ਨਵੀਂ ਦਿੱਲੀ, (ਭਾਸ਼ਾ)— ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਪਿਛਲੇ 18 ਸਾਲ 'ਚ ਘੱਟੋ-ਘੱਟ 5 ਵਾਰ ਆਮਦਨ ਕਰ ਰਿਫੰਡ ਮਿਲਿਆ ਹੈ। ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ ਨੂੰ 6 ਵਾਰ ਅਜਿਹਾ ਰਿਫੰਡ ਮਿਲ ਚੁੱਕਾ ਹੈ। ਮੋਦੀ ਦੇ ਮਾਮਲੇ 'ਚ ਅਨੁਮਾਨ ਸਾਲ 2015-16 ਤੇ 2012-13 ਦੇ ਰਿਫੰਡ ਨੂੰ ਬਕਾਇਆ ਮੰਗ ਦੇ ਬਦਲੇ ਇਕੱਠਾ ਕੀਤਾ ਗਿਆ ਜਦ ਕਿ ਰਾਹੁਲ ਦੇ ਮਾਮਲੇ 'ਚ 2011-12 ਦੇ ਰਿਫੰਡ ਨੂੰ ਬਕਾਇਆ ਮੰਗ ਦੇ ਬਦਲੇ 'ਚ ਜੋੜਿਆ ਗਿਆ। ਆਮਦਨ ਕਰ ਵਿਭਾਗ ਦੇ ਟੈਕਸ ਸੂਚਨਾ ਨੈਟਵਰਕ ਵਲੋਂ ਰਿਫੰਡ ਦੀ ਹਾਲਤ 'ਚ ਆਨਲਾਈਨ ਪ੍ਰਦਾਨ ਕੀਤੀਆਂ ਜਾਣ ਵਾਲੀਆਂ ਸੇਵਾਵਾਂ ਰਾਹੀਂ ਇਹ ਜਾਣਕਾਰੀ ਮਿਲੀ ਹੈ। ਟੈਕਸ ਸੂਚਨਾ ਨੈੱਟਵਰਕ ਦਾ ਪ੍ਰਬੰਧ ਐੱਨ. ਐੱਸ. ਡੀ. ਐੱਲ. ਗਵਰਨੈਂਸ ਇਨਫਰਾਸਟਰੱਕਚਰ ਲਿਮਟਿਡ ਵਲੋਂ ਕੀਤਾ ਜਾਂਦਾ ਹੈ।
ਕੋਇੰਬਟੂਰ 'ਚ ਮੁਥੂਟ ਫਾਇਨਾਂਸ ਤੋਂ 2 ਕਰੋੜ ਰੁਪਏ ਦੀ ਲੁੱਟ
NEXT STORY