ਨੈਸ਼ਨਲ ਡੈਸਕ- ਅੱਗ ਨਾਲ ਝੁਲਸ ਕੇ ਇਕ ਹੀ ਪਰਿਵਾਰ ਦੇ ਤਿੰਨ ਜੀਅ ਜਿਊਂਦੇ ਸੜ ਗਏ ਅਤੇ ਇਕ ਹੋਰ ਝੁਲਸ ਗਿਆ। ਬਿਹਾਰ 'ਚ ਭਾਗਲਪੁਰ ਜ਼ਿਲ੍ਹੇ ਦੇ ਪੀਰਪੈਂਤੀ ਦੇ ਪੁਲਸ ਅਹੁਦਾ ਅਧਿਕਾਰੀ ਅਰਜੁਨ ਗੁਪਤਾ ਨੇ ਸ਼ੁੱਕਰਵਾਰ ਨੂੰ ਇੱਥੇ ਦੱਸਿਆ ਕਿ ਅਠਨੀਆ ਦਿਆਰਾ ਪਿੰਡ ਵਾਸੀ ਗੌਤਮ ਯਾਦਵ ਦੇ ਘਰ 'ਚ ਵੀਰਵਾਰ ਦੇਰ ਰਾਤ ਅਚਾਨਕ ਅੱਗ ਲੱਗੀ। ਇਸ ਘਟਨਾ 'ਚ ਗੌਤਮ ਯਾਦਵ ਦੀ ਪਤਨੀ ਵਰਸ਼ਾ ਦੇਵੀ (30), ਪੁੱਤਰ ਪ੍ਰਤਿਊਸ਼ ਕੁਮਾਰ (7) ਅਤੇ ਧੀ ਜੋਤੀ ਕੁਮਾਰੀ (4) ਦੀ ਮੌਤ ਹੋ ਗਈ, ਜਦੋਂ ਕਿ ਗੌਤਮ ਯਾਦਵ ਗੰਭੀਰ ਰੂਪ ਨਾਲ ਝੁਲਸ ਗਿਆ।
ਇਹ ਵੀ ਪੜ੍ਹੋ : 450 ਰੁਪਏ 'ਚ ਮਿਲੇਗਾ ਗੈਸ ਸਿਲੰਡਰ, ਕਰੋ ਇਹ ਛੋਟਾ ਜਿਹਾ ਕੰਮ
ਘਟਨਾ ਦੀ ਜਾਣਕਾਰੀ ਮਿਲਣ 'ਤੇ ਫਾਇਰ ਬ੍ਰਿਗੇਡ ਵਿਭਾਗ ਦੀ ਟੀਮ ਨੇ ਮੌਕੇ 'ਤੇ ਪਹੁੰਚ ਕੇ ਅੱਗ ਨੂੰ ਬੁਝਾਇਆ। ਉਨ੍ਹਾਂ ਦੱਸਿਆ ਕਿ ਇਸ ਘਟਨਾ 'ਚ ਝੁਲਸੇ ਗੌਤਮ ਯਾਦਵ ਨੂੰ ਪੀਰਪੈਂਤੀ ਦੇ ਰੈਫਰਲ ਹਸਪਤਾਲ 'ਚ ਦਾਖ਼ਲ ਕਰਵਾਇਆ ਗਿਆ। ਸ਼ੁਰੂਆਤੀ ਇਲਾਜ ਤੋਂ ਬਾਅਦ ਉਸ ਨੂੰ ਬਿਹਤਰ ਇਲਾਜ ਲਈ ਭਾਗਲਪੁਰ ਦੇ ਜਵਾਹਰਲਾਲ ਨਹਿਰੂ ਮੈਡੀਕਲ ਕਾਲਜ ਹਸਪਤਾਲ 'ਚ ਭੇਜਿਆ ਗਿਆ ਹੈ। ਅੱਗ ਲੱਗਣ ਦਾ ਕਾਰਨ ਘਰ 'ਚ ਜਗਾਈ ਗਈ ਮੋਮਬੱਤੀ ਦੇ ਕੋਲ ਰੱਖੇ ਡੀਜਲ ਦੇ ਡੱਬੇ 'ਤੇ ਡਿੱਗਣਾ ਦੱਸਿਆ ਗਿਆ ਹੈ। ਇਸ ਸਿਲਸਿਲੇ 'ਚ ਪੁਲਸ ਨੇ ਇਕ ਐੱਫ.ਆਈ.ਆਰ. ਦਰਜ ਕਰਨ ਤੋਂ ਬਾਅਦ ਲਾਸ਼ਾਂ ਨੂੰ ਪੋਸਟਮਾਰਟਮ ਲਈ ਭਾਗਲਪੁਰ ਭੇਜ ਦਿੱਤਾ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਡਾਕਟਰਾਂ ਨੇ ਮ੍ਰਿਤ ਐਲਾਨ 2 ਘੰਟੇ ਡੀਪ ਫ੍ਰੀਜਰ 'ਚ ਰੱਖਿਆ, ਸ਼ਮਸ਼ਾਨ ਘਾਟ 'ਚ ਚਿਖਾ 'ਤੇ ਜ਼ਿੰਦਾ ਹੋਇਆ ਸ਼ਖ਼ਸ
NEXT STORY 
