ਵੈੱਬ ਡੈਸਕ : ਇੰਟਰਨੈੱਟ ਦੀ ਵਰਤੋਂ ਕਰਦੇ ਸਮੇਂ ਜਦੋਂ ਵੀ ਅਸੀਂ ਕੋਈ ਵੈੱਬਸਾਈਟ ਖੋਲ੍ਹਦੇ ਹਾਂ ਤਾਂ ਅਕਸਰ ਸਾਡੇ ਸਾਹਮਣੇ 'Accept Cookies' ਜਾਂ 'Reject' ਦਾ ਬਟਨ ਆਉਂਦਾ ਹੈ। ਜ਼ਿਆਦਾਤਰ ਲੋਕ ਬਿਨਾਂ ਪੜ੍ਹੇ 'Accept' 'ਤੇ ਕਲਿੱਕ ਕਰ ਦਿੰਦੇ ਹਨ, ਪਰ ਇਹ ਤੁਹਾਡੀ ਡਿਜੀਟਲ ਪ੍ਰਾਈਵੇਸੀ ਨਾਲ ਜੁੜਿਆ ਇੱਕ ਬਹੁਤ ਵੱਡਾ ਫੈਸਲਾ ਹੁੰਦਾ ਹੈ। ਮਾਹਿਰਾਂ ਅਨੁਸਾਰ, ਕੁਕੀਜ਼ ਰਾਹੀਂ ਵੈੱਬਸਾਈਟਾਂ ਤੁਹਾਡੀ ਪਸੰਦ, ਸਰਚ ਹਿਸਟਰੀ ਤੇ ਆਨਲਾਈਨ ਵਿਵਹਾਰ ਨੂੰ ਟ੍ਰੈਕ ਕਰ ਸਕਦੀਆਂ ਹਨ, ਜੋ ਕਿ ਕਈ ਵਾਰ ਤੁਹਾਡੇ ਬੈਂਕ ਖਾਤੇ ਲਈ ਵੀ ਖ਼ਤਰਾ ਬਣ ਸਕਦਾ ਹੈ।
ਕੀ ਹੁੰਦੀਆਂ ਹਨ ਕੁਕੀਜ਼?
ਕੁਕੀਜ਼ ਅਸਲ 'ਚ ਛੋਟੀਆਂ ਟੈਕਸਟ ਫਾਈਲਾਂ ਹੁੰਦੀਆਂ ਹਨ ਜੋ ਵੈੱਬਸਾਈਟ ਵਿਜ਼ਿਟ ਕਰਨ 'ਤੇ ਤੁਹਾਡੇ ਬ੍ਰਾਊਜ਼ਰ 'ਚ ਸੇਵ ਹੋ ਜਾਂਦੀਆਂ ਹਨ। ਇਹ ਤੁਹਾਡੀ ਲੌਗਿਨ ਜਾਣਕਾਰੀ, ਭਾਸ਼ਾ ਦੀ ਪਸੰਦ ਤੇ ਸੈਟਿੰਗਜ਼ ਨੂੰ ਯਾਦ ਰੱਖਦੀਆਂ ਹਨ ਤਾਂ ਜੋ ਸਾਈਟ ਦੁਬਾਰਾ ਖੋਲ੍ਹਣ 'ਤੇ ਤੁਹਾਨੂੰ ਵਾਰ-ਵਾਰ ਵੇਰਵੇ ਨਾ ਭਰਨੇ ਪੈਣ। ਹਾਲਾਂਕਿ ਸਾਰੀਆਂ ਕੁਕੀਜ਼ ਖ਼ਤਰਨਾਕ ਨਹੀਂ ਹੁੰਦੀਆਂ, ਪਰ ਟ੍ਰੈਕਿੰਗ ਜਾਂ ਥਰਡ-ਪਾਰਟੀ ਕੁਕੀਜ਼ ਤੁਹਾਡੀ ਪੂਰੀ ਡਿਜੀਟਲ ਪ੍ਰੋਫਾਈਲ ਤਿਆਰ ਕਰ ਲੈਂਦੀਆਂ ਹਨ।
'Accept' ਕਰਨ ਦੇ ਜੋਖਮ
ਜੇਕਰ ਤੁਸੀਂ ਸਾਰੀਆਂ ਕੁਕੀਜ਼ ਨੂੰ ਸਵੀਕਾਰ ਕਰ ਲੈਂਦੇ ਹੋ ਤਾਂ ਵੈੱਬਸਾਈਟ ਨੂੰ ਤੁਹਾਡੀ ਲੋਕੇਸ਼ਨ ਤੇ ਪਸੰਦੀਦਾ ਕੰਟੈਂਟ ਬਾਰੇ ਜਾਣਕਾਰੀ ਮਿਲ ਜਾਂਦੀ ਹੈ। ਇਸ ਨਾਲ ਤੁਹਾਨੂੰ ਤੁਹਾਡੀ ਪਸੰਦ ਦੇ ਇਸ਼ਤਿਹਾਰ ਤਾਂ ਦਿਖਾਈ ਦਿੰਦੇ ਹਨ, ਪਰ ਡੇਟਾ ਲੀਕ ਹੋਣ ਦੀ ਸੂਰਤ ਵਿੱਚ ਤੁਹਾਡੀ ਨਿੱਜੀ ਜਾਣਕਾਰੀ ਗਲਤ ਹੱਥਾਂ ਵਿੱਚ ਪੈਣ ਦਾ ਡਰ ਬਣਿਆ ਰਹਿੰਦਾ ਹੈ।
ਕੀ ਹਰ ਵਾਰ 'Reject' ਕਰਨਾ ਸਹੀ ਹੈ?
