ਜਲੰਧਰ — ਮੱਧ ਵਰਗ ਦੇ ਸਾਰੇ ਲੋਕ ਕਿਸ਼ਤਾਂ ’ਤੇ ਕਾਰ ਲੈਣ ਬਾਰੇ ਹੀ ਸੋਚਦੇ ਹਨ। ਕੀ ਤੁਸੀਂ ਵੀ ਕਾਰ ਖਰੀਦਣ ਦੀ ਯੋਜਨਾ ਬਣਾ ਰਹੇ ਹੋ ਤਾਂ ਇਹ ਖਬਰ ਤੁਹਾਡੇ ਲਈ ਹੀ ਹੈ। ਕਾਰ ਲਈ ਕਰਜ਼ਾ (ਕਾਰ ਲੋਨ) ਲੈਂਦੇ ਸਮੇਂ ਤੁਹਾਡੇ ਨਾਲ ਕਿਤੇ ਧੋਖਾ ਨਾ ਹੋ ਜਾਵੇ, ਇਸ ਲਈ ਸਭ ਤੋਂ ਪਹਿਲਾਂ ਤੁਹਾਨੂੰ ਇਸ ਬਾਰੇ ਸਾਰੀਆਂ ਜਾਣਕਾਰੀਆਂ ਜੁਟਾ ਲੈਣੀਆਂ ਚਾਹੀਦੀਆਂ ਹਨ। ਜਦੋਂ ਤੁਸੀਂ ਕਾਰ ਖਰੀਦਣ ਜਾਂਦੇ ਹੋ ਤਾਂ ਕਾਰ ਡੀਲਰ ਕਿਸੇ ਇਕ ਫਾਈਨਾਂਸਰ ਤੋਂ ਤੁਹਾਨੂੰ ਉਸ ਦੀ ਮਾਰਫ਼ਤ ਕਰਜ਼ੇ ਦੀ ਪੇਸ਼ਕਸ਼ ਕਰ ਸਕਦੇ ਹਨ। ਯਾਦ ਰੱਖੋ ਆਮ ਤੌਰ ’ਤੇ ਡੀਲਰ ਤੁਹਾਡੇ ਵੱਲੋਂ ਹਾਸਲ ਕੀਤੇ ਗਏ ਕਰਜ਼ੇ ’ਤੇ 1 ਤੋਂ 2 ਫ਼ੀਸਦੀ ਕਮਿਸ਼ਨ ਲੈਂਦੇ ਹਨ ਕਿਉਂਕਿ ਡੀਲਰਾਂ ਵੱਲੋਂ ਪਹਿਲਾਂ ਤੋਂ ਹੀ ਫਾਈਨਾਂਸਰਾਂ ਨਾਲ ਗੰਢ-ਤੁੱਪ ਕੀਤੀ ਗਈ ਹੋ ਸਕਦੀ ਹੈ। ਅਜਿਹਾ ਕਰ ਕੇ ਤੁਸੀਂ ਆਲੇ-ਦੁਆਲੇ ਜਾਂਚ-ਪੜਤਾਲ ਕਰੋ ਕਿ ਤੁਹਾਡਾ ਆਪਣਾ ਬੈਂਕ, ਦੂਜੇ ਹੋਰ ਬੈਂਕ ਅਤੇ ਐੱਨ. ਬੀ. ਐੱਫ. ਸੀ. ਤੁਹਾਨੂੰ ਕਰਜ਼ਾ ਦੇਣ ਲਈ ਕੀ-ਕੀ ਆਫਰ ਕਰਦੇ ਹਨ।
ਕਈ ਵਾਰ ਤੁਹਾਡਾ ਬੈਂਕ ਤੁਹਾਨੂੰ ਪ੍ਰੀ-ਅਪਰੂਵਡ ਕਰਜ਼ੇ ਦੀ ਪੇਸ਼ਕਸ਼ ਕਰ ਸਕਦਾ ਹੈ, ਪਤਾ ਕਰੋ ਕਿ ਕੀ ਤੁਹਾਨੂੰ ਅਜਿਹੀ ਪੇਸ਼ਕਸ਼ ਮਿਲੀ ਹੈ ਜਾਂ ਨਹੀਂ। ਇਸ ਲਈ ਅਜਿਹੇ ਕਰਜ਼ੇ ਲਈ ਤੁਸੀਂ ਆਪਣੇ ਬੈਂਕ ਨਾਲ ਆਸਾਨ ਕਿਸ਼ਤਾਂ ’ਤੇ ਕਰਜ਼ਾ ਲੈਣ ਲਈ ਸੌਦਾ ਕਰ ਸਕਦੇ ਹੋ। ਇਹ ਗੱਲ ਯਾਦ ਰੱਖੋ ਕਿ ਵਾਹਨਾਂ ਦੇ ਵੱਖ-ਵੱਖ ਮਾਡਲਾਂ ’ਤੇ ਵਿਆਜ ਦੀਆਂ ਦਰਾਂ ਵੱਖ-ਵੱਖ ਹੋ ਸਕਦੀਆਂ ਹਨ। ਹੁੰਦਾ ਕੀ ਹੈ ਕਿ ਇਸ ਦੇ ਨਾਲ ਤੁਹਾਡੇ ਬਜਟ ’ਤੇ ਸਮੁੱਚਾ ਅਸਰ ਪੈ ਸਕਦਾ ਹੈ।
ਬੈਂਕ ਮੁਲਾਜ਼ਮ ਮਹੀਨੇ ਦੇ ਅਖੀਰ ’ਚ ਆਪਣੇ ਟੀਚਿਆਂ ਨੂੰ ਪੂਰਾ ਕਰਨ ਦੀ ਕੋਸ਼ਿਸ਼ ’ਚ ਹੁੰਦੇ ਹਨ ਅਤੇ ਉਸ ਸਮੇਂ ਸੌਦਿਆਂ ਦੇ ਨੇੜੇ-ਤੇੜੇ ਜਲਦਬਾਜ਼ੀ ’ਚ ਸੌਦਾ ਹੋ ਜਾਂਦਾ ਹੈ। ਇਸ ਲਈ ਉਸ ’ਤੇ ਅਜਿਹਾ ਦਬਾਅ ਪਾਓ ਕਿ ਤੁਹਾਨੂੰ ਕਿਸੇ ਵਧੀਆ ਸ਼ਰਤ ’ਤੇ ਕਰਜ਼ਾ ਮਿਲ ਜਾਵੇ ਯਾਨੀ ਕਿ ਸ਼ਾਇਦ ਪ੍ਰੋਸੈਸਿੰਗ ਫੀਸ ’ਚ ਛੋਟ ਮਿਲ ਸਕਦੀ ਹੈ।
ਆਮ ਤੌਰ ’ਤੇ ਕਾਰ ਲਈ ਕਰਜ਼ਾ 3 ਤੋਂ 5 ਸਾਲ ਦੀ ਮਿਆਦ ਦਾ ਹੁੰਦਾ ਹੈ ਪਰ ਕੁਝ ਕਰਜ਼ਦਾਤੇ ਅਜਿਹੇ ਵੀ ਹਨ, ਜੋ 7 ਸਾਲ ਤੱਕ ਦੀ ਮਿਆਦ ਲਈ ਵੀ ਕਰਜ਼ਾ ਦਿੰਦੇ ਹਨ। ਇਕ ਲੰਮੀ ਮਿਆਦ ਦੇ ਕਰਜ਼ੇ ਦਾ ਸਿੱਧਾ ਮਤਲਬ ਹੈ ਕਿ ਤੁਹਾਡੀ ਮਹੀਨਾਵਾਰੀ ਕਿਸ਼ਤ (ਈ. ਐੱਮ. ਆਈ.) ਦੀ ਰਾਸ਼ੀ ਘੱਟ ਹੋਵੇਗੀ, ਜਿਸ ਨਾਲ ਕਾਰ ਜ਼ਿਆਦਾ ਸਸਤੀ ਲੱਗਦੀ ਹੈ ਪਰ ਕੁਲ ਮਿਲਾ ਕੇ ਤੁਸੀਂ ਵਿਆਜ ਦੇ ਰੂਪ ’ਚ ਜ਼ਿਆਦਾ ਭੁਗਤਾਨ ਕਰਦੇ ਹੋ।
