ਨੈਸ਼ਨਲ-ਤਾਮਿਲਨਾਡੂ ’ਚ ਬੁਧਵਾਰ ਨੂੰ ਸੈਨਾ ਦੇ ਇਕ ਹੈਲੀਕਾਪਟਰ ਹਾਦਸੇ ’ਚ ਮੁੱਖ ਰੱਖਿਆ ਪ੍ਰਧਾਨ (ਸੀ.ਡੀ. ਐੱਸ.) ਜਨਰਲ ਬਿਪਿਨ ਰਾਵਤ ਦੀ ਪਤਨੀ ਸਮੇਤ 13 ਹੋਰ ਲੋਕਾਂ ਦੀ ਮੌਤ ਹੋ ਗਈ। ਇਸ ਨਾਲ ਪੂਰੇ ਦੇਸ਼ ’ਚ ਸ਼ੌਕ ਦੀ ਲਹਿਰ ਫੈਲ ਗਈ ਹੈ। ਜਾਣਕਾਰੀ ਮੁਤਾਬਕ, ਜਨਰਲ ਬਿਪਿਨ ਰਾਵਤ ਅਤੇ ਉਨ੍ਹਾਂ ਦੀ ਪਤਨੀ ਦੀ ਮ੍ਰਿਤਕ ਦੇਹ ਅੱਜ ਦਿੱਲੀ ਛਾਉਣੀ ਲਿਆਈ ਜਾਵੇਗੀ ਅਤੇ ਸ਼ੁੱਕਰਵਾਰ ਨੂੰ ਅੰਤਿਮ ਸੰਸਕਾਰ ਕੀਤਾ ਜਾਵੇਗਾ। ਉਨ੍ਹਾਂ ਦੀ ਮ੍ਰਿਤਕ ਦੇਹ ਨੂੰ ਅੱਜ ਇਕ ਸੈਨਾ ਦੇ ਜਹਾਜ਼ ਰਾਹੀਂ ਰਾਸ਼ਟਰੀ ਰਾਜਧਾਨੀ ਪਹੁੰਚਾਇਆ ਜਾਵੇਗਾ।
ਉੱਥੇ ਦੂਸਰੇ ਪਾਸੇ, ਜਨਰਲ ਬਿਪਿਨ ਰਾਵਤ ਨੇ ਉਤਰਾਖੰਡ ਸਥਿਤ ਉਨ੍ਹਾਂ ਦੇ ਜੱਦੀ ਪਿੰਡ ਸੈਣਾ ’ਚ ਰਹਿਣ ਵਾਲੇ ਚਾਚਾ ਭਰਤ ਸਿੰਘ ਵੀ ਇਸ ਘਟਨਾ ਨਾਲ ਬਹੁਤ ਦੁਖੀ ਹਨ । ਉਨ੍ਹਾਂ ਦੇ ਚਾਚੇ ਨੇ ਦੱਸਿਆ ਕਿ ਉਸ ਦੇ ਭਤੀਜੇ ਦੀ ਅਗਲੇ ਸਾਲ ਅਪ੍ਰੈਲ ’ਚ ਇੱਥੇ ਆਉਣ ਅਤੇ ਨਵਾਂ ਘਰ ਬਣਾਉਣ ਦੀ ਖ਼ੁਆਇਸ਼ ਅਧੂਰੀ ਰਹਿ ਗਈ। ਦੱਸ ਦੇਈਏ ਕਿ ਉਤਰਾਖੰਡ ਦੇ ਪੌੜੀ ਜ਼ਿਲ੍ਹੇ ਦੇ ਇਸ ਛੋਟੇ ਜਿਹੇ ਜੱਦੀ ਸੈਣਾ ਪਿੰਡਾ ’ਚ ਸਿਰਫ਼ ਉਨ੍ਹਾਂ ਦੇ ਚਾਚਾ ਜੀ ਦਾ ਹੀ ਪਰਿਵਾਰ ਰਹਿੰਦਾ ਹੈ। ਸੈਣਾ ਪਿੰਡ ’ਚ ਕੁਲ ਤਿੰਨ ਮਕਾਨ ਹਨ, ਜਿਨ੍ਹਾਂ ’ਚੋਂ ਇਕ ਉਨ੍ਹਾਂ ਦਾ ਪਰਿਵਾਰ ਰਹਿੰਦਾ ਹੈ ਅਤੇ ਬਾਕੀ ਦੋ ਖ਼ਾਲੀ ਪਏ ਹਨ।
ਜਨਰਲ ਬਿਪਿਨ ਰਾਵਤ ਦੇ ਅਧੂਰੇ ਰਹਿ ਗਏ ਸੁਪਨੇ
