ਧਰਤੀ ਦੇ ਪੁੱਤਰ-ਧੀਆਂ ਨੂੰ ਸਲਾਮ
ਨਵਜੋਤ ਕੌਰ (ਡਾ:)
ਭਾਣੇ ਅੰਦਰ ਸੰਵੇਦਨਾ ਸੰਗ ਲਰਜ਼ਦੇ
ਦਿੱਲੀ ਦੇ ਬੂਹੇ ਜ਼ਾਲਮਾਂ ਦੀ ਜੂਹੇ
ਸ਼ਹਾਦਤਾਂ ਦੇ ਪੋਹ ਮਹੀਨੇ
ਪੱਕੇ ਪੈਰੀਂ ਨੰਗੇ ਧੜ
ਸੀਸ ਤਲੀ ’ਤੇ ਟਿਕਾ ਤੁਰਦੇ ਸੂਰਮਿਓਂ
ਜ਼ਬਰ ਤੇ ਜ਼ੁਲਮ ਨਾਲ ਖਹਿੰਦਿਉ
ਸੁੱਤੀਆਂ ਜ਼ਮੀਰਾਂ ਨੂੰ
ਜਗਾਉਣ ਵਾਲੇ ਬਹਾਦਰੋ
ਰਾਜ-ਹੱਠ ਨੂੰ ਲਲਕਾਰ ਦਿਓ!
ਆਪਣੇ ਹੀ ਲਹੂ ਨਾਲ
ਅੰਦੋਲਨ ਨੂੰ ਪਾਲਦੇ ਉਸਾਰਦੇ ਸਿੰਜਦੇ
ਸ਼ਹਾਦਤਾਂ ਦਾ ਜਾਮ ਪੀਣ ਵਾਲਿਓ!
ਹਮਸਫ਼ਰਾਂ ਦੀਆਂ ਯਾਦਾਂ ਨੂੰ
ਸੰਭਾਲਦੇ ਜਾਂਬਾਜ਼ੋ!
ਪੁਲਸ ਦੀਆਂ ਡਾਂਗਾਂ ਖਾ ਕੇ ਵੀ
ਉਨ੍ਹਾਂ ਨੂੰ ਲੰਗਰ ਵਰਤਾਉਂਦੇ
ਭਾਈ ਘਨੱਈਆ ਦੇ ਫ਼ਰਜ਼ੰਦੋ!
ਸਹਿਜ ਪੰਥੀ ਦਰਿਆਓ!
ਮੇਰੀ ਧਰਤੀ ਦੇ ਜਾਏ ਮੂੰਹ ਬੋਲੇ ਭਰਾਓ!
ਬੇਬੇ ਪੰਜਾਬ ਕੌਰ ਦੇ ਲਾਡਲੇ ਪੁੱਤਰੋ
ਪੀਡੀਆਂ ਭਾਈਚਾਰਕ ਤੰਦਾਂ
ਫੁਲਕਾਰੀ ਜਹੇ ਨਵ ਪੰਜਾਬ
ਨਵ ਇਤਿਹਾਸ ਦੇ ਸਿਰਜਕੋ!
ਪੜ੍ਹੋ ਇਹ ਵੀ ਖ਼ਬਰ - Health Tips: ਹਫ਼ਤੇ ’ਚ ਤਿੰਨ ਦਿਨ ਖਾਓ ਇਹ ਚੀਜ਼, ਘਟੇਗਾ ‘ਦਿਲ ਦੇ ਦੌਰਾ’ ਦਾ ਖ਼ਤਰਾ
ਸੰਪੂਰਣ ਕਰਾਂਤੀ ਦਾ
ਸੁਨੇਹਾ ਲੈ ਕੇ ਆਏ
ਮੇਰੇ ਸ਼ੇਰ ਬੱਗਿਓ
ਤੁਹਾਡੇ ਸੰਗਰਾਮੀ ਅਮਲ ਨੇ
ਭੁੱਲਿਆ ਵਿਸਰਿਆ ਇਤਿਹਾਸ
ਮੁੜ ਸਜੀਵ ਕਰ ਦਿੱਤਾ ਹੈ।
ਬਾਬੇ ਨਾਨਕ ਦੀਆਂ ਉਦਾਸੀਆਂ ਨੂੰ
ਮੈਂ ਜਦ ਵੀ ਕਿਆਸਿਆ
ਮੇਰੀ ਸੋਚ ਦੇ ਪੈਰੀਂ ਛਾਲੇ ਪਏ
ਸ਼ਾਂਤੀ ਦੇ ਪੁੰਜ ਨੂੰ ਰਾਵੀ ਕੰਢੇ
ਜਦ ਕਦੇ ਤੱਤੀ ਤਵੀ ’ਤੇ ਚਿਤਵਿਆ
ਕਈ ਕਈ ਦਿਨ ਮੈਂ
ਭੱਠੀ 'ਚ ਝੁਲਸਦੀ ਰਹੀ।
ਪੜ੍ਹੋ ਇਹ ਵੀ ਖ਼ਬਰ - Health Alert : ਹਾਰਟ ਅਟੈਕ ਹੋਣ ਤੋਂ ਪਹਿਲਾਂ ਦਿਖਾਈ ਦਿੰਦੇ ਨੇ ਇਹ ਲੱਛਣ, ਤਾਂ ਹੋ ਜਾਵੋ ਸਾਵਧਾਨ
ਸੀਸ ਗੰਜ ਵਾਲਾ ਚਾਂਦਨੀ ਚੌਂਕ
ਲੱਖ ਚਾਹੁਣ ’ਤੇ ਵੀ
ਮੇਰੇ ਲਈ
ਚਾਨਣ ਦਾ ਚੁਰਸਤਾ ਨਹੀਂ ਬਣ ਸਕਿਆ
ਚਮਕੌਰ ਦੀ ਗੜ੍ਹੀ ਹੋਵੇ ਜਾਂ
ਸਰਹੰਦੀ ਖ਼ੂਨੀ ਕੰਧ ਵਿੱਚ
ਮਾਸੂਮ ਸਾਹਿਬਜ਼ਾਦਿਆਂ ਦੀ ਸ਼ਹਾਦਤ
ਰੌਸ਼ਨ ਇਬਾਰਤ
ਜਦ ਵੀ ਪੜ੍ਹੀ ਸੁਣੀ
ਢਾਹਾਂ ਮਾਰ ਕੇ ਰੂਹ ਕੁਰਲਾਈ।
ਸੰਤਾਲੀ ਦੇ ਦਸ ਲੱਖ ਜ਼ਖ਼ਮ
ਚੁਰਾਸੀ ਦਾ ਬਲ਼ਦਾ ਨਾਸੂਰ
ਮੈਨੂੰ ਪੁੱਛਦਾ ਹੈ ਅਨੇਕ ਸਵਾਲ
ਪੰਜਾਬ ਨੂੰ ਹੀ ਕਿਓਂ ਝੱਲਣੇ ਪਏ?
ਗੁਰ ਫੁਰਮਾਇਆ
ਮਨ ਪ੍ਰਦੇਸੀ ਜੇ ਥੀਏ
ਸਭ ਦੇਸ਼ ਪਰਾਇਆ
ਬੇਗਾਨਗੀ ਦਾ ਬੂਟਾ ਉੱਗਦਾ
ਸਰਹੱਦਾਂ ’ਤੇ
ਸਾਡੇ ਹੀ ਪੁੱਤ ਕਿਉਂ ਮਰਨ
ਸੂਲੀਆਂ ’ਤੇ ਸਾਡੇ ਹੀ ਸੂਰਜ ਕਿਉਂ ਚੜ੍ਹੇ?
ਇਹੀ ਤਾਂ ਸਵਾਲ ਸਨ
ਜਿੰਨ੍ਹਾਂ ਨੂੰ ਤੁਸੀਂ ਜਵਾਬ ਦਿੱਤੇ
ਬਲ਼ਦੇ ਹੱਥਾਂ ਨਾਲ
ਵਕਤ ਦੇ ਵਰਕੇ ਲਿਖਦਿਆਂ।
ਸੱਚ ਪੁੱਛੋ
ਤੁਹਾਡੀ ਪਾਰਦਰਸ਼ੀ ਨਜ਼ਰ ਤੋਂ
ਰੁੱਖਾਂ ਵਾਲੀ ਜ਼ੀਰਾਂਦ ਤੋਂ
ਲਾਸਾਨੀ ਸਬਰ ਸਿਦਕ ’ਤੇ
ਦਲੇਰੀ ਤੋਂ
ਮੇਰੇ ਬਾਬਲੋ! ਮਾਤਾਓ, ਭੈਣੋ ਤੇ ਭਰਾਓ!
