9 ਮਹੀਨੇ ਦੀ ਗਰਭਵਤੀ ਔਰਤ ਨੇ ਸਾੜੀ 'ਚ ਦਿੱਤੇ ਖ਼ਤਰਨਾਕ ਯੋਗਾ ਪੋਜ਼, 2 ਕਰੋੜ ਲੋਕਾਂ ਨੇ ਦੇਖੀ ਵੀਡੀਓ, ਉੱਡੇ ਹੋਸ਼

9 month pregnant woman saree dangerous yoga pose

ਨੈਸ਼ਨਲ ਡੈਸਕ : ਸੋਸ਼ਲ ਮੀਡੀਆ 'ਤੇ ਰੋਜ਼ਾਨਾ ਕੁਝ ਨਾ ਕੁਝ ਵਾਇਰਲ ਹੁੰਦਾ ਹੀ ਰਹਿੰਦਾ ਹੈ, ਜੋ ਲੋਕਾਂ ਨੂੰ ਹੈਰਾਨ ਕਰ ਦਿੰਦਾ ਹੈ। ਹਾਲ ਹੀ ਵਿੱਚ, ਬੈਂਗਲੁਰੂ ਦੀ ਇੱਕ ਯੋਗਾ ਅਧਿਆਪਕਾ ਦਾ ਇੱਕ ਵੀਡੀਓ ਇੰਟਰਨੈੱਟ 'ਤੇ ਤੇਜ਼ੀ ਨਾਲ ਹਲਚਲ ਮਚਾ ਰਿਹਾ ਹੈ। ਆਮ ਤੌਰ 'ਤੇ ਗਰਭ ਅਵਸਥਾ ਦੇ ਆਖਰੀ ਦਿਨਾਂ ਦੌਰਾਨ ਔਰਤਾਂ ਨੂੰ ਆਰਾਮ ਕਰਨ ਜਾਂ ਹਲਕੀ ਸੈਰ ਕਰਨ ਦੀ ਸਲਾਹ ਦਿੱਤੀ ਜਾਂਦੀ ਹੈ ਪਰ ਬੈਂਗਲੁਰੂ ਦੀ ਰਹਿਣ ਵਾਲੀ ਸ਼ਸ਼ੀ ਪ੍ਰਭਾ ਦਿਵੇਦੀ ਨੇ 9 ਮਹੀਨੇ ਦੀ ਗਰਭਵਤੀ ਹੋਣ 'ਤੇ ਜੋ ਕੀਤਾ, ਉਸ ਨੇ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ ਹੈ।

ਪੜ੍ਹੋ ਇਹ ਵੀ - ਚੰਡੀਗੜ੍ਹ ਤੋਂ ਦਿੱਲੀ ਜਾ ਰਹੀ Air India ਦੀ Flight 'ਚ ਹਾਈ-ਵੋਲਟੇਜ ਡਰਾਮਾ: ਸਿਰਫਿਰੇ ਯਾਤਰੀ ਨੇ ਹਵਾ 'ਚ ਤੋੜੀ ਖਿੜਕੀ

PunjabKesari

9 ਮਹੀਨਿਆਂ ਦੀ ਗਰਭਵਤੀ ਯੋਗਾ ਅਧਿਆਪਕ ਸ਼ਸ਼ੀ ਪ੍ਰਭਾ ਨੇ ਸਾੜੀ ਪਹਿਨ ਕੇ ਇੰਨੇ ਖ਼ਤਰਨਾਕ ਯੋਗਾ ਪੋਜ਼ ਦਿੱਤੇ ਕਿ ਲੋਕਾਂ ਦਾ ਸਾਹ ਉੱਪਰ ਦਾ ਉੱਪਰ ਅਤੇ ਹੇਠਾਂ ਦਾ ਹੇਠਾਂ ਰਹਿ ਗਿਆ। ਗਰਭਵਤੀ ਔਰਤ ਦੀ ਯੋਗਾ ਕਰਦੇ ਦੀ ਵੀਡੀਓ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ। ਇਸ ਵੀਡੀਓ ਨੂੰ 2 ਕਰੋੜ ਤੋਂ ਵੱਧ ਲੋਕ ਦੇਖ ਚੁੱਕੇ ਹਨ। ਵਾਇਰਲ ਵੀਡੀਓ ਵਿੱਚ ਸ਼ਸ਼ੀ ਪ੍ਰਭਾ ਸਾੜੀ ਪਾ ਕੇ ਚੱਕਰ ਆਸਣ (ਪਹੀਏ ਦੀ ਪੋਜ਼) ਅਤੇ ਹੈਂਡਸਟੈਂਡ (ਸ਼ੀਸ਼ਾਆਸਨ ਦਾ ਇੱਕ ਰੂਪ) ਵਰਗੇ ਗੁੰਝਲਦਾਰ ਆਸਣ ਕਰਦੀ ਦਿਖਾਈ ਦੇ ਰਹੀ ਹੈ।

