ਬਰੇਲੀ— ਜੇਕਰ ਹੌਂਸਲਾ ਹੋਵੇ ਤਾਂ ਵੱਡੀਆਂ-ਵੱਡੀਆਂ ਮੁਸ਼ਕਲਾਂ ਵੀ ਗੋਡੇ ਟੇਕ ਦਿੰਦੀਆਂ ਹਨ। ਅਜਿਹਾ ਹੀ ਹੌਂਸਲਾ ਦੇਖਣ ਨੂੰ ਮਿਲਿਆ ਹੈ, ਉੱਤਰ ਪ੍ਰਦੇਸ਼ ਬੋਰਡ ਦੀ ਪ੍ਰੀਖਿਆ 'ਚ। ਉੱਤਰ ਪ੍ਰਦੇਸ਼ ਦੇ ਬਰੇਲੀ 'ਚ ਇਕ ਵਿਦਿਆਰਥਣ ਆਕਸੀਜਨ ਸਿਲੰਡਰ ਲਾ ਕੇ ਹਾਈ ਸਕੂਲ ਦੀ ਪ੍ਰੀਖਿਆ ਦੇ ਰਹੀ ਹੈ। ਦਰਅਸਲ ਕਮਜ਼ੋਰ ਪੈ ਚੁੱਕੇ ਫੇਫੜਿਆਂ ਕਾਰਨ ਉਸ ਨੂੰ ਹਰ ਸਮੇਂ ਆਕਸੀਜਨ ਦੇ ਸਹਾਰੇ ਹੀ ਰਹਿਣਾ ਪੈਂਦਾ ਹੈ। ਉਹ ਆਕਸੀਜਨ ਸਿਲੰਡਰ ਦੇ ਸਹਾਰੇ ਬੈਠ ਕੇ ਪ੍ਰੀਖਿਆ ਦੇ ਰਹੀ ਹੈ। ਸਿੱਖਿਆ ਵਿਭਾਗ ਨੇ ਵੀ ਉਸ ਦੀ ਲਗਨ ਨੂੰ ਦੇਖ ਕੇ ਹਰ ਪ੍ਰਕਾਰ ਦੀ ਸਹੂਲਤ ਦਿੱਤੀ ਹੈ। ਇਸ ਵਿਦਿਆਰਥਣ ਦਾ ਨਾਂ ਸਾਫੀਆ ਜਾਵੇਦ ਹੈ, ਜੋ ਕਿ ਮਹਿਜ 16 ਸਾਲ ਦੀ ਹੈ।
ਸਾਫੀਆ ਨੂੰ ਪਿਛਲੇ 5 ਸਾਲਾਂ ਤੋਂ ਬੀਮਾਰੀ ਨੇ ਜਕੜ ਰੱਖਿਆ ਹੈ, ਜਿਸ ਕਾਰਨ ਉਸ ਦੇ ਫੇਫੜੇ ਕਮਜ਼ੋਰ ਹੋ ਗਏ ਹਨ। ਫੇਫੜਿਆਂ ਦੇ ਕਮਜ਼ੋਰ ਹੋਣ ਕਾਰਨ ਸਾਫੀਆ ਠੀਕ ਢੰਗ ਨਾਲ ਸਾਹ ਨਹੀਂ ਲੈ ਸਕਦੀ ਹੈ। ਸਾਫੀਆ ਦਾ ਇਲਾਜ ਕਰ ਰਹੇ ਡਾਕਟਰਾਂ ਨੇ ਉਸ ਨੂੰ 24 ਘੰਟੇ ਆਕਸੀਜਨ 'ਤੇ ਰਹਿਣ ਦੀ ਸਲਾਹ ਦਿੱਤੀ ਹੈ ਅਤੇ ਉਸਦੇ ਸਹਾਰੇ ਤਾਂ ਪਿਛਲੇ 1 ਸਾਲ ਤੋਂ ਆਪਣੀ ਜ਼ਿੰਦਗੀ ਜੀ ਰਹੀ ਹੈ। ਪ੍ਰੀਖਿਆ ਕੇਂਦਰ ਦੇ ਅਧਿਆਪਕ ਨਾਲ ਹੀ ਬੱਚੇ ਅਤੇ ਹੋਰ ਮਾਤਾ-ਪਿਤਾ ਉਸ ਦੇ ਜਜ਼ਬੇ ਦੀ ਤਾਰੀਫ ਕਰ ਰਹੇ ਹਨ। ਸਾਫੀਆ ਦਾ ਕਹਿਣਾ ਹੈ ਕਿ ਉਹ ਬੀਮਾਰ ਜ਼ਰੂਰ ਹੈ ਪਰ ਕਮਜ਼ੋਰ ਨਹੀਂ ਅਤੇ ਉਹ ਆਪਣੀ ਮੰਜ਼ਲ ਤਕ ਪਹੁੰਚ ਕੇ ਹੀ ਸਾਹ ਲਵੇਗੀ।
ਸਾਫੀਆ ਜਾਵੇਦ ਨੇ ਹਾਈ ਸਕੂਲ ਦਾ ਪ੍ਰਾਈਵੇਟ ਫਾਰਮ ਭਰਿਆ ਸੀ ਅਤੇ ਜਦੋਂ ਪ੍ਰੀਖਿਆ ਦੇਣ ਦਾ ਸਮਾਂ ਆਇਆ ਤਾਂ ਉਸ ਦੀ ਹਿੰਮਤ ਜਵਾਬ ਦੇ ਰਹੀ ਸੀ ਕਿ ਉਹ ਆਕਸੀਜਨ ਸਿਲੰਡਰ ਦੇ ਸਹਾਰੇ ਪ੍ਰੀਖਿਆ ਰੂਮ 'ਚ ਬੈਠ ਕੇ 3 ਘੰਟੇ ਪ੍ਰੀਖਿਆ ਕਿਵੇਂ ਦੇ ਸਕੇਗੀ। ਅਜਿਹੇ ਵਿਚ ਪਰਿਵਾਰ ਨੇ ਵੀ ਉਸ ਦਾ ਸਾਥ ਦਿੱਤਾ। ਘਰ ਦੇ ਲੋਕਾਂ ਦੀ ਹੌਂਸਲਾ ਅਫਜ਼ਾਈ ਨਾਲ ਸਾਫੀਆ 'ਚ ਵੀ ਪ੍ਰੀਖਿਆ ਦੇਣ ਦੀ ਹਿੰਮਤ ਆਈ ਅਤੇ ਉਸ ਨੇ ਆਪਣੀ ਬੀਮਾਰੀ ਨੂੰ ਕਮਜ਼ੋਰੀ ਨਾ ਬਣਾਉਂਦੇ ਹੋਏ ਆਕਸੀਜਨ ਸਿਲੰਡਰ ਦੇ ਸਹਾਰੇ ਹੀ ਪ੍ਰੀਖਿਆ ਰੂਮ ਵਿਚ ਬੈਠ ਕੇ ਪ੍ਰੀਖਿਆ ਦੇਣ ਦੀ ਠਾਣ ਲਈ। ਇਸ ਤੋਂ ਬਾਅਦ ਉਸ ਦੇ ਪਰਿਵਾਰ ਵਾਲਿਆਂ ਨੇ ਲਿਖਤੀ ਬੇਨਤੀ ਪੱਤਰ ਦੇ ਕੇ ਸਾਫੀਆ ਨੂੰ ਪ੍ਰੀਖਿਆ ਰੂਮ ਵਿਚ ਆਕਸੀਜਨ ਸਿਲੰਡਰ ਨਾਲ ਬੈਠਣ ਦੀ ਆਗਿਆ ਕਾਲਜ ਪ੍ਰਸ਼ਾਸਨ ਤੋਂ ਲੈ ਲਈ।
LIC 'ਚ ਨਿਕਲੀਆਂ ਨੌਕਰੀਆਂ, ਜਲਦੀ ਕਰੋ ਅਪਲਾਈ
NEXT STORY 
