ਨਵੀਂ ਦਿੱਲੀ— ਭਾਰਤੀ ਪੁਲਾੜ ਖੋਜ ਸੰਗਠਨ (ਇਸਰੋ) ਦੇ ਮੁਖੀ ਕੇ. ਸਿਵਾਨ ਨੇ ਕਿਹਾ ਕਿ ਅਸੀਂ ਪਹਿਲਾਂ ਹੀ ਵਿਕਰਮ ਲੈਂਡਰ ਨੂੰ ਲੱਭ ਲਿਆ ਸੀ। ਸਿਵਾਨ ਨੇ ਕਿਹਾ,''ਨਾਸਾ ਤੋਂ ਪਹਿਲਾਂ ਸਾਡੇ ਆਰਬਿਟਰ ਨੇ ਲੈਂਡਰ ਨੂੰ ਲੱਭਿਆ ਸੀ ਅਤੇ ਇਸ ਦੀ ਜਾਣਕਾਰੀ ਅਸੀਂ ਆਪਣੀ ਵੈੱਬਸਾਈਟ 'ਤੇ ਵੀ ਪਾਈ ਸੀ। ਤੁਸੀਂ ਉੱਥੇ ਜਾ ਕੇ ਦੇਖ ਸਕਦੇ ਹੋ। ਦੱਸਣਯੋਗ ਹੈ ਕਿ 2 ਦਿਨ ਪਹਿਲਾਂ ਨਾਸਾ ਨੇ ਕਿਹਾ ਸੀ ਕਿ ਉਸ ਨੂੰ ਭਾਰਤੀ ਚੰਦਰਯਾਨ-2 ਵਿਕਰਮ ਲੈਂਡਰ ਦਾ ਮਲਬਾ ਮਿਲਿਆ ਹੈ। ਇਸ ਜਗ੍ਹਾ ਦਾ ਪਤਾ ਸ਼ਨਗੁਮਾ ਸੁਬਰਮਣੀਅਮ ਨੇ ਲਗਾਇਆ, ਜਿਨ੍ਹਾਂ ਨੇ ਖੁਦ ਲੂਨਰ ਰਿਕਨਾਈਸਾਂਸ ਆਰਬਿਟਲ ਕੈਮਰਾ (ਐੱਲ.ਆਰ.ਓ.ਸੀ.) ਤੋਂ ਤਸਵੀਰਾਂ ਡਾਊਨਲੋਡ ਕੀਤੀਆਂ। ਇਸ ਦੀ ਪੁਸ਼ਟੀ ਨਾਸਾ ਅਤੇ ਏਰੀਜੋਨਾ ਸਟੇਟ ਯੂਨੀਵਰਸਿਟੀ ਨੇ ਸੋਮਵਾਰ ਨੂੰ ਕੀਤੀ।
ਲੈਂਡਰ ਵਿਕਰਮ ਦਾ ਇਸਰੋ ਨਾਲ ਸੰਪਰਕ ਟੁੱਟਿਆ ਸੀ
ਨਾਸਾ ਨੇ ਕਿਹਾ ਸੀ ਕਿ ਪਹਿਲੀ ਧੁੰਦਲੀ ਤਸਵੀਰ ਹਾਦਸੇ ਦੀ ਹੋ ਸਕਦੀ ਹੈ, ਜੋ ਐੱਲ.ਆਰ.ਓ.ਸੀ. ਰਾਹੀਂ 17 ਸਤੰਬਰ ਨੂੰ ਲਈਆਂ ਗਈਆਂ ਤਸਵੀਰਾਂ ਤੋਂ ਬਣਾਈ ਗਈ ਹੈ। ਕਈ ਲੋਕਾਂ ਨੇ ਵਿਕਰਮ ਬਾਰੇ ਜਾਣਨ ਲਈ ਇਸ ਤਸਵੀਰ ਨੂੰ ਡਾਊਨਲੋਡ ਕੀਤਾ। ਨਾਸਾ ਨੇ ਕਿਹਾ ਕਿ ਉਨ੍ਹਾਂ 'ਚੋਂ ਇਕ ਸੁਬਰਾਮਣੀਅਮ ਨੇ ਮਲਬੇ ਦੀ ਸਕਾਰਾਤਮਕ ਪਛਾਣ ਨਾਲ ਐੱਲ.ਆਰ.ਓ.ਸੀ. ਪ੍ਰਾਜੈਕਟ ਨਾਲ ਸੰਪਰਕ ਕੀਤਾ। ਐੱਲ.ਆਰ.ਓ.ਸੀ. ਏਰੀਜੋਨਾ ਸਟੇਟ ਯੂਨੀਵਰਸਿਟੀ (ਏ.ਐੱਸ.ਯੂ.) 'ਚ ਸਥਿਤ ਹੈ। 6 ਸਤੰਬਰ ਨੂੰ ਚੰਦਰਯਾਨ-2 ਤੋਂ ਲਾਂਚਿੰਗ ਤੋਂ ਬਾਅਦ ਚੰਨ ਦੇ ਦੱਖਣੀ ਧਰੁਵ 'ਤੇ ਸਾਫਟ ਲੈਂਡਿੰਗ ਕਰਨ ਦੀ ਕੋਸ਼ਿਸ਼ ਦੌਰਾਨ ਲੈਂਡਰ ਵਿਕਰਮ ਦਾ ਇਸਰੋ ਨਾਲ ਸੰਪਰਕ ਟੁੱਟ ਗਿਆ ਸੀ।
ਸ਼ਰਦ ਪਵਾਰ ਨੇ ਕੀਤਾ ਇਕ ਹੋਰ ਖੁਲਾਸਾ, ਅਜੀਤ-ਫੜਨਵੀਸ ਦੀ ਗੱਲਬਾਤ ਬਾਰੇ ਪਤਾ ਸੀ
NEXT STORY