ਇੱਥੇ ਤੁਹਾਨੂੰ ਇਹ ਵੀ ਧਿਆਨ ’ਚ ਰੱਖਣਾ ਚਾਹੀਦਾ ਹੈ ਕਾਰ ਇਕ ਅਜਿਹੀ ਜਾਇਦਾਦ ਹੈ, ਜਿਸ ਦਾ ਮੁੱਲ ਸਮੇਂ ਦੇ ਨਾਲ ਘੱਟ ਹੁੰਦਾ ਜਾਂਦਾ ਹੈ। ਇਸ ਲਈ ਲੰਮੀ ਮਿਆਦ ਦਾ ਕਰਜ਼ਾ ਲੈਣ ਤੋਂ ਬਚਣਾ ਚਾਹੀਦਾ ਹੈ। ਉਥੇ ਹੀ ਦੂਜੇ ਪਾਸੇ ਜੇਕਰ ਤੁਸੀਂ ਬਹੁਤ ਘੱਟ ਮਿਆਦ ਦਾ ਕਾਰ ਲਈ ਕਰਜ਼ਾ ਲੈਂਦੇ ਹੋ ਤਾਂ ਇਸ ਨਾਲ ਤੁਹਾਡੀ ਈ. ਐੱਮ. ਆਈ. ਦੀ ਰਾਸ਼ੀ ਬਹੁਤ ਜ਼ਿਆਦਾ ਹੋ ਜਾਵੇਗੀ ਅਤੇ ਜੇਕਰ ਤੁਸੀਂ ਇਸ ਨੂੰ ਨਾ ਚੁਕਾ ਸਕੇ ਤਾਂ ਤੁਹਾਡੀ ਕ੍ਰੈਡਿਟ ਰਿਪੋਰਟ ਵਿਗੜਨਾ ਤੈਅ ਹੈ।
ਕਰਜ਼ਾ ਰਾਸ਼ੀ ’ਤੇ ਵੀ ਸ਼ਰਤਾਂ ਲਾਗੂ ਹੁੰਦੀਆਂ ਹਨ। ਉਦਾਹਰਣ ਲਈ ਕੁਝ ਕਰਜ਼ਦਾਤੇ ਕਾਰ ਦੀ ਪੂਰੀ ਸ਼ੋਅਰੂਮ ਕੀਮਤ ਲਈ ਕਰਜ਼ਾ ਦਿੰਦੇ ਹਨ, ਜਦੋਂ ਕਿ ਹੋਰ 80 ਫੀਸਦੀ ਤੱਕ ਕਰਜ਼ੇ ਦੀ ਪੇਸ਼ਕਸ਼ ਕਰ ਸਕਦੇ ਹਨ। ਇੱਥੇ ਅਸੀਂ ਤੁਹਾਨੂੰ 5 ਲੱਖ ਦੀ ਕਰਜ਼ਾ ਰਾਸ਼ੀ ਅਤੇ 5 ਸਾਲ ਦੀ ਮਿਆਦ ਲਈ ਕੁਝ ਖਾਸ ਬੈਂਕਾਂ ਵੱਲੋਂ ਆਫਰ ਕੀਤੀਆਂ ਜਾ ਰਹੀਆਂ ਵਿਆਜ ਦਰਾਂ, ਈ. ਐੱਮ. ਆਈ. ਅਤੇ ਪ੍ਰੋਸੈਸਿੰਗ ਫੀਸ ਦੀ ਜਾਣਕਾਰੀ ਦੇ ਰਹੇ ਹਾਂ।
ਨਵੀਂ ਕਾਰ ਲਈ ਕਰਜ਼ਾ-ਦਰਾਂ ਅਤੇ ਫੀਸ
ਬੈਂਕ ਦਾ ਨਾਂ ਵਿਆਜ ਦਰ ਈ. ਐੱਮ. ਆਈ. (ਰੁਪਏ) ਪ੍ਰੋਸੈਸਿੰਗ ਫੀਸ
(%’ਚ) ਕਰਜ਼ਾ ਰਾਸ਼ੀ 5 ਲੱਖ (ਮਿਆਦ : 5 ਸਾਲ) (ਕਰਜ਼ਾ ਰਾਸ਼ੀ ਦਾ ਫੀਸਦੀ)
ਓਰੀਐਂਟਲ ਬੈਂਕ 7.95-8.50 10,126-10,258 2500-7500 ਰੁਪਏ
ਆਫ ਕਾਮਰਸ
ਸਟੇਟ ਬੈਂਕ 8.75-12.10 10,319-11,148 31.12.2019
ਆਫ ਇੰਡੀਆ ਰੁਪਏ ਤੱਕ ਨਿਲ
ਐਕਸਿਸ ਬੈਂਕ 8.95-11.20 10,367-10,921 3500-5500 ਰੁਪਏ
