ਨਵੀਂ ਦਿੱਲੀ— ਐੱਸ.ਐੱਸ.ਸੀ. ਪ੍ਰੀਖਿਆ ਦੇ ਪੇਪਰ ਲੀਕ ਮਾਮਲੇ ਦੀ ਸੁਪਰੀਮ ਕੋਰਟ ਦੀ ਦੇਖ-ਰੇਖ 'ਚ ਸੀ.ਬੀ.ਆਈ. ਜਾਂਚ ਕਰੇ, ਕੋਰਟ 'ਚ ਇਹ ਪਟੀਸ਼ਨ ਵਕੀਲ ਐੱਮ.ਐੱਲ. ਸ਼ਰਮਾ ਨੇ ਲਗਾਈ ਹੈ। ਸੁਪਰੀਮ ਕੋਰਟ ਨੇ ਇਸ ਪਟੀਸ਼ਨ 'ਤੇ 12 ਮਾਰਚ ਨੂੰ ਸੁਣਵਾਈ ਦਾ ਫੈਸਲਾ ਕੀਤਾ ਹੈ। ਸੁਪਰੀਮ ਕੋਰਟ ਨੂੰ ਐੱਮ.ਐੱਲ. ਸ਼ਰਮਾ ਨੇ ਦੱਸਿਆ ਕਿ ਹੈ ਕਿ ਇਹ ਵੱਡਾ ਘੁਟਾਲਾ ਹੈ ਅਤੇ 20 ਲੱਖ ਵਿਦਿਆਰਥੀਆਂ ਦੇ ਭਵਿੱਖ ਦਾ ਸਵਾਲ ਹੈ।
ਐਡਵੋਕੇਟ ਐੱਮ.ਐੱਲ. ਸ਼ਰਮਾ ਨੇ ਸੋਮਵਾਰ ਨੂੰ ਚੀਫ ਜਸਟਿਸ ਦੀਪਕ ਮਿਸ਼ਰਾ ਦੀ ਅਗਵਾਈ ਵਾਲੀ ਬੈਂਚ ਦੇ ਸਾਹਮਣੇ ਮਾਮਲੇ ਨੂੰ ਚੁੱਕਿਆ। ਐੱਮ.ਐੱਲ. ਸ਼ਰਮਾ ਨੇ ਦੱਸਿਆ ਕਿ ਧਾਰਾ-32 ਦੇ ਅਧੀਨ ਕੋਰਟ 'ਚ ਅਰਜ਼ੀ ਦਾਖਲ ਕੀਤੀ ਗਈ ਹੈ। ਪਹਿਲਾਂ ਵੀ ਪੇਪਰ ਲੀਕ ਹੁੰਦਾ ਰਿਹਾ ਹੈ। ਇਸ ਤਰ੍ਹਾਂ ਨਾਲ ਚੱਲ ਰਹੇ ਪੇਪਰ ਲੀਕ ਦੇ ਮਾਮਲੇ ਘੁਟਾਲੇ ਦੀ ਤਰ੍ਹਾਂ ਹਨ। ਇਸ ਮਾਮਲੇ 'ਚ ਐੱਸ.ਐੱਸ.ਸੀ., ਸੀ.ਬੀ.ਆਈ. ਅਤੇ ਕੇਂਦਰ ਸਰਕਾਰ ਨੂੰ ਪ੍ਰਤੀਵਾਦੀ ਬਣਾਇਆ ਗਿਆ ਹੈ। ਦੋਸ਼ ਹੈ ਕਿ 17 ਤੋਂ 22 ਫਰਵਰੀ ਦਰਮਿਆਨ ਹੋਈ ਪ੍ਰੀਖਿਆ 'ਚ ਪੇਪਰ ਲੀਕ ਹੋ ਗਿਆ ਸੀ।
ਮਾਤਾ ਚਿੰਤਪੁਰਨੀ ਚੇਤ ਨੌਰਾਤੇ ਮੇਲਾ 18 ਤੋਂ 25 ਮਾਰਚ ਤੱਕ
NEXT STORY 
