ਯੇਰੁਸ਼ਲਮ(ਭਾਸ਼ਾ)— ਇਜ਼ਰਾਇਲ ਦੇ ਪ੍ਰਧਾਨ ਮੰਤਰੀ ਬੈਂਜਾਮਿਨ ਨੇਤਨਯਾਹੂ 14 ਜਨਵਰੀ ਤੋਂ ਆਪਣੀ 4 ਦਿਨੀਂ ਭਾਰਤ ਯਾਤਰਾ ਆਰੰਭ ਕਰਨਗੇ। ਸੂਤਰਾਂ ਨੇ ਇਹ ਜਾਣਕਾਰੀ ਦਿੱਤੀ ਹੈ। ਕਰੀਬ 6 ਮਹੀਨੇ ਪਹਿਲਾਂ ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਯਹੂਦੀ ਰਾਸ਼ਟਰ ਦਾ ਦੌਰਾ ਕੀਤਾ ਸੀ। ਸਾਲ 1992 ਵਿਚ ਦੋਵਾਂ ਦੇਸ਼ਾਂ ਵਿਚਕਾਰ ਕੂਟਨੀਤਕ ਸਬੰਧ ਬਣਨ ਤੋਂ ਬਾਅਦ ਬੈਂਜਾਮਿਨ ਨੇਤਨਯਾਹੂ ਭਾਰਤ ਦਾ ਦੌਰਾ ਕਰਨ ਵਾਲੇ ਇਜ਼ਰਾਇਲ ਦੇ ਦੂਜੇ ਪ੍ਰਧਾਨ ਮੰਤਰੀ ਹੋਣਗੇ। ਕਰੀਬ 15 ਸਾਲ ਪਹਿਲਾਂ ਇਜ਼ਰਾਇਲ ਦੇ ਸਾਬਕਾ ਪ੍ਰਧਾਨ ਮੰਤਰੀ ਏਰੀਅਲ ਸ਼ੇਰਾਨ ਨੇ ਸਾਲ 2003 ਵਿਚ ਨਵੀਂ ਦਿੱਲੀ ਦਾ ਦੌਰਾ ਕੀਤਾ ਸੀ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ 14 ਜਨਵਰੀ ਨੂੰ ਅਹਿਮਦਾਬਾਦ ਵਿਚ ਉਨ੍ਹਾਂ ਦਾ ਸਵਾਗਤ ਕਰਨਗੇ। ਇਸ ਤੋਂ ਪਹਿਲਾਂ ਮੋਦੀ ਚੀਨ ਦੇ ਰਾਸ਼ਟਰਪਤੀ ਸ਼ੀ ਚਿਨਫਿੰਗ ਅਤੇ ਜਾਪਾਨ ਦੇ ਪ੍ਰਧਾਨ ਮੰਤਰੀ ਸ਼ਿੰਜੋ ਆਬੇ ਦਾ ਵੀ ਆਪਣੇ ਗ੍ਰਹਿ ਰਾਜ ਵਿਚ ਸਵਾਗਤ ਕਰ ਚੁੱਕੇ ਹਨ। ਨੇਤਨਯਾਹੂ 15 ਅਤੇ 16 ਜਨਵਰੀ ਨੂੰ ਆਪਣੀ ਜ਼ਿਆਦਾਤਰ ਅਧਿਕਾਰਤ ਬੈਠਕਾਂ ਨਵੀਂ ਦਿੱਲੀ ਵਿਚ ਕਰਨਗੇ।
ਸੂਤਰਾਂ ਨੇ ਇੱਥੇ ਦੱਸਿਆ, 'ਉਨ੍ਹਾਂ ਦੇ ਵਿਸਤ੍ਰਿਤ ਪ੍ਰੋਰਗਾਮ 'ਤੇ ਅਜੇ ਕੰਮ ਚੱਲ ਰਿਹਾ ਹੈ ਪਰ ਇਸ ਵਿਚ ਭਾਰਤ ਦੀ ਸਿਖਰ ਅਗਵਾਈ ਵਾਲੀਆਂ ਬੈਠਕਾਂ ਸ਼ਾਮਲ ਹੋਣਗੀਆ।' ਇਜ਼ਰਾਇਲੀ ਨੇਤਾ 17 ਜਨਵਰੀ ਨੂੰ ਮੁੰਬਈ ਵੀ ਜਾਣਗੇ, ਜਿੱਥੇ ਉਹ 2008 ਵਿਚ ਅੱਤਵਾਦੀ ਹਮਲੇ ਦੇ ਸ਼ਿਕਾਰ ਯਹੂਦੀ ਚਬਦ ਹਾਊਸ ਦਾ ਦੌਰਾ ਕਰਨਗੇ। ਉਹ 18 ਜਨਵਰੀ ਨੂੰ ਵਾਪਸ ਇਜ਼ਰਾਇਲ ਰਵਾਨਾ ਹੋਣਗੇ। ਯਾਤਰਾ ਦੇ ਦੌਰਾਨ ਉਨ੍ਹਾਂ ਦੇ ਆਗਰਾ ਜਾਣ ਦੀ ਵੀ ਸੰਭਾਵਨਾ ਹੈ। ਕਾਸੇਟ (ਇਜ਼ਾਰਾਇਲੀ ਸੰਸਦ) ਸਰਦ ਰੁੱਤ ਸੈਸ਼ਨ ਦੀ ਸ਼ੁਰੂਆਤ ਦੌਰਾਨ ਨੇਤਨਯਾਹੂ ਨੇ ਕਿਹਾ ਸੀ, 'ਪਿਛਲੇ ਕੁੱਝ ਸਾਲਾਂ ਵਿਚ, ਮੈਂ ਅੰਟਾਰਕਟੀਕਾ ਤੋਂ ਇਲਾਵਾ ਸਾਰੇ ਮਹਾਦੀਪਾਂ ਦਾ ਦੌਰਾ ਕੀਤਾ ਹੈ।' ਉਨ੍ਹਾਂ ਕਿਹਾ, 'ਜਨਵਰੀ ਵਿਚ ਮੈਂ ਆਪਣੇ ਚੰਗੇ ਦੋਸਤ ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਮਿਲਣ ਜਾਵਾਂਗਾ, ਜਿੱਥੇ ਦੀ ਆਬਾਦੀ ਮਨੁੱਖਤਾ ਦਾ ਇਕ ਮਹੱਤਵਪੂਰਨ ਹਿੱਸਾ ਹੈ।' ਮੋਦੀ ਨੇ ਦੋਵਾਂ ਦੇਸ਼ਾਂ ਵਿਚਕਾਰ ਰਾਜਨੀਤਕ ਸਬੰਧਾਂ ਦੀ ਸਥਾਪਨਾ ਦੇ 25 ਸਾਲ ਦਾ ਜਸ਼ਨ ਮਨਾਉਣ ਲਈ ਇਸ ਸਾਲ ਜੁਲਾਈ ਵਿਚ ਇਜ਼ਰਾਇਲ ਦਾ ਦੌਰਾ ਕੀਤਾ ਸੀ।
ਇਟਾਲੀਅਨ ਕੁੜੀ ਦਾ ਆਇਆ ਇੰਡੀਅਨ ਮੁੰਡੇ 'ਤੇ ਦਿਲ, ਜਲਦੀ ਹੀ ਰਚਾਉਣ ਜਾ ਰਹੇ ਨੇ ਵਿਆਹ (ਤਸਵੀਰਾਂ)
NEXT STORY 
