ਜਲੰਧਰ ਡੈਸਕ: ਮਈ ਦਾ ਮਹੀਨਾ ਗ੍ਰਹਿਆਂ ਦੀ ਚਾਲ ਦੇ ਲਿਹਾਜ਼ ਨਾਲ ਕਾਫੀ ਅਹਿਮ ਰਹਿਣ ਵਾਲਾ ਹੈ। 11 ਮਈ ਨੂੰ ਮੰਗਲ ਮੇਖ ਰਾਸ਼ੀ ਵਿਚ ਗੋਚਰ ਕਰੇਗਾ, ਜਦਕਿ 14 ਮਈ ਨੂੰ ਸ਼ੁੱਕਰ ਮਿਥੁਨ ਰਾਸ਼ੀ ਵਿਚ ਗੋਚਰ ਕਰ ਕੇ ਗੁਰੂ ਨਾਲ ਯੁਤੀ ਬਣਾਏਗਾ। ਇਸ ਤੋਂ ਬਾਅਦ 15 ਮਈ ਨੂੰ ਬੁੱਧ ਤੇ ਸੂਰਜ ਸੋਨੋ ਗ੍ਰਹਿ ਬ੍ਰਿਖ ਰਾਸ਼ੀ ਵਿਚ ਗੋਚਰ ਕਰਨਗੇ, ਜਦਕਿ 17 ਮਈ ਨੂੰ ਸ਼ਨੀ ਆਪਣੇ ਉੱਤਰ ਭਾਦਰਪਦ ਨਛੱਤਰ ਵਿਚੋਂ ਨਿਕਲ ਕੇ ਬੁੱਧ ਦੇ ਰੇਵਤੀ ਨਛੱਤਰ ਵਿਚ ਗੋਚਰ ਕਰੇਗਾ। ਮਹੀਨੇ ਦੇ ਆਖਰੀ ਹਫ਼ਤੇ ’ਚ 29 ਮਈ ਨੂੰ ਮਿਥੁਨ ਰਾਸ਼ੀ ਵਿਚ ਗੁਰੂ, ਬੁੱਧ ਤੇ ਸ਼ੁੱਕਰ ਦਾ ਤ੍ਰਿਗ੍ਰਹੀ ਯੋਗ ਬਣੇਗਾ ਅਤੇ ਤਿੰਨੋਂ ਪਾਜ਼ੇਟਿਵ ਗ੍ਰਹਿ ਇਕੱਠੇ ਆ ਕੇ ਵਿਸ਼ਵ ਪੱਧਰ ’ਤੇ ਬਹੁਤ ਵੱਡੀ ਰਾਹਤ ਦੇਣ ਦਾ ਕੰਮ ਕਰਨਗੇ। ਗ੍ਰਹਿਆਂ ਦੇ ਇਸ ਗੋਚਰ ਦਾ ਤੁਹਾਡੇ ਲਗਨ ’ਤੇ ਹੇਠ ਅਨੁਸਾਰ ਅਸਰ ਪਵੇਗਾ–
ਇਹ ਵੀ ਪੜ੍ਹੋ - Rain Alert: ਅਗਲੇ 3 ਦਿਨ ਅਹਿਮ! ਕਈ ਸੂਬਿਆਂ 'ਚ ਤੇਜ਼ ਹਨ੍ਹੇਰੀ-ਝੱਖੜ ਦੇ ਨਾਲ-ਨਾਲ ਪਵੇਗਾ ਮੀਂਹ
ਮੇਖ :
ਮੇਖ ਲਗਨ ਦੇ ਜਾਤਕਾਂ ਲਈ 12 ਮਈ ਨੂੰ ਮੰਗਲ ਆਪਣੀ ਹੀ ਰਾਸ਼ੀ ਵਿਚ ਪ੍ਰਵੇਸ਼ ਕਰੇਗਾ, ਜਿਸ ਨਾਲ ਆਤਮਵਿਸ਼ਵਾਸ, ਅਗਵਾਈ ਕਰਨ ਦੀ ਸਮਰੱਥਾ ਅਤੇ ਦਲੇਰਾਨਾ ਫੈਸਲੇ ਲੈਣ ਦੀ ਸ਼ਕਤੀ ਵਧੇਗੀ। ਹਾਲਾਂਕਿ ਸੂਰਜ-ਮੰਗਲ-ਬੁੱਧ ਦਾ ਸੰਜੋਗ ਥੋੜ੍ਹੇ ਸਮੇਂ ਲਈ ਹੰਕਾਰ ਤੇ ਟਕਰਾਅ ਪੈਦਾ ਕਰ ਸਕਦਾ ਹੈ। ਮਿਥੁਨ ਰਾਸ਼ੀ ਵਿਚ ਸ਼ੁੱਕਰ, ਬੁੱਧ ਤੇ ਗੁਰੂ ਸੰਚਾਰ, ਨੈੱਟਵਰਕਿੰਗ, ਸਿੱਖਣ ਅਤੇ ਵਪਾਰ ਵਿਚ ਵਾਧੇ ਦੇ ਮਜ਼ਬੂਤ ਮੌਕੇ ਦੇਣਗੇ। ਇਸ ਦੇ ਨਾਲ ਹੀ ਭੈਣ-ਭਰਾਵਾਂ ਤੇ ਗੁਆਂਢੀਆਂ ਨਾਲ ਸਬੰਧ ਬਿਹਤਰ ਬਣਨਗੇ, ਕਿਸਮਤ ਦਾ ਸਾਥ ਮਿਲੇਗਾ ਅਤੇ ਛੋਟੀਆਂ ਯਾਤਰਾਵਾਂ ਦੇ ਯੋਗ ਬਣਨਗੇ।
ਬ੍ਰਿਖ :
ਬ੍ਰਿਖ ਲਗਨ ਦੇ ਜਾਤਕਾਂ ਲਈ 12 ਮਈ ਤੋਂ ਬਾਅਦ ਬਾਰ੍ਹਵੇਂ ਭਾਵ ਦਾ ਮੰਗਲ ਖਰਚੇ ਤੇ ਬੇਚੈਨੀ ਵਧਾ ਸਕਦਾ ਹੈ। 14 ਮਈ ਤੋਂ ਸ਼ੁੱਕਰ ਦਾ ਗੁਰੂ ਦੇ ਨਾਲ ਦੂਜੇ ਭਾਵ ਵਿਚ ਆਉਣਾ ਪਰਿਵਾਰਕ ਸੁਖ, ਉਤਸਵ ਤੇ ਆਰਥਿਕ ਵਾਧਾ ਕਰੇਗਾ, ਜਿਸ ਨਾਲ ਗਹਿਣੇ ਖਰੀਦਣ ਅਤੇ ਧਨ ਇਕੱਠਾ ਕਰਨ ਲਈ ਚੰਗਾ ਸਮਾਂ ਬਣੇਗਾ। 15 ਮਈ ਤੋਂ ਸੂਰਜ ਤੇ ਬੁੱਧ ਲਗਨ ਵਿਚ ਆ ਕੇ ਆਤਮਵਿਸ਼ਵਾਸ ਅਤੇ ਫੈਸਲੇ ਲੈਣ ਦੀ ਸਮਰੱਥਾ ’ਚ ਵਾਧਾ ਕਰਨਗੇ। ਮਹੀਨੇ ਦੇ ਅਖੀਰ ਤੱਕ ਦੂਜੇ ਭਾਵ ਵਿਚ ਤਿੰਨ ਸ਼ੁੱਭ ਗ੍ਰਹਿ ਲਾਭ ਦੇਣਗੇ, ਜਿਸ ਵਿਚ ਸ਼ੇਅਰ ਬਾਜ਼ਾਰ ਤੋਂ ਵੀ ਲਾਭ ਸੰਭਵ ਹੈ।
ਇਹ ਵੀ ਪੜ੍ਹੋ - ਗਰਮੀ ਦੀਆਂ ਛੁੱਟੀਆਂ ਦਾ ਹੋਇਆ ਐਲਾਨ, ਬੰਦ ਰਹਿਣਗੇ ਸਕੂਲ, ਭੋਪਾਲ ਪ੍ਰਸ਼ਾਸਨ ਨੇ ਲਿਆ ਫੈਸਲਾ
