ਨਵੀਂ ਦਿੱਲੀ (ਏਜੰਸੀ)-ਇਸ ਸਾਲ ਜੂਨ ਦੇ ਮਹੀਨੇ ’ਚ ਖਾਸੀ ਗਰਮੀ ਦੇਖਣ ਨੂੰ ਮਿਲੀ ਹੈ। ਮੌਸਮ ਵਿਭਾਗ ਮੁਤਾਬਕ ਬੀਤੇ 100 ਸਾਲਾਂ ’ਚ ਇਹ 5ਵਾਂ ਸਭ ਤੋਂ ਸੁੱਕਾ ਜੂਨ ਮਹੀਨਾ ਰਿਹਾ ਹੈ। ਪੂਰੇ ਦੇਸ਼ ’ਚ ਜੂਨ ਦੇ ਮਹੀਨੇ ’ਚ ਮੀਂਹ ਔਸਤ ਤੋਂ 35 ਫੀਸਦੀ ਘੱਟ ਰਹੀ ਹੈ। ਆਮ ਤੌਰ ’ਤੇ ਜੂਨ ਮਹੀਨੇ ’ਚ 151 ਮਿਲੀਮੀਟਰ ਮੀਂਹ ਪੈਂਦਾ ਹੈ ਪਰ ਇਸ ਮਹੀਨੇ ਹੁਣ ਤੱਕ ਇਹ ਅੰਕੜਾ 97.9 ਮਿਲੀਮੀਟਰ ਦਾ ਹੀ ਰਿਹਾ ਹੈ। 1920 ਦੇ ਬਾਅਦ ਤੋਂ ਅਜਿਹੇ 4 ਹੀ ਸਾਲ ਸਨ, ਜਦੋਂ ਇਸ ਕਦਰ ਸੁੱਕਾ ਰਿਹਾ ਹੈ। 2009 ’ਚ ਸਭ ਤੋਂ ਘੱਟ 85.7 ਮਿਲੀਮੀਟਰ, 2014 ’ਚ 95.4, 1926 ’ਚ 98.7 ਮਿਲੀਲੀਟਰ ਅਤੇ 1923 ’ਚ 102 ਮਿਲੀਮੀਟਰ ਬਾਰਿਸ਼ ਹੋਈ ਸੀ। 2009 ਅਤੇ 2014 ਦੋਵੇਂ ਹੀ ਸਾਲ ਅਜਿਹੇ ਸਨ, ਜਦੋਂ ਮਾਨਸੂਨ ਅਲਨੀਨੋ ਦੇ ਪ੍ਰਭਾਵ ਕਾਰਣ ਕਮਜ਼ੋਰ ਰਿਹਾ ਸੀ। ਇਸ ਸਾਲ ਵੀ ਅਜਿਹੀ ਹੀ ਸਥਿਤੀ ਹੈ।
ਅਲ-ਨੀਨੋ ਦੇ ਪ੍ਰਭਾਵ ਕਾਰਣ ਪੂਰਬੀ ਅਤੇ ਮੱਧ ਪ੍ਰਸ਼ਾਂਤ ਮਹਾਸਾਗਰ ਦੀ ਸਤ੍ਹਾ ’ਚ ਬਰਾਬਰ ਰੂਪ ਨਾਲ ਗਰਮੀ ਦੀ ਸਥਿਤੀ ਹੁੰਦੀ ਹੈ। ਇਸ ਨਾਲ ਹਵਾਵਾਂ ਦਾ ਚੱਕਰ ਪ੍ਰਭਾਵਿਤ ਹੁੰਦਾ ਹੈ ਅਤੇ ਇਹ ਭਾਰਤੀ ਮਾਨਸੂਨ ’ਤੇ ਬੇਹੱਦ ਉਲਟ ਪ੍ਰਭਾਵ ਪਾਉਂਦਾ ਹੈ। ਇਸ ਸਾਲ ਮੌਸਮ ਵਿਗਿਆਨੀਆਂ ਨੇ ਪਹਿਲਾਂ ਹੀ ਅਲ-ਨੀਨੋ ਦੇ ਦੇਰ ਨਾਲ ਸਰਗਰਮ ਹੋਣ ਅਤੇ ਕਮਜ਼ੋਰ ਰਹਿਣ ਦੀ ਸ਼ੰਕਾ ਪ੍ਰਗਟਾਈ ਸੀ। ਹਾਲਾਂਕਿ ਪਿਛਲੇ ਹਫਤੇ ਸਥਿਤੀ ’ਚ ਕੁਝ ਸੁਧਾਰ ਹੋਇਆ ਅਤੇ ਅਜਿਹੇ ਇਲਾਕਿਆਂ ’ਚ ਮਰਾਠਵਾੜਾ ਅਤੇ ਵਿਦਰਭ ਵੀ ਬਾਰਿਸ਼ ਹੋਈ, ਜੋ ਲੰਬੇ ਸਮੇਂ ਤੋਂ ਸੋਕੇ ਦੀ ਮਾਰ ਝੱਲ ਰਹੇ ਹਨ।
ਹਾਲਾਂਕਿ ਇਕ ਚੰਗੀ ਖਬਰ ਸੁਣਨ ਨੂੰ ਮਿਲ ਸਕਦੀ ਹੈ। ਐਤਵਾਰ 30 ਜੂਨ ਤਕ ਬੰਗਾਲ ਦੀ ਪੱਛਮੀ ਭਾਰਤ ’ਚ ਚੰਗੀ ਬਾਰਿਸ਼ ਹੋ ਸਕਦੀ ਹੈ। ਮੌਸਮ ਵਿਭਾਗ ਦੇ ਸੀਨੀਅਰ ਅਧਿਕਾਰੀ ਕੇ. ਸਾਥੀ ਦੇਵੀ ਨੇ ਕਿਹਾ ਕਿ ਅਸੀਂ 30 ਜੂਨ ਤੋਂ ਬਾਅਦ ਮਾਨਸੂਨ ’ਚ ਚੰਗੀ ਮਜ਼ਬੂਤੀ ਦੀ ਉਮੀਦ ਕਰ ਰਹੇ ਹਾਂ। ਇਸ ਗੱਲ ਦੀ ਬਹੁਤ ਸੰਭਾਵਨਾ ਹੈ ਕਿ ਮਾਨਸੂਨ ਮੱਧ ਭਾਰਤ, ਗੁਜਰਾਤ ਅਤੇ ਚੰਗੀ ਮਜ਼ਬੂਤੀ ਦੀ ਉਮੀਦ ਕਰ ਰਹੇ ਹਾਂ। ਇਸ ਗੱਲ ਦੀ ਬਹੁਤ ਸੰਭਾਵਨਾ ਹੈ ਕਿ ਮਾਨਸੂਨ ਮੱਧ ਭਾਰਤ, ਗੁਜਰਾਤ ਦੇ ਬਾਕੀ ਹਿੱਸਿਆਂ ਵੱਲ ਵਧੇਗਾ।
ਭਾਰੀ ਮੀਂਹ ਕਾਰਨ ਮੁੰਬਈ ਹਵਾਈ ਅੱਡੇ ਤੋਂ 52 ਉਡਾਣਾਂ ਰੱਦ, 72 ਘੰਟੇ ਲਈ ਬੰਦ ਮੁਖ ਰਨ-ਵੇ
NEXT STORY 