ਕਈ ਲੋਕ ਪ੍ਰਾਈਵੇਸੀ ਕਾਰਨ ਹਰ ਵਾਰ ਕੁਕੀਜ਼ ਨੂੰ ਰਿਜੈਕਟ (Reject) ਕਰ ਦਿੰਦੇ ਹਨ, ਜਿਸ ਨਾਲ ਟ੍ਰੈਕਿੰਗ ਤਾਂ ਘੱਟ ਜਾਂਦੀ ਹੈ ਪਰ ਵੈੱਬਸਾਈਟ ਦੇ ਕਈ ਫੀਚਰ ਸਹੀ ਤਰੀਕੇ ਨਾਲ ਕੰਮ ਨਹੀਂ ਕਰਦੇ। ਸਭ ਤੋਂ ਸੁਰੱਖਿਅਤ ਤਰੀਕਾ ਇਹ ਹੈ ਕਿ 'Manage Settings' ਜਾਂ 'Customize' ਵਿਕਲਪ ਦੀ ਵਰਤੋਂ ਕੀਤੀ ਜਾਵੇ। ਇਸ ਰਾਹੀਂ ਤੁਸੀਂ ਸਿਰਫ਼ ਜ਼ਰੂਰੀ ਕੁਕੀਜ਼ ਨੂੰ ਇਜਾਜ਼ਤ ਦੇ ਸਕਦੇ ਹੋ ਅਤੇ ਮਾਰਕੀਟਿੰਗ ਕੁਕੀਜ਼ ਨੂੰ ਬੰਦ ਰੱਖ ਸਕਦੇ ਹੋ।
ਸੁਰੱਖਿਅਤ ਰਹਿਣ ਲਈ ਅਪਣਾਓ ਇਹ ਨੁਕਤੇ
• ਬ੍ਰਾਊਜ਼ਰ ਸੈਟਿੰਗਜ਼ 'ਚ ਜਾ ਕੇ ਕੁਕੀ ਕੰਟਰੋਲ ਨੂੰ ਸਮਝੋ।
• ਥਰਡ-ਪਾਰਟੀ ਕੁਕੀਜ਼ ਨੂੰ ਸਥਾਈ ਤੌਰ 'ਤੇ ਬਲਾਕ ਕਰੋ।
• ਸਮੇਂ-ਸਮੇਂ 'ਤੇ ਆਪਣੀ ਬ੍ਰਾਊਜ਼ਿੰਗ ਹਿਸਟਰੀ ਅਤੇ ਕੁਕੀਜ਼ ਨੂੰ ਕਲੀਅਰ ਕਰਦੇ ਰਹੋ।
• ਸਿਰਫ਼ ਭਰੋਸੇਮੰਦ ਵੈੱਬਸਾਈਟਾਂ 'ਤੇ ਹੀ ਆਪਣੀ ਜਾਣਕਾਰੀ ਸਾਂਝੀ ਕਰੋ ਅਤੇ ਸ਼ੱਕੀ ਸਾਈਟਾਂ ਤੋਂ ਦੂਰ ਰਹੋ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਭਾਰਤ-UK ਵਿਚਾਲੇ AI ਸਾਂਝੇਦਾਰੀ ਮਜ਼ਬੂਤ ਕਰਨ ਲਈ ਬ੍ਰਿਟਿਸ਼ ਡਿਪਟੀ PM ਡੇਵਿਡ ਲੈਮੀ ਪਹੁੰਚੇ ਦਿੱਲੀ
NEXT STORY 