ਮਿਥੁਨ :
ਮਿਥੁਨ ਲਗਨ ਦੇ ਜਾਤਕਾਂ ਲਈ 12 ਮਈ ਨੂੰ ਮੰਗਲ 11ਵੇਂ ਭਾਵ ਵਿਚ ਆ ਕੇ ਲਾਭ, ਮਜ਼ਬੂਤ ਨੈੱਟਵਰਕ ਅਤੇ ਇੱਛਾਵਾਂ ਦੀ ਪੂਰਤੀ ਕਰਵਾਏਗਾ। 14 ਮਈ ਤੋਂ ਸ਼ੁੱਕਰ ਗੁਰੂ ਦੇ ਨਾਲ ਲਗਨ ਵਿਚ ਆ ਕੇ ਆਕਰਸ਼ਣ, ਆਤਮਵਿਸ਼ਵਾਸ ਤੇ ਸਕਾਰਾਤਮਕਤਾ ਵਧਾਏਗਾ। 15 ਮਈ ਨੂੰ ਸੂਰਜ ਤੇ ਬੁੱਧ 12ਵੇਂ ਭਾਵ ਵਿਚ ਜਾ ਕੇ ਕੁਝ ਖਰਚੇ, ਵਿਦੇਸ਼ ਨਾਲ ਸਬੰਧ ਜਾਂ ਆਤਮ-ਚਿੰਤਨ ਲਿਆ ਸਕਦੇ ਹਨ। ਮਹੀਨੇ ਦੇ ਦੂਜੇ ਹਿੱਸੇ ਵਿਚ ਬੁੱਧ, ਸ਼ੁੱਕਰ ਤੇ ਗੁਰੂ ਦਾ ਲਗਨ ਵਿਚ ਸ਼ਕਤੀਸ਼ਾਲੀ ਯੋਗ ਬਣੇਗਾ। ਇਹ ਵਿਆਹ, ਰਿਸ਼ਤਿਆਂ ਤੇ ਵਪਾਰਕ ਭਾਈਵਾਲੀ ਲਈ ਬਹੁਤ ਵਧੀਆ ਸਮਾਂ ਹੈ।
ਕਰਕ :
ਕਰਕ ਲਗਨ ਦੇ ਜਾਤਕਾਂ ਲਈ ਮਈ ਦੀ ਸ਼ੁਰੂਆਤ ਵਿਚ ਮੰਗਲ, ਸੂਰਜ ਤੇ ਬੁੱਧ 10ਵੇਂ ਭਾਵ ਨੂੰ ਸਰਗਰਮ ਕਰਨਗੇ, ਜਿਸ ਨਾਲ ਕਰੀਅਰ ’ਤੇ ਫੋਕਸ, ਵੱਡੀਆਂ ਇੱਛਾਵਾਂ ਪੂਰੀਆਂ ਕਰਨ ਅਤੇ ਅਗਵਾਈ ਦੇ ਮੌਕੇ ਮਿਲਣਗੇ, ਹਾਲਾਂਕਿ ਥੋੜ੍ਹਾ ਦਬਾਅ ਵੀ ਰਹੇਗਾ। ਮਹੀਨੇ ਦੇ ਵਿਚਕਾਰ ਸੂਰਜ ਤੇ ਬੁੱਧ 11ਵੇਂ ਭਾਵ ਵਿਚ ਜਾ ਕੇ ਲਾਭ ਤੇ ਨੈੱਟਵਰਕਿੰਗ ਵਧਾਉਣਗੇ। 12ਵੇਂ ਭਾਵ ਵਿਚ ਸ਼ੁੱਕਰ ਖਰਚਾ ਵਧਾ ਸਕਦਾ ਹੈ ਪਰ ਆਰਾਮ, ਯਾਤਰਾ ਅਤੇ ਵਿਦੇਸ਼ ਨਾਲ ਜੁੜੇ ਲਾਭ ਵੀ ਦੇਵੇਗਾ। ਮਹੀਨੇ ਦੇ ਅਖੀਰ ਤੱਕ ਗੁਰੂ, ਸ਼ੁੱਕਰ ਤੇ ਬੁੱਧ ਦਾ 12ਵੇਂ ਭਾਵ ਵਿਚ ਯੋਗ ਅਧਿਆਤਮਕ ਵਿਕਾਸ, ਵਿਦੇਸ਼ੀ ਲਾਭ ਤੇ ਸ਼ਾਂਤੀ ਦੇਵੇਗਾ।
