ਨਵੀਂ ਦਿੱਲੀ- ਮਿਡਲ ਈਸਟ 'ਚ ਛਿੜੀ ਜੰਗ ਕਾਰਨ ਬੰਦ ਕੀਤੇ ਗਏ ਹੋਰਮੁਜ਼ ਦੇ ਲਾਂਘੇ ਕਾਰਨ ਪੂਰੀ ਦੁਨੀਆ ਇਸ ਸਮੇਂ ਤੇਲ-ਗੈਸ ਦੇ ਸੰਕਟ ਨਾਲ ਜੂਝ ਰਹੀ ਹੈ। ਸਪਲਾਈ 'ਚ ਵਿਘਨ ਕਾਰਨ ਤੇਲ-ਗੈਸ ਦੀਆਂ ਕੀਮਤਾਂ ਵੀ ਲਗਾਤਾਰ ਅਸਮਾਨੀਂ ਚੜ੍ਹਦੀਆਂ ਜਾ ਰਹੀਆਂ ਹਨ। ਲੰਬੇ ਸਮੇਂ ਤੱਕ ਕੀਮਤਾਂ 'ਤੇ ਕਾਬੂ ਰੱਖਣ ਮਗਰੋਂ ਭਾਰਤ ਵੀ ਕੀਮਤਾਂ ਵਧਾਉਣ ਲਈ ਮਜਬੂਰ ਹੋ ਗਿਆ ਹੈ। ਪਰ ਇਸੇ ਦੌਰਾਨ ਸਰਕਾਰ ਨੇ ਤੇਲ ਦੀ ਦਰਾਮਦ 'ਤੇ ਆਪਣੀ ਨਿਰਭਰਤਾ ਘਟਾਉਣ ਲਈ ਇਕ ਬਹੁਤ ਹੀ ਅਹਿਮ ਕਦਮ ਚੁੱਕਿਆ ਹੈ।
ਸਰਕਾਰ ਨੇ ਵੱਧ ਮਾਤਰਾ ਵਾਲੇ ਈਥਾਨੌਲ ਯੁਕਤ ਪੈਟਰੋਲ 'ਤੇ ਲੱਗਣ ਵਾਲੀ ਕੇਂਦਰੀ ਐਕਸਾਈਜ਼ ਡਿਊਟੀ ਨੂੰ ਪੂਰੀ ਤਰ੍ਹਾਂ ਖ਼ਤਮ ਕਰ ਦਿੱਤਾ ਹੈ। ਇਸ ਇਤਿਹਾਸਕ ਫੈਸਲੇ ਦਾ ਸਭ ਤੋਂ ਵੱਡਾ ਮਕਸਦ ਦੇਸ਼ ਦੇ ਵਾਹਨ ਚਾਲਕਾਂ ਨੂੰ ਆਮ ਪੈਟਰੋਲ ਦੇ ਮੁਕਾਬਲੇ ਈਥਾਨੌਲ ਯੁਕਤ ਫਿਊਲ ਵੱਲ ਆਕਰਸ਼ਿਤ ਕਰਨਾ ਹੈ। ਸਰਕਾਰ ਭਾਰਤ ਵਿੱਚ ਈਥਾਨੌਲ ਬਲੈਂਡਿੰਗ ਦੇ ਟੀਚੇ ਨੂੰ ਤੇਜ਼ੀ ਨਾਲ ਪੂਰਾ ਕਰਨਾ ਚਾਹੁੰਦੀ ਹੈ, ਤਾਂ ਜੋ ਦੇਸ਼ 'ਚ ਪ੍ਰਦੂਸ਼ਣ ਦੀ ਸਮੱਸਿਆ ਨੂੰ ਘਟਾਇਆ ਜਾ ਸਕੇ।
ਇਹ ਵੀ ਪੜ੍ਹੋ- ਜਹਾਜ਼ 'ਚ ਹੋਈ 'ਗ਼ਲਤੀ' ਕਾਰਨ ਔਰਤ ਨੂੰ 2.61 ਕਰੋੜ ਰੁਪਏ ਦੇਵੇਗੀ ਏਅਰਲਾਈਨ ! ਯਾਤਰੀ ਜ਼ਰੂਰ ਪੜ੍ਹਨ ਇਹ ਖ਼ਬਰ
ਐਕਸਾਈਜ਼ ਡਿਊਟੀ ਖ਼ਤਮ ਹੋਣ ਨਾਲ ਬਾਜ਼ਾਰ ਵਿੱਚ ਹਾਈ-ਈਥਾਨੌਲ ਪੈਟਰੋਲ (ਜਿਵੇਂ E20 ਜਾਂ ਫਲੈਕਸ ਫਿਊਲ) ਆਮ ਪੈਟਰੋਲ ਦੇ ਮੁਕਾਬਲੇ ਕਾਫ਼ੀ ਸਸਤਾ ਹੋ ਜਾਵੇਗਾ, ਜਿਸ ਨਾਲ ਆਮ ਲੋਕਾਂ ਦੇ ਪੈਸੇ ਦੀ ਬਚਤ ਹੋਵੇਗੀ। ਈਥਾਨੌਲ ਮੁੱਖ ਰੂਪ ਵਿੱਚ ਗੰਨੇ, ਮੱਕੀ ਅਤੇ ਖ਼ਰਾਬ ਹੋਏ ਅਨਾਜ ਤੋਂ ਤਿਆਰ ਹੁੰਦਾ ਹੈ। ਇਸ ਦੀ ਮੰਗ ਵਧਣ ਨਾਲ ਦੇਸ਼ ਦੇ ਖੰਡ ਉਦਯੋਗ ਅਤੇ ਅਨਾਜ ਉਤਪਾਦਕ ਕਿਸਾਨਾਂ ਦੀ ਆਮਦਨ 'ਚ ਵੀ ਵੱਡਾ ਉਛਾਲ ਆਵੇਗਾ। ਇਸ ਤੋਂ ਇਲਾਵਾ ਦੇਸ਼ ਦੀਆਂ ਸਰਕਾਰੀ ਅਤੇ ਨਿੱਜੀ ਤੇਲ ਮਾਰਕੀਟਿੰਗ ਕੰਪਨੀਆਂ 'ਤੇ ਟੈਕਸ ਦਾ ਬੋਝ ਘਟੇਗਾ, ਜਿਸ ਨਾਲ ਉਹ ਫਲੈਕਸ-ਫਿਊਲ ਸਟੇਸ਼ਨਾਂ ਦਾ ਬੁਨਿਆਦੀ ਢਾਂਚਾ ਤੇਜ਼ੀ ਨਾਲ ਵਿਕਸਿਤ ਕਰ ਸਕਣਗੀਆਂ।
ਇਸ ਕਦਮ ਨਾਲ ਭਾਰਤ ਸਰਕਾਰ ਨੂੰ ਕੱਚੇ ਤੇਲ ਦੇ ਆਯਾਤ ਲਈ ਖ਼ਰਚ ਹੋਣ ਵਾਲੀ ਅਰਬਾਂ ਡਾਲਰ ਦੀ ਵਿਦੇਸ਼ੀ ਮੁਦਰਾ ਬਚਾਉਣ ਵਿੱਚ ਮਦਦ ਮਿਲੇਗੀ। ਨਾਲ ਹੀ ਵਾਹਨਾਂ 'ਚੋਂ ਨਿਕਲਣ ਵਾਲੇ ਕਾਰਬਨ 'ਚ ਵੀ ਭਾਰੀ ਕਮੀ ਆਵੇਗੀ, ਜੋ ਵਾਤਾਵਰਣ ਨੂੰ ਸਾਫ਼ ਰੱਖਣ ਤੇ ਪ੍ਰਦੂਸ਼ਣ ਘਟਾਉਣ 'ਚ ਵੀ ਮਦਦਗਾਰ ਸਾਬਿਤ ਹੋਵੇਗੀ।
ਮਾਹਿਰਾਂ ਮੁਤਾਬਕ, ਇਸ ਸਸਤੇ ਫਿਊ ਦਾ ਫਾਇਦਾ ਲੈਣ ਲਈ ਵਾਹਨਾਂ ਦਾ 'ਫਲੈਕਸ-ਫਿਊਲ' ਜਾਂ ਹਾਈ-ਈਥਾਨੌਲ ਇੰਜਣ ਵਾਲਾ ਹੋਣਾ ਜ਼ਰੂਰੀ ਹੈ, ਕਿਉਂਕਿ ਆਮ ਪੁਰਾਣੇ ਇੰਜਣਾਂ ਵਿੱਚ ਬਹੁਤ ਜ਼ਿਆਦਾ ਈਥਾਨੌਲ ਵਾਲਾ ਪੈਟਰੋਲ ਵਰਤਣ ਨਾਲ ਇੰਜਣ ਨੂੰ ਨੁਕਸਾਨ ਪਹੁੰਚ ਸਕਦਾ ਹੈ। ਇਸ ਲਈ ਸਰਕਾਰ ਦੇ ਇਸ ਕਦਮ ਦਾ ਫ਼ਾਇਦਾ ਸਿਰਫ਼ ਉਨ੍ਹਾਂ ਲੋਕਾਂ ਨੂੰ ਹੋਵੇਗਾ, ਜਿਨ੍ਹਾਂ ਕੋਲ ਈਥਾਨੌਲ ਸਪੋਰਟ ਵਾਲੇ ਜਾਂ ਫਲੈਕਸ ਫਿਊਲ ਵਾਲੇ ਵਾਹਨ ਹਨ।
ਇਹ ਵੀ ਪੜ੍ਹੋ- ਲੱਗਣ ਜਾ ਰਹੀ ਇਕ ਹੋਰ ਜੰਗ ! ਹੁਣ ਤਾਈਵਾਨ ਨੇ ਚੀਨ ਵੱਲ ਦਾਗ਼'ਤੇ ਰਾਕੇਟ
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਆਦਿ ਕੈਲਾਸ਼ ਯਾਤਰਾ ਲਈ ‘ਇਨਰ ਲਾਈਨ ਪਰਮਿਟ’ ਦਾ ਰਿਕਾਰਡ ਟੁੱਟਾ
NEXT STORY 
