ਨੈਸ਼ਨਲ ਡੈਸਕ/ਜਲੰਧਰ (ਏਜੰਸੀ)- ਮਹਾਰਾਸ਼ਟਰ ਦੇ ਪੁਣੇ 'ਚ ਹੋਏ ਕੇਤਨ ਅਗਰਵਾਲ ਕਤਲ ਕੇਸ ਤੋਂ ਬਾਅਦ ਪ੍ਰੇਮ ਸਬੰਧਾਂ 'ਚ ਵਧ ਰਹੇ ਹਿੰਸਕ ਅਪਰਾਧਾਂ ਬਾਰੇ ਚੁੱਕੇ ਜਾ ਰਹੇ ਗੰਭੀਰ ਸਵਾਲਾਂ ਦੇ ਵਿਚਕਾਰ, ਰਾਸ਼ਟਰੀ ਮਾਨਸਿਕ ਸਿਹਤ ਪ੍ਰੋਗਰਾਮ ਦੇ ਸਲਾਹਕਾਰ ਅਤੇ ਆਫ਼ਤ ਮਾਨਸਿਕ ਸਿਹਤ ਮਾਹਰ ਡਾ. ਨਰੇਸ਼ ਪੁਰੋਹਿਤ ਦਾ ਕਹਿਣਾ ਹੈ ਕਿ ਅਜਿਹੇ ਮਾਮਲਿਆਂ ਦੀ ਜੜ੍ਹ ਸਿਰਫ਼ ਪਿਆਰ ਨਹੀਂ ਹੈ, ਸਗੋਂ ਸਮਾਜਿਕ ਦਬਾਅ, ਅਸੁਰੱਖਿਆ, ਅਸਵੀਕਾਰ ਦਾ ਡਰ, ਦੋਹਰੀ ਜ਼ਿੰਦਗੀ ਅਤੇ ਭਾਵਨਾਤਮਕ ਅਸਥਿਰਤਾ ਵਰਗੀਆਂ ਗੁੰਝਲਦਾਰ ਮਨੋਵਿਗਿਆਨਕ ਸਥਿਤੀਆਂ ਹਨ।
ਕੁਝ ਲੋਕ ਸੱਚ ਸਵੀਕਾਰ ਕਰਨ ਦੀ ਬਜਾਏ ਝੂਠ ਤੇ ਹਿੰਸਾ ਦਾ ਰਸਤਾ ਚੁਣਦੇ ਹਨ
ਡਾ. ਪੁਰੋਹਿਤ ਨੇ ਸ਼ਨੀਵਾਰ ਨੂੰ ਇਕ ਬਿਆਨ 'ਚ ਕਿਹਾ ਕਿ ਹਾਲ ਦੇ ਸਾਲਾਂ 'ਚ ਰਾਜਾ ਰਘੂਵੰਸ਼ੀ ਕਤਲਤਾਂਡ, ਮੇਰਠ 'ਚ ਚਰਚਿਤ ਨੀਲਾ ਡਰੱਗ ਕਤਲਕਾਂਡ ਅਤੇ ਹੁਣ ਪੁਣੇ 'ਚ ਕੇਤਨ ਅਗਰਵਾਲ ਕਤਲਕਾਂਡ ਵਰਗੇ ਮਾਮਲਿਆਂ ਨੇ ਇਹ ਸੋਚਣ 'ਤੇ ਮਜਬੂਰ ਕਰ ਦਿੱਤਾ ਹੈ ਕਿ ਰਿਸ਼ਤਾ ਖਤਮ ਕਰਨ ਦੀ ਬਜਾਏ ਕੁਝ ਲੋਕ ਅਪਰਾਧ ਦਾ ਰਸਤਾ ਕਿਉਂ ਚੁਣ ਲੈਂਦੇ ਹਨ। ਉਨ੍ਹਾਂ ਕਿਹਾ ਕਿ ਭਾਰਤੀ ਸਮਾਜ 'ਚ ਰਿਸ਼ਤਿਆਂ ਅਤੇ ਵਿਆਹ ਨੂੰ ਲੈ ਕੇ ਸਮਾਜਿਕ ਉਮੀਦਾਂ ਬਹੁਤ ਮਜ਼ਬੂਤ ਹਨ। ਕਈ ਵਾਰ ਲੋਕ ਰਿਸ਼ਤਾ ਟੁੱਟਣ ਜਾਂ ਸਗਾਈ ਖਤਮ ਹੋਣ ਨੂੰ ਆਪਣੀ ਸਮਮਾਜਿਕ ਸਥਿਤੀ ਨਾਲ ਜੋੜ ਲੈਂਦੇ ਹਨ। ਅਜਿਹੇ 'ਚ ਕੁਝ ਲੋਕ ਸੱਚ ਸਵੀਕਾਰ ਕਰਨ ਜਾਂ ਵੱਖ ਹੋਣ ਦੀ ਬਜਾਏ ਝੂਠ ਅਤੇ ਹਿੰਸਾ ਦਾ ਰਸਤਾ ਚੁਣ ਲੈਂਦੇ ਹਨ।
ਸਭ ਕੁਝ ਜਾਂ ਕੁਝ ਵੀ ਨਹੀਂ ਵਰਗੀ ਮਾਨਸਿਕਤਾ ਹੋ ਜਾਂਦੀ ਹੈ ਵਿਕਸਿਤ
ਮਾਨਸਿਕ ਸਿਹਤ ਮਾਹਿਰ ਅਨੁਸਾਰ ਕੁਝ ਲੋਕਾਂ 'ਚ 'ਆਲ ਆਰ ਨਥਿੰਗ ਥਿੰਕਿੰਗ' ਯਾਨੀ ਸਭ ਕੁਝ ਜਾਂ ਕੁਝ ਵੀ ਨਹੀਂ ਵਰਗੀ ਮਾਨਸਿਕਤਾ ਵਿਕਸਿਤ ਹੋ ਜਾਂਦੀ ਹੈ। ਅਜਿਹੇ ਲੋਕ ਸਥਿਤੀਆਂ ਦਾ ਸੰਤੁਲਿਤ ਮੁਲਾਂਕਣ ਨਹੀਂ ਕਰ ਪਾਉਂਦੇ ਅਤੇ ਭਾਵਨਾਵਾਂ ਦੇ ਦਬਾਅ 'ਚ ਗਲਤ ਫੈਸਲੇ ਲੈ ਬੈਠਦੇ ਹਨ। ਡਾ. ਪੁਰੋਹਿਤ ਨੇ ਕਿਹਾ ਕਿ ਦੋਹਰੀ ਜ਼ਿੰਦਗੀ ਜਿਊਂਣ ਵਾਲੇ ਲੋਕਾਂ 'ਤੇ ਮਾਨਸਿਕ ਦਬਾਅ ਲਗਾਤਾਰ ਵਧ ਜਾਂਦਾ ਹੈ। ਜਦੋਂ ਉਨ੍ਹਾਂ ਲੱਗਦਾ ਹੈ ਕਿ ਸੱਚਾਈ ਸਾਹਮਣੇ ਆਉਣ ਨਾਲ ਪਰਿਵਾਰ ਸਮਾਜਿਕ ਸਥਿਤੀ ਜਾਂ ਭਵਿੱਖ ਦੀਆਂ ਯੋਜਨਾਵਾਂ ਪ੍ਰਭਾਵਿਤ ਹੋਣਗੀਆਂ, ਉਦੋਂ ਕੁਝ ਲੋਕ ਅਪਰਾਧ ਵਰਗਾ ਗੰਭੀਰ ਕਦਮ ਚੁੱਕ ਲੈਂਦੇ ਹਨ।
ਪਿਆਰ ਖੁਦ ਕਦੇ ਅਪਰਾਧ ਦੀ ਵਜ੍ਹਾ ਨਹੀਂ ਬਣਦਾ
ਪ੍ਰੇਮ ਸੰਬੰਧਾਂ 'ਚ ਹੋਣ ਵਾਲੇ ਜ਼ਿਆਦਾਤਰ ਗੰਭੀਰ ਅਪਰਾਧਾਂ ਦੇ ਪਿੱਛੇ ਚਾਰ ਮੁੱਖ ਕਾਰਨ ਸਾਹਮਣੇ ਆਉਂਦੇ ਹਨ, ਜਿਨ੍ਹਾਂ 'ਚ ਬ੍ਰੇਕਅੱਪ ਜਾਂ ਰਿਸ਼ਤੇ ਦਾ ਟੁੱਟਣਾ, ਕਿਸੇ ਤੀਜੇ ਵਿਅਕਤੀ ਦੀ ਐਂਟਰੀ, ਬੇਵਫਾਈ ਜਾਂ ਧੋਖਾ ਅਤੇ ਪ੍ਰੇਮ ਜਾਂ ਵਿਆਹ ਪ੍ਰਸਤਾਵ ਠੁਕਰਾਇਆ ਜਾਣਾ ਸ਼ਾਮਲ ਹੈ। ਉਨ੍ਹਾਂ ਸਪੱਸ਼ਟ ਕੀਤਾ ਕਿ ਪਿਆਰ ਖੁਦ ਕਦੇ ਅਪਰਾਧ ਦੀ ਵਜ੍ਹਾ ਨਹੀਂ ਬਣਦਾ। ਅਪਰਾਧ ਦੇ ਪਿੱਛੇ ਸਵਾਰਥ, ਕੰਟਰੋਲ ਕਰਨ ਦੀ ਭਾਵਨਾ, ਅਸੁਰੱਖਿਆ, ਗੁੱਸਾ, ਈਰਖਾ ਅਤੇ ਨਤੀਜਿਆਂ ਤੋਂ ਬਚਣ ਦੀ ਮਾਨਸਿਕਤਾ ਵਰਗੇ ਕਾਰਨ ਜ਼ਿਆਦਾ ਜ਼ਿੰਮੇਵਾਰ ਹੁੰਦੇ ਹਨ।
ਰਿਸ਼ਤਿਆਂ 'ਚ ਈਮਾਨਦਾਰ ਸੰਚਾਰ ਬਣਾਈ ਰੱਖੋ
ਉਨ੍ਹਾਂ ਕਿਹਾ ਕਿ ਹਰ ਰਿਸ਼ਤਾ ਸਫ਼ਲ ਨਹੀਂ ਹੁੰਦਾ ਅਤੇ ਹਰ ਪ੍ਰੇਮ ਕਹਾਣੀ ਵਿਆਹ ਤੱਕ ਨਹੀਂ ਪਹੁੰਚਦੀ ਪਰ ਕਿਸੇ ਵੀ ਰਿਸ਼ਤੇ ਦਾ ਅੰਤ ਹਿੰਸਾ ਅਤੇ ਕਤਲ ਦਾ ਕਾਰਨ ਨਹੀਂ ਬਣ ਸਕਦਾ। ਉਨ੍ਹਾਂ ਲੋਕਾਂ ਨੂੰ ਅਪੀਲ ਕੀਤੀ ਕਿ ਰਿਸ਼ਤਿਆਂ 'ਚ ਈਮਾਨਦਾਰ ਸੰਚਾਰ ਬਣਾਈ ਰੱਖੋ ਅਤੇ ਮਾਨਸਿਕ ਤਣਾਅ ਦੀ ਸਥਿਤੀ 'ਚ ਮਾਹਿਰਾਂ ਨਾਲ ਸਲਾਹ-ਮਸ਼ਵਰਾ ਲੈਣ ਤੋਂ ਨਾਲ ਝਿਜਕੋ। ਉਨ੍ਹਾਂ ਕਿਹਾ ਕਿ ਕਈ ਵਾਰ ਇਕ ਕਠਿਨ ਪਰ ਈਮਾਨਦਾਰ ਗੱਲਬਾਤ ਕਈ ਜ਼ਿੰਦਗੀਆਂ ਬਚਾ ਸਕਦੀ ਹੈ, ਜਦੋਂ ਕਿ ਭਾਵਨਾਵਾਂ 'ਚ ਕੀਤਾ ਗਿਆ ਇਕ ਗਲਤ ਫੈਸਲਾ ਪੂਰੇ ਪਰਿਵਾਰ ਨੂੰ ਹਮੇਸ਼ਾ ਲਈ ਬਰਬਾਦ ਕਰ ਸਕਦਾ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਮੋਦੀ ਲਈ ਮੈਕ੍ਰੋਂ ਦਾ ‘ਮੈਜਿਕ ਟੱਚ’
NEXT STORY 
