ਕੁਰੂਕਸ਼ੇਤਰ — ਕੁਰੂਕਸ਼ੇਤਰ ਵਿਚ ਪ੍ਰਸਿੱਧ ਅਦਾਕਾਰਾ ਹੇਮਾ ਮਾਲਿਨੀ ਨੇ ਰਾਧਾ ਰਾਸ ਬਿਹਾਰੀ 'ਚ ਭਗਵਾਨ ਸ਼੍ਰੀਕ੍ਰਿਸ਼ਣ ਅਤੇ ਰਾਧਾ ਵਿਚਕਾਰ ਰੁਹਾਨੀ ਪ੍ਰੇਮ ਨੂੰ ਦਿਖਾ ਕੇ ਅੰਤਰਰਾਸ਼ਟਰੀ ਗੀਤਾ ਮਹਾ ਉਤਸਵ ਦੀ ਸੱਭਿਆਚਾਰਕ ਸ਼ਾਮ ਨੂੰ ਰਾਧਾ-ਕ੍ਰਿਸ਼ਣ ਦੇ ਪ੍ਰੇਮ ਰਸ ਨਾਲ ਭਰ ਦਿੱਤਾ। ਇਸ ਸੱਭਿਆਚਾਰਕ ਸ਼ਾਮ 'ਚ ਅਦਾਕਾਰਾ ਹੇਮਾ ਮਾਲਿਨੀ ਦੀ ਇਕ ਝਲਕ ਦੇਖਣ ਲਈ ਦਰਸ਼ਕਾਂ ਦਾ ਭਾਰੀ ਮਾਤਰਾ 'ਚ ਇਕੱਠ ਹਾਜ਼ਰ ਸੀ। ਹੇਮਾ ਮਾਲਿਨੀ ਦੇ ਸਟੇਜ 'ਤੇ ਪਹੁੰਚਦੇ ਹੀ ਸਾਰਾ ਪੰਡਾਲ ਦਰਸ਼ਕਾਂ ਦੀਆਂ ਤਾੜੀਆਂ ਨਾਲ ਗੂੰਜਣ ਲੱਗ ਗਿਆ।
ਅੰਤਰਰਾਸ਼ਟਰੀ ਗੀਤਾ ਮਹਾ ਉਤਸਵ ਦੇ ਸਮਾਪਤੀ ਸਮਾਰੋਹ 'ਤੇ ਨੰਦਾ ਸਦਾਚਾਰ ਸਥਾਨ ਦੇ ਕੋਲ ਮੇਲਾ ਖੇਤਰ ਦੇ ਮੁੱਖ ਸਟੇਜ 'ਤੇ ਸੱਭਿਆਚਾਰਕ ਸ਼ਾਮ ਦਾ ਉਦਘਾਟਨ ਪ੍ਰੋ. ਕਪਤਾਨ ਸਿੰਘ ਸੋਲੰਕੀ, ਕੇਂਦਰੀ ਮੰਤਰੀ ਉਮਾ ਭਾਰਤੀ ਨੇ ਦੀਵਾ ਜਗਾ ਕੇ ਵਿਧੀ ਪੂਰਵਕ ਸੱਭਿਆਚਾਰਕ ਪ੍ਰੋਗਰਾਮ ਦਾ ਸ਼ੁੱਭ ਆਰੰਭ ਕੀਤਾ।
ਅਦਾਕਾਰਾ ਹੇਮਾ ਮਾਲਿਨੀ ਰਾਧਾ ਰਾਸ ਬਿਹਾਰੀ ਡਾਂਸ-ਸੰਗੀਤ ਨਾਟਕ ਨੂੰ ਲੈ ਕੇ ਪ੍ਰੋਗਰਾਮ 'ਚ ਪੁੱਜੀ ਸੀ। ਇਸ ਸਟੇਜ 'ਤੇ ਹੇਮਾ ਮਾਲਿਨੀ ਨੇ ਭਗਵਾਨ ਸ਼੍ਰੀਕ੍ਰਿਸ਼ਣ, ਰਾਧਾ ਅਤੇ ਗੋਪੀਆਂ ਦੇ ਵਿਚਕਾਰ ਬਚਪਨ ਤੋਂ ਲੈ ਕੇ ਰਾਖਸ਼ ਨੂੰ ਮਾਰਨ ਤੱਕ ਦੇ ਦ੍ਰਿਸ਼ਾਂ ਨੂੰ ਦਿਖਾਉਣ ਦੀ ਕੋਸ਼ਿਸ਼ ਕੀਤੀ। ਇਸ ਨਾਟਕ 'ਚ ਹੇਮਾ ਮਾਲਿਨੀ ਨੇ ਸ਼੍ਰੀਕ੍ਰਿਸ਼ਣ ਅਤੇ ਗੋਪੀਆਂ ਦੇ ਵਿਚਕਾਰ ਪ੍ਰੇਮ ਰਸ ਦੇ ਦ੍ਰਿਸ਼ਾਂ ਨੂੰ ਦਿਖਾਉਣ ਦੀ ਸ਼ਲਾਘਾ ਯੋਗ ਕੋਸ਼ਿਸ਼ ਕੀਤੀ।
ਹਵਾ-ਪਾਣੀ ਸਾਫ ਰੱਖਣ ਲਈ ਪਹਿਲੀ ਜ਼ਿੰਮੇਵਾਰੀ ਸੂਬਾ ਸਰਕਾਰ ਦੀ- ਸ਼ੀਲਾ ਦੀਕਸ਼ਤ
NEXT STORY