ਜ਼ੀਰਾ (ਅਕਾਲੀਆਂਵਾਲਾ)-ਆਮ ਆਦਮੀ ਪਾਰਟੀ ਵੱਲੋਂ ਹਲਕਾ ਜ਼ੀਰਾ ’ਚ ਸੇਵਾਵਾਂ ਨਿਭਾਅ ਰਹੇ ਸ਼ਮਿੰਦਰ ਸਿੰਘ ਜ਼ੀਰਾ (ਖਿੰਡਾ) ਨੂੰ ਪਾਰਟੀ ਨੇ ਅੱਜ ਪੰਜਾਬ ਪੱਧਰੀ ਅਹੁਦੇ ਨਾਲ ਨਿਵਾਜਿਆ। ਉਨ੍ਹਾਂ ਨੂੰ ਯੂਥ ਵਿੰਗ ਦਾ ਸੂਬਾ ਸੰਯੁਕਤ ਸਕੱਤਰ ਨਿਯੁਕਤ ਕੀਤਾ ਹੈ।ਉਨ੍ਹਾਂ ਦੀ ਇਹ ਨਿਯੁਕਤੀ ਭਗਵੰਤ ਸਿੰਘ ਮਾਨ ਪੰਜਾਬ ਪ੍ਰਧਾਨ, ਯੂਥ ਵਿੰਗ ਦੇ ਪ੍ਰਧਾਨ ਮੀਤ ਹੇਅਰ, ਜਰਨੈਲ ਸਿੰਘ ਇੰਚਾਰਜ ਪੰਜਾਬ, ਰਾਘਵ ਚੱਢਾ ਸਹਿ-ਇੰਚਾਰਜ ਵਲੋਂ ਕੀਤੀ ਗਈ ਹੈ। ਇਨ੍ਹਾਂ ਦੀ ਨਿਯੁਕਤੀ ਨੂੰ ਲੈ ਕੇ ਵਰਕਰਾਂ ’ਚ ਖੁਸ਼ੀ ਦੀ ਲਹਿਰ ਹੈ।
ਜ਼ਿਕਰਯੋਗ ਹੈ ਕਿ ਲੱਗਭਗ ਸਾਲ ਪਹਿਲਾਂ ਸ਼ਮਿੰਦਰ ਸਿੰਘ ਜ਼ੀਰਾ ਆਮ ਆਦਮੀ ਪਾਰਟੀ ’ਚ ਸ਼ਾਮਲ ਹੋਏ ਸਨ, ਜਿਨ੍ਹਾਂ ਨੇ ਇਸ ਹੱਦ ਤਕ ਮਿਹਨਤ ਕੀਤੀ ਅਤੇ ਪਾਰਟੀ ਨੇ ਉਨ੍ਹਾਂ ਦੀ ਮਿਹਨਤ ਦੀ ਕਦਰ ਕਰਦਿਆਂ ਉਨ੍ਹਾਂ ਨੂੰ ਸਨਮਾਨਯੋਗ ਅਹੁਦੇ ਨਾਲ ਨਿਵਾਜਿਆ ਹੈ। ਇਸ ਸਬੰਧੀ ਗੱਲਬਾਤ ਕਰਦਿਆਂ ਭੁਪਿੰਦਰ ਕੌਰ ਜ਼ਿਲਾ ਪ੍ਰਧਾਨ, ਇਕਬਾਲ ਸਿੰਘ ਢਿੱਲੋਂ, ਨਰਿੰਦਰ ਕੌਰ ਘੋਤੜਾ ਬਲਾਕ ਪ੍ਰਧਾਨ, ਕੈਪਟਨ ਨਛੱਤਰ ਸਿੰਘ ਵਰਪਾਲ ਬਲਾਕ ਪ੍ਰਧਾਨ ਮੱਖੂ, ਪ੍ਰਿਤਪਾਲ ਸਿੰਘ ਧੰਜਲ ਬਲਾਕ ਪ੍ਰਧਾਨ ਖੋਸਾ ਦਲ ਸਿੰਘ ਵਾਲਾ, ਸੁਖਦੇਵ ਸਿੰਘ ਫੌਜੀ ਬਲਾਕ ਪ੍ਰਧਾਨ, ਪ੍ਰੀਤਮ ਸਿੰਘ ਤਲਵੰਡੀ ਮੰਗੇ ਖਾਂ, ਸਰਦੂਲ ਸਿੰਘ ਲੌਂਗੋਦੇਵਾ, ਰਣਜੀਤ ਸਿੰਘ ਸੁੱਖੇਵਾਲਾ, ਗੁਰਸੇਵਕ ਸਿੰਘ ਮੱਲਾਂਵਾਲਾ, ਕੁਲਵੰਤ ਸਿੰਘ ਤਲਵੰਡੀ ਮੰਗੇ ਖਾਂ, ਦਾਰਾ ਸਿੰਘ ਮਹੀਆਂਵਾਲਾ, ਸਤਵਿੰਦਰ ਸਿੰਘ ਝਤਰਾ, ਜਗਦੀਪ ਸਿੰਘ ਵਲਟੋਹਾ, ਲਵਪ੍ਰੀਤ ਸਿੰਘ, ਗੁਰਭੇਜ ਸਿੰਘ ਚੱਬਾ ਨੇ ਕਿਹਾ ਕਿ ਆਮ ਆਦਮੀ ਪਾਰਟੀ ਨੇ ਹਮੇਸ਼ਾ ਮਿਹਨਤੀ ਵਰਕਰਾਂ ਨੂੰ ਮਾਣ-ਸਨਮਾਨ ਦਿੱਤਾ ਹੈ ਅਤੇ ਜ਼ੀਰਾ ਨੇ ਜੋ ਥੋੜ੍ਹੇ ਸਮੇਂ ਦੌਰਾਨ ਵੱਡੀ ਮਿਹਨਤ ਪਾਰਟੀ ਲਈ ਕੀਤੀ ਹੈ, ਉਸ ਲਈ ਇਨ੍ਹਾਂ ਨੂੰ ਅਜਿਹਾ ਅਹੁਦਾ ਦਿੱਤਾ ਜਾਣਾ ਬਿਲਕੁਲ ਵਾਜਬ ਹੈ ਅਤੇ ਪਾਰਟੀ ਨੇ ਉਨ੍ਹਾਂ ਦੀਆਂ ਸੇਵਾਵਾਂ ਦੀ ਕਦਰ ਕੀਤੀ ਹੈ।
ਉੱਧਰ ਜ਼ੀਰਾ ਸ਼ਹਿਰ ’ਚ ਜ਼ੀਰਾ ਨੂੰ ਕਈ ਥਾਵਾਂ ’ਤੇ ਸਨਮਾਨਿਤ ਅਤੇ ਉਸ ਦਾ ਮੂੰਹ ਮਿੱਠਾ ਕਰਵਾਇਆ ਗਿਆ। ਯੂਥ ਵਰਕਰਾਂ ਨੇ ਜਿਨ੍ਹਾਂ ’ਚ ਸੰਦੀਪ ਸਿੰਘ ਗਿੱਲ ਯੂਥ ਆਗੂ ਮਨਸੂਰਦੇਵਾ, ਸੁਖਮੰਦਰ ਸਿੰਘ ਗਿੱਲ ਮਨਸੂਰਦੇਵਾ, ਗੁਰਭੇਜ ਝਤਰਾ, ਕਰਨ ਸੰਧੂ ਜ਼ੀਰਾ, ਸੁਨੀਲ ਗਰੋਵਰ, ਸੁਨੀਲ ਪਟੇਲ, ਕੁਲਦੀਪ ਸਿੰਘ ਜ਼ੀਰਾ, ਸੁਖਜਿੰਦਰ ਸਿੰਘ, ਕਮਲ ਬਰਾੜ, ਹਰਮਨਦੀਪ ਸਿੰਘ ਹੈਪੀ, ਇਮੈਨੁਅਲ ਭੱਟੀ, ਜੂਨਮ ਭੱਟੀ, ਜਸਕਰਨ ਭੱਟੀ, ਅਨਕੂਲ ਮੱਖੂ, ਅੰਗਰੇਜ਼ ਸਿੰਘ ਝਤਰਾ ਨੇ ਕਿਹਾ ਕਿ ਸ਼ਮਿੰਦਰ ਜ਼ੀਰਾ ਨੇ ਆਮ ਆਦਮੀ ਪਾਰਟੀ ਦੀਆਂ ਨੀਤੀਆਂ ਨੂੰ ਘਰ-ਘਰ ਪਹੁੰਚਾਇਆ ਹੈ। ਗੱਲ ਚਾਹੇ ਕੋਰੋਨਾ ਸੰਕਟ ਸਮੇਂ ਦੀ ਸੀ ਜਾਂ ਫਿਰ ਪਾਰਟੀ ਦੀ ਰੈਲੀ ਜਾਂ ਮੁਜ਼ਾਹਰਾ ਹੋਵੇ, ਜ਼ੀਰਾ ਨੇ ਉਸ ’ਚ ਵੱਡੀ ਭੂਮਿਕਾ ਨਿਭਾਈ ਹੈ। ਹੁਣ ਵੀ ਉਹ ਵੱਡੇ ਪੱਧਰ ’ਤੇ ਜ਼ੀਰਾ ਵਿਧਾਨ ਸਭਾ ਹਲਕੇ ’ਚ ਪਾਰਟੀ ਦੇ ਨਾਲ ਵਰਕਰਾਂ ਨੂੰ ਜੋੜ ਰਹੇ ਹਨ। ਜ਼ੀਰਾ ਨੂੰ ਮਿਲੀ ਇਹ ਅਹੁਦੇਦਾਰੀ ਪਾਰਟੀ ਪ੍ਰਤੀ ਵਰਕਰਾਂ ਪਾਰਟੀ ਦੀ ਸੇਵਾ ਕਰਨ ਵਾਲਿਆਂ ਨੂੰ ਹੋਰ ਉਤਸ਼ਾਹਿਤ ਕਰੇਗੀ।
ਜਲਾਲਾਬਾਦ ਤੋਂ ਵੱਡੀ ਖ਼ਬਰ,ਨਕਾਬਪੋਸ਼ ਗੱਡੀ ਸਵਾਰਾਂ ਨੇ ਵਪਾਰੀ ਨੂੰ ਅਗਵਾ ਕਰ ਕੇ ਲੁੱਟੀ ਲੱਖਾਂ ਦੀ ਨਕਦੀ
NEXT STORY 
