ਪ੍ਰਤਾਪਗੜ੍ਹ—ਕਾਂਗਰਸ ਦੇ ਸੀਨੀਅਰ ਨੇਤਾ ਅਤੇ ਸਾਬਕਾ ਰਾਜ ਸਭਾ ਮੈਂਬਰ ਪ੍ਰਮੋਦ ਤਿਵਾਰੀ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ 'ਤੇ ਦੇਸ਼ ਦੀ ਜਨਤਾ ਦੇ ਨਾਲ ਵਾਅਦਾ ਖਿਲਾਫੀ ਦਾ ਦੋਸ਼ ਲਗਾਇਆ ਹੈ। ਉਨ੍ਹਾਂ ਨੇ ਕਿਹਾ ਕਿ 4 ਸਾਲ ਬੀਤਣ ਦੇ ਬਾਅਦ ਵੀ ਵਾਅਦੇ ਦੇ ਮੁਤਾਬਕ ਕਿਸੇ ਵੀ ਭਾਰਤੀ ਦੇ ਖਾਤੇ 'ਚ 15 ਲੱਖ ਰੁਪਏ ਨਹੀਂ ਆਏ।
ਤਿਵਾਰੀ ਨੇ ਪੱਤਰਕਾਰਾਂ ਨੂੰ ਗੱਲਬਾਤ 'ਚ ਕਿਹਾ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ 100 ਦਿਨ ਦੇ ਅੰਦਰ ਵਿਦੇਸ਼ਾਂ 'ਚ ਦੇਸ਼ ਦਾ ਜਮਾ ਕਾਲਾ ਧਨ ਵਾਪਸ ਲਿਆਉਣ ਦੇ ਨਾਲ ਹਰ ਵਿਅਕਤੀ ਦੇ ਖਾਤੇ 'ਚ 15 ਲੱਖ ਰੁਪਏ ਭੇਜਣ ਦਾ ਵਾਅਦਾ ਕੀਤਾ ਸੀ, ਪਰ ਉਨ੍ਹਾਂ ਦੀ ਸਰਕਾਰ ਦੇ 4 ਸਾਲ ਬੀਤ ਜਾਣ ਦੇ ਬਾਅਦ ਵੀ ਕੁਝ ਨਹੀਂ ਕੀਤਾ ਗਿਆ। ਉਲਟ ਦੇਸ਼ ਦਾ ਸਫੈਦ ਧਨ ਵਿਦੇਸ਼ ਚਲਾ ਗਿਆ, ਜਿਸ ਨੂੰ ਲੈ ਕੇ ਜਾਣ ਵਾਲੇ ਕਈ ਲੋਕ ਗੁਜਰਾਤ ਦੇ ਹਨ ਅਤੇ ਉਹ ਕੇਂਦਰ ਸਰਕਾਰ ਦੇ ਮੰਤਰੀਆਂ ਦੇ ਨਜ਼ਦੀਕ ਲੋਕ ਹਨ। ਉਨ੍ਹਾਂ ਨੇ ਕਿਹਾ ਕਿ ਮੋਦੀ ਨੇ ਹਰ ਸਾਲ 2 ਕਰੋੜ ਲੋਕਾਂ ਨੂੰ ਰੋਜ਼ਗਾਰ ਦੇਣ ਦਾ ਵਾਅਦਾ ਕੀਤਾ ਸੀ। 4 ਸਾਲ ਬੀਤ ਗਏ ਹੁਣ ਤੱਕ 8 ਕਰੋੜ ਲੋਕਾਂ ਨੂੰ ਰੋਜ਼ਗਾਰ ਮਿਲ ਜਾਣ ਸੀ, ਪਰ ਇਸ ਤਰ੍ਹਾਂ ਕੁਝ ਨਹੀਂ ਹੋਇਆ।
ਤਿਵਾਰੀ ਨੇ ਕਿਹਾ ਕਿ ਕੇਂਦਰ 'ਚ ਮੋਦੀ ਜੀ ਦੀ ਸਰਕਾਰ ਬਣਨ ਦੇ ਬਾਅਦ ਤੋਂ ਉਦਯੋਗਿਕ ਵਿਕਾਸ ਦਰ ਅਤੇ ਖੇਤੀਬਾੜੀ ਵਿਕਾਸ ਦਰ 'ਚ ਗਿਰਾਵਟ ਆਈ ਹੈ। ਜੀ.ਐਸ.ਟੀ. ਲਾਗੂ ਹੋ ਜਾਣ ਕਾਰਨ ਵਪਾਰੀ ਦੁਖੀ ਹੈ। ਕਾਂਗਰਸ ਨੇਤਾ ਨੇ ਕਿਹਾ ਕਿ ਭਾਜਪਾ ਨੇ ਪਹਿਲੇ ਧਰਮ ਦੇ ਨਾਂ 'ਤੇ ਵੰਡਿਆ ਅਤੇ ਹੁਣ ਜਾਤੀ ਅਤੇ ਵਰਗ ਦੇ ਨਾਂ 'ਤੇ ਵੰਡ ਰਹੀ ਹੈ। ਅਸੀਂ ਜੇਕਰ ਗਠਜੋੜ ਦੇ ਨਾਲ ਲੋਕਸਭਾ ਦੀਆਂ ਚੋਣਾਂ ਲੜਾਗੇ ਤਾਂ ਭਾਜਪਾ ਦੀਆਂ 100 ਸੀਟ ਤੋਂ ਵਧ ਨਹੀਂ ਨਿਕਲਣਗੀਆਂ। ਜੇਕਰ ਗਠਜੋੜ ਨਹੀਂ ਹੋਇਆ ਤਾਂ ਭਾਜਪਾ ਨੂੰ 130 ਸੀਟਾਂ ਤੋਂ ਵਧ ਸੀਟਾਂ ਨਹੀਂ ਮਿਲ ਸਕਣਗੀਆਂ।
ਘੱਟ ਰਾਸ਼ਣ ਮਿਲਣ 'ਤੇ 75 ਸਾਲਾਂ ਔਰਤ ਨੇ ਜਤਾਇਆ ਇਤਰਾਜ਼, ਦੁਕਾਨਦਾਰ ਨੇ ਕਰ ਦਿੱਤਾ ਕਤਲ
NEXT STORY 
