ਗੁਹਾਟੀ - ਅਸਾਮ ਦੇ ਮੁੱਖ ਮੰਤਰੀ ਹਿਮੰਤ ਬਿਸਵਾ ਸਰਮਾ ਨੇ ਵੀਰਵਾਰ ਨੂੰ ਕਿਹਾ ਕਿ ਰਾਜ 'ਚ ਚੱਲ ਰਹੀ ਘੁਸਪੈਠ ਵਿਰੋਧੀ ਮੁਹਿੰਮ ਦੇ ਹਿੱਸੇ ਵਜੋਂ 18 ਵਿਦੇਸ਼ੀ ਨਾਗਰਿਕਾਂ ਨੂੰ ਭਾਰਤ 'ਚ ਦਾਖਲ ਹੋਣ ਤੋਂ ਰੋਕਿਆ ਗਿਆ ਹੈ। "ਅਸਾਮ ਦੀ ਸੁਰੱਖਿਆ ਅਤੇ ਪਛਾਣ ਨੂੰ ਕਮਜ਼ੋਰ ਕਰਨ ਲਈ ਘੁਸਪੈਠ ਦੀ ਇਜਾਜ਼ਤ ਨਹੀਂ ਦਿੱਤੀ ਜਾਵੇਗੀ। ਸਾਡੀ ਲਗਾਤਾਰ ਕਾਰਵਾਈ ਦੇ ਹਿੱਸੇ ਵਜੋਂ, ਇਨ੍ਹਾਂ 18 ਘੁਸਪੈਠੀਆਂ ਵਿਰੁੱਧ ਸਖ਼ਤ ਕਾਰਵਾਈ ਕੀਤੀ ਗਈ ਹੈ।" ਹਾਲਾਂਕਿ, ਮੁੱਖ ਮੰਤਰੀ ਨੇ ਇਹ ਨਹੀਂ ਦੱਸਿਆ ਕਿ ਇਹ ਲੋਕ ਕਿੱਥੋਂ ਫੜੇ ਗਏ ਸਨ ਅਤੇ ਉਹ ਕਿਸ ਦੇਸ਼ ਦੇ ਨਾਗਰਿਕ ਹਨ। "ਸਾਡੀ ਸਖ਼ਤ ਚੌਕਸੀ ਅਤੇ ਕਾਰਵਾਈ ਦਿਨ-ਰਾਤ ਜਾਰੀ ਹੈ," ਮੁੱਖ ਮੰਤਰੀ ਨੇ ਕਿਹਾ।
ਅਸਾਮ ਦੇ ਸ਼੍ਰੀਭੂਮੀ, ਕਛਾਰ, ਧੁਬਰੀ ਅਤੇ ਦੱਖਣੀ ਸਲਮਾਰਾ-ਮਾਨਕਾਚਰ ਜ਼ਿਲ੍ਹੇ ਬੰਗਲਾਦੇਸ਼ ਨਾਲ 267.5 ਕਿਲੋਮੀਟਰ ਲੰਬੀ ਅੰਤਰਰਾਸ਼ਟਰੀ ਸਰਹੱਦ ਸਾਂਝੀ ਕਰਦੇ ਹਨ। 2024 'ਚ ਬੰਗਲਾਦੇਸ਼ 'ਚ ਹੋਏ ਰਾਜਨੀਤਿਕ ਉਥਲ-ਪੁਥਲ ਤੋਂ ਬਾਅਦ, ਅਸਾਮ ਪੁਲਸ ਨੇ ਕਿਹਾ ਸੀ ਕਿ ਰਾਜ ਪੁਲਸ ਬਲ ਗੁਆਂਢੀ ਦੇਸ਼ ਤੋਂ ਭਾਰਤ 'ਚ ਗੈਰ-ਕਾਨੂੰਨੀ ਪ੍ਰਵੇਸ਼ ਨੂੰ ਰੋਕਣ ਲਈ ਸੀਮਾ ਸੁਰੱਖਿਆ ਬਲ (BSF) ਦੇ ਸਹਿਯੋਗ ਨਾਲ ਕਾਨੂੰਨ ਦੇ ਤਹਿਤ ਸਾਰੇ ਜ਼ਰੂਰੀ ਕਦਮ ਚੁੱਕੇਗਾ।
IGI ਹਵਾਈ ਅੱਡੇ 'ਤੇ ਵੱਡੀ ਕਾਰਵਾਈ : ਬੈਂਕਾਕ ਤੋਂ ਆਓ ਯਾਤਰੀ ਕੋਲੋਂ 9 ਕਿਲੋ ਵਿਸ਼ੇਸ਼ ਗਾਂਜਾ ਜ਼ਬਤ
NEXT STORY 
