ਨਵੀਂ ਦਿੱਲੀ- GST ਕੌਂਸਲ ਨੇ ਵੱਡਾ ਫ਼ੈਸਲਾ ਲੈਂਦੇ ਹੋਏ ਟੈਕਸ ਸਲੈਬਾਂ ਨੂੰ ਘਟਾ ਕੇ ਹੁਣ ਸਿਰਫ਼ 5 ਫ਼ੀਸਦੀ ਅਤੇ 18 ਫ਼ੀਸਦੀ ਤੱਕ ਸੀਮਿਤ ਕਰ ਦਿੱਤਾ ਹੈ। ਪਹਿਲਾਂ ਦੀ 40 ਫ਼ੀਸਦੀ ਵਾਲੀ ਉੱਚ ਸ਼੍ਰੇਣੀ ਵੀ ਹੁਣ ਹਟਾ ਦਿੱਤੀ ਗਈ ਹੈ, ਜਿਸ ਨਾਲ ਕਈ ਘਰੇਲੂ ਉਪਭੋਗੀ ਸਮਾਨਾਂ ‘ਤੇ ਟੈਕਸ ਦਾ ਬੋਝ ਘਟੇਗਾ। ਇਸ ਵਿੱਚ ਛੋਟੀਆਂ ਕਾਰਾਂ, ਏ.ਸੀ., ਟੂਥਪੇਸਟ, ਸ਼ੈਂਪੂ, ਕੱਪੜੇ ਅਤੇ ਹੋਰ ਰੋਜ਼ਾਨਾ ਵਰਤੋਂ ਦੇ ਸਮਾਨ ਸ਼ਾਮਲ ਹਨ।
ਘਰੇਲੂ ਮੰਗ ਨੂੰ ਮਿਲੇਗਾ ਬੂਸਟ
ਇਸ ਕਦਮ ਨਾਲ ਸਰਕਾਰ ਦਾ ਮੁੱਖ ਮਕਸਦ ਘਰੇਲੂ ਖਪਤ ਨੂੰ ਉਤਸ਼ਾਹਿਤ ਕਰਨਾ ਅਤੇ ਮਿਡਲ ਕਲਾਸ ਨੂੰ ਰਾਹਤ ਦੇਣਾ ਹੈ। ਆਰਥਿਕ ਵਿਦਵਾਨਾਂ ਦਾ ਮੰਨਣਾ ਹੈ ਕਿ ਟੈਕਸ ਵਿੱਚ ਕਟੌਤੀ ਨਾਲ ਲੋਕਾਂ ਦੇ ਹੱਥ ਵਿੱਚ ਵਧੇਰੇ ਪੈਸਾ ਬਚੇਗਾ ਜਿਸ ਨਾਲ ਮਾਰਕੀਟ ਵਿੱਚ ਖਰਚ ਵਧੇਗਾ। ਇਸ ਤੋਂ ਇਲਾਵਾ, MSME ਖੇਤਰ, ਰਿਟੇਲ, ਖੇਤੀਬਾੜੀ ਤੇ ਖੇਡ-ਮਨੋਰੰਜਨ ਨਾਲ ਜੁੜੇ ਉਦਯੋਗਾਂ ਨੂੰ ਵੀ ਵੱਡਾ ਲਾਭ ਹੋਵੇਗਾ।
ਇਹ ਵੀ ਪੜ੍ਹੋ- ਭਾਰਤ ਨੂੰ ਝਟਕਾ ਦੇਣ ਦੇ ਚੱਕਰ 'ਚ ਅਮਰੀਕਾ 'ਚ ਹੀ ਫਟ ਗਿਆ 'ਟੈਰਿਫ਼ ਬੰਬ' ! ਹੋ ਗਿਆ ਬੁਰਾ ਹਾਲ
ਕਰਜ਼ਾ ਤੇ ਫਿਨਟੈਕ ਖੇਤਰ ਵਿੱਚ ਵਾਧੇ ਦੀ ਉਮੀਦ
ਇਹ ਸੁਧਾਰ ਸਿਰਫ਼ ਖਪਤ ਹੀ ਨਹੀਂ ਵਧਾਉਣਗੇ, ਸਗੋਂ ਕਰਜ਼ਾ ਪ੍ਰਦਾਨ ਕਰਨ ਵਾਲੀਆਂ ਕੰਪਨੀਆਂ ਅਤੇ ਫਿਨਟੈਕ ਸੈਕਟਰ ਨੂੰ ਵੀ ਉਮੀਦ ਹੈ ਕਿ ਤਿਉਹਾਰਾਂ ਦੇ ਮੌਸਮ ਵਿੱਚ ਉਧਾਰ ਦੀ ਮੰਗ ਵਧੇਗੀ। ਇਸ ਨਾਲ ਕਰਜ਼ਾ ਵਾਧੇ ਨੂੰ ਵੀ ਗਤੀ ਮਿਲੇਗੀ ਅਤੇ ਆਰਥਿਕਤਾ ਵਿੱਚ ਨਵੀਂ ਚਾਲ ਆਵੇਗੀ।
GST ਕੌਂਸਲ ਦੇ ਨਵੇਂ ਸੁਧਾਰਾਂ ਨਾਲ ਇੱਕ ਪਾਸੇ ਖਪਤ ਵਧੇਗੀ, ਦੂਜੇ ਪਾਸੇ ਕਰਜ਼ੇ ਦੀ ਮੰਗ ਵਿੱਚ ਤੇਜ਼ੀ ਆਏਗੀ। ਸਰਕਾਰ ਨੂੰ ਉਮੀਦ ਹੈ ਕਿ ਇਹ ਕਦਮ ਭਾਰਤੀ ਆਰਥਿਕਤਾ ਨੂੰ ਹੋਰ ਮਜ਼ਬੂਤ ਬਣਾਉਣ ਵਿੱਚ ਮਦਦਗਾਰ ਸਾਬਤ ਹੋਣਗੇ।
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
USIBC ਨੇ ਭਾਰਤ ਦੇ GST ਸੁਧਾਰਾਂ ਦੀ ਕੀਤੀ ਤਾਰੀਫ਼
NEXT STORY 