ਇਹ ਵੀ ਪੜ੍ਹੋ - ਹੁਣ ₹5,000 ਦੀ ਥਾਂ ਮਿਲੇਗੀ ₹10,000 ਪੈਨਸ਼ਨ! ਮੋਦੀ ਸਰਕਾਰ ਦਾ ਵੱਡਾ ਤੋਹਫ਼ਾ
ਸਿੰਘ :
ਸਿੰਘ ਲਗਨ ਦੇ ਜਾਤਕਾਂ ਲਈ ਮਈ ਦੀ ਸ਼ੁਰੂਆਤ ਵਿਚ ਮੰਗਲ 9ਵੇਂ ਭਾਵ ਵਿਚ ਹੋ ਕੇ ਕਿਸਮਤ, ਆਤਮਵਿਸ਼ਵਾਸ ਤੇ ਸਹਿਯੋਗ ਵਧਾਏਗਾ। 14 ਮਈ ਤੋਂ ਸ਼ੁੱਕਰ 11ਵੇਂ ਭਾਵ ਵਿਚ ਗੁਰੂ ਦੇ ਨਾਲ ਆ ਕੇ ਲਾਭ ਤੇ ਸਮਾਜਿਕ ਦਾਇਰੇ ਦਾ ਵਿਸਤਾਰ ਕਰੇਗਾ। 15 ਮਈ ਨੂੰ ਸੂਰਜ ਤੇ ਬੁੱਧ 10ਵੇਂ ਭਾਵ ਵਿਚ ਜਾ ਕੇ ਕਰੀਅਰ ਵਿਚ ਤਰੱਕੀ ਤੇ ਪਛਾਣ ਵਧਾਉਣਗੇ। ਮਹੀਨੇ ਦੇ ਅਖੀਰ ਤੱਕ 11ਵੇਂ ਭਾਵ ਵਿਚ ਗੁਰੂ, ਸ਼ੁੱਕਰ ਤੇ ਬੁੱਧ ਦਾ ਯੋਗ ਆਰਥਿਕ ਲਾਭ, ਨੈੱਟਵਰਕ ਤੋਂ ਫਾਇਦਾ, ਸ਼ੇਅਰ ਬਾਜ਼ਾਰ ਵਿਚ ਸਫਲਤਾ, ਸੰਤਾਨ ਨਾਲ ਜੁੜੀ ਖੁਸ਼ਖਬਰੀ ਅਤੇ ਸੰਤਾਨ ਪ੍ਰਾਪਤੀ ਦੇ ਯੋਗ ਬਣਾ ਸਕਦਾ ਹੈ।
ਕੰਨਿਆ :
ਕੰਨਿਆ ਲਗਨ ਦੇ ਜਾਤਕਾਂ ਲਈ 12 ਮਈ ਤੋਂ ਮੰਗਲ 8ਵੇਂ ਭਾਵ ਵਿਚ ਆ ਕੇ ਅਚਾਨਕ ਬਦਲਾਅ ਤੇ ਤਣਾਅ ਦੇ ਸਕਦਾ ਹੈ, ਇਸ ਲਈ ਸਬਰ ਰੱਖਣਾ ਜ਼ਰੂਰੀ ਹੈ। 14 ਮਈ ਤੋਂ ਸ਼ੁੱਕਰ 10ਵੇਂ ਭਾਵ ਵਿਚ ਗੁਰੂ ਦੇ ਨਾਲ ਆ ਕੇ ਕਰੀਅਰ ਵਿਚ ਵਾਧਾ ਤੇ ਪਛਾਣ ਦੇਵੇਗਾ। 