ਨੈਸ਼ਨਲ ਡੈਸਕ- ਉੱਤਰ ਪ੍ਰਦੇਸ਼ ਦੇ ਏਟਾ ਤੋਂ ਇੱਕ ਦਿਲ ਦਹਿਲਾ ਦੇਣ ਵਾਲੀ ਘਟਨਾ ਸਾਹਮਣੇ ਆਈ ਹੈ। ਇੱਥੇ ਇੱਕ 9 ਸਾਲ ਦੇ ਬੱਚੇ ਦੀ ਤੇਜ਼ ਆਵਾਜ਼ ਕਾਰਨ ਮੌਤ ਹੋ ਗਈ। ਡਾਕਟਰ ਵੀ ਇਸ ਘਟਨਾ ਨੂੰ ਸੁਣ ਕੇ ਹੈਰਾਨ ਹਨ। ਇਹ ਘਟਨਾ ਜੀ.ਜੀ.ਆਈ.ਸੀ. ਕਲੋਨੀ ਵਿੱਚ ਵਾਪਰੀ। ਇੱਥੇ ਇੱਕ 6 ਸਾਲ ਦੀ ਬੱਚੀ ਨੇ 9 ਸਾਲ ਦੇ ਬੱਚੇ ਨੂੰ ਡਰਾਉਣ ਲਈ ਉੱਚੀ ‘ਹੂ’ ਆਵਾਜ਼ ਕੱਢੀ। ਜਿਸ ਕਾਰਨ ਬੱਚਾ ਡਰ ਗਿਆ ਅਤੇ ਜ਼ਮੀਨ ‘ਤੇ ਡਿੱਗ ਪਿਆ ਅਤੇ ਬੇਹੋਸ਼ ਹੋ ਗਿਆ। ਪਰਿਵਾਰ ਵਾਲੇ ਉਸਨੂੰ ਤੁਰੰਤ ਹਸਪਤਾਲ ਲੈ ਗਏ, ਜਿੱਥੇ ਡਾਕਟਰ ਨੇ ਉਸਨੂੰ ਮ੍ਰਿਤਕ ਐਲਾਨ ਦਿੱਤਾ। ਡਾਕਟਰ ਅਨੁਸਾਰ ਬੱਚੇ ਦੀ ਮੌਤ ਦਿਲ ਦੀ ਧੜਕਣ ਬੰਦ ਹੋਣ ਕਾਰਨ ਹੋਈ ਹੈ।
ਇਹ ਵੀ ਪੜ੍ਹੋ- ਫੈਲ ਗਈ ਰਹੱਸਮਈ ਬਿਮਾਰੀ! ਕਈ ਟੱਬਰ ਹੋ ਗਏ ਤਬਾਹ, ਚਿੰਤਾ 'ਚ ਡੁੱਬਾ ਸਿਹਤ ਵਿਭਾਗ
ਜਾਣਕਾਰੀ ਮੁਤਾਬਕ ਰਾਜੂ ਨਾਂ ਦੇ ਵਿਅਕਤੀ ਦਾ 9 ਸਾਲਾ ਪੁੱਤਰ ਆਰੀਅਨ ਸ਼ਾਮ ਨੂੰ ਘਰ ਵਿੱਚ ਖਾਣਾ ਖਾ ਰਿਹਾ ਸੀ। ਉਹ ਰੋਟੀ ਦਾ ਟੁਕੜਾ ਆਪਣੇ ਹੱਥ ਵਿੱਚ ਲੈ ਕੇ ਦੂਜੇ ਕਮਰੇ ਵਿੱਚ ਚਲਾ ਗਿਆ ਜਿੱਥੇ ਹੋਰ ਬੱਚੇ ਖੇਡ ਰਹੇ ਸਨ। ਆਰੀਅਨ ਵੀ ਉਨ੍ਹਾਂ ਨਾਲ ਖੇਡਣ ਲੱਗ ਪਿਆ। ਕੁਝ ਸਮੇਂ ਬਾਅਦ, ਇਕ 6 ਸਾਲ ਦੀ ਕੁੜੀ ਨੂੰ ਛੱਡ ਕੇ ਸਾਰੇ ਬੱਚੇ ਚਲੇ ਗਏ। ਆਰੀਅਨ ਨੂੰ ਡਰਾਉਣ ਲਈ, ਕੁੜੀ ਨੇ ਦਰਵਾਜ਼ਾ ਥੋੜ੍ਹਾ ਜਿਹਾ ਬੰਦ ਕਰ ਦਿੱਤਾ ਅਤੇ ਆਪਣੇ ਮੂੰਹੋਂ ਉੱਚੀ ਆਵਾਜ਼ ਕੱਢੀ। ਆਵਾਜ਼ ਸੁਣਦੇ ਹੀ ਆਰੀਅਨ ਡਿੱਗ ਪਿਆ। ਪਰਿਵਾਰ ਨੇ ਸੋਚਿਆ ਕਿ ਉਹ ਬੇਹੋਸ਼ ਹੋ ਗਿਆ ਹੈ ਪਰ ਜਦੋਂ ਉਸਨੂੰ ਹਸਪਤਾਲ ਲਿਜਾਇਆ ਗਿਆ ਤਾਂ ਡਾਕਟਰ ਨੇ ਉਸਨੂੰ ਮ੍ਰਿਤਕ ਐਲਾਨ ਦਿੱਤਾ।
ਬਾਲ ਰੋਗ ਵਿਗਿਆਨੀ ਨੇ ਕਿਹਾ ਕਿ ਅਚਾਨਕ ਉੱਚੀ ਆਵਾਜ਼ ਬੱਚਿਆਂ ਨੂੰ ਡਰਾ ਸਕਦੀ ਹੈ, ਜਿਸ ਨਾਲ ਦਿਲ ਦੀ ਧੜਕਣ ਬੰਦ ਹੋ ਸਕਦੀ ਹੈ। ਆਰੀਅਨ ਦੀ ਮੌਤ ਤੋਂ ਬਾਅਦ ਪਰਿਵਾਰ ਵਿੱਚ ਸੋਗ ਦੀ ਲਹਿਰ ਹੈ। ਜਿਸ ਕਿਸੇ ਨੇ ਵੀ ਇਸ ਘਟਨਾ ਬਾਰੇ ਸੁਣਿਆ ਉਹ ਹੱਕਾ-ਬੱਕਾ ਰਹਿ ਗਿਆ। ਆਰੀਅਨ ਚਾਰ ਭੈਣ-ਭਰਾਵਾਂ ਵਿੱਚੋਂ ਦੂਜੇ ਨੰਬਰ ‘ਤੇ ਸੀ।
ਇਹ ਵੀ ਪੜ੍ਹੋ- ਕਿਰਾਏਦਾਰ ਨੇ ਖ਼ਾਲੀ ਕੀਤਾ ਮਕਾਨ, ਮਾਲਕ ਨੇ 6 ਮਹੀਨੇ ਬਾਅਦ ਕਮਰਾ ਖੋਲ੍ਹਿਆ ਤਾਂ ਪੈਰਾਂ ਹੇਠੋਂ ਨਿਕਲ ਗਈ ਜ਼ਮੀਨ
ਜੰਮੂ ਕਸ਼ਮੀਰ 'ਚ ਅੱਤਵਾਦੀਆਂ ਨਾਲ ਮੁਕਾਬਲੇ 'ਚ ਇੱਕ ਜਵਾਨ ਸ਼ਹੀਦ
NEXT STORY 
