ਟੋਕੀਓ: ਵਿਗਿਆਨੀਆਂ ਨੇ ਇੱਕ ਅਨੋਖੀ ਖੋਜ ਕਰਦਿਆਂ ਜਾਪਾਨੀ ਟ੍ਰੀ ਫਰੌਗ (Dryophytes japonicus) ਨਾਮਕ ਡੱਡੂ ਦੀਆਂ ਅੰਤੜੀਆਂ 'ਚ ਇੱਕ ਅਜਿਹਾ ਬੈਕਟੀਰੀਆ ਲੱਭਿਆ ਹੈ, ਜਿਸ ਨੇ ਚੂਹਿਆਂ 'ਚ ਕੈਂਸਰ ਦੇ ਇਲਾਜ ਦੇ ਸ਼ਾਨਦਾਰ ਨਤੀਜੇ ਦਿਖਾਏ ਹਨ। 'ਗਟ ਮਾਈਕ੍ਰੋਬਸ' (Gut Microbes) ਜਰਨਲ 'ਚ ਪ੍ਰਕਾਸ਼ਿਤ ਇਸ ਖੋਜ ਅਨੁਸਾਰ, ਇਸ ਬੈਕਟੀਰੀਆ ਨੇ ਬਿਨਾਂ ਕਿਸੇ ਗੰਭੀਰ ਸਾਈਡ ਇਫੈਕਟ ਦੇ ਟਿਊਮਰ ਨੂੰ ਪੂਰੀ ਤਰ੍ਹਾਂ ਖਤਮ ਕਰ ਦਿੱਤਾ ਹੈ।
ਕਿਵੇਂ ਹੋਈ ਇਹ ਕ੍ਰਾਂਤੀਕਾਰੀ ਖੋਜ?
ਜਾਪਾਨ ਦੇ ਐਡਵਾਂਸਡ ਇੰਸਟੀਚਿਊਟ ਆਫ ਸਾਇੰਸ ਐਂਡ ਟੈਕਨਾਲੋਜੀ ਦੇ ਵਿਗਿਆਨੀਆਂ ਨੇ ਦੇਖਿਆ ਕਿ ਡੱਡੂ ਤੇ ਕਿਰਲੀਆਂ ਵਰਗੇ ਜੀਵ ਕੈਂਸਰ ਤੋਂ ਬਹੁਤ ਘੱਟ ਪ੍ਰਭਾਵਿਤ ਹੁੰਦੇ ਹਨ। ਇਸ ਦੇ ਚੱਲਦਿਆਂ ਉਨ੍ਹਾਂ ਨੇ ਡੱਡੂਆਂ ਅਤੇ ਕਿਰਲੀਆਂ ਤੋਂ 45 ਵੱਖ-ਵੱਖ ਬੈਕਟੀਰੀਆ ਚੁਣੇ, ਜਿਨ੍ਹਾਂ 'ਚੋਂ 9 ਨੇ ਕੈਂਸਰ 'ਤੇ ਚੰਗਾ ਅਸਰ ਦਿਖਾਇਆ। ਇਨ੍ਹਾਂ 'ਚੋਂ ਸਭ ਤੋਂ ਪ੍ਰਭਾਵਸ਼ਾਲੀ 'Ewingella americana' ਰਿਹਾ, ਜੋ ਜਾਪਾਨੀ ਡੱਡੂ ਦੀ ਅੰਤੜੀ 'ਚ ਪਾਇਆ ਜਾਂਦਾ ਹੈ।
ਬੈਕਟੀਰੀਆ ਦਾ ਕਮਾਲ ਤੇ ਕੰਮ ਕਰਨ ਦਾ ਤਰੀਕਾ
ਇੱਕ ਖੁਰਾਕ ਦਾ ਅਸਰ: ਪ੍ਰਯੋਗ ਦੌਰਾਨ ਚੂਹਿਆਂ ਨੂੰ ਇਸ ਦੀ ਸਿਰਫ਼ ਇੱਕ ਖੁਰਾਕ ਦੇਣ 'ਤੇ ਹੀ ਟਿਊਮਰ ਪੂਰੀ ਤਰ੍ਹਾਂ ਗਾਇਬ ਹੋ ਗਏ।
ਦੋਹਰਾ ਹਮਲਾ: ਇਹ ਬੈਕਟੀਰੀਆ ਦੋ ਤਰੀਕਿਆਂ ਨਾਲ ਕੰਮ ਕਰਦਾ ਹੈ, ਪਹਿਲਾ, ਇਹ ਸਿੱਧੇ ਤੌਰ 'ਤੇ ਟਿਊਮਰ 'ਤੇ ਹਮਲਾ ਕਰਦਾ ਹੈ ਅਤੇ ਦੂਜਾ, ਇਹ ਸਰੀਰ ਦੇ ਇਮਿਊਨ ਸਿਸਟਮ (ਬਿਮਾਰੀਆਂ ਨਾਲ ਲੜਨ ਦੀ ਸ਼ਕਤੀ) ਨੂੰ ਮਜ਼ਬੂਤ ਕਰਦਾ ਹੈ।
