ਚੇਨਈ- ਭਾਰਤੀ ਪੁਲਾੜ ਖੋਜ ਸੰਗਠਨ (ਇਸਰੋ) ਨੇ ਮਨੁੱਖੀ ਪੁਲਾੜ ਮਿਸ਼ਨ ਲਈ ਸ਼੍ਰੀਹਰੀਕੋਟਾ 'ਚ ਸ਼ੁੱਕਰਵਾਰ ਨੂੰ ਪੈਰਾਸ਼ੂਟ ਸਿਸਟਮ ਦਾ ਸਫਲਤਾਪੂਰਵਕ ਟੈਸਟ ਕੀਤਾ। ਇਹ ਟੈਸਟ (ਇੰਟੀਗ੍ਰੇਟੇਡ ਏਅਰ ਡ੍ਰਾਪ ਟੈਸਟ) ਇਹ ਯਕੀਨੀ ਕਰਨ ਲਈ ਸੀ ਕਿ ਜਦੋਂ ਸਾਡੇ ਪੁਲਾੜ ਯਾਤਰੀ ਪੁਲਾੜ ਤੋਂ ਵਾਪਸ ਆਉਣ ਤਾਂ ਉਨ੍ਹਾਂ ਦਾ ਯਾਨ ਸੁਰੱਖਿਅਤ ਤਰੀਕੇ ਨਾਲ ਸਮੁੰਦਰ 'ਚ ਉਤਰੇ। ਇਸ ਖਾਸ ਟੈਸਟ ਲਈ ਭਾਰਤੀ ਹਵਾਈ ਫੌਜ ਦੇ 'ਚਿਨੂਕ' ਹੈਲੀਕਾਪਟਰ ਦੀ ਮਦਦ ਲਈ ਗਈ। ਹੈਲੀਕਾਪਟਰ ਨੇ ਗਗਨਯਾਨ ਦੇ 'ਕਰੂ ਮਾਡਿਊਲ' ਵਰਗੇ ਦਿੱਸਣ ਵਾਲੇ 5,700 ਕਿਲੋਗ੍ਰਾਮ ਦੇ ਇਕ ਭਾਰੀ ਢਾਂਚੇ ਨੂੰ ਹਵਾ 'ਚ ਕਰੀਬ ਤਿੰਨ ਕਿਲੋਮੀਟਰ ਦੀ ਉੱਚਾਈ ਤੱਕ ਚੁੱਕਿਆ ਅਤੇ ਉੱਥੋਂ ਸਮੁੰਦਰ 'ਚ ਛੱਡ ਦਿੱਤਾ। ਜਿਵੇਂ ਹੀ ਇਹ ਮਾਡਿਊਲ ਹੇਠਾਂ ਡਿੱਗਣ ਲੱਗਾ, ਇਕ-ਇਕ ਕਰ ਕੇ 10 ਪੈਰਾਸ਼ੂਟ ਇਕ ਤੈਅ ਕ੍ਰਮ 'ਚ ਖੁੱਲ੍ਹੇ। ਇਨ੍ਹਾਂ ਪੈਰਾਸ਼ੂਟਾਂ ਨੇ ਮਾਡਿਊਲ ਦੀ ਡਿੱਗਣ ਦੀ ਰਫਤਾਰ ਨੂੰ ਇੰਨਾ ਘੱਟ ਕਰ ਦਿੱਤਾ ਕਿ ਉਹ ਬਹੁਤ ਹੀ ਆਰਾਮ ਨਾਲ ਸਮੁੰਦਰ ਦੇ ਪਾਣੀ ਨਾਲ ਟਕਰਾਇਆ। ਇਸ ਤੋਂ ਬਾਅਦ ਭਾਰਤੀ ਜਲ ਸੈਨਾ ਦੀ ਮਦਦ ਨਾਲ ਮਾਡਿਊਲ ਨੂੰ ਸੁਰੱਖਿਅਤ ਬਾਹਰ ਕੱਢ ਲਿਆ ਗਿਆ।
