ਕੋਲਕਾਤਾ, (ਇੰਟ.)–ਪੱਛਮੀ ਬੰਗਾਲ ਵਿਧਾਨ ਸਭਾ ਚੋਣਾਂ ਤੋਂ ਬਾਅਦ ਮਮਤਾ ਬੈਨਰਜੀ ਦੀ ਪਾਰਟੀ ਤ੍ਰਿਣਮੂਲ ਕਾਂਗਰਸ ਵਿਚ ਹਲਚਲ ਮਚੀ ਹੋਈ ਹੈ। ਹੁਣ ਮਮਤਾ ਆਪਣੀ ਪਾਰਟੀ ਨੂੰ ਠੀਕ ਕਰਨ ਵਿਚ ਜੁੱਟ ਗਈ ਹੈ। ਉਸ ਦੇ ਸਾਹਮਣੇ ਸਭ ਤੋਂ ਵੱਡੀ ਚੁਣੌਤੀ ਪਾਰਟੀ ਨੂੰ ਸੰਗਠਿਤ ਬਣਾਈ ਰੱਖਣਾ ਹੈ। ਇਸੇ ਕਾਰਨ ਤ੍ਰਿਣਮੂਲ ਕਾਂਗਰਸ ਦੀ ਮੁਖੀ ਨੇ ਪਾਰਟੀ ਸੰਗਠਨ ਵਿਚ ਪੂਰੀ ਤਰ੍ਹਾਂ ਬਦਲਾਅ ਕਰਨ ਦਾ ਫ਼ੈਸਲਾ ਕੀਤਾ ਹੈ।
ਮਮਤਾ ਬੈਨਰਜੀ ਦੇ ਭਤੀਜੇ ਅਤੇ ਪਾਰਟੀ ਦੇ ਕੌਮੀ ਜਨਰਲ ਸਕੱਤਰ ਅਭਿਸ਼ੇਕ ਬੈਨਰਜੀ, ਜੋ ਅਸਲ ਵਿਚ ਪਾਰਟੀ ਲਈ ਸਭ ਕੁਝ ਸਨ, ਹੁਣ ਤ੍ਰਿਣਮੂਲ ਸੁਪਰੀਮੋ ਨੇ ਉਨ੍ਹਾਂ ਦੇ ਅਧਿਕਾਰ ਘੱਟ ਕਰ ਦਿੱਤੇ ਹਨ। ਅਭਿਸ਼ੇਕ ਬੈਨਰਜੀ, ਜਿਨ੍ਹਾਂ ਦੀ ਗੱਲ ਹੀ ਆਖ਼ਰੀ ਮੰਨੀ ਜਾਂਦੀ ਸੀ ਅਤੇ ਜੋ ਪਾਰਟੀ ਵਰਕਰਾਂ ਵਿਚ ਨਾਰਾਜ਼ਗੀ ਦੀ ਮੁੱਖ ਵਜ੍ਹਾ ਸਨ, ਹੁਣ 2 ਹੋਰ ਕੌਮੀ ਜਨਰਲ ਸਕੱਤਰਾਂ ਨਾਲ ਮਿਲ ਕੇ ਕੰਮ ਕਰਨਗੇ। ਸੰਸਦ ਮੈਂਬਰ ਡੈਰੇਕ ਓ’ ਬ੍ਰਾਇਨ ਤੇ ਡੋਲਾ ਸੇਨ ਹੁਣ ਅਭਿਸ਼ੇਕ ਬੈਨਰਜੀ ਦੀ ਮਦਦ ਕਰਨਗੇ।
ਤ੍ਰਿਣਮੂਲ ਕਾਂਗਰਸ ਵਿਚ ਇਸ ਸਮੇਂ ਪਾਰਟੀ ਆਗੂਆਂ ਦੀ ਬਗਾਵਤ ਦੇਖਣ ਨੂੰ ਮਿਲ ਰਹੀ ਹੈ। ਮੌਜੂਦਾ ਸਮੇਂ ’ਚ ਬਗਾਵਤ ਨੂੰ ਮਮਤਾ ਬੈਨਰਜੀ ਦੀ ਬਜਾਏ ਅਭਿਸ਼ੇਕ ਬੈਨਰਜੀ ਦੇ ਖ਼ਿਲਾਫ਼ ਦੇਖਿਆ ਜਾ ਰਿਹਾ ਹੈ। ਅਭਿਸ਼ੇਕ ਬੈਨਰਜੀ ਦੇ ਕੰਮ ਕਰਨ ਦੇ ਤਰੀਕੇ ਨੂੰ ਲੈ ਕੇ ਪਾਰਟੀ ਵਿਚ ਅਸੰਤੁਸ਼ਟੀ ਦੇਖੀ ਗਈ ਹੈ, ਜੋ ਹੁਣ ਪੂਰੀ ਤਰ੍ਹਾਂ ਬਗਾਵਤ ਵਿਚ ਬਦਲ ਚੁੱਕੀ ਹੈ। ਇਸ ਕਾਰਨ ਮਮਤਾ ਬੈਨਰਜੀ ਨੇ ਪਾਰਟੀ ਸੰਗਠਨ ਵਿਚ ਫੇਰਬਦਲ ਕਰ ਕੇ ਸਥਿਤੀ ਨੂੰ ਸੁਧਾਰਨ ਦਾ ਕਦਮ ਚੁੱਕਿਆ ਹੈ।
ਦੂਜੇ ਪਾਸੇ ਤ੍ਰਿਣਮੂਲ ਕਾਂਗਰਸ ਵਿਧਾਇਕ ਦਲ ਦੀ ਅਗਵਾਈ ਸਬੰਧੀ ਚੱਲ ਰਹੀ ਲੜਾਈ ਵਿਚ ਸ਼ਨੀਵਾਰ ਨੂੰ ਉਸ ਵੇਲੇ ਨਵਾਂ ਮੋੜ ਆਇਆ ਜਦੋਂ ਸਾਬਕਾ ਮੁੱਖ ਮੰਤਰੀ ਮਮਤਾ ਬੈਨਰਜੀ ਦੀ ਕਾਲੀਘਾਟ ਸਥਿਤ ਰਿਹਾਇਸ਼ ’ਤੇ ਹੋਈਆਂ ਪਾਰਟੀ ਵਿਧਾਇਕਾਂ ਦੀਆਂ 2 ਬੈਠਕਾਂ ਨਾਲ ਜੁੜੇ ਕਥਿਤ ਦਸਤਾਵੇਜ਼ ਸੋਸ਼ਲ ਮੀਡੀਆ ’ਤੇ ਸਾਹਮਣੇ ਆਏ, ਜਿਸ ਤੋਂ ਬਾਅਦ ਵਿਰੋਧੀ ਧਿਰ ਦੇ ਨੇਤਾ ਰਿਤਾਬ੍ਰਤਾ ਬੈਨਰਜੀ ਨੇ ਉਨ੍ਹਾਂ ਦੀ ਪ੍ਰਮਾਣਿਕਤਾ ’ਤੇ ਸਵਾਲ ਖੜ੍ਹੇ ਕੀਤੇ।
ਕੂਨੋ ਨੈਸ਼ਨਲ ਪਾਰਕ 'ਚ ਖੁਸ਼ਖਬਰੀ, ਦਹਾਕਿਆਂ ਬਾਅਦ ਨਜ਼ਰ ਆਈ ਦੁਰਲੱਭ ਜੰਗਲੀ ਬਿੱਲੀ
NEXT STORY 
