ਨਾਸਿਕ — ਮਹਾਰਾਸ਼ਟਰ ਦੇ ਨਾਸਿਕ ਸ਼ਹਿਰ 'ਚ ਅਸ਼ੋਕਾ ਪਿੱਲਰ ਦੇ ਨੇੜੇ ਸੰਘਣੀ ਆਬਾਦੀ ਵਾਲੇ ਇਲਾਕੇ 'ਚ ਇਕ ਪੁਰਾਣੀ ਹਵੇਲੀ ਮੰਗਲਵਾਰ ਨੂੰ ਅੱਗ ਲੱਗਣ ਕਾਰਨ ਸੜ ਕੇ ਸੁਆਹ ਹੋ ਗਈ। ਐਤਵਾਰ ਪੇਠ ਖੇਤਰ ਵਿੱਚ ਕੰਸਾਰਾ ਮੈਰਿਜ ਹਾਲ ਦੇ ਸਾਹਮਣੇ ਪੁਰਾਣੀ ਤਾਂਬਟ ਗਲੀ ਵਿੱਚ ਸਥਿਤ ਵਿੱਠਲ ਤਾਂਬਟ ਨਾਮਕ ਵਿਅਕਤੀ ਦੀ ਹਵੇਲੀ ਬਹੁਤ ਖਸਤਾ ਹਾਲਤ ਵਿੱਚ ਸੀ ਅਤੇ ਵੱਡੀ ਮਾਤਰਾ ਵਿੱਚ ਸਾਗਵਾਨ ਦੀ ਲੱਕੜ ਦੀ ਵਰਤੋਂ ਕਰਕੇ ਬਣਾਈ ਗਈ ਸੀ।
ਫਾਇਰ ਬ੍ਰਿਗੇਡ ਦੇ ਅਧਿਕਾਰੀ ਨੇ ਦੱਸਿਆ ਕਿ ਹਵੇਲੀ 'ਚ ਸਵੇਰੇ ਸਾਢੇ ਪੰਜ ਵਜੇ ਅੱਗ ਲੱਗ ਗਈ | ਹਾਲਾਂਕਿ, ਇਸ ਹਵੇਲੀ ਵਿੱਚ ਕੋਈ ਨਹੀਂ ਰਹਿੰਦਾ ਸੀ ਇਸ ਲਈ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ। ਜਦੋਂ ਹਵੇਲੀ ਵਿੱਚ ਅੱਗ ਲੱਗੀ ਤਾਂ ਗੁਆਂਢੀਆਂ ਨੇ ਇਸ ਘਟਨਾ ਦੀ ਸੂਚਨਾ ਪੰਚਵਟੀ ਫਾਇਰ ਬ੍ਰਿਗੇਡ ਨੂੰ ਦਿੱਤੀ। ਵਿਭਾਗ ਨੇ ਤੁਰੰਤ ਫਾਇਰ ਬ੍ਰਿਗੇਡ ਦੀਆਂ ਤਿੰਨ ਗੱਡੀਆਂ ਨੂੰ ਮੌਕੇ 'ਤੇ ਭੇਜਿਆ ਅਤੇ ਨਾਲ ਲੱਗਦੇ ਮਕਾਨ 'ਚ ਰਹਿੰਦੇ ਪੰਜ ਤੋਂ ਛੇ ਪਰਿਵਾਰਾਂ ਨੂੰ ਸੁਰੱਖਿਅਤ ਬਾਹਰ ਕੱਢ ਲਿਆ। ਫਾਇਰ ਬ੍ਰਿਗੇਡ ਦੇ ਮੁਲਾਜ਼ਮਾਂ ਨੇ ਢਾਈ ਘੰਟੇ ਦੀ ਮੁਸ਼ੱਕਤ ਤੋਂ ਬਾਅਦ ਅੱਗ 'ਤੇ ਕਾਬੂ ਪਾਇਆ। ਅਧਿਕਾਰੀ ਨੇ ਦੱਸਿਆ ਕਿ ਅੱਗ ਲੱਗਣ ਦੇ ਸਹੀ ਕਾਰਨਾਂ ਦਾ ਅਜੇ ਪਤਾ ਨਹੀਂ ਲੱਗ ਸਕਿਆ ਹੈ।
ਬੇਵੱਸ ਹਾਲਤ 'ਚ ਸਚਿਨ ਤੇਂਦੁਲਕਰ ਦਾ ਜਿਗਰੀ ਯਾਰ, ਕੁਰਸੀ ਤੋਂ ਉੱਠਣਾ ਵੀ ਹੋਇਆ ਮੁਸ਼ਕਲ (ਵੇਖੋ Video)
NEXT STORY 
