ਨੈਸ਼ਨਲ ਡੈਸਕ- ਛੋਟੇ ਬੱਚਿਆਂ ਨੂੰ ਲੈ ਕੇ ਬਹੁਤ ਸਾਵਧਾਨ ਰਹਿਣਾ ਪੈਂਦਾ ਹੈ। ਉਨ੍ਹਾਂ ਵੱਲੋਂ ਕੀਤੀ ਗਈ ਮਾਮੂਲੀ ਜਿਹੀ ਗਲਤੀ ਵੀ ਮਹਿੰਗੀ ਪੈ ਜਾਂਦੀ ਹੈ। ਇਸ ਨਾਲ ਜੁੜੀ ਇਕ ਘਟਨਾ ਕਾਨਪੁਰ ਤੋਂ ਸਾਹਮਣੇ ਆਈ ਹੈ। ਘਰ 'ਚ ਖੇਡਦਾ ਇਕ ਮਾਸੂਮ ਬੱਚਾ ਬਾਥਰੂਮ 'ਚ ਪਹੁੰਚ ਗਿਆ ਅਤੇ ਉੱਥੇ ਰੱਖੇ ਟੱਬ ਦੇ ਪਾਣੀ 'ਚ ਖੇਡਣ ਲੱਗਾ। ਉਸ ਸਮੇਂ ਉਸਦੀ ਮਾਂ ਕੰਮ 'ਚ ਰੁੱਝੀ ਹੋਈ ਸੀ।
ਔਰਤ ਦੀ ਇਕ ਧੀ ਅਤੇ ਦੂਜਾ ਡੇਢ ਸਾਲ ਦਾ ਮਾਸੂਮ ਪੁੱਤਰ ਸੂਰਯਾਂਸ਼ ਸੀ। ਪੁੱਤਰ ਖੇਡਦਾ ਖੇਡਦਾ ਬਾਥਰੂਮ ਪਹੁੰਚ ਗਿਆ। ਸੂਰਯਾਂਸ਼ ਇਸ ਪਾਣੀ ਨਾਲ ਖੇਡਣ ਲੱਗਾ ਤਾਂ ਉਹ ਆਪਣਾ ਸੰਤੁਲਨ ਗੁਆ ਬੈਠਾ ਅਤੇ ਪਾਣੀ ਨਾਲ ਭਰੇ ਟੱਬ 'ਚ ਡਿੱਗ ਗਿਆ। ਉਹ ਬਾਹਰ ਨਿਕਲਣ ਲਈ ਤਰਸਣ ਲੱਗਾ। ਉਸ ਨੂੰ ਬਚਾਉਣ ਵਾਲਾ ਕੋਈ ਨਹੀਂ ਸੀ। ਕੁਝ ਸਮੇਂ ਬਾਅਦ ਜਦੋਂ ਮਾਂ ਨੂੰ ਬੱਚੇ ਦਾ ਧਿਆਨ ਆਇਆ ਤਾਂ ਉਸ ਨੇ ਬੱਚੇ ਦੀ ਭਾਲ ਸ਼ੁਰੂ ਕਰ ਦਿੱਤੀ। ਉਸ ਨੇ ਦੇਖਿਆ ਕਿ ਬੱਚਾ ਬਾਥਰੂਮ 'ਚ ਪਾਣੀ ਦੇ ਟੱਬ 'ਚ ਮੂੰਹ ਭਾਰ ਲੇਟਿਆ ਹੋਇਆ ਸੀ। ਜਦੋਂ ਉਸ ਨੂੰ ਡਾਕਟਰ ਕੋਲ ਲਿਜਾਇਆ ਗਿਆ ਤਾਂ ਬੱਚੇ ਨੂੰ ਮ੍ਰਿਤਕ ਐਲਾਨ ਦਿੱਤਾ ਗਿਆ।
ਕਸ਼ਮੀਰ ਦੇ ਤਾਪਮਾਨ 'ਚ ਮਾਮੂਲੀ ਵਾਧਾ, ਉੱਚੇ ਇਲਾਕਿਆਂ 'ਚ ਹੋ ਸਕਦੀ ਹੈ ਬਰਫ਼ਬਾਰੀ : ਮੌਸਮ ਵਿਭਾਗ
NEXT STORY 