ਕੁਰਬਾਨ ਹੋਣ ਨੂੰ ਜੀਅ ਕਰਦਾ
ਸੈਆਂ ਫਤਵਿਆਂ ਤੋਂ ਬਾਅਦ ਵੀ
ਦਸਤਾਰ, ਰਫ਼ਤਾਰ ਤੇ ਗੁਫ਼ਤਾਰ ਦੀ ਕਲਗੀ ਚਮਕੀ
ਅੱਜ ਜੋ ਸ਼ਨਾਖ਼ਤ ਹੋਈ
ਇਹ ਮਾਣ ਸਨਮਾਨ
ਮਾਨਸਿਕ ਬੀਮਾਰ, ਝੂਠੇ ਤੇ ਮੱਕਾਰ
ਲੂੰਬੜਚਾਲ ਸਿਆਸਤਦਾਨਾਂ ਨੂੰ
ਕਿਰਤ ਤੇ ਸਿਰੜ ਦੇ ਹਥੌੜੇ ਨਾਲ
ਚਿੱਤ ਕਰੇਗਾ
ਮੇਰੇ ਹੀਰਿਓ ਪੁੱਤਰੋ, ਧੀਓ
ਚੁੰਨੀਓ! ਦਸਤਾਰੋ!
ਬਰਖ਼ੁਰਦਾਰੋ!
ਲੋਕਤਾ ਦਾ ਹੜ੍ਹ ਭਰ ਰਿਹਾ ਗਵਾਹੀ
ਇਸ ਹੱਕੀ ਸੰਗਰਾਮ ਨੂੰ ਤੁਸੀਂ
ਇਖ਼ਲਾਕੀ ਤੌਰ ’ਤੇ ਜਿੱਤ ਚੁੱਕੇ ਹੋ।
ਬੱਸ!
ਜਿੱਤ ਦਾ ਐਲਾਨ ਬਾਕੀ ਹੈ।
ਕੁੱਲ ਆਲਮ
ਉਸ ਨਵੇਂ ਨਕੋਰ ਸੂਰਜ ਨੂੰ
ਉਦੈ ਹੁੰਦਾ ਦੇਖਣ ਲਈ
ਬੇਕਰਾਰ ਹੈ।
ਪੜ੍ਹੋ ਇਹ ਵੀ ਖ਼ਬਰ - Health Tips : ਸਰਦੀ ਦੇ ਮੌਸਮ ’ਚ ਕੀ ਤੁਸੀਂ ਹੀਟਰ ਜਾਂ ਬਲੋਅਰ ਦੀ ਕਰਦੇ ਹੋ ਵਰਤੋਂ ਤਾਂ ਜ਼ਰੂਰ ਪੜ੍ਹੋ ਇਹ ਖ਼ਬਰ
ਰੁਲ਼ਦੂ ਰਖਦੈ ਨਜ਼ਰ ਤਾਜੀਆਂ ਖ਼ਬਰਾਂ 'ਤੇ
1. ਫਿਰ ਨਾ ਬਣੀ ਕੋਈ ਗੱਲ ਹੈ ਖ਼ਬਰ, ਅਗਲੀ ਮੀਟਿੰਗ 8 ਨੂੰ
ਅਤੇ ਉਸ ਤੋਂ ਅਗਲੀ 18 ਨੂੰ।
2. ਪੰਜਾਬ ਯੂਨੀਵਰਸਿਟੀ ਦੇ ਵਿਦਿਆਰਥੀਆਂ ਦਾ ਪੱਤਰ ਸੁਪਰੀਮ ਕੋਰਟ ਵੱਲੋਂ ਜਨਹਿੱਤ ਪਟੀਸ਼ਨ ਵਿਚ ਤਬਦੀਲ।
ਰੁਲ਼ਦੂ ਖ਼ੁਦ ਵੀ ਜੱਜ ਸਾਹਿਬਾਨਾਂ ਨੂੰ ਅਰਜ਼ੋਈ ਕਰ ਚੁੱਕਾ ਹੈ।
