ਕੋਟਾ - ਉੱਤਰ ਪ੍ਰਦੇਸ਼ ਦੇ ਰਹਿਣ ਵਾਲੇ ਇੱਕ NEET-UG ਉਮੀਦਵਾਰ ਨੇ ਕਥਿਤ ਤੌਰ 'ਤੇ ਕੋਟਾ ਵਿੱਚ ਆਪਣੇ ਪੀਜੀ ਵਿੱਚ ਫਾਹਾ ਲੈ ਕੇ ਖੁਦਕੁਸ਼ੀ ਕਰ ਲਈ, ਇਸ ਸਾਲ ਇੱਥੇ ਖੁਦਕੁਸ਼ੀ ਕਰਕੇ ਮੌਤ ਦਾ 15ਵਾਂ ਮਾਮਲਾ ਬਣ ਗਿਆ ਹੈ। ਪੁਲਸ ਨੇ ਵੀਰਵਾਰ ਨੂੰ ਦੱਸਿਆ ਕਿ ਇਹ ਘਟਨਾ ਬੁੱਧਵਾਰ ਰਾਤ ਕੋਟਾ ਸ਼ਹਿਰ ਦੇ ਦਾਦਾਬਾਰੀ ਥਾਣਾ ਖੇਤਰ 'ਚ ਵਾਪਰੀ।
ਪੁਲਸ ਅਨੁਸਾਰ ਜਦੋਂ 20 ਸਾਲਾ ਵਿਦਿਆਰਥੀ ਦੇ ਕਮਰੇ ਦਾ ਦਰਵਾਜ਼ਾ ਖੜਕਾਉਣ ’ਤੇ ਨਾ ਖੁੱਲ੍ਹਿਆ ਅਤੇ ਉਸ ਨੇ ਆਪਣੇ ਪਰਿਵਾਰ ਦੇ ਫੋਨ ਦਾ ਜਵਾਬ ਨਹੀਂ ਦਿੱਤਾ ਤਾਂ ਪੀਜੀ ਦੇ ਕੇਅਰਟੇਕਰ ਨੇ ਪੁਲਸ ਨੂੰ ਸੂਚਿਤ ਕੀਤਾ। ਉਨ੍ਹਾਂ ਦੱਸਿਆ ਕਿ ਪੁਲਸ ਨੇ ਮੌਕੇ ’ਤੇ ਪਹੁੰਚ ਕੇ ਉਸ ਦੀ ਲਾਸ਼ ਬਰਾਮਦ ਕਰ ਲਈ ਹੈ। ਪੁਲਸ ਨੇ ਦੱਸਿਆ ਕਿ ਉੱਤਰ ਪ੍ਰਦੇਸ਼ ਦੇ ਮਿਰਜ਼ਾਪੁਰ ਦਾ ਰਹਿਣ ਵਾਲਾ ਆਸ਼ੂਤੋਸ਼ ਚੌਰਸੀਆ ਪਿਛਲੇ ਛੇ ਮਹੀਨਿਆਂ ਤੋਂ ਕੋਟਾ ਵਿੱਚ ਮੈਡੀਕਲ ਦਾਖ਼ਲਾ ਪ੍ਰੀਖਿਆ ਦੀ ਤਿਆਰੀ ਕਰ ਰਿਹਾ ਸੀ।
ਵੱਡਾ ਰੇਲ ਹਾਦਸਾ: ਲੋਕਮਾਨਯ ਤਿਲਕ ਐਕਸਪ੍ਰੈਸ ਦੇ 8 ਡੱਬੇ ਪਟੜੀ ਤੋਂ ਉਤਰੇ
NEXT STORY 
