ਨਵੀਂ ਦਿੱਲੀ- ਭਾਜਪਾ ਨੇਤਾਵਾਂ ਵੱਲੋਂ ਜਨਤਾ ’ਚ ਬਣਾਏ ਗਏ ਮਾਹੌਲ ਦੇ ਬਾਵਜੂਦ ਅੰਦਰੂਨੀ ਸਰਵੇਖਣਾਂ ਦੇ ਨਤੀਜਿਆਂ ਨੇ ਲੀਡਰਸ਼ਿਪ ਨੂੰ ਥੋੜਾ ਪ੍ਰੇਸ਼ਾਨ ਕਰ ਦਿੱਤਾ ਹੈ। ਹਾਲ ਹੀ ’ਚ ਪਾਰਟੀ ਹੈੱਡਕੁਆਰਟਰ ’ਚ ਆਯੋਜਿਤ ਇਕ ਵਿਚਾਰ-ਮੰਥਨ ਅਜਲਾਸ ’ਚ ਭਾਜਪਾ ਨੇ ਸੰਵੇਦਨਸ਼ੀਲ ਲੋਕ ਸਭਾ ਸੀਟਾਂ ਦੀ ਗਿਣਤੀ 144 ਤੋਂ ਵਧਾ ਕੇ 170 ਤੋਂ ਵੱਧ ਕਰ ਦਿੱਤੀ। ਇਸ ਮੈਰਾਥਨ ਕੋਸ਼ਿਸ਼ ਤੋਂ ਬਾਅਦ ਹੀ ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ, ਭਾਜਪਾ ਪ੍ਰਧਾਨ ਜੇ. ਪੀ. ਨੱਢਾ ਅਤੇ ਹੋਰਨਾਂ ਸਮੇਤ ਉੱਚ ਭਾਜਪਾ ਲੀਡਰਸ਼ਿਪ ਨੇ ਇਕ ਤੋਂ ਬਾਅਦ ਇਕ ਸੂਬਿਆਂ ਦਾ ਦੌਰਾ ਕਰਨਾ ਸ਼ੁਰੂ ਕੀਤਾ, ਜਿਥੇ ਪਾਰਟੀ ਨੂੰ ਆਪਣੇ ਹਥਿਆਰਾਂ ’ਚ ਕਮੀਆਂ ਮਿਲੀਆਂ। ਕਮਜ਼ੋਰ ਸੀਟਾਂ ਦੀ ਗਿਣਤੀ 170 ਤੋਂ ਵੱਧ ਹੋ ਗਈ ਹੈ ਕਿਉਂਕਿ ਵਿਰੋਧੀ ਪਾਰਟੀਆਂ ਭਾਜਪਾ ਵਿਰੁੱਧ ਘੱਟੋ-ਘੱਟ 350 ਲੋਕ ਸਭਾ ਹਲਕਿਆਂ ’ਚ ਇਕ ਸਾਂਝਾ ਉਮੀਦਵਾਰ ਖੜ੍ਹਾ ਕਰਨ ਦੀ ਦਿਸ਼ਾ ’ਚ ਅੱਗੇ ਵਧ ਰਹੇ ਹਨ।
ਪ੍ਰਧਾਨ ਮੰਤਰੀ ਮੋਦੀ ਦੇ ਵਧਦੇ ਕ੍ਰਿਸ਼ਮੇ, ਭਾਜਪਾ ਦੀ ਸੰਗਠਿਤ ਜੰਗੀ ਮਸ਼ੀਨਰੀ, ਵੱਡੇ ਪੱਧਰ ’ਤੇ ਧਨ ਦੀ ਸਪਲਾਈ ਨੇ ਖੇਤਰੀ ਦਲਾਂ ਨੂੰ ਵੀ ਪ੍ਰੇਸ਼ਾਨ ਕਰ ਦਿੱਤਾ ਹੈ। ਇਹ ਪਾਰਟੀਆਂ ਜ਼ਿਆਦਾਤਰ ਸੂਬਿਆਂ ’ਚ ਭਾਜਪਾ ਵਿਰੁੱਧ ਇਕ ਆਮ ਉਮੀਦਵਾਰ ਨੂੰ ਮੈਦਾਨ ’ਚ ਉਤਾਰਨ ਲਈ ਇਕ ਮੌਨ ਸਹਿਮਤੀ ਤੱਕ ਪਹੁੰਚਣ ਲਈ ਸਖਤ ਮਿਹਨਤ ਕਰ ਰਹੀਆਂ ਹਨ। ਭਾਜਪਾ ਹਾਈਕਮਾਨ ਨੂੰ ਲੋਕ ਸਭਾ ’ਚ ਆਪਣੀ ਮੌਜੂਦਾ ਤਾਕਤ ਬਰਕਰਾਰ ਰੱਖਣ ਲਈ ਦੱਖਣੀ ਸੂਬਿਆਂ ਤੋਂ ਇਲਾਵਾ ਮਹਾਰਾਸ਼ਟਰ, ਬਿਹਾਰ, ਰਾਜਸਥਾਨ ਸਮੇਤ ਕਈ ਸੂਬਿਆਂ ’ਚ ਆਪਣੀ ਰਣਨੀਤੀ ’ਚ ਬਦਲਾਅ ਕਰਨਾ ਪਿਆ ਹੈ। ਪ੍ਰਧਾਨ ਮੰਤਰੀ ਨੇ ਪਹਿਲਾਂ ਹੀ ਮੰਤਰਾਲਿਆਂ ਅਤੇ ਭਾਜਪਾ ਸ਼ਾਸਿਤ ਸੂਬਿਆਂ ਨੂੰ ਨਿਰਦੇਸ਼ ਦਿੱਤਾ ਹੈ ਕਿ ਉਹ ਕੇਂਦਰ ਸਰਕਾਰ ਦੀਆਂ ਪੂਰੀ ਤਰ੍ਹਾਂ ਵਿੱਤੀ ਸਹਾਇਤਾ ਪ੍ਰਾਪਤ ਵੱਖ-ਵੱਖ ਯੋਜਨਾਵਾਂ ਦੇ ਲਾਭਪਾਤਰੀਆਂ ਦੀ ਇਕ ਵਿਸਥਾਰਤ ਸੂਚੀ ਤਿਆਰ ਕਰਨ ਤਾਂਕਿ ਮਈ 2024 ’ਚ ਹੋਣ ਵਾਲੀਆਂ ਲੋਕ ਸਭਾ ਚੋਣਾਂ ਤੋਂ ਪਹਿਲਾਂ ਭਾਜਪਾ ਕਾਰਕੁੰਨ ਘਰ-ਘਰ ਜਾ ਕੇ ਇਸ ਦਾ ਪ੍ਰਚਾਰ ਕਰ ਸਕਣ।
ਭਾਰਤੀ ਖੁਰਾਕ ਨਿਗਮ ’ਚ ਭ੍ਰਿਸ਼ਟਾਚਾਰ, ਸੀ. ਬੀ. ਆਈ. ਨੇ 19 ਹੋਰ ਥਾਵਾਂ ’ਤੇ ਮਾਰੇ ਛਾਪੇ
NEXT STORY 
