ਨੈਸ਼ਨਲ ਡੈਸਕ : ਉੱਤਰ ਪ੍ਰਦੇਸ਼ ਪੁਲਸ ਨੇ ਬੁੱਧਵਾਰ 3 ਜੁਲਾਈ ਨੂੰ ਹਾਥਰਸ ਵਿਚ ਧਾਰਮਿਕ ਮੰਡਲੀ ਦੇ ਪ੍ਰਬੰਧਕਾਂ ਖਿਲਾਫ ਪਹਿਲੀ ਸੂਚਨਾ ਰਿਪੋਰਟ ਦਰਜ ਕੀਤੀ, ਜਿਥੇ ਭਾਜੜ ਤੋਂ ਬਾਅਦ ਘੱਟੋ-ਘੱਟ 121 ਲੋਕਾਂ ਦੀ ਮੌਤ ਹੋ ਗਈ। ਹਾਲਾਂਕਿ, ਐਫ.ਆਈ.ਆਰ ਵਿਚ ਬਾਬਾ ਨਾਰਾਇਣ ਹਰੀ, ਜਿਨ੍ਹਾਂ ਨੂੰ ਸਾਕਾਰ ਵਿਸ਼ਵ ਹਰੀ ਭੋਲੇ ਬਾਬਾ ਦੇ ਨਾਂ ਨਾਲ ਵੀ ਜਾਣਿਆ ਜਾਂਦਾ ਹੈ, ਦਾ ਨਾਂ ਮੁਲਜ਼ਮ ਦੇ ਰੂਪ ਵਿਚ ਨਹੀਂ ਹੈ।
ਭਾਜੜ ਵਿਚ ਮਾਰੀ ਗਈ ਰੂਬੀ ਦੇ 65 ਸਾਲਾਂ ਦੇ ਪਿਤਾ ਛੇਦੀਲਾਲ 3 ਜੁਲਾਈ, 2024 ਨੂੰ ਉੱਤਰ ਪ੍ਰਦੇਸ਼ ਦੇ ਹਾਥਰਸ ਜ਼ਿਲ੍ਹੇ ਵਿੱਚ ਇੱਕ ਹਸਪਤਾਲ ਵਿਚ ਸੋਗ ਮਨਾਉਂਦੇ ਹੋਏ ਫੋਨ 'ਤੇ ਗੱਲਬਾਤ ਕਰ ਰਹੇ ਸਨ। ਇਕ ਸੀਨੀਅਰ ਅਧਿਕਾਰੀ ਨੇ ਨਿਊਜ਼ ਏਜੰਸੀ ਪੀ.ਟੀ.ਆਈ ਨੂੰ ਦੱਸਿਆ ਕਿ ਮੰਗਲਵਾਰ ਦੇਰ ਰਾਤ ਸਿਕੰਦਰ ਰਾਵ ਪੁਲਸ ਸਟੇਸ਼ਨ ਵਿਚ ਦਰਜ ਕੀਤੀ ਗਈ ਪਹਿਲੀ ਸੂਚਨਾ ਰਿਪੋਰਟ (ਐਫ.ਆਈ.ਆਰ) ਵਿਚ 'ਮੁੱਖ ਸੇਵਾਦਾਰ' (ਮੁੱਖ ਆਯੋਜਕ) ਦੇਵ ਪ੍ਰਕਾਸ਼ ਮਧੂਕਰ ਅਤੇ ਹੋਰ ਆਯੋਜਕਾਂ ਦਾ ਨਾਂ ਲਿਆ ਗਿਆ ਹੈ।
ਇਹ ਵੀ ਪੜ੍ਹੋ : ਮੈਡਮ ਲੈ ਰਹੀ ਸੀ ਕਲਾਸ, ਅਚਾਨਕ ਬਾਥਰੂਮ 'ਚ ਗੂੰਜੀਆਂ ਕਿਲਕਾਰੀਆਂ, ਸਕੂਲ 'ਚ ਪਈਆਂ ਭਾਜੜਾਂ
ਜਾਣਕਾਰੀ ਮੁਤਾਬਕ, ਦੇਵ ਪ੍ਰਕਾਸ਼ ਮਧੂਕਰ ਨੇ ਕਰੀਬ 80 ਹਜ਼ਾਰ ਲੋਕਾਂ ਲਈ ਪ੍ਰਸ਼ਾਸਨ ਤੋਂ ਇਜਾਜ਼ਤ ਮੰਗੀ ਸੀ ਅਤੇ ਪ੍ਰਸ਼ਾਸਨ ਨੇ ਉਸੇ ਹਿਸਾਬ ਨਾਲ ਆਵਾਜਾਈ ਅਤੇ ਸੁਰੱਖਿਆ ਵਿਵਸਥਾ ਕੀਤੀ ਸੀ। ਹਾਲਾਂਕਿ, ਲਗਭਗ 2.5 ਲੱਖ ਲੋਕ ਸਤਿਸੰਗ ਵਿਚ ਇਕੱਠੇ ਹੋਏ, ਸੜਕ 'ਤੇ ਭਾਰੀ ਆਵਾਜਾਈ ਪੈਦਾ ਹੋ ਗਈ ਅਤੇ ਵਾਹਨਾਂ ਦੀ ਆਵਾਜਾਈ ਰੁਕ ਗਈ, ਜਿਵੇਂ ਕਿ ਐਫ.ਆਈ.ਆਰ ਵਿਚ ਕਿਹਾ ਗਿਆ ਹੈ।
ਸਤਿਸੰਗ ਖਤਮ ਹੋਣ ਦੇ ਬਾਅਦ ਬੇਕਾਬੂ ਭੀੜ ਦੇ ਆਯੋਜਨ ਸਥਾਨ ਤੋਂ ਚਲੇ ਜਾਣ ਕਾਰਨ ਜਿਹੜੇ ਲੋਕ ਜ਼ਮੀਨ ਉਤੇ ਬੈਠੇ ਸਨ, ਉਹ ਦਰੜੇ ਗਏ। ਐਫ.ਆਈ.ਆਰ ਵਿਚ ਦੱਸਿਆ ਗਿਆ ਹੈ ਕਿ ਆਯੋਜਨ ਕਮੇਟੀ ਦੇ ਮੈਂਬਰਾਂ ਨੇ ਪਾਣੀ ਅਤੇ ਚਿੱਕੜ ਨਾਲ ਭਰੇ ਖੇਤਾਂ ਵਿਚ ਚਲ ਰਹੀ ਭੀੜ ਨੂੰ ਜਬਰਨ ਰੋਕਣ ਲਈ ਡਾਂਗਾਂ ਚਲਾਈਆਂ, ਜਿਸ ਨਾਲ ਭੀੜ ਦਾ ਦਬਾਅ ਵਧਦਾ ਗਿਆ ਅਤੇ ਔਰਤਾਂ, ਬੱਚੇ ਅਤੇ ਪੁਰਸ਼ ਦਰੜੇ ਜਾਂਦੇ ਰਹੇ।
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਸ਼ਰਾਬ ਸਮੱਗਲਿੰਗ ਰੈਕਟ 'ਚ ਫੜੀ ਗਈ ਮਹਿਲਾ ਕਾਂਸਟੇਬਲ, ਗੁਜਰਾਤ CID 'ਚ ਸੀ ਤਾਇਨਾਤ
NEXT STORY 
