿਟ ਗਾਰੰਟੀ ਯੋਜਨਾ ਵਿੱਤ ਪੋਸ਼ਣ ਦੀ ਲਾਗਤ ਨੂੰ 1 ਫੀਸਦੀ ਤੱਕ ਘੱਟ ਕਰਨ ਵਿਚ ਮਦਦ ਕਰੇਗੀ। 10 ਲੱਖ ਕਰੋੜ ਦੇ ਪੂੰਜੀਗਤ ਕਾਰੋਬਾਰ ’ਚ 33 ਫੀਸਦੀ ਦਾ ਵਾਧਾ ਬਿਹਤਰੀਨ ਕਦਮ ਹੈ।
ਇਸ ਤੋਂ ਪਹਿਲਾਂ ਸੜਕ ਅਤੇ ਰੇਲਵੇ ਦੇ ਬੁਨਿਆਦੀ ਢਾਂਚੇ ਨੂੰ ਬੜਾਵਾ ਦੇਣ ’ਚ ਮਦਦ ਮਿਲੇਗੀ, ਸਟੀਲ ਅਤੇ ਸੀਮੈਂਟ ਉਦਯੋਗ ਨੂੰ ਸਿੱਧਾ ਬੜਾਵਾ ਅਤੇ ਰੋਜ਼ਗਾਰ ਦੇ ਮੌਕੇ ਵਧਣਗੇ। ਬਜਟ ਦਾ ਸਾਰ ਅੰਸ਼ ਇਹ ਹੈ ਕਿ ਇਹ ਐੱਮ. ਐੱਸ. ਐੱਮ. ਈ. ਦੇ ਅਨਕੂਲ ਹੈ। ਲੁਧਿਆਣਾ ਵਿਚ ਇਕ ਸ਼ਾਖਾ ਤੋਂ ਜ਼ਿਆਦਾ ਰਜਿਸਟਰਡ ਐੱਮ. ਐੱਸ. ਅੈੱਮ. ਈ. ਇਕਾਈਆਂ ਹਨ, ਜੋ ਕਿ ਇੰਜੀਨੀਅਰਿੰਗ ਅਤੇ ਹੌਜ਼ਰੀ ਸੈਗਮੈਂਟ ਨਾਲ ਸਬੰਧਤ ਹਨ ਪਰ ਅੰਡਰ ਇਨਵਾਇਸਮੈਂਟ ਨੂੰ ਰੋਕਣ ਲਈ ਕੁਝ ਨਹੀਂ ਕੀਤਾ ਗਿਆ ਹੈ।
-ਪੰਕਜ ਸ਼ਰਮਾ, ਜਨਰਲ ਸੈਕੇਟਰੀ, ਚੈਂਬਰ ਆਫ ਇੰਡਸਟਰੀਅਲ ਐਂਡ ਕਮਰਸ਼ੀਅਲ ਅੰਡਰਟੇਕਿੰਗਸ (ਸੀ.ਆਈ.ਸੀ.ਯੂ)
ਬਜਟ ਮਿਡਲ ਕਲਾਸ ਲਈ ਚੰਗਾ ਹੈ, ਜਿਸ ਤਰ੍ਹਾਂ ਨਾਲ ਇਨਫ੍ਰਾਸਟਰੱਕਚਰ ਨੂੰ ਬੜ੍ਹਾਵਾ ਦੇਣ ਲਈ ਬਜਟ ’ਚ ਵਿਵਸਥਾ ਕੀਤੀ ਗਈ ਹੈ। ਉਸ ਨਾਲ ਦੇਸ਼ ਦੀ ਸੰਪੂਰਨਤਾ ਆਰਥਿਕਤਾ ਨੂੰ ਇਕ ਨਵੀਂ ਦਿਸ਼ਾ ਮਿਲੇਗੀ। ਰੋਜ਼ਗਾਰ ਦੇ ਨਵੇਂ ਮੌਕੇ ਵੀ ਪੈਦਾ ਹੋਣਗੇ, ਜੋ ਸਮੇਂ ਦੀ ਮੰਗ ਸੀ। ਲੋਕਾਂ ਦੀ ਖਰੀਦ ਸਮਰੱਥਾ ਵੀ ਵਧੇਗੀ।
-ਮਹਿੰਦਰਪਾਲ ਸਹਿਗਲ, ਚੇਅਰਮੈਨ, ਸੀਗਲ ਇੰਡਸਟਰੀਜ਼
ਇਸ ਵਾਰ ਦੇ ਬਜਟ ’ਚ ਹਰੇਕ ਸੈਕਟਰ ਲਈ ਕੁਝ ਨਾ ਕੁਝ ਹੈ। ਕੁਲ ਮਿਲਾ ਕੇ ਬਜਟ ਵਧੀਆ ਹੈ। ਐੱਮ. ਐੱਸ. ਐੱਮ. ਈ. ਦੇ ਹਿੱਤਾਂ ਨੂੰ ਵੀ ਧਿਆਨ ’ਚ ਰੱਖਿਆ ਗਿਆ ਹੈ। ਇਹ ਬਜਟ ਦੇਸ਼ ਨੂੰ ਇਕ ਨਵੇਂ ਵਿਕਾਸ ਦੇ ਮਾਰਗ ਵੱਲ ਲਿਜਾਣ ਵਿਚ ਸਮਰੱਥ ਹੈ ਕਿਉਂਕਿ ਉਦਯੋਗਿਕ ਧੰਦਿਆਂ ਦੇ ਨਾਲ-ਨਾਲ ਆਮ ਜਨਤਾ ਦੇ ਹਿੱਤਾਂ ਦਾ ਵੀ ਪੂਰਾ ਧਿਆਨ ਰੱਖਿਆ ਗਿਆ ਹੈ।
-ਸੰਜੇ ਮਹਿੰਦਰੂ, ਐੱਮ. ਡੀ. ਵਿਸ਼ਾਲ ਸਾਈਕਲ ਇੰਡਸਟਰੀਜ਼
ਸਕਿਓਰਿਟੀ ਗਾਰਡ ਦੀ ਨੌਕਰੀ ਕਰਨ ਨੂੰ ਮਜਬੂਰ Gold Medalist, CM ਮਾਨ ਤੋਂ ਕੀਤੀ ਇਹ ਮੰਗ
NEXT STORY 
