ਨੈਸ਼ਨਲ ਡੈਸਕ : ਤਿਰੂਵਨੰਤਪੁਰਮ ਤੋਂ ਨਵੀਂ ਦਿੱਲੀ ਜਾ ਰਹੀ ਕੇਰਲ ਐਕਸਪ੍ਰੈੱਸ ਵੱਡੇ ਹਾਦਸੇ ਦਾ ਸ਼ਿਕਾਰ ਹੋਣ ਤੋਂ ਵਾਲ-ਵਾਲ ਬਚੀ ਹੈ। ਰੇਲਵੇ ਪ੍ਰਸ਼ਾਸਨ ਦੀ ਗਲਤੀ ਕਾਰਨ ਲਲਿਤਪੁਰ ਨੇੜੇ ਟੁੱਟੇ ਟ੍ਰੈਕ 'ਤੇ ਟਰੇਨ ਚਲਾ ਦਿੱਤੀ ਗਈ। ਟ੍ਰੈਕ 'ਤੇ ਕੰਮ ਕਰ ਰਹੇ ਰੇਲਵੇ ਕਰਮਚਾਰੀਆਂ ਨੇ ਟਰੇਨ ਨੂੰ ਰੋਕਣ ਲਈ ਲਾਲ ਝੰਡੀ ਦਿਖਾਈ ਪਰ ਉਦੋਂ ਤੱਕ ਟਰੇਨ ਦੇ ਤਿੰਨ ਡੱਬੇ ਟੁੱਟੇ ਟ੍ਰੈਕ ਤੋਂ ਅੱਗੇ ਜਾ ਚੁੱਕੇ ਸਨ। ਜਦੋਂ ਟਰੇਨ ਝਾਂਸੀ ਪਹੁੰਚੀ ਤਾਂ ਯਾਤਰੀਆਂ ਨੇ ਹੰਗਾਮਾ ਕਰ ਦਿੱਤਾ।
ਰੇਲਗੱਡੀ ਨੰਬਰ 12625 ਕੇਰਲ ਐਕਸਪ੍ਰੈੱਸ, ਜੋ ਨਿਰਧਾਰਤ ਸਮੇਂ ਤੋਂ 10 ਘੰਟੇ ਦੇਰੀ ਨਾਲ ਚੱਲ ਰਹੀ ਸੀ, ਬੀਨਾ ਦੁਪਹਿਰ 2 ਵਜੇ ਪਹੁੰਚੀ। ਇੱਥੇ ਰੇਲਵੇ ਕਰਮਚਾਰੀ ਟ੍ਰੈਕ ਦੀ ਮੁਰੰਮਤ ਦਾ ਕੰਮ ਕਰ ਰਹੇ ਸਨ ਜਦੋਂ ਦਿਲਵਾੜਾ ਅਤੇ ਲਲਿਤਪੁਰ ਵਿਚਕਾਰ ਟ੍ਰੈਕ ਟੁੱਟ ਗਿਆ। ਇਸ ਦੌਰਾਨ ਕੇਰਲ ਐਕਸਪ੍ਰੈਸ ਤੇਜ਼ ਰਫਤਾਰ ਨਾਲ ਉੱਥੇ ਪਹੁੰਚ ਗਈ। ਇੱਥੇ ਕੰਮ ਕਰ ਰਹੇ ਰੇਲਵੇ ਕਰਮਚਾਰੀਆਂ ਨੇ ਲਾਲ ਝੰਡਾ ਦਿਖਾ ਕੇ ਟਰੇਨ ਨੂੰ ਰੋਕਣ ਦੀ ਕੋਸ਼ਿਸ਼ ਕੀਤੀ ਪਰ ਟਰੇਨ ਨਹੀਂ ਰੁਕੀ। ਇਸ ਤੋਂ ਬਾਅਦ ਰੇਲਵੇ ਕਰਮਚਾਰੀ ਟ੍ਰੈਕ ਛੱਡ ਕੇ ਭੱਜ ਗਏ।
ਉਸੇ ਸਮੇਂ, ਜਦੋਂ ਟਰੇਨ ਡਰਾਈਵਰ ਨੇ ਲਾਲ ਝੰਡਾ ਦੇਖਿਆ ਤਾਂ ਉਸਨੇ ਐਮਰਜੈਂਸੀ ਬ੍ਰੇਕ ਲਗਾ ਦਿੱਤੀ। ਪਰ ਉਦੋਂ ਤੱਕ ਟਰੇਨ ਦੇ ਤਿੰਨ ਡੱਬੇ ਟੁੱਟੇ ਟ੍ਰੈਕ ਤੋਂ ਅੱਗੇ ਜਾ ਚੁੱਕੇ ਸਨ। ਅਚਾਨਕ ਬ੍ਰੇਕ ਲੱਗਣ ਕਾਰਨ ਟਰੇਨ 'ਚ ਜ਼ੋਰਦਾਰ ਝਟਕਾ ਲੱਗਾ, ਜਿਸ ਕਾਰਨ ਯਾਤਰੀਆਂ 'ਚ ਹੜਕੰਪ ਮਚ ਗਿਆ। ਇਸ ਤੋਂ ਬਾਅਦ ਯਾਤਰੀਆਂ ਨੇ ਹੰਗਾਮਾ ਕਰ ਦਿੱਤਾ ਅਤੇ ਰੇਲਵੇ ਖਿਲਾਫ ਨਾਅਰੇਬਾਜ਼ੀ ਸ਼ੁਰੂ ਕਰ ਦਿੱਤੀ। ਖੁਸ਼ਕਿਸਮਤੀ ਰਹੀ ਕਿ ਇਸ ਹਾਦਸੇ ਵਿੱਚ ਕਿਸੇ ਨੂੰ ਕੋਈ ਨੁਕਸਾਨ ਨਹੀਂ ਪਹੁੰਚਿਆ। ਪਰ ਜਦੋਂ ਟਰੇਨ ਸ਼ਾਮ 5 ਵਜੇ ਝਾਂਸੀ ਪਹੁੰਚੀ ਤਾਂ ਯਾਤਰੀਆਂ ਨੇ ਰੇਲਵੇ ਪ੍ਰਸ਼ਾਸਨ ਖਿਲਾਫ ਨਾਅਰੇਬਾਜ਼ੀ ਕੀਤੀ। ਆਰਪੀਐੱਫ ਨੇ ਮੌਕੇ 'ਤੇ ਪਹੁੰਚ ਕੇ ਕਿਸੇ ਤਰ੍ਹਾਂ ਯਾਤਰੀਆਂ ਨੂੰ ਸ਼ਾਂਤ ਕੀਤਾ ਅਤੇ ਟਰੇਨ ਨੂੰ ਰਵਾਨਾ ਕੀਤਾ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਦੀਵਾਲੀ-ਛੱਠ ਪੂਜਾ ਦੌਰਾਨ ਰੇਲ ਗੱਡੀ 'ਚ ਸਫ਼ਰ ਕਰਨ ਵਾਲੇ ਯਾਤਰੀ ਜ਼ਰੂਰ ਪੜ੍ਹਨ ਇਹ ਖ਼ਬਰ
NEXT STORY 
