ਨੈਸ਼ਨਲ ਡੈਸਕ : ਮਹਾਰਾਸ਼ਟਰ ਦੇ ਜਾਲਨਾ ਜ਼ਿਲ੍ਹੇ 'ਚ ਟਮਾਟਰ ਉਤਪਾਦਕ ਕਿਸਾਨਾਂ 'ਤੇ ਇਨੀਂ ਦਿਨੀਂ ਭਾਰੀ ਆਰਥਿਕ ਸੰਕਟ ਮੰਡਰਾ ਰਿਹਾ ਹੈ। ਬਾਜ਼ਾਰ 'ਚ ਫ਼ਸਲ ਦਾ ਵਾਜਬ ਮੁੱਲ ਨਾ ਮਿਲਣ ਤੋਂ ਨਾਰਾਜ਼ ਇੱਕ ਕਿਸਾਨ ਨੇ ਰੋਸ ਵਜੋਂ ਆਪਣੀ ਲਗਭਗ 25 ਕੁਇੰਟਲ ਟਮਾਟਰ ਦੀ ਫ਼ਸਲ ਸੜਕ 'ਤੇ ਸੁੱਟ ਦਿੱਤੀ ਅਤੇ ਉਸ ਨੂੰ ਟਰੈਕਟਰ ਨਾਲ ਕੁਚਲ ਦਿੱਤਾ। ਇਹ ਘਟਨਾ ਜਾਲਨਾ ਦੇ ਧਾਰਕਲਿਆਣ ਪਿੰਡ ਦੀ ਹੈ, ਜਿੱਥੇ ਕਿਸਾਨ ਅਮਰ ਕਾਕੜੇ ਨੇ ਕਰੀਬ ਇੱਕ ਏਕੜ ਜ਼ਮੀਨ 'ਤੇ ਟਮਾਟਰ ਦੀ ਖੇਤੀ ਕੀਤੀ ਸੀ। ਕਿਸਾਨ ਅਨੁਸਾਰ ਇਸ ਖੇਤੀ 'ਤੇ ਉਸ ਦਾ ਲਗਭਗ 40 ਤੋਂ 45 ਹਜ਼ਾਰ ਰੁਪਏ ਖਰਚਾ ਆਇਆ ਸੀ। ਮੌਸਮ ਅਨੁਕੂਲ ਰਹਿਣ ਕਾਰਨ ਫ਼ਸਲ ਤਾਂ ਬਹੁਤ ਵਧੀਆ ਹੋਈ, ਪਰ ਜਦੋਂ ਉਹ ਆਪਣੀ ਮਿਹਨਤ ਵੇਚਣ ਮੰਡੀ ਪਹੁੰਚਿਆ ਤਾਂ ਉੱਥੇ ਵਪਾਰੀਆਂ ਨੇ ਟਮਾਟਰ ਦਾ ਭਾਅ ਮਹਿਜ਼ 4 ਤੋਂ 5 ਰੁਪਏ ਪ੍ਰਤੀ ਕਿਲੋ ਲਗਾਇਆ।
ਪੀੜਤ ਕਿਸਾਨ ਦਾ ਕਹਿਣਾ ਹੈ ਕਿ ਇਸ ਕੀਮਤ 'ਤੇ ਤਾਂ ਖੇਤਾਂ ਵਿੱਚੋਂ ਫ਼ਸਲ ਤੋੜਨ ਦੀ ਮਜ਼ਦੂਰੀ ਅਤੇ ਮੰਡੀ ਤੱਕ ਲਿਜਾਣ ਦਾ ਟ੍ਰਾਂਸਪੋਰਟ ਖਰਚਾ ਵੀ ਪੂਰਾ ਨਹੀਂ ਹੋ ਰਿਹਾ। ਮੌਜੂਦਾ ਸਮੇਂ ਵਿੱਚ ਮੰਡੀ ਵਿੱਚ ਟਮਾਟਰ ਦੇ ਇੱਕ ਕ੍ਰੇਟ (ਲਗਭਗ 20-23 ਕਿਲੋ) ਦੀ ਕੀਮਤ ਸਿਰਫ 150 ਤੋਂ 200 ਰੁਪਏ ਮਿਲ ਰਹੀ ਹੈ। ਕਿਸਾਨਾਂ ਮੁਤਾਬਕ ਜੇਕਰ ਇੱਕ ਕ੍ਰੇਟ ਦਾ ਭਾਅ ਘੱਟੋ-ਘੱਟ 500 ਤੋਂ 600 ਰੁਪਏ ਹੋਵੇ, ਤਾਂ ਹੀ ਉਨ੍ਹਾਂ ਦੀ ਲਾਗਤ ਨਿਕਲ ਸਕਦੀ ਹੈ।
MSP ਦੀ ਕੀਤੀ ਮੰਗ
ਗੰਭੀਰ ਆਰਥਿਕ ਸੰਕਟ ਦਾ ਸਾਹਮਣਾ ਕਰ ਰਹੇ ਕਿਸਾਨਾਂ ਨੇ ਸਰਕਾਰ ਤੋਂ ਮੰਗ ਕੀਤੀ ਹੈ ਕਿ ਟਮਾਟਰ ਸਮੇਤ ਹੋਰ ਸਬਜ਼ੀਆਂ ਲਈ ਵੀ ਨਿਊਨਤਮ ਸਮਰਥਨ ਮੁੱਲ (MSP) ਤੈਅ ਕੀਤਾ ਜਾਵੇ ਅਤੇ ਕਿਸਾਨਾਂ ਨੂੰ ਸਿੱਧਾ ਬਾਜ਼ਾਰ ਮੁਹੱਈਆ ਕਰਵਾਇਆ ਜਾਵੇ ਤਾਂ ਜੋ ਉਨ੍ਹਾਂ ਦੀ ਲੁੱਟ ਬੰਦ ਹੋ ਸਕੇ। ਜਾਲਨਾ ਅਤੇ ਆਸ-ਪਾਸ ਦੇ ਇਲਾਕਿਆਂ ਦੇ ਕਿਸਾਨਾਂ ਨੇ ਚੇਤਾਵਨੀ ਦਿੱਤੀ ਹੈ ਕਿ ਜੇਕਰ ਸਰਕਾਰ ਨੇ ਜਲਦੀ ਦਖਲ ਨਾ ਦਿੱਤਾ ਤਾਂ ਉਨ੍ਹਾਂ ਦਾ ਨੁਕਸਾਨ ਹੋਰ ਵਧ ਜਾਵੇਗਾ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
Whatsapp Channel: https://whatsapp.com/channel/0029Va94hsaHAdNVur4L170e
ਮੋਦੀ ਕੈਬਨਿਟ ਦਾ ਵੱਡਾ ਤੋਹਫ਼ਾ: ਹਵਾਈ ਸਫ਼ਰ ਹੋਵੇਗਾ ਹੋਰ ਵੀ ਸਸਤਾ, ਦੇਸ਼ 'ਚ ਬਣਨਗੇ 100 ਨਵੇਂ ਹਵਾਈ ਅੱਡੇ
NEXT STORY 