15 ਮਈ ਨੂੰ ਸੂਰਜ ਤੇ ਬੁੱਧ 9ਵੇਂ ਭਾਵ ਵਿਚ ਜਾ ਕੇ ਕਿਸਮਤ, ਯਾਤਰਾ ਤੇ ਉੱਚ ਸਿੱਖਿਆ ਦੇ ਮੌਕੇ ਦੇਣਗੇ। ਮਹੀਨੇ ਦੇ ਅਖੀਰ ਤੱਕ 10ਵੇਂ ਭਾਵ ਵਿਚ ਬੁੱਧ, ਸ਼ੁੱਕਰ ਤੇ ਗੁਰੂ ਦਾ ਯੋਗ ਪ੍ਰਮੋਸ਼ਨ, ਕਰੀਅਰ ਗ੍ਰੋਥ ਤੇ ਬਿਜ਼ਨੈੱਸ ਦੇ ਵਿਸਤਾਰ ਲਈ ਬਹੁਤ ਵਧੀਆ ਰਹੇਗਾ।
ਇਹ ਵੀ ਪੜ੍ਹੋ - ਪੈਟਰੋਲ ਪੰਪਾਂ 'ਤੇ ਬਦਲੇ ਨਿਯਮ, ਹੁਣ ਇਨ੍ਹਾਂ ਵਾਹਨਾਂ ਨੂੰ ਨਹੀਂ ਮਿਲੇਗਾ ਤੇਲ, ਸਰਕਾਰ ਦਾ ਸਖ਼ਤ ਫ਼ੈਸਲਾ
ਤੁਲਾ :
ਤੁਲਾ ਲਗਨ ਦੇ ਜਾਤਕਾਂ ਲਈ 12 ਮਈ ਨੂੰ ਮੰਗਲ 7ਵੇਂ ਭਾਵ ਵਿਚ ਆ ਕੇ ਸੂਰਜ ਤੇ ਬੁੱਧ ਦੇ ਨਾਲ ਮਿਲ ਕੇ ਰਿਸ਼ਤਿਆਂ ਵਿਚ ਤਣਾਅ ਤੇ ਹੰਕਾਰ ਦਾ ਟਕਰਾਅ ਲਿਆ ਸਕਦਾ ਹੈ। 14 ਮਈ ਤੋਂ ਸ਼ੁੱਕਰ 9ਵੇਂ ਭਾਵ ਵਿਚ ਗੁਰੂ ਦੇ ਨਾਲ ਆ ਕੇ ਕਿਸਮਤ, ਗੁਰੂ ਕਿਰਪਾ ਅਤੇ ਯਾਤਰਾ ਦੇ ਮੌਕੇ ਦੇਵੇਗਾ। 15 ਮਈ ਨੂੰ ਸੂਰਜ ਤੇ ਬੁੱਧ 8ਵੇਂ ਭਾਵ ਵਿਚ ਜਾ ਕੇ ਅਚਾਨਕ ਬਦਲਾਅ ਤੇ ਆਤਮ-ਚਿੰਤਨ ਲਿਆ ਸਕਦੇ ਹਨ। ਮਹੀਨੇ ਦੇ ਅਖੀਰ ’ਚ 9ਵੇਂ ਭਾਵ ਵਿਚ ਬੁੱਧ, ਸ਼ੁੱਕਰ ਤੇ ਗੁਰੂ ਦਾ ਯੋਗ ਰਾਹਤ, ਵਾਧਾ ਅਤੇ ਕਿਸਮਤ ਦਾ ਸਾਥ ਦੇਵੇਗਾ। ਰੇਵਤੀ ਨਛੱਤਰ ਦਾ ਸ਼ਨੀ ਅਨੁਸ਼ਾਸਨ ਤੇ ਸਥਿਰਤਾ ਲਿਆਵੇਗਾ।
ਬ੍ਰਿਸ਼ਚਕ :
