ਜੰਮੂ— ਜੰਮੂ 'ਚ ਆਯੋਜਿਤ ਝੀਰੀ ਦੇ ਮੇਲੇ 'ਚ ਬੁੱਧਵਾਰ ਨੂੰ ਲੋਕਾਂ ਨੇ ਆਸਥਾ ਦੀ ਡੁੱਬਕੀ ਲਗਾਈ। ਮੇਲੇ 'ਚ ਲੋਕਾਂ ਨੇ ਵੱਧ-ਚੜ੍ਹ ਕੇ ਹਿੱਸਾ ਲਿਆ। ਇਸ ਦੌਰਾਨ ਕੁਝ ਔਰਤਾਂ ਆਸਥਾ 'ਚ ਝੂਮਦੀਆਂ ਨਜ਼ਰ ਆਈਆਂ। ਇਥੇ ਬਣੇ ਤਲਾਬ 'ਚ ਔਰਤਾਂ ਲੋਹੇ ਦੀ ਚੇਨ ਨਾਲ ਇਸ਼ਨਾਨ ਕਰਦੀਆਂ ਹਨ। ਮੰਨਿਆ ਜਾਂਦਾ ਹੈ ਕਿ ਅਜਿਹਾ ਕਰਨ ਦੇ ਨਾਲ ਜ਼ਮੀਨ ਅਤੇ ਫਸਲ ਖੂਬ ਫਲਦੀ-ਫੂਲਦੀ ਹੈ। ਝੀਰੀ ਦਾ ਮੇਲਾ ਜੀਤੂ ਬਾਬਾ ਦੀ ਸ਼ਹਾਦਤ ਦੀ ਯਾਦ 'ਚ ਹਰ ਸਾਲ ਆਯੋਜਿਤ ਕੀਤਾ ਜਾਂਦਾ ਹੈ। ਬਾਬਾ ਜੀਤੂ ਝੀਰੀ ਇਕ ਸਰਲ ਅਤੇ ਈਮਾਨਦਾਰ ਕਿਸਾਨ ਸਨ, ਜਿਨ੍ਹਾਂ ਨੇ ਸਥਾਨਕ ਜਿਮੀਂਦਾਰ ਦੇ ਸਾਹਮਣੇ ਆਪਣੀ ਮਿਹਨਤ ਦੀ ਉਪਜੀ ਫਸਲ ਨੂੰ ਵੰਡਣ ਨਾਲ ਮਨ੍ਹਾ ਕਰ ਦਿੱਤਾ ਸੀ ਅਤੇ ਅੱਤਿਆਚਾਰਾਂ ਦੇ ਖਿਲਾਫ ਵਿਰੋਧ ਦੇ ਰੂਪ 'ਚ ਖੁਦ ਨੂੰ ਝੀਰੀ ਪਿੰਡ 'ਚ ਮਾਰ ਦਿੱਤਾ ਸੀ। ਝੀਰੀ ਪਿੰਡ ਜੰਮੂ ਸ਼ਹਿਰ ਤੋਂ ਲਗਭਗ 15 ਕਿਲੋਮੀਟਰ ਦੂਰ ਹੈ। ਇਥੇ ਬਾਬਾ ਅਤੇ ਉਨ੍ਹਾਂ ਦੇ ਭਗਤਾਂ ਦੀ ਮਾਨਤਾ ਦੀਆਂ ਕਈ ਕਹਾਣੀਆਂ ਪ੍ਰਚਲਿਤ ਹਨ, ਜਿਨ੍ਹਾਂ ਨੂੰ ਮੰਨ ਕੇ ਉੱਤਰ ਭਾਰਤ ਦੇ ਲੋਕ ਇਥੇ ਆਉਂਦੇ ਹਨ।
ਇਸ ਸਹੁਰੇ ਪਰਿਵਾਰ ਨੇ ਪੇਸ਼ ਕੀਤੀ ਅਨੋਖੀ ਮਿਸਾਲ, ਪੜ੍ਹ ਕੇ ਤੁਸੀਂ ਵੀ ਕਰੋਗੇ ਵਾਹ-ਵਾਹ
NEXT STORY