ਨੈਸ਼ਨਲ ਡੈਸਕ : ਟਾਟਾ ਸਮੂਹ ਦੀ ਜਹਾਜ਼ ਸੇਵਾ ਕੰਪਨੀ ਏਅਰ ਇੰਡੀਆ ਨੇ ਸ਼ੁੱਕਰਵਾਰ ਨੂੰ ਵਿਦਿਆਰਥੀਆਂ ਲਈ ਵਿਸ਼ੇਸ਼ ਪੇਸ਼ਕਸ਼ ਦਾ ਐਲਾਨ ਕੀਤਾ, ਜਿਸ ਦੇ ਤਹਿਤ 20 ਅਕਤੂਬਰ ਤੱਕ ਘਰੇਲੂ ਯਾਤਰਾ ਲਈ ਬੁਕਿੰਗ ਕਰਵਾਉਣ ’ਤੇ ਮੂਲ ਕਿਰਾਏ ’ਤੇ 10 ਫੀਸਦੀ ਦੀ ਛੋਟ ਦਿੱਤੀ ਜਾਵੇਗੀ। ਏਅਰਲਾਈਨਜ਼ ਨੇ ਦੱਸਿਆ ਕਿ ਸੀਮਤ ਸਮੇਂ ਦੀ ਇਹ ਪੇਸ਼ਕਸ਼ ਏਅਰ ਇੰਡੀਆ ਦੇ ਪੂਰਾ ਸਾਲ ਚੱਲਣ ਵਾਲੇ ਵਿਦਿਆਰਥੀਆਂ ਦੇ ਪ੍ਰੋਗਰਾਮ ’ਤੇ ਆਧਾਰਿਤ ਹੈ। ਵਿਦਿਆਰਥੀ ਪੂਰੇ ਸਾਲ ਸਟੂਡੈਂਟ ਟ੍ਰੈਵਲ ਸੀਜ਼ਨ ਦੌਰਾਨ ਦਾਖਲੇ, ਇੰਟਰਨਸ਼ਿਪ, ਕੈਂਪਸ ਪਲੇਸਮੈਂਟ ਜਾਂ ਅਕਾਦਮਿਕ ਬ੍ਰੇਕ ਦੇ ਮਕਸਦ ਨਾਲ ਯਾਤਰਾ ਕਰਨ ਲਈ ਇਸ ਪੇਸ਼ਕਸ਼ ਦਾ ਲਾਭ ਉਠਾ ਸਕਣਗੇ।
ਇਹ ਵੀ ਪੜ੍ਹੋ : ਦਿੱਲੀ 'ਚ CJP ਪ੍ਰਦਰਸ਼ਨ ਕਾਰਨ ਉੱਤਰ ਰੇਲਵੇ ਨੇ 250 ਤੋਂ ਵੱਧ ਟ੍ਰੇਨਾਂ ਕੀਤੀਆਂ ਰੱਦ
ਘਰੇਲੂ ਉਡਾਣਾਂ ’ਚ ਮੂਲ ਕਿਰਾਏ ’ਚ 10 ਫੀਸਦੀ ਦੀ ਛੋਟ ਤੋਂ ਇਲਾਵਾ 10 ਕਿਲੋਗ੍ਰਾਮ ਵਾਧੂ ਸਾਮਾਨ ਲਿਜਾਣ ਦੀ ਸਹੂਲਤ ਦਿੱਤੀ ਜਾਵੇਗੀ। ਇਕ ਵਾਰ ਮੁਫ਼ਤ ’ਚ ਯਾਤਰਾ ਦੀ ਤਰੀਕ ਬਦਲਣ ਦੀ ਵੀ ਸਹੂਲਤ ਮਿਲੇਗੀ। ਕੰਪਨੀ ਦੇ ਬਿਆਨ ਅਨੁਸਾਰ, 10 ਫੀਸਦੀ ਦੀ ਸਿੱਧੀ ਛੋਟ ਸੀਮਤ ਸਮੇਂ ਲਈ ਉਪਲਬਧ ਹੈ। ਪੂਰਾ ਸਾਲ ਮਿਲਣ ਵਾਲੇ ਇਹ ਫਾਇਦੇ ਪ੍ਰਮੋਸ਼ਨਲ ਮਿਆਦ ਤੋਂ ਬਾਅਦ ਵੀ ਲਾਗੂ ਨਿਯਮਾਂ ਅਤੇ ਸ਼ਰਤਾਂ ਦੇ ਤਹਿਤ ਜਾਰੀ ਰਹਿਣਗੇ। ਮੂਲ ਕਿਰਾਏ ’ਚ ਛੋਟ ਇਕ ਪਾਸੇ ਦੀ ਯਾਤਰਾ ਜਾਂ ਆਉਣ-ਜਾਣ ਦੋਵਾਂ ਦੀਆਂ ਉਡਾਣਾਂ ਦੀ ਬੁਕਿੰਗ ’ਤੇ ਉਪਲਬਧ ਹੈ। ਲੌਗ-ਇਨ ਕਰ ਕੇ ਟਿਕਟ ਬੁੱਕ ਕਰਵਾਉਣ ਵਾਲੇ ਗਾਹਕਾਂ ਨੂੰ ਸਹੂਲਤ ਫੀਸ ’ਚ 50 ਫੀਸਦੀ ਦੀ ਛੋਟ ਮਿਲੇਗੀ।
ਇਹ ਵੀ ਪੜ੍ਹੋ : 7.6 ਤੀਬਰਤਾ ਵਾਲੇ ਜ਼ਬਰਦਸਤ ਭੂਚਾਲ ਨਾਲ ਕੰਬੀ ਪਨਾਮਾ ਦੀ ਧਰਤੀ, ਕਈ ਦੇਸ਼ਾਂ 'ਚ ਮਹਿਸੂਸ ਕੀਤੇ ਗਏ ਝਟਕੇ (Video)
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
'ਰਾਸ਼ਟਰਪਤੀ ਦੀ ਗੱਲ ਨੂੰ ਗਲਤ ਢੰਗ ਨਾਲ ਪੇਸ਼ ਕਰ ਰਹੇ ਹਨ ਰਾਹੁਲ': ਭਾਜਪਾ ਨੇ ਲਗਾਇਆ ਝੂਠ ਬੋਲਣ ਦਾ ਦੋਸ਼
NEXT STORY 