ਬ੍ਰਿਸ਼ਚਕ ਲਗਨ ਦੇ ਜਾਤਕਾਂ ਲਈ 12 ਮਈ ਤੋਂ ਮੰਗਲ 6ਵੇਂ ਭਾਵ ਵਿਚ ਆ ਕੇ ਦੁਸ਼ਮਣਾਂ ’ਤੇ ਜਿੱਤ ਅਤੇ ਮੁਕਾਬਲਿਆਂ ਵਿਚ ਸਫਲਤਾ ਦੇਵੇਗਾ, ਹਾਲਾਂਕਿ ਕੰਮ ਦਾ ਦਬਾਅ ਤੇ ਟਕਰਾਅ ਹੋ ਸਕਦੇ ਹਨ। 14 ਮਈ ਤੋਂ ਸ਼ੁੱਕਰ 8ਵੇਂ ਭਾਵ ਵਿਚ ਅਚਾਨਕ ਧਨ ਲਾਭ ਦੇਵੇਗਾ। 15 ਮਈ ਨੂੰ ਸੂਰਜ ਤੇ ਬੁੱਧ 7ਵੇਂ ਭਾਵ ਵਿਚ ਜਾ ਕੇ ਰਿਸ਼ਤਿਆਂ ਤੇ ਭਾਈਵਾਲੀ ’ਤੇ ਫੋਕਸ ਲਿਆਉਣਗੇ। ਮਹੀਨੇ ਦੇ ਅਖੀਰ ’ਚ 8ਵੇਂ ਭਾਵ ਵਿਚ ਬੁੱਧ, ਸ਼ੁੱਕਰ ਤੇ ਗੁਰੂ ਦਾ ਯੋਗ ਗੁਪਤ ਲਾਭ ਅਤੇ ਖੋਜ ਵਿਚ ਸਫਲਤਾ ਦੇਵੇਗਾ। 5ਵੇਂ ਭਾਵ ਵਿਚ ਸ਼ਨੀ ਪ੍ਰੇਮ ਤੇ ਸੰਤਾਨ ਨਾਲ ਜੁੜੇ ਮਾਮਲਿਆਂ ਵਿਚ ਗੰਭੀਰਤਾ ਲਿਆਵੇਗਾ।
ਧਨ :
ਧਨ ਲਗਨ ਦੇ ਜਾਤਕਾਂ ਲਈ 12 ਮਈ ਤੋਂ ਮੰਗਲ 5ਵੇਂ ਭਾਵ ਵਿਚ ਗੋਚਰ ਕਰਦੇ ਹੋਏ ਰਚਨਾਤਮਕਤਾ, ਆਤਮਵਿਸ਼ਵਾਸ ਅਤੇ ਸਿੱਖਿਆ ਵਿਚ ਫੋਕਸ ਵਧਾਏਗਾ ਪਰ ਕਾਹਲੀ ਤੋਂ ਬਚਣਾ ਹੋਵੇਗਾ। 14 ਮਈ ਤੋਂ ਸ਼ੁੱਕਰ 7ਵੇਂ ਭਾਵ ਵਿਚ ਗੁਰੂ ਦੇ ਨਾਲ ਆ ਕੇ ਰਿਸ਼ਤਿਆਂ ਤੇ ਵਿਆਹ ਦੇ ਯੋਗ ਬਣਾਏਗਾ। 15 ਮਈ ਨੂੰ ਸੂਰਜ ਤੇ ਬੁੱਧ 6ਵੇਂ ਭਾਵ ਵਿਚ ਜਾ ਕੇ ਮੁਕਾਬਲੇਬਾਜ਼ੀ ਵਿਚ ਸਫਲਤਾ ਦੇਣਗੇ। ਮਹੀਨੇ ਦੇ ਅਖੀਰ ’ਚ 7ਵੇਂ ਭਾਵ ਵਿਚ ਬੁੱਧ, ਸ਼ੁੱਕਰ ਤੇ ਗੁਰੂ ਦਾ ਯੋਗ ਵਿਆਹ, ਭਾਈਵਾਲੀ ਅਤੇ ਬਿਜ਼ਨੈੱਸ ਲਈ ਬਹੁਤ ਸ਼ੁੱਭ ਰਹੇਗਾ। ਚੌਥੇ ਭਾਵ ਵਿਚ ਸ਼ਨੀ ਜ਼ਿੰਮੇਵਾਰੀ ਤੇ ਸਥਿਰਤਾ ਲਿਆਵੇਗਾ।