HDFC ਬੈਂਕ 9.50-10.25 10,501-10,685 3000-10,000 ਰੁ.
RBL ਬੈਂਕ 13.50-14.00 10,505-11,634 1 ਫੀਸਦੀ
ਇੰਡੀਅਨ ਬੈਂਕ 8.85-9.20 10,343-10,428 10,236 ਰੁਪਏ ਤੱਕ
ਯੂਨੀਅਨ ਬੈਂਕ 8.20-8.70 10,186-10,307 15,000 ਰੁ. ਤੱਕ
ਆਫ ਇੰਡੀਆ
PNB ਬੈਂਕ 8.55-9.00 10,270-10,379 1500 ਰੁਪਏ ਤੱਕ
BOI 8.60-9.20 10,282-10,428 31.12.2019 ਤੱਕ ਨਿਲ
ਸਾਊਥ ਇੰਡੀਅਨ ਬੈਂਕ 9.0-9.75 10,379-10,562 10,000 ਰੁਪਏ ਤੱਕ
ਕੇਨਰਾ ਬੈਂਕ 8.45-11.05 10,246-10,884 1000-5000 ਰੁਪਏ
BOB 8.60-10.35 10,282-10,710 31.12.2019 ਤੱਕ 500 ਰੁਪਏ
IOB 8.70 10,307 500-10,000 ਰੁਪਏ
ਫੈਡਰਲ ਬੈਂਕ 9.25 10,440 1,500-2,500 ਰੁਪਏ
ਯੂਨਾਈਟਿਡ ਬੈਂਕ 8.70-9.00 10,307-10,379 600-11,800 ਰੁਪਏ
ਆਫ ਇੰਡੀਆ
IDBI ਬੈਂਕ 8.85-9.45 10,343-10, 1000 ਰੁਪਏ
ਇਲਾਹਾਬਾਦ ਬੈਂਕ 8.55-10.00 10,270-10,624 8696 ਰੁਪਏ ਤੱਕ
ਦਰਾਂ ਅਤੇ ਫੀਸ 14 ਨਵੰਬਰ 2019 ਅਨੁਸਾਰ
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇਹੱਥਾਂ 'ਚ 12 ਤੇ ਪੈਰਾਂ 'ਚ ਹਨ 20 ਉਂਗਲਾਂ, ਪਿੰਡ ਵਾਲੇ ਨੇ ਮੰਨਦੇ ਹਨ 'ਡਾਇਣ'
NEXT STORY 
