ਬੈਂਗਲੁਰੂ : ਕਰਨਾਟਕ ਦੇ ਕੁੰਦਾਪੁਰ 'ਚ ਬੁੱਧਵਾਰ ਰਾਤ ਨੂੰ ਇਕ ਮੈਡੀਕਲ ਵਿਦਿਆਰਥੀ ਨੇ ਕਥਿਤ ਤੌਰ 'ਤੇ ਛੱਪੜ 'ਚ ਛਾਲ ਮਾਰ ਕੇ ਖੁਦਕੁਸ਼ੀ ਕਰ ਲਈ। ਪੁਲਸ ਸੂਤਰਾਂ ਨੇ ਇਹ ਜਾਣਕਾਰੀ ਦਿੱਤੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਨੌਜਵਾਨ ਸਰਜਰੀ 'ਚ ਪੋਸਟ ਗ੍ਰੈਜੂਏਟ (ਐੱਮਐੱਸ) ਦੀ ਪ੍ਰੀਖਿਆ ਦੀ ਤਿਆਰੀ ਕਰ ਰਿਹਾ ਸੀ। ਪੁਲਸ ਸੂਤਰਾਂ ਨੇ ਦੱਸਿਆ ਕਿ ਮ੍ਰਿਤਕ ਦੀ ਪਛਾਣ ਗੌਰੀਸ਼ ਗਨੀਗਾ (28) ਵਜੋਂ ਹੋਈ ਹੈ, ਜੋ ਕਿ ਹੰਗਲੂਰ ਪੰਚਾਇਤ ਦਾ ਰਹਿਣ ਵਾਲਾ ਸੀ।
ਸੂਤਰਾਂ ਅਨੁਸਾਰ ਗੌਰੀਸ਼ ਨੇ ਐੱਮਬੀਬੀਐੱਸ ਕਰਨ ਤੋਂ ਬਾਅਦ ਕੁੰਡਾਪੁਰ ਦੇ ਸਰਕਾਰੀ ਹਸਪਤਾਲ ਵਿੱਚ ਪ੍ਰੈਕਟਿਸ ਸ਼ੁਰੂ ਕੀਤੀ ਸੀ ਅਤੇ ਹਾਲ ਹੀ ਵਿੱਚ ਐੱਮਐੱਸ ਦੀ ਪ੍ਰਵੇਸ਼ ਪ੍ਰੀਖਿਆ ਦਿੱਤੀ ਸੀ ਪਰ ਉਹ ਪਿਛਲੇ ਕੁਝ ਦਿਨਾਂ ਤੋਂ ਤਣਾਅ ਵਿੱਚ ਸੀ। ਸੂਤਰਾਂ ਦਾ ਕਹਿਣਾ ਹੈ ਕਿ ਗੌਰੀਸ਼ ਬੁੱਧਵਾਰ ਸ਼ਾਮ ਨੂੰ ਘਰੋਂ ਲਾਪਤਾ ਹੋ ਗਿਆ ਸੀ। ਪਰਿਵਾਰਕ ਮੈਂਬਰਾਂ ਨੇ ਉਸ ਦੀ ਕਾਫੀ ਭਾਲ ਕੀਤੀ ਪਰ ਕੁਝ ਪਤਾ ਨਹੀਂ ਲੱਗਾ। ਬਾਅਦ 'ਚ ਪਰਿਵਾਰਕ ਮੈਂਬਰਾਂ ਨੇ ਪੁਲਸ ਕੋਲ ਗੁੰਮਸ਼ੁਦਗੀ ਦੀ ਰਿਪੋਰਟ ਦਰਜ ਕਰਵਾਈ।
ਸੂਤਰਾਂ ਮੁਤਾਬਕ ਜਦੋਂ ਪੁਲਸ ਨੇ ਗੌਰੀਸ਼ ਦੇ ਮੋਬਾਇਲ ਫੋਨ ਦਾ ਪਤਾ ਲਗਾਇਆ ਤਾਂ ਉਹ ਜਗ੍ਹਾ ਕੋਟੇਸ਼ਵਰ ਤਲਾਬ ਦਾ ਪਤਾ ਲੱਗਾ। ਜਦੋਂ ਪਰਿਵਾਰ ਅਤੇ ਸਥਾਨਕ ਲੋਕ ਛੱਪੜ 'ਤੇ ਪਹੁੰਚੇ ਤਾਂ ਉਨ੍ਹਾਂ ਦੀ ਬਾਈਕ ਮੰਦਰ ਦੇ ਕੋਲ ਖੜ੍ਹੀ ਪਈ ਮਿਲੀ, ਜਦੋਂ ਕਿ ਮੋਬਾਈਲ ਫੋਨ ਅਤੇ ਜੁੱਤੇ ਛੱਪੜ ਦੇ ਕੰਢੇ ਪਏ ਸਨ। ਦੇਰ ਰਾਤ ਹੋਣ ਕਾਰਨ ਤਲਾਬ ਦੀ ਤਲਾਸ਼ੀ ਨਹੀਂ ਹੋ ਸਕੀ। ਵੀਰਵਾਰ ਸਵੇਰੇ ਉਸ ਦੀ ਲਾਸ਼ ਤਲਾਬ 'ਚ ਤੈਰਦੀ ਮਿਲੀ।
ਲਾਰੈਂਸ ਬਿਸ਼ਨੋਈ ਲਿਆਇਆ ਗੇਮਿੰਗ ਐੱਪ, ਜੇਲ 'ਚ ਬੈਠ ਦੁਬਈ ਤੋਂ ਚਲਾਉਂਦਾ ਧੰਦਾ
NEXT STORY 
