ਨਵੀਂ ਦਿੱਲੀ— ਭਾਰਤੀ ਜਲ ਸੈਨਾ ਮੁਖੀ ਨੇ ਅੱਜ ਯਾਨੀ ਮੰਗਲਵਾਰ ਨੂੰ ਅਰਬ ਸਾਗਰ 'ਚ ਚੀਨ ਦੇ ਜਹਾਜ਼ ਨੂੰ ਵਾਪਸ ਭੇਜਣ ਦੀ ਪੁਸ਼ਟੀ ਕੀਤੀ। ਜਲ ਸੈਨਾ ਮੁਖੀ ਐਡਮਿਰਲ ਕਰਮਬੀਰ ਸਿੰਘ ਨੇ ਦਿੱਲੀ 'ਚ ਇਕ ਪ੍ਰੈੱਸ ਕਾਨਫਰੰਸ 'ਚ ਕਿਹਾ ਕਿ ਚੀਨ ਦੇ ਜਹਾਜ਼ ਸ਼ੀ ਯਾਨ1 ਨੂੰ ਬਿਨਾਂ ਮਨਜ਼ੂਰੀ ਭਾਰਤੀ ਖੇਤਰ 'ਚ ਪ੍ਰਵੇਸ਼ ਕਾਰਨ ਵਾਪਸ ਭੇਜਿਆ ਗਿਆ ਸੀ। ਇੰਡੀਅਨ ਨੇਵੀ ਦੀ ਐਂਟਰੀ ਪਾਇਰੇਸੀ ਮਿਸ਼ਨ ਦੀ ਸਫ਼ਲਤਾ ਬਾਰੇ ਉਨ੍ਹਾਂ ਨੇ ਕਿਹਾ ਕਿ ਇਸ ਮਿਸ਼ਨ 'ਚ 120 ਸਮੁੰਦਰੀ ਲੁਟੇਰਿਆਂ ਨੂੰ ਫੜਿਆ ਗਿਆ ਅਤੇ ਪਾਇਰੇਸੀ ਦੇ 44 ਕੇਸ ਸਾਹਮਣੇ ਆਏ।
ਭਾਰਤੀ ਖੇਤਰ 'ਚ ਆਉਣ ਤੋਂ ਪਹਿਲਾਂ ਮਨਜ਼ੂਰੀ ਲੈਣੀ ਹੋਵੇਗੀ
ਚੀਨ ਦੇ ਜਹਾਜ਼ ਸ਼ੀ ਯਾਨ1 ਨੂੰ ਭਾਰਤ ਵਲੋਂ ਵਾਪਸ ਭੇਜਣ ਦੇ ਸਵਾਲ ਦਾ ਵੀ ਜਲ ਸੈਨਾ ਮੁਖੀ ਨੇ ਜਵਾਬ ਦਿੱਤਾ। ਉਨ੍ਹਾਂ ਨੇ ਕਿਹਾ,''ਸ਼ੀ ਯਾਨ1 ਨੂੰ ਭਾਰਤੀ ਖੇਤਰ ਤੋਂ ਵਾਪਸ ਭੇਜਿਆ ਗਿਆ ਹੈ। ਸਾਡਾ ਸਟੈਂਡ ਇਸ ਮੁੱਦੇ 'ਤੇ ਸਾਫ਼ ਹੈ ਕਿ ਜੇਕਰ ਕੋਈ ਵੀ ਦੇਸ਼ ਦਾ ਜਹਾਜ਼ ਸਾਡੇ ਅਧਿਕਾਰ ਖੇਤਰ ਵਾਲੇ ਇਕਨਾਮਿਕ ਜੋਨ 'ਚ ਆਉਂਦਾ ਹੈ ਤਾਂ ਉਸ ਨੂੰ ਪਹਿਲਾਂ ਮਨਜ਼ੂਰੀ ਲੈਣੀ ਹੋਵੇਗੀ।''
ਭਾਰਤੀ ਜਲ ਸੈਨਾ ਹਰ ਕਦਮ 'ਤੇ ਬਾਰੀਕੀ ਨਾਲ ਨਜ਼ਰ ਰੱਖ ਰਹੀ ਹੈ
ਭਾਰਤੀ ਜਲ ਸੈਨਾ ਮੁਖੀ ਨੇ ਲਗਾਤਾਰ ਨੇਵੀ ਬਜਟ ਘੱਟ ਹੋਣ 'ਤੇ ਚਿੰਤਾ ਜ਼ਾਹਰ ਕੀਤੀ। ਉਨ੍ਹਾਂ ਨੇ ਕਿਹਾ ਕਿ ਪਿਛਲੇ ਕੁਝ ਸਾਲਾਂ 'ਚ ਡਿਫੈਂਸ ਬਜਟ 'ਚ ਜਲ ਸੈਨਾ ਦਾ ਹਿੱਸਾ ਲਗਾਤਾਰ ਘੱਟ ਹੋਇਆ ਹੈ। 2012 ਚ ਇਹ 18 ਫੀਸਦੀ ਸੀ ਜੋ 2018 'ਚ ਘੱਟ ਹੋ ਕੇ ਸਿਰਫ਼ 12 ਰਹਿ ਗਿਆ। ਉਨ੍ਹਾਂ ਨੇ ਕਿਹਾ ਕਿ ਹਿੰਦ ਮਹਾਸਾਗਰ 'ਚ ਚੀਨ ਆਪਣੀ ਮੌਜੂਦਗੀ ਲਗਾਤਾਰ ਵਧਾ ਰਿਹਾ ਹੈ। ਭਾਰਤੀ ਜਲ ਸੈਨਾ ਅਜਿਹੇ ਹਰ ਕਦਮ 'ਤੇ ਬਾਰੀਕੀ ਨਾਲ ਨਜ਼ਰ ਰੱਖੇ ਹੋਏ ਹੈ।
ਉੱਤਰੀ ਅਰਬ ਸਾਗਰ 'ਚ ਜਲ ਸੈਨਾ ਦਾ ਸੰਯੁਕਤ ਫੌਜ ਅਭਿਆਸ
ਨੇਵੀ ਚੀਫ ਐਡਮਿਰਲ ਕਰਮਬੀਰ ਸਿੰਘ ਨੇ ਕਿਹਾ,''ਚੀਨ ਅਤੇ ਪਾਕਿਸਤਾਨ ਦਾ ਉੱਤਰੀ ਅਰਬ ਸਾਗਰ 'ਚ ਜਲ ਸੈਨਾ ਦਾ ਸੰਯੁਕਤ ਫੌਜ ਅਭਿਆਸ ਪ੍ਰਸਤਾਵਿਤ ਹੈ। ਅਸੀਂ ਇਸ 'ਤੇ ਨਜ਼ਰ ਬਣਾਏ ਹੋਏ ਹਾਂ। ਇਸ ਸੰਯੁਕਤ ਫੌਜ ਅਭਿਆਸ ਲਈ ਉਨ੍ਹਾਂ ਨੂੰ ਭਾਰਤ ਦੇ ਖੇਤਰ 'ਚ ਆਉਣ ਵਾਲੇ ਹਿੰਦ ਮਹਾਸਾਗਰ ਤੋਂ ਹੀ ਹੋ ਕੇ ਜਾਣਾ ਹੋਵੇਗਾ।'' ਜਲ ਸੈਨਾ ਦੀ ਤਾਕਤ 'ਤੇ ਜ਼ੋਰ ਦਿੰਦੇ ਹੋਏ ਨੇਵੀ ਚੀਫ ਨੇ ਕਿਹਾ ਕਿ ਅਲਕਾਇਦਾ ਅਤੇ ਦੂਜੇ ਅੱਤਵਾਦੀ ਸੰਗਠਨਾਂ ਦੀ ਸਮੁੰਦਰੀ ਗਤੀਵਿਧੀ ਨੂੰ ਦੇਖਦੇ ਹੋਏ ਅਸੀਂ ਸੁਰੱਖਿਆ ਦੇ ਉਪਾਅ ਅਪਣਾ ਰਹੇ ਹਾਂ।
ਕੇਰਲ ਜਬਰ ਜ਼ਨਾਹ ਦੇ ਦੋਸ਼ੀ ਬਿਸ਼ਪ ਖਿਲਾਫ ਆਵਾਜ਼ ਚੁੱਕਣ ਵਾਲੀ ਨਨ ਨੇ ਲਿਖੀ ਆਤਮਕਥਾ
NEXT STORY 