ਮੁੜ ਬਿਮਾਰੀ ਹੋਣ ਤੋਂ ਬਚਾਅ: ਇਲਾਜ ਦੇ 30 ਦਿਨਾਂ ਬਾਅਦ ਜਦੋਂ ਚੂਹਿਆਂ 'ਚ ਦੁਬਾਰਾ ਕੈਂਸਰ ਸੈੱਲ ਪਾਏ ਗਏ ਤਾਂ ਵੀ ਅਗਲੇ ਇੱਕ ਮਹੀਨੇ ਤੱਕ ਟਿਊਮਰ ਨਹੀਂ ਬਣੇ।
ਕੀਮੋਥੈਰੇਪੀ ਤੋਂ ਬਿਹਤਰ: ਇਹ ਬੈਕਟੀਰੀਆ ਆਮ ਕੀਮੋਥੈਰੇਪੀ ਦਵਾਈ (ਡੌਕਸੋਰੂਬੀਸਿਨ) ਨਾਲੋਂ ਵੀ ਜ਼ਿਆਦਾ ਪ੍ਰਭਾਵਸ਼ਾਲੀ ਪਾਇਆ ਗਿਆ ਹੈ ਅਤੇ ਇਸ ਦਾ ਸਿਹਤਮੰਦ ਅੰਗਾਂ 'ਤੇ ਕੋਈ ਮਾੜਾ ਅਸਰ ਨਹੀਂ ਪਿਆ।
ਇਨਸਾਨਾਂ ਲਈ ਉਮੀਦ ਤੇ ਸਾਵਧਾਨੀ
ਵਿਗਿਆਨੀਆਂ ਦਾ ਮੰਨਣਾ ਹੈ ਕਿ ਇਹ ਬੈਕਟੀਰੀਆ ਭਵਿੱਖ ਵਿੱਚ ਕਲੀਨਿਕਲ ਟਰਾਇਲ ਲਈ ਇੱਕ ਸੁਰੱਖਿਅਤ ਵਿਕਲਪ ਹੋ ਸਕਦਾ ਹੈ। ਹਾਲਾਂਕਿ, ਮਾਹਿਰਾਂ ਨੇ ਸਾਵਧਾਨ ਕਰਦਿਆਂ ਕਿਹਾ ਹੈ ਕਿ ਇਹ ਖੋਜ ਅਜੇ ਸਿਰਫ਼ ਚੂਹਿਆਂ 'ਤੇ ਹੋਈ ਹੈ ਅਤੇ ਇਨਸਾਨਾਂ 'ਤੇ ਇਸ ਦੇ ਪ੍ਰਭਾਵ ਦੀ ਜਾਂਚ ਹੋਣੀ ਬਾਕੀ ਹੈ। ਇੱਕ ਚਿੰਤਾ ਦਾ ਵਿਸ਼ਾ ਇਹ ਵੀ ਹੈ ਕਿ 'Ewingella americana' ਇਨਸਾਨਾਂ ਵਿੱਚ ਇਨਫੈਕਸ਼ਨ ਵੀ ਪੈਦਾ ਕਰ ਸਕਦਾ ਹੈ, ਜਿਸ ਕਾਰਨ ਹੋਰ ਟੈਸਟ ਜ਼ਰੂਰੀ ਹਨ। ਵਿਗਿਆਨੀਆਂ ਅਨੁਸਾਰ ਕੁਦਰਤ ਦੀ ਜੈਵ-ਵਿਵਿਧਤਾ ਵਿੱਚ ਅਜੇ ਵੀ ਕਈ ਅਜਿਹੀਆਂ ਦਵਾਈਆਂ ਛਿਪੀਆਂ ਹੋਈਆਂ ਹਨ, ਜਿਨ੍ਹਾਂ ਨੂੰ ਬਚਾਉਣਾ ਅਤੇ ਖੋਜਣਾ ਬਹੁਤ ਜ਼ਰੂਰੀ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਪਾਕਿਸਤਾਨ ਦੇ ਖੈਬਰ ਪਖਤੂਨਖਵਾ ਸੂਬੇ 'ਚ ਮਦਰੱਸੇ 'ਤੇ ਡਰੋਨ ਹਮਲਾ, 9 ਬੱਚੇ ਜ਼ਖਮੀ
NEXT STORY 
