ਨਵੀਂ ਦਿੱਲੀ — ਬਲੈਕ ਮਨੀ ’ਤੇ ਸ਼ਿਕੰਜਾ ਕੱਸਣ ਦੀ ਕਵਾਇਦ ’ਚ ਇਕ ਹੋਰ ਕਦਮ ਵਧਾਉਂਦਿਆਂ ਸਰਕਾਰ ਨੇ ਪੈਨ ਕਾਰਡ ਅਤੇ ਆਧਾਰ ਕਾਰਡ ਨਾਲ ਜੁਡ਼ੇ ਨਿਯਮਾਂ ’ਚ ਬਦਲਾਅ ਕਰ ਦਿੱਤਾ ਹੈ। ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਆਧਾਰ ਕਾਰਡ, ਨਕਦ ਨਿਕਾਸੀ, ਨਕਦੀ ਜਮ੍ਹਾ ਕਰਨ, ਆਈ. ਟੀ. ਆਰ. ਫਾਈਲਿੰਗ ਦੇ ਕਈ ਨਿਯਮਾਂ ’ਚ ਬਦਲਾਅ ਕੀਤਾ ਹੈ। ਸਰਕਾਰ ਦਾ ਫੋਕਸ ਬਲੈਕ ਮਨੀ ਨੂੰ ਰੋਕਣਾ, ਡਿਜੀਟਲ ਟਰਾਂਜ਼ੈਕਸ਼ਨ ਨੂੰ ਹੱਲਾਸ਼ੇਰੀ ਦੇਣਾ ਅਤੇ ਦੇਸ਼ ’ਚ ਪਾਰਦਰਸ਼ਿਤਾ ਲਿਆਉਣਾ ਹੈ।
ਇਹ ਹਨ ਪੈਨ ਅਤੇ ਆਧਾਰ ਨਾਲ ਜੁਡ਼ੇ ਨਵੇਂ ਨਿਯਮ
1. ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਬਜਟ ’ਚ ਐਲਾਨ ਕੀਤਾ ਕਿ ਜਿਨ੍ਹਾਂ ਲੋਕਾਂ ਦੇ ਕੋਲ ਪੈਨ ਕਾਰਡ ਨਹੀਂ ਹੈ, ਉਹ ਹੁਣ ਆਧਾਰ ਨੰਬਰ ਦੇ ਕੇ ਵੀ ਆਪਣਾ ਟੈਕਸ ਰਿਟਰਨ ਫਾਈਲ ਕਰ ਸਕਦੇ ਹਨ।
2. ਹੁਣ ਜੇਕਰ ਤੁਸੀਂ 50,000 ਰੁਪਏ ਤੋਂ ਜ਼ਿਆਦਾ ਦਾ ਕੈਸ਼ ਟਰਾਂਜ਼ੈਕਸ਼ਨ ਕਰਦੇ ਹੋ ਤਾਂ ਪੈਨ ਨੰਬਰ ਦੇ ਬਦਲੇ ਆਧਾਰ ਨੰਬਰ ਦੇ ਸਕਦੇ ਹੋ। ਬੈਂਕ ’ਚ ਜੇਕਰ ਤੁਸੀਂ 50,000 ਰੁਪਏ ਤੋਂ ਜ਼ਿਆਦਾ ਜਮ੍ਹਾ ਕਰਦੇ ਹੋ ਤਾਂ ਆਧਾਰ ਨੰਬਰ ਨਾਲ ਕੰਮ ਚੱਲ ਜਾਵੇਗਾ।
3. ਜੇਕਰ ਤੁਸੀਂ 2 ਲੱਖ ਰੁਪਏ ਤੋਂ ਜ਼ਿਆਦਾ ਦਾ ਸੋਨਾ ਖਰੀਦਣ ਜਾਂਦੇ ਹੋ ਤਾਂ ਜਿਊਲਰ ਤੁਹਾਥੋਂ ਪੈਨ ਕਾਰਡ ਮੰਗਦਾ ਹੈ। ਹੁਣ ਤੁਸੀਂ ਜਿਊਲਰ ਨੂੰ ਆਪਣਾ ਆਧਾਰ ਨੰਬਰ ਦੇ ਸਕੋਗੇ।
