ਵੈੱਬ ਡੈਸਕ : ਦੇਸ਼ ਦੀ ਸਭ ਤੋਂ ਵੱਡੀ ਏਅਰਲਾਈਨ ਇੰਡੀਗੋ (IndiGo) ਖਿਲਾਫ ਡਾਇਰੈਕਟੋਰੇਟ ਜਨਰਲ ਆਫ਼ ਸਿਵਲ ਐਵੀਏਸ਼ਨ (DGCA) ਨੇ ਵੱਡੀ ਕਾਰਵਾਈ ਕੀਤੀ ਹੈ। ਏਵੀਏਸ਼ਨ ਰੈਗੂਲੇਟਰ ਨੇ ਇੰਡੀਗੋ ਨੂੰ ਆਪਣੀਆਂ ਰੋਜ਼ਾਨਾ ਉਡਾਣਾਂ ਵਿੱਚ 10 ਫੀਸਦੀ ਦੀ ਕਟੌਤੀ ਕਰਨ ਦਾ ਸਖ਼ਤ ਆਦੇਸ਼ ਦਿੱਤਾ ਹੈ।
ਉਡਾਣਾਂ 'ਚ ਕਟੌਤੀ
DGCA ਦੇ ਇਸ ਹੁਕਮ ਤਹਿਤ ਇੰਡੀਗੋ ਦੀਆਂ ਰੋਜ਼ਾਨਾ ਉਡਾਣਾਂ ਵਿੱਚ ਲਗਭਗ 110 ਤੋਂ 115 ਦੀ ਕਮੀ ਆਵੇਗੀ। ਫਿਲਹਾਲ, ਏਅਰਲਾਈਨ ਪ੍ਰਤੀ ਦਿਨ 2,200 ਤੋਂ 2,300 ਫਲਾਈਟਾਂ ਸੰਚਾਲਿਤ ਕਰਦੀ ਹੈ।
ਲਾਗੂ ਹੋਣ ਦੀ ਤਾਰੀਖ
DGCA ਨੇ ਇਹ ਕਟੌਤੀ 1 ਦਸੰਬਰ 2025 ਤੋਂ ਲਾਗੂ ਕਰਨ ਦਾ ਆਦੇਸ਼ ਦਿੱਤਾ ਹੈ। DGCA ਨੇ ਏਅਰਲਾਈਨ ਨੂੰ ਇਹ ਵੀ ਨਿਰਦੇਸ਼ ਦਿੱਤਾ ਕਿ ਉਹ ਸਾਰੇ ਸੈਕਟਰਾਂ 'ਚ ਸ਼ਡਿਊਲ ਨੂੰ 5 ਪ੍ਰਤੀਸ਼ਤ ਘੱਟ ਕਰੇ। DGCA ਨੇ ਏਅਰਲਾਈਨ ਦੇ ਅਪਰੂਵਡ ਵਿੰਟਰ ਸ਼ਡਿਊਲ 2025 ਦੀ ਸਮੀਖਿਆ ਕੀਤੀ ਅਤੇ ਪਾਇਆ ਕਿ ਮਨਜ਼ੂਰ ਕੀਤੀ ਸਮਰੱਥਾ ਅਤੇ ਅਸਲ ਆਪਰੇਸ਼ਨ ਵਿੱਚ ਕਾਫ਼ੀ ਅੰਤਰ ਹੈ। ਏਅਰਲਾਈਨ ਨੂੰ 403 ਏਅਰਕ੍ਰਾਫਟ ਦੀ ਮਨਜ਼ੂਰੀ ਦਿੱਤੀ ਗਈ ਸੀ, ਪਰ ਅਕਤੂਬਰ 2025 ਵਿੱਚ ਇੰਡੀਗੋ ਸਿਰਫ਼ 339 ਅਤੇ ਨਵੰਬਰ 2025 ਵਿੱਚ 344 ਏਅਰਕ੍ਰਾਫਟ ਹੀ ਚਲਾ ਸਕੀ।
ਸੰਚਾਲਨ ਸੰਕਟ
ਇਹ ਹੁਕਮ ਇੰਡੀਗੋ ਦੇ ਵਧਦੇ ਆਪਰੇਸ਼ਨਲ ਸੰਕਟ ਦੇ ਵਿਚਕਾਰ ਆਇਆ ਹੈ। ਏਅਰਲਾਈਨ ਨੂੰ ਲਗਾਤਾਰ ਅੱਠਵੇਂ ਦਿਨ ਗੰਭੀਰ ਰੁਕਾਵਟਾਂ ਦਾ ਸਾਹਮਣਾ ਕਰਨਾ ਪਿਆ। ਸੋਮਵਾਰ ਨੂੰ, ਇੰਡੀਗੋ ਨੇ ਛੇ ਪ੍ਰਮੁੱਖ ਹਵਾਈ ਅੱਡਿਆਂ ਤੋਂ 560 ਤੋਂ ਵੱਧ ਉਡਾਣਾਂ ਰੱਦ ਕਰ ਦਿੱਤੀਆਂ ਸਨ। ਮੰਗਲਵਾਰ ਨੂੰ ਵੀ ਬੈਂਗਲੁਰੂ ਅਤੇ ਹੈਦਰਾਬਾਦ ਤੋਂ ਲਗਭਗ 180 ਉਡਾਣਾਂ ਰੱਦ ਕੀਤੀਆਂ ਗਈਆਂ ਸਨ।
ਸਰਕਾਰ ਦਾ ਰੁਖ
ਕੇਂਦਰੀ ਨਾਗਰਿਕ ਹਵਾਬਾਜ਼ੀ ਮੰਤਰੀ ਕੇ. ਰਾਮਮੋਹਨ ਨਾਇਡੂ ਨੇ ਸੰਕੇਤ ਦਿੱਤਾ ਸੀ ਕਿ ਸਰਕਾਰ ਇੰਡੀਗੋ ਦੇ ਵਿੰਟਰ ਸਲਾਟ ਨੂੰ ਨਿਸ਼ਚਿਤ ਤੌਰ 'ਤੇ ਘੱਟ ਕਰੇਗੀ। ਇਸ ਸੰਕਟ ਦੇ ਕਾਰਨ, ਸਰਕਾਰ ਇੰਡੀਗੋ ਦੇ ਕੁਝ ਰੂਟਾਂ ਨੂੰ ਹੋਰ ਘਰੇਲੂ ਏਅਰਲਾਈਨਾਂ ਨੂੰ ਵੰਡਣ 'ਤੇ ਵੀ ਵਿਚਾਰ ਕਰ ਰਹੀ ਹੈ। DGCA ਨੇ ਇੰਡੀਗੋ ਨੂੰ 10 ਦਸੰਬਰ ਦੀ ਸ਼ਾਮ 5 ਵਜੇ ਤੱਕ ਸੋਧਿਆ ਹੋਇਆ ਸ਼ਡਿਊਲ ਪੇਸ਼ ਕਰਨ ਦਾ ਵੀ ਨਿਰਦੇਸ਼ ਦਿੱਤਾ ਹੈ।
ਪੁਲਸ ਦੀ ਗੱਡੀ 'ਤੇ ਫਾਈਰਿੰਗ, ਡਰਾਇਵਰ ਨੂੰ ਮਾਰੀਆਂ ਗੋਲੀਆਂ
NEXT STORY 