ਇਹ ਵੀ ਪੜ੍ਹੋ - ਸੱਸ ਦੀ ਸੇਵਾ ਨਾ ਕੀਤੀ ਤਾਂ ਜਾਵੇਗੀ ਨੌਕਰੀ, ਹਾਈਕਰੋਟ ਦਾ ਵੱਡਾ ਫੈਸਲਾ
ਮਕਰ :
ਮਕਰ ਲਗਨ ਦੇ ਜਾਤਕਾਂ ਲਈ 12 ਮਈ ਤੋਂ ਮੰਗਲ ਚੌਥੇ ਭਾਵ ਵਿਚ ਘਰ ਤੇ ਜਾਇਦਾਦ ਦੇ ਮਾਮਲਿਆਂ ਵਿਚ ਸਰਗਰਮੀ ਲਿਆਵੇਗਾ। 14 ਮਈ ਤੋਂ ਸ਼ੁੱਕਰ 6ਵੇਂ ਭਾਵ ਵਿਚ ਗੁਰੂ ਦੇ ਨਾਲ ਆ ਕੇ ਕੰਮ ਦੇ ਮਾਹੌਲ ਨੂੰ ਬਿਹਤਰ ਕਰੇਗਾ ਅਤੇ ਦੁਸ਼ਮਣਾਂ ’ਤੇ ਜਿੱਤ ਦਿਵਾਏਗਾ। 15 ਮਈ ਨੂੰ ਸੂਰਜ ਤੇ ਬੁੱਧ 5ਵੇਂ ਭਾਵ ਵਿਚ ਆ ਕੇ ਰਚਨਾਤਮਕਤਾ ਅਤੇ ਫੈਸਲਾ ਲੈਣ ਦੀ ਸਮਰੱਥਾ ਵਧਾਉਣਗੇ। ਮਹੀਨੇ ਦੇ ਅਖੀਰ ’ਚ 6ਵੇਂ ਭਾਵ ਵਿਚ ਬੁੱਧ, ਸ਼ੁੱਕਰ ਤੇ ਗੁਰੂ ਦਾ ਯੋਗ ਕੰਮ ਵਾਲੀ ਥਾਂ ’ਤੇ ਸੁਧਾਰ ਅਤੇ ਵਿਦੇਸ਼ੀ ਸੰਪਰਕ ਕਰਵਾਏਗਾ। ਤੀਜੇ ਭਾਵ ਵਿਚ ਸ਼ਨੀ ਮਿਹਨਤ ਤੇ ਯਤਨਾਂ ਨਾਲ ਸਫਲਤਾ ਦਿਵਾਏਗਾ।
ਕੁੰਭ :
ਕੁੰਭ ਲਗਨ ਦੇ ਜਾਤਕਾਂ ਲਈ 12 ਮਈ ਤੋਂ ਮੰਗਲ ਤੀਜੇ ਭਾਵ ਵਿਚ ਆ ਕੇ ਹਿੰਮਤ ਤੇ ਯਤਨ ਵਧਾਏਗਾ, ਹਾਲਾਂਕਿ ਥੋੜ੍ਹੀ ਬੇਚੈਨੀ ਹੋ ਸਕਦੀ ਹੈ। 15 ਮਈ ਤੋਂ ਸੂਰਜ ਤੇ ਬੁੱਧ ਚੌਥੇ ਭਾਵ ਵਿਚ ਆ ਕੇ ਘਰ ਤੇ ਭਾਵਨਾਤਮਕ ਸਥਿਰਤਾ ’ਤੇ ਧਿਆਨ ਦੇਣਗੇ। 5ਵੇਂ ਭਾਵ ਵਿਚ ਸ਼ੁੱਕਰ ਤੇ ਗੁਰੂ ਦਾ ਯੋਗ ਅਤੇ ਬਾਅਦ ਵਿਚ ਬੁੱਧ ਦੇ ਨਾਲ ਮਿਲ ਕੇ ਸਿੱਖਿਆ, ਪ੍ਰੇਮ, ਸੰਤਾਨ ਤੇ ਨਿਵੇਸ਼ ਵਿਚ ਲਾਭ ਦੇਵੇਗਾ ਅਤੇ 11ਵੇਂ ਭਾਵ ’ਤੇ ਦ੍ਰਿਸ਼ਟੀ ਪਾ ਕੇ ਆਰਥਿਕ ਲਾਭ ਦਿਵਾਏਗਾ। ਕੁੱਲ ਮਿਲਾ ਕੇ ਮਹੀਨੇ ਦਾ ਦੂਜਾ ਹਿੱਸਾ ਵਧੇਰੇ ਲਾਭਕਾਰੀ ਰਹੇਗਾ।