4. ਜੇਕਰ ਤੁਸੀਂ ਕੋਈ ਫੋਰ ਵ੍ਹੀਲਰ ਵਾਹਨ ਖਰੀਦਣ ਜਾ ਰਹੇ ਹੋ ਤਾਂ ਹੁਣ ਤੁਸੀਂ ਪੈਨ ਕਾਰਡ ਦੇ ਬਦਲੇ ਆਧਾਰ ਕਾਰਡ ਦੇ ਸਕੋਗੇ।
5. ਹੁਣ ਕ੍ਰੈਡਿਟ ਕਾਰਡ ਦੀ ਅਰਜ਼ੀ ਲਈ ਵੀ ਪੈਨ ਕਾਰਡ ਜ਼ਰੂਰੀ ਨਹੀਂ ਹੋਵੇਗਾ। ਇੱਥੇ ਵੀ ਆਧਾਰ ਨੰਬਰ ਨਾਲ ਕੰਮ ਚਲਾਇਆ ਜਾ ਸਕੇਗਾ।
6. ਜੇਕਰ ਤੁਸੀਂ ਕਿਸੇ ਹੋਟਲ ’ਚ ਇਕ ਬਿੱਲ ’ਤੇ 50,000 ਰੁਪਏ ਦਾ ਨਕਦ ਭੁਗਤਾਨ ਕਰਦੇ ਹੋ ਜਾਂ ਵਿਦੇਸ਼ ਯਾਤਰਾ ’ਚ ਇੰਨਾ ਖਰਚਾ ਕਰਦੇ ਹੋ ਤਾਂ ਇੱਥੇ ਵੀ ਆਧਾਰ ਨਾਲ ਕੰਮ ਚੱਲ ਜਾਵੇਗਾ।
7. ਕਿਸੇ ਇੰਸ਼ੋਰੈਂਸ ਕੰਪਨੀ ਨੂੰ ਪ੍ਰੀਮੀਅਮ ਦੇ ਤੌਰ ’ਤੇ ਇਕ ਸਾਲ ’ਚ 50,000 ਰੁਪਏ ਦਾ ਭੁਗਤਾਨ ਕਰਦੇ ਹੋ ਤਾਂ ਪੈਨ ਦੇ ਬਦਲੇ ਆਧਾਰ ਨੰਬਰ ਦੇ ਸਕੋਗੇ।
8. ਜੇਕਰ ਤੁਸੀਂ ਕਿਸੇ ਕੰਪਨੀ, ਜੋ ਲਿਸਟਿਡ ਨਹੀਂ ਹੈ, ਦੇ 1 ਲੱਖ ਰੁਪਏ ਤੋਂ ਜ਼ਿਆਦਾ ਦੇ ਸ਼ੇਅਰ ਖਰੀਦ ਦੇ ਹੋ ਤਾਂ ਉਥੇ ਵੀ ਹੁਣ ਆਧਾਰ ਨੰਬਰ ਨਾਲ ਕੰਮ ਚੱਲ ਜਾਵੇਗਾ।
9. 10 ਲੱਖ ਰੁਪਏ ਤੋਂ ਜ਼ਿਆਦਾ ਦੀ ਅਚੱਲ ਜਾਇਦਾਦ ਖਰੀਦਣ ’ਤੇ ਵੀ ਹੁਣ ਪੈਨ ਦੇ ਬਦਲੇ ਆਧਾਰ ਨੰਬਰ ਦੇ ਸਕਦੇ ਹੋ।
10. ਮਿਊਚੁਅਲ ਫੰਡ ਨਿਵੇਸ਼ ਅਤੇ ਸ਼ੇਅਰਾਂ ਦੀ ਖਰੀਦ-ਵੇਚ ’ਚ ਜਿੱਥੇ ਵੀ ਪੈਨ ਕਾਰਡ ਜ਼ਰੂਰੀ ਹੈ, ਉਥੇ ਵੀ ਆਧਾਰ ਨੰਬਰ ਦਿੱਤਾ ਜਾ ਸਕੇਗਾ, ਸਰਕਾਰ ਜਿਵੇਂ ਹੀ ਫਾਈਨਾਂਸ ਬਿੱਲ ਨੂੰ ਮਨਜ਼ੂਰੀ ਦੇਵੇਗੀ ਇਹ ਨਿਯਮ ਲਾਗੂ ਹੋ ਜਾਣਗੇ।
SBI 'ਚ ਨਿਕਲੀਆਂ ਨੌਕਰੀਆਂ, ਜਲਦੀ ਕਰੋ ਅਪਲਾਈ
NEXT STORY