ਧਰਮਸ਼ਾਲਾ— ਬਿਲਾਸਪੁਰ ਦੇ ਝੰਡੂਤਾ 'ਚ ਭਾਜਪਾ ਵਿਧਾਇਕ ਜੇ.ਆਰ. ਕਟਵਾਲ ਖਿਲਾਫ ਐੈੱਫ.ਆਈ.ਆਰ. ਮਾਮਲੇ 'ਚ ਮੁੱਖ ਮੰਤਰੀ ਜੈਰਾਮ ਠਾਕੁਰ ਨੇ ਵੱਡਾ ਬਿਆਨ ਦਿੱਤਾ ਹੈ। ਉਨ੍ਹਾਂ ਨੇ ਜਿਸ ਆਰ.ਟੀ.ਆਈ. ਮਾਮਲੇ 'ਚ ਕਟਵਾਲ 'ਤੇ ਕੇਸ ਦਰਜ ਕੀਤਾ ਗਿਆ ਹੈ। ਉਸ ਵਿਅਕਤੀ ਨੂੰ ਇਸ ਮਾਮਲੇ 'ਚ ਇਕ ਲੱਖ ਰੁਪਏ ਦਿੱਤੇ ਜਾ ਚੁੱਕੇ ਹਨ, ਨਾਲ ਹੀ ਉਨ੍ਹਾਂ ਨੇ ਕਿਹਾ ਕਿ ਇਸ 'ਚ ਹੋਰ ਕੁਝ ਕਹਿਣ ਦੀ ਜ਼ਰੂਰਤ ਨਹੀਂ ਹੈ।
ਜ਼ਿਕਰਯੋਗ ਹੈ ਕਿ ਕਟਵਾਲ ਖਿਲਾਫ ਛੋਟਾ ਸ਼ਿਮਲਾ ਥਾਣੇ 'ਚ ਟੈਂਪਰਿੰਗ ਦਾ ਮਾਮਲਾ ਦਰਜ ਕੀਤਾ ਗਿਆ ਹੈ। ਇਹ ਮਾਮਲਾ ਆਈ.ਪੀ.ਸੀ. ਦੀ ਧਾਰਾ 465, 466 ਅਤੇ 469 ਤਹਿਤ ਮਾਮਲਾ ਦਰਜ ਕੀਤਾ ਗਿਆ ਹੈ। ਭਾਜਪਾ ਵਿਧਾਇਕ 'ਤੇ ਪ੍ਰਸ਼ਾਸ਼ਨਿਕ ਅਧਿਕਾਰੀ ਦੇ ਅਹੁੱਦੇ 'ਤੇ ਰਹਿੰਦੇ ਹੋਏ ਆਰ.ਟੀ.ਆਈ. ਦਸਤਾਵੇਜਾਂ ਨਾਲ ਟੈਂਪਰਿੰਗ ਕਰਨ ਦਾ ਦੋਸ਼ ਲੱਗੇ ਹਨ। ਪੁਲਸ ਨੇ ਉਨ੍ਹਾਂ ਦੇ ਖਿਲਾਫ ਇਹ ਮਾਮਲਾ ਅਦਾਲਤ ਦੇ ਆਦੇਸ਼ਾਂ 'ਤੇ ਦਰਜ ਕੀਤਾ ਹੈ। ਨਾਲ ਹੀ ਭਾਜਪਾ ਵਿਧਾਇਕ ਨੂੰ ਜਦੋਂ ਇਸ ਬਾਰੇ 'ਚ ਸੰਪਰਕ ਕੀਤਾ ਗਿਆ ਤਾਂ ਉਨ੍ਹਾਂ ਨੇ ਦੱਸਿਆ ਕਿ ਇਸ ਮਾਮਲੇ ਦੀ ਜਾਣਕਾਰੀ ਨਹੀਂ ਹੈ। ਉਹ ਵਿਧਾਨਸਭਾ ਦੇ ਸ਼ੀਤਕਾਲੀਨ ਸੈਸ਼ਨ 'ਚ ਰੁੱਝੇ ਹੋਏ ਹਨ।
ਸਾਲ 2015 ਦਾ ਮਾਮਲਾ
