ਕੁਸ਼ੀਨਗਰ (ਉੱਤਰ ਪ੍ਰਦੇਸ਼) : ਉੱਤਰ ਪ੍ਰਦੇਸ਼ ਦੇ ਕੁਸ਼ੀਨਗਰ ਜ਼ਿਲ੍ਹੇ ਵਿੱਚ ਇੱਕ ਮਦਰੱਸੇ ਅੰਦਰ 'ਮੇਡ ਇਨ ਪਾਕਿਸਤਾਨ' (Made in Pakistan) ਲਿਖਿਆ ਪੱਖਾ ਮਿਲਣ ਤੋਂ ਬਾਅਦ ਇਲਾਕੇ 'ਚ ਹੜਕੰਪ ਮਚ ਗਿਆ ਹੈ। ਇਹ ਮਾਮਲਾ ਵਿਸ਼ੁਨਪੁਰਾ ਥਾਣਾ ਖੇਤਰ ਦੇ ਜੰਗਲ ਬਿਸ਼ੁਨਪੁਰਾ ਸਥਿਤ ਮਦਰੱਸਾ ਕਾਦਰੀਆ ਹਕੀਕਤੁਲ ਉਲੂਮ ਦਾ ਹੈ। ਪੁਲਸ ਨੇ ਇਸ ਮਾਮਲੇ ਦੀ ਗੰਭੀਰਤਾ ਨੂੰ ਦੇਖਦੇ ਹੋਏ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
ਕਿਵੇਂ ਹੋਇਆ ਖੁਲਾਸਾ?
ਇਸ ਘਟਨਾ ਦਾ ਖੁਲਾਸਾ ਉਸ ਸਮੇਂ ਹੋਇਆ ਜਦੋਂ ਮਦਰੱਸੇ ਦੇ ਮੌਲਵੀ ਪੱਖਾ ਠੀਕ ਕਰਵਾਉਣ ਲਈ ਇੱਕ ਸਥਾਨਕ ਮਕੈਨਿਕ ਦੀ ਦੁਕਾਨ 'ਤੇ ਲੈ ਕੇ ਗਏ। ਮਕੈਨਿਕ ਅਨੁਸਾਰ, ਮੌਲਵੀ ਦੋ ਪੱਖੇ ਅਤੇ ਇੱਕ ਮੋਟਰ ਮੁਰੰਮਤ ਲਈ ਲਿਆਏ ਸਨ, ਜਿਨ੍ਹਾਂ ਵਿੱਚੋਂ ਇੱਕ ਪੱਖੇ 'ਤੇ ਵਿਦੇਸ਼ੀ ਮਾਰਕਿੰਗ ਦੇ ਨਾਲ "Pakistan" ਲਿਖਿਆ ਹੋਇਆ ਸੀ। ਜਦੋਂ ਇਹ ਗੱਲ ਲੋਕਾਂ ਤੱਕ ਪਹੁੰਚੀ ਤਾਂ ਇਲਾਕੇ ਵਿੱਚ ਚਰਚਾ ਤੇਜ਼ ਹੋ ਗਈ ਅਤੇ ਪੱਖੇ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਗਈਆਂ।
ਮੌਲਵੀ ਦੀ ਸਫਾਈ
ਪੱਖਾ ਦੇਣ ਵਾਲੇ ਸ਼ਮਸੁਦੀਨ ਨੇ ਦੱਸਿਆ ਕਿ ਉਸ ਦੇ ਲੜਕੇ ਨੇ ਕੁਝ ਸਾਲ ਪਹਿਲਾਂ ਸਾਊਦੀ ਅਰਬ ਤੋਂ ਕੋਰੀਅਰ ਰਾਹੀਂ ਇਹ ਪੱਖਾ ਭੇਜਿਆ ਸੀ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਪੱਖਾ ਕਾਫੀ ਸਮੇਂ ਤੋਂ ਰੱਖਿਆ ਹੋਇਆ ਸੀ ਅਤੇ ਹੁਣ ਜਦੋਂ ਇਸ ਨੂੰ ਸਰਵਿਸਿੰਗ ਲਈ ਦੁਕਾਨ 'ਤੇ ਭੇਜਿਆ ਗਿਆ ਤਾਂ ਪਤਾ ਲੱਗਿਆ ਕਿ ਇਹ ਪਾਕਿਸਤਾਨ ਦਾ ਬਣਿਆ ਹੋਇਆ ਹੈ। ਸ਼ਮਸੁਦੀਨ ਅਨੁਸਾਰ ਉਨ੍ਹਾਂ ਨੂੰ ਇਸ ਬਾਰੇ ਪਹਿਲਾਂ ਕੋਈ ਜਾਣਕਾਰੀ ਨਹੀਂ ਸੀ।
ਪ੍ਰਸ਼ਾਸਨਿਕ ਕਾਰਵਾਈ ਦੀ ਮੰਗ
ਸੋਸ਼ਲ ਮੀਡੀਆ 'ਤੇ ਤਸਵੀਰਾਂ ਵਾਇਰਲ ਹੋਣ ਤੋਂ ਬਾਅਦ ਸਥਾਨਕ ਲੋਕਾਂ ਵੱਲੋਂ ਇਸ ਮਾਮਲੇ ਦੀ ਡੂੰਘਾਈ ਨਾਲ ਜਾਂਚ ਕਰਨ ਦੀ ਮੰਗ ਕੀਤੀ ਜਾ ਰਹੀ ਹੈ। ਲੋਕਾਂ ਵਿੱਚ ਇਹ ਸਵਾਲ ਉੱਠ ਰਿਹਾ ਹੈ ਕਿ ਪਾਕਿਸਤਾਨੀ ਪੱਖਾ ਮਦਰੱਸੇ ਤੱਕ ਕਿਵੇਂ ਪਹੁੰਚਿਆ। ਫਿਲਹਾਲ ਪੁਲਸ ਤੇ ਸਬੰਧਤ ਵਿਭਾਗ ਤੱਥਾਂ ਦਾ ਪਤਾ ਲਗਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਨਿੱਤ ਦੇ ਕਲੇਸ਼ ਤੋਂ ਅੱਕੇ ਬੰਦੇ ਨੇ ਕਰ'ਤਾ ਹੈਵਾਨਾਂ ਵਾਲਾ ਕਾਂਡ ! ਕੁਹਾੜੀ ਨਾਲ ਵੱਢ ਸੁੱਟੀ ਆਪਣੀ ਘਰਵਾਲੀ, ਧੀ ਤੇ ਪੁੱਤ
NEXT STORY 
