ਰਾਂਚੀ— ਝਾਰਖੰਡ ਦੇ ਨਕਸਲ ਪ੍ਰਭਾਵਿਚ ਲਾਤੇਹਾਰ ਜ਼ਿਲੇ 'ਚ ਮੰਗਲਵਾਰ ਨੂੰ ਨਕਸਲੀਆਂ ਨੇ ਇਕ ਵੱਡੇ ਹਮਲੇ ਨੂੰ ਅੰਜਾਮ ਦਿੱਤਾ ਹੈ। ਇਸ ਹਮਲੇ 'ਚ 6 ਜਵਾਨ ਸ਼ਹੀਦ ਹੋ ਗਏ ਹਨ ਜਦਕਿ 4 ਹੋਰ ਜਵਾਨ ਜ਼ਖਮੀ ਹੋਏ ਹਨ। ਮੰਗਲਵਾਰ ਦੇਰ ਸ਼ਾਮ ਝਾਰਖੰਡ ਜਗੁਆਰ ਦੇ 112 ਬਟਾਲੀਅਨ ਤੇ ਐਸਾਲਟ ਗਰੁੱਪ 40 ਅਭਿਆਨ ਖਤਮ ਕਰਕੇ ਬੁਡਾਪਹਾੜ ਤੋਂ ਉਤਰ ਰਹੀ ਸੀ। ਤਦੇ ਪਹਾੜ ਤੋਂ ਉਤਰਣ ਦੇ ਦੌਰਾਨ ਹੀ ਖਪਰੀ ਮਹੁਆ ਦੇ ਨੇੜੇ ਤੁਰੇਰ 'ਚ ਭਾਕਪਾ ਮਾਓਵਾਦੀਆਂ (ਨਕਸਲੀ) ਵਲੋਂ ਲਗਾਈਆਂ ਗਈਆਂ ਬਾਰੂਦੀ ਸੁਰੰਗਾਂ 'ਚ ਧਮਾਕਾ ਕਰ ਦਿੱਤਾ ਗਿਆ।
ਮਿਲੀ ਜਾਣਕਾਰੀ ਮੁਤਾਬਕ ਸਖਤ ਘੇਰਾਬੰਦੀ ਦੇਖ ਕੇ ਨਕਸਲੀਆਂ ਨੇ ਸੁਰੱਖਿਆ ਬਲਾਂ 'ਤੇ ਫਾਇਰਿੰਗ ਸ਼ੁਰੂ ਕਰ ਦਿੱਤੀ। ਇਸੇ ਦੌਰਾਨ ਇਥੇ ਰਸਤੇ 'ਚ ਲਗਾਈ ਗਈ ਇਕ ਲੈਂਡ ਮਾਈਨ 'ਚ ਧਮਾਕਾ ਹੋ ਗਿਆ। ਜਿਸ ਦੀ ਲਪੇਟ 'ਚ ਜਵਾਨ ਆ ਗਏ। ਜਵਾਨਾਂ ਨੇ ਜਵਾਬੀ ਕਾਰਵਾਈ ਕੀਤੀ ਜਿਸ ਤੋਂ ਬਾਅਦ ਨਕਸਲੀ ਮੌਕੇ 'ਤੋਂ ਭੱਜ ਗਏ। ਦੱਸਿਆ ਜਾ ਰਿਹਾ ਹੈ ਕਿ ਨਕਸਲੀਆਂ ਨੇ ਜਵਾਨਾਂ ਦੇ ਹਥਿਆਰ ਵੀ ਲੁੱਟ ਲਏ ਹਨ। ਜਿਸ ਪੁਲਸ ਪਾਰਟੀ 'ਤੇ ਨਕਸਲੀਆਂ ਨੇ ਹਮਲਾ ਕੀਤਾ ਉਸ 'ਚ ਲਾਤੇਹਾਰ ਤੇ ਗੜਵਾ ਜ਼ਿਲੇ ਦੇ ਐਸ.ਪੀ. ਵੀ ਸ਼ਾਮਲ ਸਨ। ਦੋਵੇਂ ਹੀ ਅਧਿਕਾਰੀ ਸੁਰੱਖਿਅਤ ਦੱਸੇ ਜਾ ਰਹੇ ਹਨ।
ਗੜਵਾ ਪੁਲਸ ਦੇ ਸੀਨੀਅਰ ਅਧਿਕਾਰੀ ਵਿਪੁਲ ਸ਼ੁਕਲਾ ਨੇ ਦੱਸਿਆ ਕਿ ਇਥੇ ਹੋਏ ਇਸ ਹਮਲੇ 'ਚ ਕਈ ਜਵਾਨ ਜ਼ਖਮੀ ਹੋਏ ਹਨ, ਜਿਨ੍ਹਾਂ ਨੂੰ ਇਲਾਜ ਲਈ ਹਸਪਤਾਲ ਦਾਖਲ ਕਰਵਾਇਆ ਗਿਆ ਹੈ। ਮੀਡੀਆ 'ਚ ਆਈਆਂ ਖਬਰਾਂ ਦੇ ਮੁਤਾਬਕ ਕਰੀਬ 4 ਜਵਾਨ ਜ਼ਖਮੀ ਹੋਏ ਹਨ। ਘਟਨਾ ਦੀ ਸੂਚਨਾ ਮਿਲਣ ਤੋਂ ਬਾਅਦ ਪਾਲਮੂ, ਲਾਤੇਹਾਰ, ਗੜਵਾ ਦੇ ਪੁਲਸ ਅਧਿਕਾਰੀ ਮੌਕੇ 'ਤੇ ਪਹੁੰਚ ਗਏ।
ਕੇਂਦਰੀ ਮੁਲਾਜ਼ਮਾਂ ਦਾ ਓਵਰਟਾਈਮ ਭੱਤਾ ਬੰਦ
NEXT STORY 