ਗਿੱਲੀਆਂ ਅੱਖਾਂ ਨਾਲ ਜਨਰਲ ਬਿਪਿਨ ਰਾਵਤ ਦੇ ਚਾਚਾ ਭਰਤ ਸਿੰਘ ਰਾਵਤ (70) ਨੇ ਦੱਸਿਆ ਕਿ ਉਹ ਆਪਣੇ ਪਿੰਡ ਅਤੇ ਘਰ ਨਾਲ ਕਾਫ਼ੀ ਲਗਾਅ ਸੀ ਅਤੇ ਕਦੇ-ਕਦੇ ਉਹ ਉਨ੍ਹਾਂ ਨਾਲ ਫੋਨ ’ਤੇ ਗੱਲ ਕਰਦੇ ਸਨ। ਜਨਰਲ ਰਾਵਤ ਨੇ ਆਪਣੇ ਚਾਚੇ ਨੂੰ ਦੱਸਿਆ ਸੀ ਕਿ ਉਹ ਅਪ੍ਰੈਲ 2022 ’ਚ ਫਿਰ ਪਿੰਡ ਆਉਣਗੇ ਉਨ੍ਹਾਂ ਅੱਗੇ ਦੱਸਿਆ ਕਿ ਮੁਖ ਰੱਖਿਆ ਪ੍ਰਧਾਨ ਆਪਣੇ ਜੱਦੀ ਪਿੰਡ ’ਚ ਇਕ ਮਕਾਨ ਬਣਾਉਣਾ ਚਾਹੁੰਦੇ ਸੀ। ਅੱਖਾਂ ਤੋਂ ਅਥਰੂ ਸਾਫ਼ ਕਰਦੇ ਹੋਏ ਰਾਵਤ ਨੇ ਕਿਹਾ ਕਿ ਉਨ੍ਹਾਂ ਨੂੰ ਕੀ ਪਤਾ ਸੀ ਕਿ ਉਨ੍ਹਾਂ ਦੇ ਭਤੀਜੇ ਦੇ ਸੁਪਨੇ ਅਧੂਰੇ ਰਹਿ ਜਾਣਗੇ।
ਗ਼ਰੀਬਾਂ ਪ੍ਰਤੀ ਬਹੁਤ ਦਿਆਲੂ ਸਨ ਬਿਪਿਨ ਰਾਵਤ
ਜਨਰਲ ਰਾਵਤ ਦੇ ਮੌਤ ਦੀ ਸੂਚਨਾ ਮਿਲਣ ਤੋਂ ਬਾਅਦ ਉਨ੍ਹਾਂ ਦੇ ਜੱਦੀ ਪਿੰਡ ’ਚ ਸ਼ੌਕ ਦਾ ਮਾਹੌਲ ਹੈ ਅਤੇ ਉਨ੍ਹਾਂ ਦੇ ਚਾਚਾ, ਚਾਚੀ, ਚਚੇਰਾ ਭਰਾ ਅਤੇ ਹੋਰ ਪਰਿਵਾਰਕ ਮੈਂਬਰ ਸਦਮੇ ’ਚ ਹਨ। ਨੇੜਲੇ ਪਿੰਡਾਂ ਦੇ ਜੋ ਲੋਕ ਹੌਂਸਲਾ ਦੇਣ ਲਈ ਪਹੁੰਚੇ ਸਨ, ਉਨ੍ਹਾਂ ਦੀਆਂ ਅੱਖਾਂ ’ਚ ਵੀ ਅਥਰੂ ਸਨ।। ਉਨ੍ਹਾਂ ਦੱਸਿਆ ਕਿ ਬਿਪਿਨ ਗਰੀਬਾਂ ਪ੍ਰਤੀ ਬਹੁਤ ਦਿਆਲੂ ਸਨ ਅਤੇ ਵਾਰ-ਵਾਰ ਉਸ ਨੂੰ ਕਹਿੰਦੇ ਸਨ ਕਿ ਸੇਵਾਮੁਕਤ ਹੋਣ ਤੋਂ ਬਾਅਦ ਉਹ ਆਪਣੇ ਇਲਾਕੇ ’ਚ ਗਰੀਬਾਂ ਲਈ ਕੁਝ ਕਰਨਗੇ ਤਾਂ ਜੋ ਉਨ੍ਹਾਂ ਦੇ ਆਰਥਿਕ ਸਥਿਤੀ ਮਜ਼ਬੂਤ ਹੋ ਸਕੇ।
ਵੱਡੀ ਖ਼ਬਰ: 11 ਦਸੰਬਰ ਨੂੰ ਕਿਸਾਨ ਦਿੱਲੀ ਬਾਰਡਰਾਂ ਤੋਂ ਕਰਨਗੇ ਘਰ ਵਾਪਸੀ
NEXT STORY 
