ਨਵੀਂ ਦਿੱਲੀ : ਗਲਵਾਨ ਘਾਟੀ ਵਿਚ ਫੌਜੀ ਝੜਪ ਦੇ ਬਾਅਦ ਤੋਂ ਹੀ ਦੇਸ਼ ਭਰ ਵਿਚ ਚੀਨੀ ਉਤਪਾਦਾਂ ਦੇ ਬਾਈਕਾਟ ਦੀ ਮੁਹਿੰਮ ਚਲਾਈ ਜਾ ਰਹੀ ਹੈ। ਕੰਫੈਡਰੇਸ਼ਨ ਆਫ ਆਲ ਇੰਡੀਆ ਟਰੇਡਰਸ (ਕੈਟ) ਦੀ ਅਗੁਵਾਈ ਵਿਚ ਚਲਾਏ ਜਾ ਰਹੀ ਇਸ ਮੁਹਿੰਮ ਨੂੰ ਜ਼ੋਰਦਾਰ ਸਮਰਥਨ ਮਿਲ ਰਿਹਾ ਹੈ। ਕੈਟ ਦਾ ਦਾਅਵਾ ਹੈ ਕਿ ਬਾਜ਼ਾਰਾਂ ਵਿਚ ਇਸ ਵਾਰ ਭਾਰਤੀ ਸਾਮਾਨਾਂ ਨਾਲ ਬਣੀਆਂ ਰੱਖੜੀਆਂ ਦੀ ਮੰਗ ਵੱਧ ਗਈ ਹੈ। ਵਪਾਰੀ ਅਤੇ ਖਪਤਕਾਰ ਚੀਨ ਨੂੰ ਸਬਕ ਸਿਖਾਉਣ ਨੂੰ ਤਿਆਰ ਹਨ ਅਤੇ ਇਸ ਦੀ ਪਹਿਲੀ ਝਲਕ ਰੱਖੜੀ 'ਤੇ ਵਿੱਖ ਸਕਦੀ ਹੈ। ਖ਼ਰੀਦਦਾਰ ਚੀਨੀ ਰੱਖੜੀਆਂ ਦੀ ਬਜਾਏ ਭਾਰਤੀ ਸਾਮਾਨਾਂ ਨਾਲ ਬਣੀਆਂ ਰੱਖੜੀਆਂ ਲਈ ਜ਼ਿਆਦਾ ਕੀਮਤ ਵੀ ਦੇਣ ਨੂੰ ਤਿਆਰ ਹਨ।
ਇਹ ਵੀ ਪੜ੍ਹੋ : ਚੰਗੀ ਖ਼ਬਰ : ਇਹ ਕੰਪਨੀ ਕਰੇਗੀ 15 ਹਜ਼ਾਰ ਫਰੈਸ਼ਰਸ ਦੀ ਭਰਤੀ
50 ਕਰੋੜ ਤੋਂ ਜ਼ਿਆਦਾ ਖ਼ਰੀਦੀ ਜਾਂਦੀਆਂ ਹਨ ਰੱਖੜੀਆਂ
ਕੈਟ ਦਾ ਕਹਿਣਾ ਹੈ ਕਿ ਪਿਛਲੇ ਕੁੱਝ ਸਾਲਾਂ ਵਿਚ ਚੀਨ ਨਿਰਮਿਤ ਰੱਖੜੀ ਅਤੇ ਰੱਖੜੀ ਬਣਾਉਣ ਲਈ ਹੋਰ ਜ਼ਰੂਰੀ ਸਾਮਾਨ ਜਿਵੇਂ ਫੋਮ, ਮੋਤੀ, ਬੂੰਦਾਂ, ਧਾਗਾ, ਸਜਾਵਟੀ ਥਾਲੀ ਆਦਿ ਨੇ ਭਾਰਤ ਦੇ ਰੱਖੜੀ ਬਾਜ਼ਾਰ 'ਤੇ ਇਕ ਤਰੀਕੇ ਨਾਲ ਕਬਜ਼ਾ ਕਰ ਲਿਆ ਹੈ। ਇਕ ਅੰਦਾਜ਼ੇ ਅਨੁਸਾਰ ਰੱਖੜੀ ਦੇ ਤਿਉਹਾਰ 'ਤੇ ਦੇਸ਼ ਭਰ ਵਿਚ ਲਗਭਗ 50 ਕਰੋੜ ਤੋਂ ਜ਼ਿਆਦਾ ਰੱਖੜੀਆਂ ਖ਼ਰੀਦੀਆਂ ਜਾਂਦੀਆਂ ਹਨ। ਹਰ ਸਾਲ ਲਗਭਗ 6 ਹਜ਼ਾਰ ਕਰੋੜ ਰੁਪਏ ਦਾ ਵਪਾਰ ਰੱਖੜੀ ਦਾ ਹੁੰਦਾ ਹੈ ਜਿਸ ਵਿਚ ਪਿਛਲੇ ਕਈ ਸਾਲਾਂ ਤੋਂ ਚੀਨ ਲਗਭਗ 4 ਹਜ਼ਾਰ ਕਰੋੜ ਰੁਪਏ ਦੀ ਰੱਖੜੀ ਅਤੇ ਰੱਖੜੀ ਦਾ ਸਾਮਾਨ ਭਾਰਤ ਨੂੰ ਨਿਰਯਾਤ ਕਰਦਾ ਆਇਆ ਹੈ ਅਤੇ ਇਸ ਵਾਰ ਕੈਟ ਦੇ ਹਿੰਦੁਸਤਾਨੀ ਰੱਖੜੀ ਦੀ ਘੋਸ਼ਣਾ ਦੇ ਬਾਅਦ ਚੀਨ ਨੂੰ 4 ਹਜ਼ਾਰ ਕਰੋੜ ਰੁਪਏ ਦੇ ਵਪਾਰ ਦਾ ਝੱਟਕਾ ਲਗਣਾ ਤੈਅ ਹੈ।
ਕਈ ਤਰ੍ਹਾਂ ਦੀਆਂ ਰੱਖੜੀਆਂ
ਕੈਟ ਦੇ ਰਾਸ਼ਟਰੀ ਪ੍ਰਧਾਨ ਬੀਸੀ ਭਰਤਿਯਾ ਅਤੇ ਰਾਸ਼ਟਰੀ ਮਹਾ ਮੰਤਰੀ ਪ੍ਰਵੀਨ ਖੰਡੇਲਵਾਲ ਨੇ ਦੱਸਿਆ ਕਿ ਚੀਨੀ ਉਤਪਾਦਾਂ ਦੇ ਬਾਈਕਾਟ ਦੀ ਮੁਹਿੰਮ ਨੇ ਦੇਸ਼ ਭਰ ਵਿਚ ਭਾਰਤੀ ਵਪਾਰ ਵਿਚ ਨਵੇਂ ਵੱਡੇ ਮੌਕੇ ਪ੍ਰਦਾਨ ਕੀਤੇ ਹਨ। ਰੱਖੜੀ ਦੇ ਇਸ ਤਿਉਹਾਰ 'ਤੇ ਦੇਸ਼ ਭਰ ਵਿਚ ਕਾਰੀਗਰਾਂ, ਸਵੈ ਸਹਾਇਤਾ ਸਮੂਹ ਦੀਆਂ ਬੀਬੀਆਂ, ਘਰਾਂ ਅਤੇ ਆਂਗਨਵਾੜੀ ਵਿਚ ਕੰਮ ਕਰਣ ਵਾਲੀ ਬੀਬੀਆਂ ਵੱਡੇ ਪੈਮਾਨੇ 'ਤੇ ਕੈਟ ਦੇ ਸਹਿਯੋਗ ਨਾਲ ਰੱਖੜੀਆਂ ਬਣਾ ਰਹੀਆਂ ਹਨ ਅਤੇ ਇਸ ਨਲਾ ਉਨ੍ਹਾਂ ਨੂੰ ਨਾ ਸਿਰਫ਼ ਰੋਜ਼ਗਾਰ ਮਿਲ ਰਿਹਾ ਹੈ, ਸਗੋਂ ਅਕੁਸ਼ਲ ਬੀਬੀਆਂ ਨੂੰ ਅਰਧ-ਕੁਸ਼ਲ ਵਰਕਰਾਂ ਵਿਚ ਬਦਲ ਕੇ ਉਨ੍ਹਾਂ ਨੂੰ ਜ਼ਿਆਦਾ ਤੋਂ ਜ਼ਿਆਦਾ ਸਜਾਵਟੀ, ਸੁੰਦਰ ਅਤੇ ਨਵੇਂ ਡਿਜ਼ਾਇਨ ਦੀਆਂ ਰੱਖੜੀਆਂ ਬਣਾਉਣ ਲਈ ਕੈਟ ਪ੍ਰੋਤਸਾਹਿਤ ਕਰ ਰਿਹਾ ਹੈ।
ਇਹ ਵੀ ਪੜ੍ਹੋ : ਦੁਨੀਆ ਦੇ ਸਭ ਤੋਂ ਅਮੀਰ ਵਿਅਕਤੀਆਂ ਦੀ ਸੂਚੀ 'ਚ 6ਵੇਂ ਤੋਂ 5ਵੇਂ ਸਥਾਨ 'ਤੇ ਪੁੱਜੇ ਮੁਕੇਸ਼ ਅੰਬਾਨੀ
ਇਸ ਤਰ੍ਹਾਂ ਦੀਆਂ ਹੋਣਗੀਆਂ ਰੱਖੜੀਆਂ
ਭਰਤਿਯਾ ਅਤੇ ਖੰਡੇਲਵਾਲ ਨੇ ਦੱਸਿਆ ਦੀ ਸ਼ਾਇਦ ਇਹ ਪਹਿਲੀ ਵਾਰ ਹੈ ਕਿ ਰਵਾਇਤੀ ਰੱਖੜੀ ਬਣਾਉਣ ਦੇ ਇਲਾਵਾ, ਬੀਬੀਆਂ ਨੇ ਨਵੇਂ-ਨਵੇਂ ਪ੍ਰਯੋਗ ਕਰਦੇ ਹੋਏ ਕਈ ਹੋਰ ਪ੍ਰਕਾਰ ਦੀਆਂ ਰੱਖੜੀਆਂ ਵੀ ਵਿਕਸਿਤ ਕੀਤੀਆਂ ਹਨ ਜਿਨ੍ਹਾਂ ਵਿਚ ਵਿਸ਼ੇਸ਼ ਰੂਪ ਤੋਂ ਤਿਆਰ ਮੋਦੀ ਰੱਖੜੀ, ਬੀਜ ਰੱਖੜੀ ਵੀ ਸ਼ਾਮਲ ਹੈ ਜਿਸ ਦੇ ਬੀਜ ਰੱਖੜੀ ਦੇ ਬਾਅਦ ਬੂਟੇ ਲਗਾਉਣ ਦੇ ਕੰਮ ਵਿਚ ਆ ਸਕਦੇ ਹਨ। ਇਸ ਪ੍ਰਕਾਰ ਨਾਲ ਵਾਤਾਵਰਣ ਨੂੰ ਧਿਆਨ ਵਿਚ ਰੱਖਦੇ ਹੋਏ ਮਿੱਟੀ ਨਾਲ ਬਣੀਆਂ ਰੱਖੜੀਆਂ, ਦਾਲ ਨਾਲ ਬਣੀਆਂ ਰੱਖੜੀਆਂ , ਚਾਵਲ, ਕਣਕ ਅਤੇ ਅਨਾਜ ਦੇ ਹੋਰ ਸਾਮਾਨਾਂ ਨਾਲ ਬਣੀਆਂ ਰੱਖੜੀਆਂ, ਮਧੁਬਨੀ ਪੇਂਟਿੰਗ ਨਾਲ ਬਣੀਆਂ ਰੱਖੜੀਆਂ, ਹਸਤਕਲਾ ਦੀਆਂ ਵਸਤਾਂ ਨਾਲ ਬਣੀਆਂ ਰੱਖੜੀਆਂ, ਆਦਿਵਾਸੀ ਵਸਤੂਆਂ ਨਾਲ ਬਣੀਆਂ ਰੱਖੜੀਆਂ ਆਦਿ ਵੀ ਵੱਡੀ ਮਾਤਰਾ ਵਿਚ ਦੇਸ਼ ਦੇ ਵੱਖ-ਵੱਖ ਸੂਬਿਆਂ ਵਿਚ ਬਣਾਈਆਂ ਜਾ ਰਹਾਂਆਂ ਹਨ।
ਇਹ ਵੀ ਪੜ੍ਹੋ : ਚਾਂਦੀ 60 ਹਜ਼ਾਰ ਰੁਪਏ ਦੇ ਰਿਕਾਰਡ ਪੱਧਰ 'ਤੇ, ਸੋਨਾ ਵੀ ਨਵੀਂ ਉਚਾਈ 'ਤੇ
ਉਥੇ ਹੀ ਗਾਂ ਦੇ ਗੋਹੇ ਨਾਲ ਬਣੀਆਂ ਸਜਾਵਟੀ ਵਸਤੂਆਂ ਵੀ ਬਣ ਰਹੀਆਂ ਹਨ। ਇਹ ਰੱਖੜੀ ਅਤੇ ਹੋਰ ਕਲਾਕ੍ਰਿਤੀਆਂ ਬੇਹੱਦ ਸਸਤੀਆਂ ਹਨ ਜੋ ਹੱਥ ਨਾਲ ਬਣਦੀਆਂ ਹਨ ਅਤੇ ਜਿਨ੍ਹਾਂ ਨੂੰ ਬਣਾਉਣ ਵਿਚ ਕੋਈ ਮਸ਼ੀਨ ਜਾਂ ਤਕਨੀਕ ਦੀ ਲੋੜ ਨਹੀਂ ਹੈ। ਇਸ ਸਾਲ ਭਾਰਤੀ ਬੀਬੀਆਂ ਦੀ ਅਸਲੀ ਪ੍ਰਤਿਭਾ ਅਤੇ ਕਲਾ ਕੌਸ਼ਲ ਨੂੰ ਵੱਖ-ਵੱਖ ਪ੍ਰਕਾਰ ਦੀਆਂ ਰੱਖੜੀਆਂ ਵਿਚ ਵੇਖਿਆ ਜਾ ਸਕਦਾ ਹੈ। ਇਨ੍ਹਾਂ ਰੱਖੜੀਆਂ ਦੀ ਵਿਕਰੀ ਵਿਚ ਕੈਟ ਦੇ ਵਪਾਰੀ ਨੇਤਾ ਦਿੱਲੀ ਸਮੇਤ ਹਰ ਇਕ ਸੂਬੇ ਵਿਚ ਇਨ੍ਹਾਂ ਉਦਮੀ ਬੀਬੀਆਂ ਦੀ ਸਹਾਇਤਾ ਕਰ ਰਹੇ ਹਨ।
ਇਹ ਵੀ ਪੜ੍ਹੋ : ਮਾਹਰਾਂ ਦਾ ਦਾਅਵਾ: ਤੁਸੀਂ ਘਰ ਬੈਠੇ-ਬੈਠੇ ਵੀ ਹੋ ਸਕਦੇ ਹੋ 'ਕੋਰੋਨਾ' ਪੀੜਤ
ਚੰਗੀ ਖ਼ਬਰ : ਇਹ ਕੰਪਨੀ ਕਰੇਗੀ 15 ਹਜ਼ਾਰ ਫਰੈਸ਼ਰਸ ਦੀ ਭਰਤੀ
NEXT STORY 