ਪੜ੍ਹੋ ਇਹ ਵੀ - ਹਨੀਮੂਨ 'ਤੇ ਪੁੱਜ ਗਿਆ ਪੂਰਾ ਸਹੁਰਾ ਪਰਿਵਾਰ, ਨਵੀਂ ਲਾੜੀ ਦਾ ਚੜ੍ਹਿਆ ਪਾਰਾ, ਫਿਰ ਉਹ ਹੋਇਆ, ਜੋ ਸੋਚਿਆ ਨਾ ਸੀ

PunjabKesari

ਇਸ ਹਾਲਤ ਵਿਚ ਔਰਤ ਦੀ ਵੀਡੀਓ ਦੇਖ ਬਹੁਤ ਸਾਰੇ ਲੋਕ ਉਸਦੀ ਸ਼ਾਨਦਾਰ ਲਚਕਤਾ, ਤੰਦਰੁਸਤੀ ਅਤੇ ਆਤਮਵਿਸ਼ਵਾਸ ਦੀ ਪ੍ਰਸ਼ੰਸਾ ਕਰ ਰਹੇ ਹਨ। ਉੱਥੇ ਹੀ ਕੁਝ ਲੋਕ ਇਸਨੂੰ ਅਣਜੰਮੇ ਬੱਚੇ ਲਈ ਬਹੁਤ ਖਤਰਨਾਕ ਅਤੇ ਗੈਰ-ਜ਼ਿੰਮੇਵਾਰ ਮੰਨ ਰਹੇ ਹਨ। ਸ਼ਸ਼ੀ ਪ੍ਰਭਾ ਨੇ ਖੁਦ ਵਧ ਰਹੇ ਵਿਵਾਦ ਅਤੇ ਆਲੋਚਨਾ ਬਾਰੇ ਗੱਲ ਕੀਤੀ ਹੈ। ਉਨ੍ਹਾਂ ਨੇ ਕਿਹਾ, "ਲੋਕ ਸਿਰਫ਼ ਮੇਰਾ ਇਹ ਵੀਡੀਓ ਦੇਖ ਰਹੇ ਹਨ ਪਰ ਇਸਦੇ ਪਿੱਛੇ ਮੇਰਾ ਸਰੀਰ ਨਿਯੰਤਰਣ ਅਤੇ ਸਾਲਾਂ ਦਾ ਨਿਰੰਤਰ ਅਭਿਆਸ ਹੈ। ਗਰਭ ਅਵਸਥਾ ਮੇਰੇ ਲਈ ਕੋਈ ਸਟੰਟ ਨਹੀਂ ਹੈ ਅਤੇ ਨਾ ਹੀ ਕੁਝ ਸਾਬਤ ਕਰਨ ਦਾ ਤਰੀਕਾ ਹੈ। ਇਹ ਮੇਰੇ ਸਰੀਰ ਦੀ ਸਮਰੱਥਾ ਨੂੰ ਸਾਕਾਰ ਕਰਨ ਦਾ ਇੱਕ ਸੁੰਦਰ ਅਨੁਭਵ ਹੈ।"

ਪੜ੍ਹੋ ਇਹ ਵੀ - 'ਵਿਆਹ ਵਾਰ-ਵਾਰ ਨਹੀਂ ਹੁੰਦਾ...!' ਬਾਰਾਤ 'ਚ ਥਾਰ 'ਤੇ ਚੜ੍ਹ ਸਟੰਟ ਕਰਨਾ ਲਾੜੇ ਨੂੰ ਪਿਆ ਭਾਰੀ, FIR ਦਰਜ