ਭਾਜਪਾ ਵਿਧਾਇਕ ਪ੍ਰਤਾਪ ਸਿੰਘ ਵਰਮਾ ਨੇ ਦੋਸ਼ ਲਗਾਇਆ ਕਿ ਜਦੋਂ ਸਾਲ 2015 'ਚ ਰਿਟਾਇਰਮੈਂਟ ਤੋਂ ਬਾਅਦ ਮਹਿਲਾ ਬਾਲ ਦਿਵਸ ਵਿਭਾਗ 'ਚ ਆਊਟਸੋਰਸ 'ਤੇ ਤਾਇਨਾਤ ਸਨ ਤਾਂ ਉਨ੍ਹਾਂ ਨੂੰ ਸਾਲ 2016 'ਚ ਐਕਸਟੈਂਸ਼ਨ ਮਿਲੀ ਸੀ। ਉਸ ਸਮੇਂ 'ਚ ਮੌਜ਼ੂਦਾ ਵਿਧਾਇਕ ਇਸ ਵਿਭਾਗ 'ਚ ਤਾਇਨਾਤ ਸਨ। ਉਨ੍ਹਾਂ ਨੇ ਉਸ ਦੌਰਾਨ ਆਪਣੇ ਅਹੁੱਦੇ ਦੀ ਐਕਸਟੈਸ਼ਨ ਦੇ ਨਿਯਮਾਂ ਬਾਰੇ ਵਿਭਾਗ ਨਾਲ ਸਾਲ 2015 ਅਤੇ 2016 'ਚ ਆਰ.ਟੀ.ਆਈ. ਤਹਿਤ ਜਾਣਕਾਰੀ ਮੰਗੀ ਸੀ।
ਸ਼ਿਕਾਇਤ ਕਰਤਾ ਨੇ ਅਦਾਲਤ 'ਚ ਦਿੱਤੀ ਚੁਣੌਤੀ
ਵਿਧਾਇਕ 'ਤੇ ਦੋਸ਼ ਹੈ ਕਿ ਸਾਲ 2016 'ਚ ਵਿਭਾਗ ਵੱਲੋਂ ਹੋਰ ਆਰ.ਟੀ.ਆਈ. ਦੇ ਦਸਤਾਵੇਜਾਂ ਨਾਲ ਉਨ੍ਹਾਂ ਨੇ ਟੈਪਰਿੰਗ ਕੀਤੀ। ਇਸ ਮਾਮਲਾ ਨੂੰ ਸ਼ਿਕਾਇਤਕਰਤਾ ਨੇ ਅਦਾਲਤ 'ਚ ਚੁਣੌਤੀ ਦਿੱਤੀ ਸੀ। ਇਸ ਤੋਂ ਬਾਅਦ ਅਦਾਲਤ ਨੇ ਪੁਲਸ ਨੂੰ ਮਾਮਲਾ ਦਰਜ ਕਰਨ ਦੇ ਆਦੇਸ਼ ਦਿੱਤੇ। ਅਦਾਲਤ ਦੇ ਆਦੇਸ਼ 'ਤੇ ਪੁਲਸ ਨੇ ਇਸ ਮਾਮਲਾ 'ਚ ਸ਼ਿਕਾਇਤਕਰਤਾ ਨਾਲ ਸੰਬੰਧਿਤ ਰਿਕਾਰਡ ਨੂੰ ਵੀ ਕਬਜ਼ੇ 'ਚ ਲੈ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
ਜੱਜਾਂ ਦੀ ਪ੍ਰੈੱਸ ਕਾਨਫਰੰਸ 'ਤੇ ਸੀਨੀਅਰ ਵਕੀਲ ਬੋਲੇ- ਇਹ ਕਦਮ ਜ਼ਰੂਰੀ ਸੀ
NEXT STORY 