3. ਖੇਤੀ ਕਾਨੂੰਨਾਂ ਨਾਲ਼ ਸਾਡਾ ਕੋਈ ਲੈਣ ਦੇਣ ਨਹੀਂ -- ਰਿਲਾਇੰਸ।
ਪਰ ਸਿਆਣੇ ਤਾਂ ਇਹ ਕਹਿੰਦੇ ਨੇ ਕਿ "ਲੋਕਾਂ ਦੀ ਆਵਾਜ਼ ਰੱਬ ਦੀ ਆਵਾਜ਼ ਹੁੰਦੀ ਹੈ"।
4. ਮੋਦੀ ਦਾ ਹੰਕਾਰ ਤੋੜੇਗਾ ਕਿਸਾਨ ਅੰਦੋਲਨ -- ਸੁਖਬੀਰ ਬਾਦਲ।
ਸਿਆਣਿਆਂ ਦੀ ਇੱਕ ਕਹੌਤ ਇਹ ਵੀ ਐ ਕਿ "ਟੁੱਟੀ ਤੋਂ ਚੁਗਾਠ ਪੱਟ 'ਲੀ"।
5. ਬੇਨਾਮੀ ਸੰਪਤੀ ਕੇਸ -- ਆਮਦਨ ਕਰ ਵਿਭਾਗ ਵੱਲੋਂ ਰੌਬਰਟ ਵਾਡਰਾ ਦੇ ਬਿਆਨ ਦਰਜ।
ਉਇ ਭਾਈ ਜੁਆਈ ਤਾਂ ਸਰਪੰਚਾਂ ਦਾ 'ਨੀਂ ਮਾਨ ਹੁੰਦਾ ਉਹ ਤਾਂ ਫੇਰ ਸਿਰੇ ਦੇ ਡੰਡੇ ਦਾ ਸੀ, ਉਂਜ ਏਹੀ ਆਮਦਨ ਕਰ ਵਿਭਾਗ ਕਦੇ ਉਸਦਾ ਨਾਂ ਸੁਣ ਕੇ ਕੰਬਦਾ ਹੁੰਦਾ ਸੀ।
6. ਟਰੰਪ ਨੇ ਚੋਣ ਅਧਿਕਾਰੀ ਨੂੰ ਫ਼ੋਨ ਕਰਕੇ ਨਤੀਜਾ ਪਲਟਾਉਂਣ ਲਈ ਕਿਹਾ ਸੀ।
ਇਹ ਸਲਾਹ ਜ਼ਰੂਰ ਕਿਸੇ ਹਿੰਦੋਸਤਾਨੀ ਮਿੱਤਰ ਨੇ ਦਿੱਤੀ ਹੋਊ।
7. ਧਰਮਿੰਦਰ ਵੱਲੋਂ ਕਿਸਾਨੀ ਸੰਘਰਸ਼ ਦੇ ਹੱਕ ਵਿੱਚ ਅਰਦਾਸ।
ਮਗਰਮੱਛ ਦੇ ਅੱਥਰੂ ਕਿਸੇ ਨੇ ਵੇਖੇ ਤਾਂ 'ਨੀਂ ਹੋਣੇ ਪਰੰਤੂ ਜ਼ਰੂਰ ਇਹੋ ਜਿਹੇ ਹੀ ਹੁੰਦੇ ਹੋਣਗੇ।
ਵੱਲੋਂ - ਰੁਲ਼ਦੂ ਬੱਕਰੀਆਂ ਵਾਲ਼ਾ
ਪਿੰਡ ਰੰਚਣਾਂ ਜ਼ਿਲ੍ਹਾ ਸੰਗਰੂਰ
ਖ਼ਾਸ ਖ਼ਬਰ : ਐੱਲ 1 ਵੀਜ਼ਾ ਅਪਲਾਈ ਕਰਨ ਲੱਗੇ ਹਮੇਸ਼ਾ ਯਾਦ ਰੱਖੋ ਇਹ ਗੱਲਾਂ
NEXT STORY 