PunjabKesari

ਸ਼ਸ਼ੀ ਨੇ ਇਹ ਵੀ ਸਪੱਸ਼ਟ ਕੀਤਾ ਕਿ ਉਸਦੇ ਗਾਇਨੀਕੋਲੋਜਿਸਟ ਨੇ ਉਸਦੀ ਮੈਡੀਕਲ ਸਥਿਤੀ ਨੂੰ ਦੇਖਦੇ ਹੋਏ ਇਨ੍ਹਾਂ ਆਸਣਾਂ ਨੂੰ ਜਾਰੀ ਰੱਖਣ ਦੀ ਆਗਿਆ ਦੇ ਦਿੱਤੀ ਹੈ। ਸ਼ਸ਼ੀ ਪ੍ਰਭਾ ਨੇ ਆਪਣੀ ਗਰਭ ਅਵਸਥਾ ਦਾ ਇੱਕ ਦਿਲਚਸਪ ਕਿੱਸਾ ਵੀ ਸਾਂਝਾ ਕੀਤਾ। ਉਸਨੇ ਦੱਸਿਆ ਕਿ ਇੱਕ ਵਾਰ, ਜਦੋਂ ਉਹ ਰੁਟੀਨ ਸਕੈਨ ਲਈ ਹਸਪਤਾਲ ਗਈ, ਤਾਂ ਬੱਚਾ ਸਹੀ ਸਥਿਤੀ ਵਿੱਚ ਨਹੀਂ ਸੀ। ਡਾਕਟਰ ਦੀ ਆਗਿਆ ਨਾਲ ਉਸਨੇ ਹਸਪਤਾਲ ਦੇ ਕੋਰੀਡੋਰ ਵਿੱਚ ਇੱਕ ਹੈਂਡਸਟੈਂਡ ਕੀਤਾ। ਜਦੋਂ ਟੈਸਟ ਦੁਹਰਾਇਆ ਗਿਆ ਤਾਂ ਬੱਚਾ ਸਹੀ ਸਥਿਤੀ ਵਿੱਚ ਸੀ। ਇਸ ਨਾਲ ਉਸਦਾ ਵਿਸ਼ਵਾਸ ਮਜ਼ਬੂਤ ਹੋਇਆ ਕਿ ਇੱਕ ਬੱਚਾ ਮਾਂ ਦੇ ਗਰਭ ਵਿੱਚ ਬਿਲਕੁਲ ਸੁਰੱਖਿਅਤ ਹੈ।

ਪੜ੍ਹੋ ਇਹ ਵੀ - ਪੈਟੀਜ਼ ਖਾਣ ਦੇ ਸ਼ੌਕਿਨ ਸਾਵਧਾਨ, ਅੰਦਰੋਂ ਘੁੰਮਦੇ ਦਿਖਾਈ ਦਿੱਤੇ ਜਿਉਂਦੇ ਕੀੜੇ-ਮਕੌੜੇ, FSDA ਨੇ ਮਾਰ 'ਤਾ ਛਾਪਾ

PunjabKesari

ਸ਼ਸ਼ੀ ਨੇ ਦੱਸਿਆ ਕਿ ਇਸ ਸਫ਼ਰ ਦੌਰਾਨ ਉਸਦੇ ਪਰਿਵਾਰ ਦੇ ਵਿਚਾਰ ਵੀ ਵੱਖਰੇ ਸਨ। ਉਸਦੀ ਆਪਣੀ ਮਾਂ ਬੱਚੇ ਦੀ ਸੁਰੱਖਿਆ ਬਾਰੇ ਬਹੁਤ ਚਿੰਤਤ ਸੀ ਅਤੇ ਉਸਨੇ ਯੋਗਾ ਕਰਨ ਲਈ ਉਸਨੂੰ ਕਈ ਵਾਰ ਝਿੜਕਿਆ ਵੀ ਸੀ। ਦੂਜੇ ਪਾਸੇ, ਉਸਦਾ ਪਤੀ ਉਸਦਾ ਸਭ ਤੋਂ ਵੱਡਾ ਸਮਰਥਕ ਸੀ। ਉਸਨੇ ਪਰਿਵਾਰ ਨੂੰ ਸਮਝਾਇਆ ਕਿ ਸ਼ਸ਼ੀ ਸਾਲਾਂ ਤੋਂ ਯੋਗਾ ਦਾ ਅਭਿਆਸ ਕਰ ਰਹੀ ਹੈ ਅਤੇ ਆਪਣੇ ਸਰੀਰ ਦੀਆਂ ਸੀਮਾਵਾਂ ਨੂੰ ਬਿਹਤਰ ਢੰਗ ਨਾਲ ਸਮਝਦੀ ਹੈ।