ਮੀਨ :
ਮੀਨ ਲਗਨ ਦੇ ਜਾਤਕਾਂ ਲਈ ਮਹੀਨੇ ਦੀ ਸ਼ੁਰੂਆਤ ਵਿਚ ਮੰਗਲ, ਸੂਰਜ ਤੇ ਬੁੱਧ ਦੂਜੇ ਭਾਵ ਵਿਚ ਗੋਚਰ ਕਰਦੇ ਹੋਏ ਧਨ ਅਤੇ ਪਰਿਵਾਰ ’ਤੇ ਫੋਕਸ ਦੇਣਗੇ ਪਰ ਬੋਲਚਾਲ ਵਿਚ ਸਾਵਧਾਨੀ ਰੱਖੋ। 15 ਮਈ ਤੋਂ ਸੂਰਜ ਤੇ ਬੁੱਧ ਤੀਜੇ ਭਾਵ ਵਿਚ ਆ ਕੇ ਆਤਮਵਿਸ਼ਵਾਸ ਤੇ ਯਤਨ ਵਧਾਉਣਗੇ। 14 ਮਈ ਤੋਂ ਸ਼ੁੱਕਰ ਚੌਥੇ ਭਾਵ ਵਿਚ ਗੁਰੂ ਦੇ ਨਾਲ ਆ ਕੇ ਘਰ, ਸੁਖ ਤੇ ਜਾਇਦਾਦ ਲਈ ਚੰਗਾ ਸਮਾਂ ਦੇਵੇਗਾ। ਲਗਨ ਵਿਚ ਸ਼ਨੀ ਪਰਿਪੱਕਤਾ ਤੇ ਅਨੁਸ਼ਾਸਨ ਲਿਆਵੇਗਾ। ਕੁੱਲ ਮਿਲਾ ਕੇ ਇਹ ਮਹੀਨਾ ਵਿੱਤੀ ਜਾਗਰੂਕਤਾ ਅਤੇ ਜੀਵਨ ਵਿਚ ਸੰਤੁਲਿਤ ਤਰੱਕੀ ਦੇਵੇਗਾ।
ਗੌਰੀ ਜੈਨ (ਸੋਨੀਲਾ)
ਜੋਤਿਸ਼ੀ ਤੇ ਵਾਸਤੂ ਸਲਾਹਕਾਰ
ਇਹ ਵੀ ਪੜ੍ਹੋ - ਕੱਲ ਤੋਂ ਬਦਲੇਗਾ ਮੌਸਮ! ਅਗਲੇ 5 ਦਿਨ ਇਨ੍ਹਾਂ ਸੂਬਿਆਂ 'ਚ ਹਨ੍ਹੇਰੀ-ਤੂਫਾਨ ਦੇ ਨਾਲ-ਨਾਲ ਪਵੇਗਾ ਭਾਰੀ ਮੀਂਹ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
Rain Alert: ਅਗਲੇ 3 ਦਿਨ ਅਹਿਮ! ਕਈ ਸੂਬਿਆਂ 'ਚ ਤੇਜ਼ ਹਨ੍ਹੇਰੀ-ਝੱਖੜ ਦੇ ਨਾਲ-ਨਾਲ ਪਵੇਗਾ ਮੀਂਹ
NEXT STORY 