ਦੱਸਣਯੋਗ ਹੈ ਕਿ ਜਦੋਂ ਪੁਲਾੜ ਯਾਤਰੀ ਆਪਣੀ ਯਾਤਰਾ ਪੂਰੀ ਕਰ ਕੇ ਵਾਪਸ ਧਰਤੀ 'ਤੇ ਆਉਂਦੇ ਹਨ ਤਾਂ ਉਨ੍ਹਾਂ ਦਾ ਯਾਨ ਬਹੁਤ ਤੇਜ਼ ਰਫਤਾਰ ਨਾਲ ਹੇਠਾਂ ਆਉਂਦਾ ਹੈ। ਜੇਕਰ ਉਸ ਦੀ ਰਫ਼ਤਾਰ ਘੱਟ ਨਾ ਕੀਤੀ ਜਾਵੇ ਤਾਂ ਟਕਰਾਉਣ ਨਾਲ ਵੱਡਾ ਹਾਦਸਾ ਹੋ ਸਕਦਾ ਹੈ। ਅੱਜ ਦੇ ਟੈਸਟ ਨੇ ਇਹ ਸਾਬਤ ਕਰ ਦਿੱਤਾ ਕਿ ਇਸਰੋ ਦੇ ਬਣਾਏ ਪੈਰਾਸ਼ੂਟ ਸਿਸਟਮ ਪੁਲਾੜ ਯਾਤਰੀਆਂ ਦੀ ਸੁਰੱਖਿਅਤ ਵਾਪਸੀ ਕਰਵਾਉਣ 'ਚ ਪੂਰੀ ਤਰ੍ਹਾਂ ਸਮਰੱਥ ਹੈ। ਗਗਨਯਾਨ ਮਿਸ਼ਨ ਦੇ ਅਧੀਨ ਭਾਰਤ ਦਾ ਟੀਚਾ ਤਿੰਨ ਪੁਲਾੜ ਯਾਤਰੀਆਂ ਨੂੰ ਧਰਤੀ ਤੋਂ 400 ਕਿਲੋਮੀਟਰ ਉੱਪਰ ਪੁਲਾੜ 'ਚ ਭੇਜਣਾ ਹੈ। ਇਹ ਯਾਤਰੀ ਉੱਥੇ ਤਿੰਨ ਦਿਨ ਬਿਤਾਉਣਗੇ ਅਤੇ ਫਿਰ ਉਨ੍ਹਾਂ ਨੂੰ ਸੁਰੱਖਿਅਤ ਵਾਪਸ ਧਰਤੀ 'ਤੇ ਲਿਆਂਦਾ ਜਾਵੇਗਾ। ਇਸ ਮਿਸ਼ਨ ਲਈ ਇਸਰੋ ਨੇ 'ਐੱਲਵੀਐੱਮ-3' ਨਾਂ ਦਾ ਇਕ ਤਾਕਤਵਰ ਰਾਕੇਟ ਤਿਆਰ ਕੀਤਾ ਹੈ, ਜਿਸ ਨੂੰ ਇਨਸਾਨਾਂ ਨੂੰ ਲਿਜਾਉਣ ਦੇ ਹਿਸਾਬ ਨਾਲ ਖਾਸ ਤੌਰ 'ਤੇ ਸੁਰੱਖਿਅਤ ਬਣਾਇਆ ਗਿਆ ਹੈ। ਇਸਰੋ ਦੇ ਵਿਗਿਆਨੀਆਂ ਦੇ ਨਾਲ-ਨਾਲ ਇਸ ਮਿਸ਼ਨ 'ਚ ਭਾਰਤੀ ਹਵਾਈ ਫੌਜ, ਜਲ ਸੈਨਾ ਅਤੇ ਡੀਆਰਡੀਓ ਵੀ ਮੋਢੇ ਨਾਲ ਮੋਢਾ ਮਿਲਾ ਕੇ ਕੰਮ ਕਰ ਰਹੇ ਹਨ। ਅੱਜ ਦੀ ਸਫਲਤਾ ਨੇ ਭਾਰਤ ਨੂੰ ਆਪਣੇ ਪਹਿਲੇ ਮਨੁੱਖੀ ਪੁਲਾੜ ਮਿਸ਼ਨ ਦੇ ਕਰੀਬ ਪਹੁੰਚ ਦਿੱਤਾ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਸਤਲੋਕ ਆਸ਼ਰਮ ਮਾਮਲਾ: ਰਾਮਪਾਲ 11 ਸਾਲ ਬਾਅਦ ਹਿਸਾਰ ਜੇਲ੍ਹ ਤੋਂ ਰਿਹਾਅ
NEXT STORY 
