ਪੁਣੇ- ਅਸੀਂ ਅਕਸਰ ਸੋਸ਼ਲ ਮੀਡੀਆ 'ਤੇ ਰੀਲਜ਼ ਬਣਾਉਂਦੇ ਹੋਏ ਲੋਕਾਂ ਨੂੰ ਅਜੀਬ ਹਰਕਤਾਂ ਕਰਦੇ ਹੋਏ ਵੇਖਿਆ ਹੈ। ਰੀਲਜ਼ ਦਾ ਕਰੇਜ਼ ਇੰਨਾ ਜ਼ਿਆਦਾ ਵੱਧ ਗਿਆ ਹੈ ਕਿ ਲੋਕ ਰੀਲ ਬਣਾਉਣ ਦੇ ਚੱਕਰ 'ਚ ਜਾਨਲੇਵਾ ਸਟੰਟ ਕਰਨ ਲੱਗ ਜਾਂਦੇ ਹਨ। ਜਿਸ ਕਾਰਨ ਕਈ ਵਾਰ ਉਨ੍ਹਾਂ ਨੂੰ ਗੰਭੀਰ ਸੱਟਾਂ ਵੀ ਲੱਗੀਆਂ ਅਤੇ ਕਈਆਂ ਦੀ ਜਾਨ ਵੀ ਚਲੀ ਗਈ। ਹੁਣ ਇਕ ਅਜਿਹੀ ਹੀ ਵੀਡੀਓ ਵਾਇਰਲ ਹੋ ਰਹੀ ਹੈ, ਜਿਸ ਵਿਚ ਇਕ ਕੁੜੀ ਖਾਲੀ ਪਈ ਇਮਾਰਤ ਦੀ ਛੱਤ ਨਾਲ ਲਟਕ ਰਹੀ ਹੈ। ਇਮਾਰਤ ਦੀ ਛੱਤ ਤੋਂ ਮੁੰਡੇ ਨੇ ਉਸ ਦਾ ਹੱਥ ਫੜਿਆ ਹੋਇਆ ਹੈ ਅਤੇ ਕੁੜੀ ਹਵਾ ਵਿਚ ਲਟਕ ਰਹੀ ਹੈ। ਇਕ ਹੋਰ ਸ਼ਖ਼ਸ ਵੱਖ-ਵੱਖ ਐਂਗਲ ਤੋਂ ਵੀਡੀਓ ਰਿਕਾਰਡ ਕਰਦਾ ਹੋਇਆ ਵਿਖਾਈ ਦੇ ਰਿਹਾ ਹੈ। ਪੁਲਸ ਨੇ ਜਾਨਲੇਵਾ ਸਟੰਟ ਕਰਨ ਦੇ ਦੋਸ਼ 'ਚ ਕੁੜੀ ਅਤੇ ਮੁੰਡੇ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਉਨ੍ਹਾਂ ਦੀ ਪਛਾਣ ਮਿਹਰ ਗਾਂਧੀ (27) ਅਤੇ ਉਸ ਦੀ ਦੋਸਤ ਮਿਨਾਕਸ਼ੀ ਸਾਲੁੰਖੇ (23) ਵਜੋਂ ਹੋਈ ਹੈ, ਜਦੋਂਕਿ ਰੀਲ ਬਣਾਉਣ ਵਾਲਾ ਤੀਜਾ ਨੌਜਵਾਨ ਫਰਾਰ ਹੈ।
ਇਹ ਵੀ ਪੜ੍ਹੋ- ਹਵਾ ਪ੍ਰਦੂਸ਼ਣ ਕਾਰਨ ਦੁਨੀਆ ਭਰ 'ਚ 81 ਲੱਖ ਲੋਕਾਂ ਨੇ ਗੁਆਈ ਜਾਨ, ਹੈਰਾਨ ਕਰ ਦੇਵੇਗਾ ਭਾਰਤ ਦਾ ਅੰਕੜਾ
ਇਕ ਅੰਗਰੇਜ਼ੀ ਅਖ਼ਬਾਰ ਦੀ ਰਿਪੋਰਟ ਮੁਤਾਬਕ ਇਹ ਵੀਡੀਓ ਕਲਿੱਪ ਪੁਣੇ ਦੇ ਸਵਾਮੀਨਾਰਾਇਣ ਮੰਦਰ ਕੋਲ ਇਕ ਖਾਲੀ ਪਈ ਇਮਾਰਤ ਵਿਚ ਬਣਾਈ ਗਈ ਸੀ। 20 ਜੂਨ ਨੂੰ 'ਐਕਸ' 'ਤੇ ਸ਼ੇਅਰ ਕੀਤੀ ਗਈ ਇਸ ਵੀਡੀਓ ਨੂੰ 80,000 ਤੋਂ ਵਧੇਰੇ ਵਾਰ ਵੇਖਿਆ ਜਾ ਚੁੱਕਾ ਹੈ। ਵੀਡੀਓ ਨੂੰ ਇਸ ਕੈਪਸ਼ਨ ਨਾਲ ਪੋਸਟ ਕੀਤਾ ਗਿਆ ਹੈ ਕਿ ਇਹ ਜਾਂਚਣ ਲਈ ਸਟੰਟ ਕਰ ਰਹੇ ਹਾਂ ਕਿ ਉਨ੍ਹਾਂ ਦੇ ਹੱਥਾਂ ਦੀ ਪਕੜ ਕਿੰਨੀ ਮਜ਼ਬੂਤ ਹੈ। ਵੀਡੀਓ 'ਚ ਸਾਫ਼ ਨਜ਼ਰ ਆ ਰਿਹਾ ਹੈ ਕਿ ਨੌਜਵਾਨ ਪੂਰੀ ਤਿਆਰੀ ਨਾਲ ਇਮਾਰਤ 'ਤੇ ਚੜ੍ਹੇ ਹਨ ਅਤੇ ਕੁੜੀ ਹਵਾ ਵਿਚ ਲਟਕ ਰਹੀ ਹੈ। ਫੇਮਸ ਹੋਣ ਦੇ ਚੱਕਰ ਵਿਚ ਲੋਕ ਅਜਿਹੇ ਸਟੰਟ ਕਰ ਰਹੇ ਹਨ ਪਰ ਉਨ੍ਹਾਂ ਨੂੰ ਇਹ ਵੀ ਸਮਝਣਾ ਚਾਹੀਦਾ ਹੈ ਕਿ ਅਜਿਹੇ ਖ਼ਤਰਨਾਕ ਸਟੰਟ ਕਰਦੇ ਸਮੇਂ ਜਾਨ ਨੂੰ ਵੀ ਖ਼ਤਰਾ ਹੋ ਸਕਦਾ ਹੈ।
ਇਹ ਵੀ ਪੜ੍ਹੋ- ਆਈਸਕ੍ਰੀਮ 'ਚੋਂ ਵੱਢੀ ਹੋਈ ਉਂਗਲ ਤੋਂ ਬਾਅਦ ਹੁਣ ਆਲੂ ਦੇ ਚਿਪਸ ਦੇ ਪੈਕੇਟ ’ਚ ਮਿਲਿਆ ਮਰਿਆ ਡੱਡੂ
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਦਿੱਲੀ ਦੇ ਲੋਕਾਂ ਨੂੰ ਮਿਲ ਸਕਦੀ ਹੈ ਗਰਮੀ ਤੋਂ ਰਾਹਤ! ਛਾਏ ਬੱਦਲ, ਮੀਂਹ ਪੈਣ ਦੀ ਸੰਭਾਵਨਾ
NEXT STORY 
