ਨਸ਼ੇ ਅਤੇ ਹਥਿਅਾਰ
ਅਾਪੋ ਆਪਣੇ ਘਰ ਸੁਧਾਰ ਲਈਏ ,
ਇਸ ਚੰਚਲ ਮਨ ਨੂੰ ਮਾਰ ਲਈਏ ,
ਨਾ ਹੀ ਲੋੜ ਪਵੇ ਹਥਿਅਾਰਾਂ ਦੀ ,
ਨਾਲ਼ੇ ਨਸ਼ਿਅਾਂ ਬਾਝੋਂ ਸਾਰ ਲਈਏ।
ਅਾਓ ਸੋਚ ਬਦਲੀਏ ਗੱਭਰੂਅਾਂ ਦੀ,
ਨਾਲ਼ੇ ਰੰਗ ਢੰਗ ਮੁਟਿਅਾਰਾਂ ਦੇ।
ਅਾਪੇ ਕਾਰਖਾਨੇ ਬੰਦ ਹੋ ਜਾਣੇਂ ,
ਫਿਰ ਨਸ਼ਿਅਾਂ ਅਤੇ ਹਥਿਅਾਰਾਂ ਦੇ.
ਖ਼ੁਦ ਹੀ ਕਾਰਖ਼ਾਨੇ ਬੰਦ ਹੋ ਜਾਵਣਗੇ,
ਨਸ਼ਿਅਾਂ ਤੇ ਹਥਿਅਾਰਾਂ ਦੇ ।
ਮਿਲ ਕੇ ਸੋਚ ਬਦਲੀਏ ਗੱਭਰੂਅਾਂ ਦੀ.
ਜਿੱਥੇ ਗੱਲ ਚਲਦੀ ਹਥਿਅਾਰਾਂ ਦੀ ,
ਓਥੇ ਤੋਰੀਏ ਗੱਲ ਕਿਤਾਬਾਂ ਦੀ ।
ਜਿੱਥੇ ਕੰਡੇ ਬੀਜੇ ਜਾਂਦੇ ਨੇ ,
ਓਥੇ ਖੇਤੀ ਹੋਵੇ ਗੁਲਾਬਾਂ ਦੀ।
ਪਿੰਡ ਪਿੰਡ ਲਾਇਬਰੇਰੀਅਾਂ ਖੋਲ੍ਹ ਦੇਈਏ,
ਜਿੱਥੇ ਚਰਚੇ ਹੋਣ ਵਿਚਾਰਾਂ ਦੇ।
ਅਾਪੇ ਕਾਰਖ਼ਾਨੇ -------
ਸਭ ਦੀ ਜੇ ਵਿਗਿਅਾਨਕ ਸੋਚ ਹੋਵੇ,
ਨਾ ਕੋਈ ਫਿਰੇ ਪੂਜਦਾ ਪੱਥਰਾਂ ਨੂੰ .
ਜਾ ਤਾਂ ਹੋਵੇ ਪ੍ਰੈਕਟਿਸ ਖੇਡਾਂ ਦੀ ,
ਜਾਂ ਫਿਰ ਹੋਈਏ ਲੋਚਦੇ ਅੱਖਰਾਂ ਨੂੰ.
ਨਾ ਤਿਲਕ ਜਨੇੳੂਅਾਂ ਟੋਪੀਅਾਂ ਦੇ,
ਨਾ ਹੀ ਮਸਲੇ ਹੋਣ ਦਸਤਾਰਾਂ ਦੇ .
ਅਾਪੇ ਕਾਰਖਾਨੇ ---------
ਹਰ ਵਿਹਲੇ ਹੱਥ ਨੂੰ ਕੰਮ ਮਿਲੇ ,
ਇਸ ਗੱਲ ਦਾ ਹੀਲਾ ਕਰਨਾ ਪੳੂ .
ਘਰ ਬੈਠਿਅਾਂ ਨੂੰ ਕੁੱਝ ਨਈਂ ਮਿਲਣਾਂ,
ਮਿਲ ਕੇ ਕੋਈ ਵਸੀਲਾ ਕਰਨਾ ਪੳੂ।
ਏਕਾ ਕਰਕੇ ਪਿੰਡ ਰੰਚਣਾਂ ਨੂੰ ,
ਗਲ਼ ਪੈਣਾਂ ਪੳੂ ਸਰਕਾਰਾਂ ਦੇ।
ਅਾਪੇ ਕਾਰਖਾਨੇ ---------
ਮੂਲ ਚੰਦ ਸ਼ਰਮਾ
ਪਿੰਡ ਰੰਚਣਾਂ ਡਾਕ ਭਸੌੜ
ਰਾਹੀਂ ਧੂਰੀ , ਜ਼ਿਲ੍ਹਾ ਸੰਗਰੂਰ- 148024
ਮੋਬਾਇਲ,9478408898
ਗੁੜ ਜਾਂ ਖੰਡ, ਜਾਣੋ ਦੋਵਾਂ ’ਚੋਂ ਕਿਸ ਦੀ ਵਰਤੋਂ ਕਰਨ ਨਾਲ ਘੱਟ ਹੁੰਦਾ ਹੈ ‘ਭਾਰ’
NEXT STORY 
