ਇੰਟਰਨੈਸ਼ਨਲ ਡੈਸਕ : ਕੈਨੇਡਾ ਦੀ ਰਾਜਨੀਤੀ ਵਿੱਚ ਇਸ ਵੇਲੇ ਵੱਡਾ ਭੂਚਾਲ ਆ ਗਿਆ ਹੈ ਕਿਉਂਕਿ ਅਲਬਰਟਾ ਦੀ ਚੋਣ ਏਜੰਸੀ ਨੇ ਸੂਬੇ ਦੇ ਕੈਨੇਡਾ ਤੋਂ ਵੱਖ ਹੋਣ ਸਬੰਧੀ ਪ੍ਰਸਤਾਵਿਤ ਰਾਇਸ਼ੁਮਾਰੀ ਦੇ ਸਵਾਲ ਨੂੰ ਪ੍ਰਵਾਨਗੀ ਦੇ ਦਿੱਤੀ ਹੈ। ਇਸ ਫੈਸਲੇ ਤੋਂ ਬਾਅਦ ਹੁਣ ਅਲਬਰਟਾ ਨੂੰ ਇੱਕ ਸੁਤੰਤਰ ਦੇਸ਼ ਬਣਾਉਣ ਦੀ ਮੁਹਿੰਮ ਤੇਜ਼ ਹੋ ਗਈ ਹੈ, ਜਿਸ ਵਿੱਚ ਲੋਕਾਂ ਕੋਲੋਂ 'ਹਾਂ' ਜਾਂ 'ਨਾਂ' ਵਿੱਚ ਜਵਾਬ ਮੰਗਿਆ ਜਾਵੇਗਾ।
ਕੀ ਹੈ ਸਵਾਲ ਅਤੇ ਕਿਸ ਦੀ ਹੈ ਮੁਹਿੰਮ?
ਵੋਟਰਾਂ ਨੂੰ ਇਹ ਸਵਾਲ ਪੁੱਛਿਆ ਜਾਵੇਗਾ: "ਕੀ ਤੁਸੀਂ ਇਸ ਗੱਲ ਨਾਲ ਸਹਿਮਤ ਹੋ ਕਿ ਅਲਬਰਟਾ ਸੂਬੇ ਨੂੰ ਇੱਕ ਸੁਤੰਤਰ ਦੇਸ਼ ਬਣਨ ਲਈ ਕੈਨੇਡਾ ਤੋਂ ਵੱਖ ਹੋ ਜਾਣਾ ਚਾਹੀਦਾ ਹੈ?"। ਇਹ ਪੂਰੀ ਮੁਹਿੰਮ 'ਅਲਬਰਟਾ ਖੁਸ਼ਹਾਲੀ ਪ੍ਰੋਜੈਕਟ' ਵੱਲੋਂ ਚਲਾਈ ਜਾ ਰਹੀ ਹੈ। ਇਸ ਮੁਹਿੰਮ ਦਾ ਉਦੇਸ਼ ਸੂਬੇ ਦੀ ਆਪਣੀ ਵੱਖਰੀ ਹੋਂਦ ਸਥਾਪਤ ਕਰਨਾ ਹੈ।
ਦਸਤਖਤਾਂ ਲਈ 4 ਮਹੀਨਿਆਂ ਦਾ ਸਮਾਂ
ਇਸ ਰਾਇਸ਼ੁਮਾਰੀ (ਜਨਮਤ ਸੰਗ੍ਰਹਿ) ਦੀ ਪੈਰਵੀ ਕਰਨ ਲਈ ਸਮੂਹ ਨੂੰ ਚਾਰ ਮਹੀਨਿਆਂ ਦਾ ਸਮਾਂ ਦਿੱਤਾ ਗਿਆ ਹੈ। ਅਗਲੇ ਮਹੀਨੇ ਦੇ ਸ਼ੁਰੂ ਵਿੱਚ ਇੱਕ ਮੁੱਖ ਵਿੱਤੀ ਅਧਿਕਾਰੀ (CFO) ਦੀ ਨਿਯੁਕਤੀ ਕੀਤੀ ਜਾਵੇਗੀ, ਜਿਸ ਤੋਂ ਬਾਅਦ ਸਹਾਇਕ ਦਸਤਖਤ ਇਕੱਠੇ ਕਰਨ ਦੀ ਪ੍ਰਕਿਰਿਆ ਸ਼ੁਰੂ ਹੋਵੇਗੀ। ਜਨਮਤ ਸੰਗ੍ਰਹਿ ਤੱਕ ਪਹੁੰਚਣ ਲਈ ਸਮੂਹ ਨੂੰ ਘੱਟੋ-ਘੱਟ 178,000 ਦਸਤਖਤਾਂ ਦੀ ਜ਼ਰੂਰਤ ਹੋਵੇਗੀ। ਮੁੱਖ ਕਾਰਜਕਾਰੀ ਅਧਿਕਾਰੀ ਮਿਚ ਸਿਲਵੈਸਟਰ ਨੇ ਦਾਅਵਾ ਕੀਤਾ ਹੈ ਕਿ ਉਨ੍ਹਾਂ ਕੋਲ ਪਹਿਲਾਂ ਹੀ 240,000 ਲੋਕਾਂ ਨੇ ਦਸਤਖਤ ਕਰਨ ਦਾ ਵਾਅਦਾ ਕੀਤਾ ਹੋਇਆ ਹੈ।
ਕਾਨੂੰਨੀ ਅੜਚਨਾਂ ਤੇ 'ਸਪੱਸ਼ਟਤਾ ਐਕਟ'
ਦੱਸਣਯੋਗ ਹੈ ਕਿ ਇਸ ਸਵਾਲ ਨੂੰ ਕਾਨੂੰਨੀ ਤੌਰ 'ਤੇ ਸਹੀ ਬਣਾਉਣ ਲਈ ਕਾਫੀ ਮਿਹਨਤ ਕਰਨੀ ਪਈ ਹੈ। 'ਸੰਖੀ ਸਪਸ਼ਟਤਾ ਐਕਟ' (Clarity Act) ਦੀਆਂ ਸ਼ਰਤਾਂ ਮੁਤਾਬਕ ਭਾਸ਼ਾ ਨੂੰ ਦੁਬਾਰਾ ਤਿਆਰ ਕੀਤਾ ਗਿਆ ਤਾਂ ਜੋ ਕੋਈ ਕਾਨੂੰਨੀ ਅੜਚਨ ਨਾ ਆਵੇ। ਪਿਛਲੇ ਜੁਲਾਈ ਵਿੱਚ ਇਸ ਸਵਾਲ ਦੀ ਸੰਵਿਧਾਨਕਤਾ ਦੀ ਜਾਂਚ ਲਈ ਮਾਮਲਾ ਕੋਰਟ ਆਫ ਕਿੰਗਜ਼ ਬੈਂਚ ਕੋਲ ਵੀ ਭੇਜਿਆ ਗਿਆ ਸੀ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
Whatsapp Channel: https://whatsapp.com/channel/0029Va94hsaHAdNVur4L170e
ਇਜ਼ਰਾਈਲ 'ਚ ਮੁੜ ਖੂਨੀ ਖੇਡ ! ਫਲਸਤੀਨੀ ਹਮਲਾਵਰ ਨੇ ਲੋਕਾਂ 'ਤੇ ਚੜ੍ਹਾਈ ਕਾਰ, ਫਿਰ ਚਾਕੂ ਮਾਰ-ਮਾਰ ਕੇ...
NEXT STORY 
